Luke 9:41 in Algonquin 41 Jesos ogi inan kakina a8iagon: “8esada ako kina8a nogom ka pimadizieg, ega ka teb8etameg, acitc pijicig madji kegonan ka 8i pamendamegon! Anigik kiabadj ke 8idji tajikeminagok? Anigik panima ke tanendamiijieg?” Mina8adj dac ogi inan ini naben: “Pidji8idamaocin kig8izis ooma.”
Other Translations King James Version (KJV) And Jesus answering said, O faithless and perverse generation, how long shall I be with you, and suffer you? Bring thy son hither.
American Standard Version (ASV) And Jesus answered and said, O faithless and perverse generation, how long shall I be with you, and bear with you? bring hither thy son.
Bible in Basic English (BBE) And Jesus said, O generation without faith and false in heart, how long will I have to be with you and put up with you? let your son come here.
Darby English Bible (DBY) And Jesus answering said, O unbelieving and perverted generation, how long shall I be with you and suffer you? Bring hither thy son.
World English Bible (WEB) Jesus answered, "Faithless and perverse generation, how long shall I be with you and bear with you? Bring your son here."
Young's Literal Translation (YLT) And Jesus answering said, `O generation, unstedfast and perverse, till when shall I be with you, and suffer you? bring near hither thy son;'
Cross Reference Matthew 3:7 in Algonquin 7 Cabadis ogi 8abaman mane Coda8innin ka nagadjitonigobanen inakonige8inan, “Parisienag” (Pharisiens) ka ijinikanagani8inigobanen, acitc Coda8innin ega ka teb8etamindjin abidjiba8ini, “Sadose8innig” (Sadducéens) ka ijinikanagani8inigobanen, e pi nda 8abamigodjin kidji gi sigaada8adjin. Cabadis dac ogi inan ini: “Kina8a madji a8iagog! Tabickotc ka pitcibo8inezi8adj kinebigog kidijinagozim! A8enen kagi kikinoamago8eg kidji kackito8eg kidji ojidameg Kije Manido otibakonige8in ke pijamaganig?
Matthew 11:28 in Algonquin 28 “Pi nazikaocik, kina8a kakina ka kitci aiekozieg acitc ka kitci k8azigo8aneieg. Kiga mininom dac kidji an8ebieg.
Matthew 12:39 in Algonquin 39 Jesos dac ogi nak8e8ajian: “A8iagog nogom ka te8adj kitci madji a8iago8i8ag acitc ka8in o8i teb8eta8asi8a8an Kije Manidon! Nik8ag8edjimigog kidji mamada8izi8ag kidji nda motci kikendamo8adj epitci teb8emaganig8en ii egi pidjinijaojindjin Kije Manidon. Ka8in sa dac niga mamada8izi8asin. Aja mega okikendana8a 8eckadj adi kagi iji8ebizindjin niganadjimo8innin Jonasan. Midac iima ke iji 8abadamo8adj mamada8izi8ini ka k8ag8ed8e8adj.
Matthew 12:45 in Algonquin 45 Aa dac madji manido onada 8abaman nij8atcin kiabadj kodagian madji manidon, na8adj kiabadj e madji inadizindjin apitc8in 8in. Mama8 dac opidigecka8a8an ini a8ian acitc mi iima eji tajike8adj. Ick8a dac ii, na8adj kiabadj kitci kotadendagozi aa a8iag apitc8in ockadok. Mi ke iji8ebizi8adj a8iagog nogom ka pimadizi8adj ka kitci madji a8iago8i8adj.” Mi ka ikidodj Jesos.
Matthew 16:4 in Algonquin 4 A8iagog nogom ka te8adj kitci madji a8iago8i8ag, acitc ka8in o8i teb8eta8asi8a8an Kije Manidon! Nik8ag8edjimigog kidji mamada8izi8ag kidji nda motci kikendamo8adj epitci teb8emaganig8en ii egi pidjinijaojindjin Kije Manidon. Ka8in sa dac niga mamada8izi8asin. Aja mega okikendana8a adi kagi iji8ebizindjin niganadjimo8innin Jonasan 8eckadj. Midac iima ke iji 8abadamo8adj mamada8izi8ini ka k8ag8ed8e8adj.” Midac Jesos ka iji naganadjin e madjadj.
Matthew 17:17 in Algonquin 17 Jesos dac ogi inan: “8esada ako kina8a nogom ka pimadizieg, ega ka teb8etameg, acitc pijicig madji kegonan ka 8i pamendamegon! Anigik kiabadj ke 8idji tajikeminagok? Anigik panima ke tanendamiijieg? Pidji8idamaocik aa abinodjij ooma.”
Matthew 23:36 in Algonquin 36 Teb8e ki8idamonom, a8iagog nogom ka pimadizi8adj kada pajacte8agani8i8ag kakina ini8e egi pi nisimagani8indjin.”
