Matthew 16:27 in Algonquin 27 Aa8e mega Ka pi Anicinabe8iidizodj kada pi tag8icin kigi odajeniman, e 8abadai8edj Odadaman odicpendagozi8ini. Oga kijika8an dac pepejig a8ian kagi iji kackitamadizondjin adi ka pi inadizindjin.
Other Translations King James Version (KJV) For the Son of man shall come in the glory of his Father with his angels; and then he shall reward every man according to his works.
American Standard Version (ASV) For the Son of man shall come in the glory of his Father with his angels; and then shall he render unto every man according to his deeds.
Bible in Basic English (BBE) For the Son of man will come in the glory of his Father with his angels; and then he will give to every man the reward of his works.
Darby English Bible (DBY) For the Son of man is about to come in the glory of his Father with his angels, and then he will render to each according to his doings.
World English Bible (WEB) For the Son of Man will come in the glory of his Father with his angels, and then he will render to everyone according to his deeds.
Young's Literal Translation (YLT) `For, the Son of Man is about to come in the glory of his Father, with his messengers, and then he will reward each, according to his work.
Cross Reference Matthew 8:20 in Algonquin 20 Jesos dac ogi inan: “8agocag o8aji8ag acitc pinecijag o8asasoni8ag, pekic dac nin, Ka pi Anicinabe8iidizodj, ka8in nidaiasin migi8am ke iji an8ecimono8an.”
Matthew 10:41 in Algonquin 41 Aa8e ka mino toda8adjin Kije Manidon pejig oniganadjimo8innimini, osa mega Kije Manidokag iji tibendagozi8an e niganadjimo8inni8indjin, ka iji ca8enimagani8idj niganadjimo8inni kada iji ca8endagozi ke8in. Aa8e ka mino toda8adjin a8ian e k8aiakozindjin, osa mega k8aiakozi8an, kada ca8endagozi tabickotc a8ian ka k8aiakozindjin.
Matthew 13:41 in Algonquin 41 Ii apitc Ka pi Anicinabe8iidizodj oga pidjinija8an odajeniman. Kada paba ija8ag dac Kije Manidon Odogima8i8inikag, e ma8adjia8adjin ini8e ka pakebinandjin kodagian a8iagon e 8ik8adjiandjin kidji patadindjin, acitc ini8e ka madji inakamigizindjin.
Matthew 13:49 in Algonquin 49 Apitc ponaki8ag, mi pejig8an ke ijiseg. Ajenig oga pi nda onina8an madji a8iagon acitc ka k8aiakozindjin.
Matthew 24:30 in Algonquin 30 Midac 8ak8ig niga odji pi nagozinan e pi tag8icinian, nin, Ka pi Anicinabe8iidizodj. Kakina dac a8iagog ooma akikag kada kitci pabibagi8ag acitc kada kitci ma8i8ag, acitc niga 8abamigog, nin Ka pi Anicinabe8iidizodj, kidji pi najiseian nena8idj 8ak8ikag, e kitci macka8izian acitc e kitci icpendagozian.
Matthew 25:31 in Algonquin 31 “Apitc pi tag8icig Aa8e Ka pi Anicinabe8iidizodj kigi kakina ajenig, kidji pi ogima8idj, kada pi nda abi okitci ogima8i tesabi8aganikag ka kitci icpendag8anig kidji tibakonadjin a8iagon.
Matthew 26:64 in Algonquin 64 Jesos ogi nak8e8ajian: “Mi ekido8an kin. Ki8idamonom dac, aja pecodj kiga 8abamijim nin, Ka pi Anicinabe8iidizodj, kidji abian Kije Manido ma8adji ka kitci macka8izidj okitcinikikag, acitc kiga 8abamijim kidji pi najiseian nena8idj 8ak8ikag.”
Mark 8:38 in Algonquin 38 A8iagog nogom ka te8adj odana8enima8an Kije Manidon acitc pijicig nta patadi8ag. Kicpin pejig e taci8adj agadenimijidj acitc agadendagin nidikido8inan, mi aa8e kenin, Ka pi Anicinabe8iidizodj, ke agadenimag, apitc pi tag8icinian Nidadam odicpendagozi8inikag, e pi 8idji8ag8a kitcit8a ajenig.”
Mark 14:62 in Algonquin 62 Jesos ogi inan: “Ee, acitc kakina kiga 8abamijim nin, Ka pi Anicinabe8iidizodj, kidji abian Kije Manido ma8adji ka kitci macka8izidj okitcinikikag, acitc kiga 8abamijim kidji pi najiseian nena8idj 8ak8ikag.”
Luke 9:26 in Algonquin 26 A8iag dac agadenimijidj acitc agadendagin nidikido8inan, mi aa8e kenin, Ka pi Anicinabe8iidizodj, ke agadenimag, apitc pi tag8icinian e 8abadai8eian nidicpendagozi8in, acitc Nidadam odicpendagozi8in, acitc kitcit8a ajenig odicpendagozi8ini8a.
Luke 21:27 in Algonquin 27 Ii dac apitc, nin, Ka pi Anicinabe8iidizodj, niga 8abamigo, kidji pi najiseian nena8idj 8ak8ikag, e kitci macka8izian acitc e kitci icpendagozian.
Luke 22:69 in Algonquin 69 Nogom dac aja nin, Ka pi Anicinabe8iidizodj, niga abinan Kije Manido ma8adji ka kitci macka8izidj okitcinikikag.”