Mark 9:19 in Algonquin 19 Jesos dac ogi inan: “8esada ako kina8a nogom ka pimadizieg, ega ka teb8etameg! Anigik kiabadj ke 8idji tajikeminagok? Anigik panima ke tanendamiijieg? Pidji8idamaocik aa ockina8es ooma.”
Mark 10:14 in Algonquin 14 Apitc Jesos ka 8abadag ii, ki kiji8azi acitc ogi inan okikinoamaganan: “Pagidinikog abinodjijag kidji pi nazikaoji8adj! Ka8in odjiakegonig. A8iagog mega tabickotc abinodjijag ka apitendagozi8adj, Kije Manidon Odogima8i8inikag kada iji tibendagozi8ag.
Mark 10:49 in Algonquin 49 Jesos ki kibitcigaba8i, acitc ki ikido: “Nd8e8emik.” Ki nd8e8emagani8i dac aa nabe acitc ki inagani8i: “Pazig8in, ka8in ana8endjigeken, pijan kidigo!”
Luke 8:25 in Algonquin 25 Jesos dac ogi inan okikinoamaganan: “Adi 8edji ega teb8etaojieg?” Ki kitci segizi8agoban acitc ki kitci mamakadendamo8agoban, e inidi8adj: “A8enen dac aa nabe maiagotc? 8a8adj okaganodan e nodinig acitc nibini, onadotagon dac!”
John 14:9 in Algonquin 9 Jesos ogi nak8e8ajian: “Pilip! Kana maci kikikenimijisi? Aja 8eckadj ki8idji tajikeminom. Aa ka 8abamijidj, aja ogi 8abaman Nidadaman. Adi dac 8edji ikido8an: ‘8abadaicinam Kidadam’?
John 20:27 in Algonquin 27 Ogi inan dac Tomasan: “Aton kinidji ooma acitc kana8abadan ninidjin. Pidon kinidji acitc saminicin nipig8adakag. Midac poni ana8etan, teb8etaocin.”
Acts 2:40 in Algonquin 40 Pien kiabadj kin8ej ki tatibadjimo, kidji gi teb8etamindjin. 8e8enda ogi 8idama8an: “Panima ki ag8acimigo8eg! Ka8in acidagimidizokegon igi8e ega ka teb8eta8a8adjin Jesosan. Kada pajacte8agani8i8ag,” ogi inan.
Acts 13:18 in Algonquin 18 Nimidana (40) pibon inigik ki cacibendam, misa8adj egi madji inakamigizindjin, meg8adj ka paba tajikendjin pig8adakamigokag.
Romans 2:4 in Algonquin 4 Kitci kije8adizi Kije Manido acitc cacibendagozi acitc ka8in teci8ag pajacteo8esi. Mi na dac 8edji manenimadj iidi e inadizidj? Kikikenimadok iidi eji kije8adizidj kidji gi odji an8endizo8an.
Hebrews 3:9 in Algonquin 9 Kije Manido dac 8in tibina8e ki ikido: “8edi pig8adakamig, nigi kitci nanada8i todagog 8eckadj kikitci anicinabemi8abanig, e nda kikenimiji8adj adi ke inakamigizi8ag. Ogi 8abadana8a dac adi ka todam8ag meg8adj nimidana8e (40) pibon inigik.
Hebrews 3:19 in Algonquin 19 Kikikendananan dac oo8e. Ka8in ododji kackitosina8a igi a8iagog kidji a8i iji an8ecimono8adj taji kagi iji inendagozi8apan kidji iji an8ecimono8adj, osa mega ka8in ododji teb8etasina8a.
Hebrews 4:2 in Algonquin 2 Kigi tibadjimotagomin Kije Manido omin8adjimo8in, tabickotc kagi tibadjimota8agani8i8agobanen 8eckadj kikitci anicinabeminabanig. 8ina8a dac, apitc ka nodamo8adj, ka8in ododji teb8etasina8a. Ka8in dac odji pejig ododji mino todagosina8a ii min8adjimo8ini.
Hebrews 4:11 in Algonquin 11 Panima dac ki kitci nak8iak kidji gi odisigo8ak ii an8ecimo8ini Kije Manido ka 8i minigo8ak, ega odji pejig a8iag kina8itinakag kidji ana8eta8adjin Kije Manidon acitc kidji p8ana8itodj kidji odisigodj ii an8ecimo8ini, tabickotc kagi todamo8agobanen 8eckadj kikitci anicinabeminabanig.
Hebrews 7:25 in Algonquin 25 Ii dac odji, okackiton 8edjidagotc kidji ag8acimadjin ini a8iagon ka 8idjiadjin kidji nazika8andjin Kije Manidon. Apanigotc mega pimadizi Jesos, e taji pagosenimadjin Kije Manidon kidji kidimagenimandjin ini a8iagon.