Acts 1:11 in Algonquin 11 Ogi igo8an dac: “Galilee a8iagog! 8egonen 8edji nepidji icpanabieg 8ak8ig? Kigi 8abama8a Jesos ka naganigo8eg, 8ak8ig ka iji icpikadj. Mi maia pejig8an ke ijinagozidj apitc koki tag8icig kagi ijina8eg e madjadj,” ogi igo8an.
Romans 2:6 in Algonquin 6 Oga tibakonan pepejig a8ian adi kagi inakamigizindjin.
Romans 14:12 in Algonquin 12 Midac kakina pepejig ka taciak oga 8a8idama8an Kije Manidon adi ka pi ijitcigedj acitc 8egonen 8edji ki inakamigizidj iidi.
1 Corinthians 8:8 in Algonquin 8 Midjim dac 8in, ka8in odji pejig abadasinon na8adj kidji min8abamigo8ak Kije Manido. E midjiak konigotc ega e midjiak, ka8in nigodisinon.
2 Corinthians 5:10 in Algonquin 10 Kakina mega nigan kiga tajigaba8imin Jesos Christikag kidji gi tibakonigo8ak. Kakina dac pepejig a8iag oga odisigon adi kagi iji kackitamadizodj meg8adj 8ia8 egi tajikadag ooma 8akidakamig. Kicpin ka mino ijitcigeg8en kek8an ka8in, k8aiak oga odisigon adi kagi pi ijitcigedj.
Ephesians 6:8 in Algonquin 8 Mamik8endamok dac oo8e. Kakina mino kegoni ke todag a8iag ooma akikag, ka Tibendjigendjin oga kijikagon adi kagi iji kackitamadizodj, misa8adj e tibenimagani8idj kidji anokitagedj kek8an 8in tibina8e tibenimidizodj.
1 Thessalonians 1:10 in Algonquin 10 acitc kipia8a Og8izisan 8ak8ig kidji pi koki odosendjin. Mi ini Og8izisan Jesosan, kagi abidjibaadjin nibo8inikag. Jesos dac kidag8acimigonan, ega kidji pajacteonak Kije Manido apitc odjitcisenig kidji tibakonigedj.
1 Thessalonians 4:16 in Algonquin 16 Kiga nodananan e mad8e pibaginani8ag, acitc ajeni kacka kada mad8e anim8e, acitc Kije Manido onodag8atcigani podadjigan kada teb8e8idamomagani. Ii dac apitc, 8in tibina8e ka Tibendjigedj 8ak8ikag kada pi najise. A8iagog dac kagi nibo8adj kagi teb8eta8a8adjin Jesos Christan kada abidjiba8ag nitam.
2 Thessalonians 1:7 in Algonquin 7 Kina8a dac nogom ka kodagito8eg, kiga minigom an8ecimo8in, acitc kenina8it niga minigomin. Mi ke ijiseg apitc ka Tibendjigedj Jesos pi nagozidj, 8ak8ig e pi odji najisedj, kigi ka macka8izindjin odajeniman.
1 Peter 1:17 in Algonquin 17 Apitc ako e pagosenimeg Kije Manido, “Nidadaminan” kidijinikana8a. 8in dac, otibakonan pepejig a8ian adi kagi ijitcigendjin, ega e pepakanenimadjin. Kida kitci manadjia8a dac, inigikigotc ke pimadizieg ooma akig.
Jude 1:14 in Algonquin 14 Aja 8eckadj Enok (Hénok) ki niganadjimoban e mikomagobanen ini a8iagon. Adamikag ki pi odaiagiziban aa Enok, eko nigod8atcinig egi odji ani aianike nta8igipan Adamikag. Mi oo8e ka ikidodj: “Ndotamok! Ka Tibendjigedj kada pija kigi kitci mane okitcit8a ajeniman, ozam kada mane8an kidji gi agimagani8indjin.
Revelation 1:7 in Algonquin 7 Ndotaocik 8e8enda! Nena8idj 8ak8ikag kada odji pi najise. Kakina a8iagon oga 8abamigon, 8a8adj ini8e kagi pajibaogodjin. Kakinagotc adi enakanezi8adj a8iagog ooma akikag kada odji ma8i8ag ke apitci kackendamo8adj. Mi teb8e ke iji8ebag. Amen.
Revelation 2:23 in Algonquin 23 Niga nisiman acitc odabinodjijiman. Kakina dac ka teb8etamo8adj kada odji kikendamog nin kakina e kikendaman adi enendamo8adj a8iagog acitc adi ejidee8adj. Adi kagi iji pimadizieg, kiga iji tibakoninom.
Revelation 20:12 in Algonquin 12 Nigi 8abamag kakina kagi nibo8apan, igi8e ka apitendagozi8apan acitc igi8e ega ka apitci apitendagozi8apan. Nigan kitci ogima8i tesabi8aganikag tajigaba8ibanig. Ki pakanenigade8an dac mazinaiganan. Acitc kodag mazinaigan ki pakanenigade, ka iji mazinazo8adj igi8e a8iagog ke aiamo8adj kagige pimadizi8ini. Apitc kagi pakanenigadenigin ini mazinaiganan, Kije Manido ogi tibakonan a8iagon kagi nibonipanin. Ogi tibakonan adi kagi pi inakamigizindjin, kagi ojibiigadenigiban iima mazinaiganikag.
Revelation 22:12 in Algonquin 12 Jesos ikido: “Ndotamok! Aja pecodj niga pi koki tag8icin. Niga ca8enimag igi8e kagi mino inakamigizi8adj. Niga pajacte8ag igi8e kagi madjakamigizi8adj.