Jude 1:24 in Algonquin 24 Icpenimadan Kije Manido, ka kackitodj kidji kana8enimigo8eg ega kidji pagicinieg, acitc ka kackitodj kidji iji8inigo8eg iima ka iji tedj okitci icpendagozi8inikag, e kitci paiekideeieg acitc e kitci modjigendameg.
Other Translations King James Version (KJV) Now unto him that is able to keep you from falling, and to present you faultless before the presence of his glory with exceeding joy,
American Standard Version (ASV) Now unto him that is able to guard you from stumbling, and to set you before the presence of his glory without blemish in exceeding joy,
Bible in Basic English (BBE) Now to him who is able to keep you from falling, and to give you a place in his glory, free from all evil, with great joy,
Darby English Bible (DBY) But to him that is able to keep you without stumbling, and to set [you] with exultation blameless before his glory,
World English Bible (WEB) Now to him who is able to keep them from stumbling, and to present you faultless before the presence of his glory in great joy,
Young's Literal Translation (YLT) And to Him who is able to guard you not stumbling, and to set `you' in the presence of His glory unblemished, in gladness,
Cross Reference Matthew 5:12 in Algonquin 12 Min8endamok acitc modjigendamok. Teb8e mega Kije Manido kiga kitci ca8enimigo8a 8ak8ig. Mi iidi maia kagi iji nanekadjiagani8i8adj niganadjimo8innig, kagi pimadizi8apan ab8amaci kina8a.”
Matthew 16:27 in Algonquin 27 Aa8e mega Ka pi Anicinabe8iidizodj kada pi tag8icin kigi odajeniman, e 8abadai8edj Odadaman odicpendagozi8ini. Oga kijika8an dac pepejig a8ian kagi iji kackitamadizondjin adi ka pi inadizindjin.
Matthew 19:28 in Algonquin 28 Jesos dac ogi nak8e8ajian: “Teb8e ki8idamonom, apitc Kije Manido koki ojitodjin kakina kegonan, Ka pi Anicinabe8iidizodj kada taji abi odogima8i tesabi8aganikag ka kitci icpendag8anig. Ii dac apitc, kina8a ka midatcin acitc nijieg kagi nosoneojieg, kiga abim kekina8a pepejig e tacieg kidogima8i tesabi8agani8akag, kidji tibakoneg8a ka midatcin acitc niji8adj ka inakanezi8adj Israel a8iagog.
Matthew 25:31 in Algonquin 31 “Apitc pi tag8icig Aa8e Ka pi Anicinabe8iidizodj kigi kakina ajenig, kidji pi ogima8idj, kada pi nda abi okitci ogima8i tesabi8aganikag ka kitci icpendag8anig kidji tibakonadjin a8iagon.
John 10:29 in Algonquin 29 Nidadam, 8in ma8adji ka kitci apitendagozidj, nigi minig nidanicinabeman. Ka8in dac a8iag okackitosin Nidadamikag kidji odji manibinadjin.
Romans 8:31 in Algonquin 31 Aja ono8eni8an e kikendamakonin, mi oo8e kegi ikido8ak. Kicpin Kije Manido 8idjiigo8ak, ka8in a8iag kigagi tagickanigosinan.
Romans 14:4 in Algonquin 4 A8enen kin enenimidizo8an, kidji onenimadj kodag a8iag odanokitage8inniman? Okackaman eta inendagozi8an kidji 8idamagodjin epitci k8aiak ijitcigeg8en kek8an ka8in. Aa8e dac ka anokita8adjin ka Tibendjigendjin k8aiak kada ijitcige, ka Tibendjigendjin mega oga sogigaba8iigon.
Romans 16:25 in Algonquin 25 Icpenimadan Kije Manido! 8in okackiton kidji sogigaba8iigo8eg kiteb8etamo8ini8akag, kiteb8etana8a mega ii min8adjimo8in ka paba tibadjimo8an, e paba mikomag Jesos Christ. Nogom ki kikendamoni8e Kije Manido ii min8adjimo8ini, odakanag ako ka kadamago8akoban.
2 Corinthians 4:14 in Algonquin 14 Kije Manido ogi abidjibaan ka Tibendjigendjin Jesosan nibo8inikag, acitc nikikendananan kidji abidjibaigo8ak kakina kina8it ka taciak, kidji gi iji 8idji8aiak Jesos. Kiga madji8inigonan dac kakina, mama8 kidji gi teiak 8edi ka iji tedj.
2 Corinthians 4:17 in Algonquin 17 Nikodagitomin nogom pagi, 8enibik dac eta ii kada ijise. Ii dac kodagito8in odji, niga odisigonan kitci icpendagozi8in apanigotc ke tag8ag. Apitc ako e mamidonendamag ii icpendagozi8in, ka8in nikitci apitendasinananan nikodagito8ininanan.
2 Corinthians 11:2 in Algonquin 2 Nidami odendan epitci sagiinagok, acitc ii kitci sagii8e8in Kije Manidokag odjimagan. Mi maia tabickotc ocki ik8e ega 8ikad kagi 8idji8adjin naben ejinagozieg, kagi nakomondjin odadaman kidji iji niba8iigodjin pejigigotc naben. Nin dac, mi maia tabickotc kidadami8a epitendagozian, kagi 8idjiinagok kidji kikenimeg Jesos Christ, 8inikag eta kidji iji tibendagozieg.
Ephesians 3:20 in Algonquin 20 Kije Manido kitci a8acamej okackiton kidji inakamigizidj apitc8in ka iji k8ag8ed8eiak, kek8an adi eji kacki midonendamak, e abadjitodj okitci macka8izi8in ka mikimomaganig kina8itinakag.
Ephesians 5:27 in Algonquin 27 Jesos mega onada8enimagoban ini8e ka teb8etagodjin kidji tajigaba8indjin nigan 8inikag e kitci minonagozindjin, e paiekideendjin, acitc e k8aiakozindjin, ega dac odji pejig kidji 8inagozindjin, kek8an kidji madjideendjin, kek8an kidji kigickamindjin patado8ini.
Colossians 1:22 in Algonquin 22 Nogom dac, osa Jesos egi pi anicinabe8iidizodj acitc egi nibodj, Kije Manido kigi minigo8a kidji koki mino 8idji8eg, kidji gi tajigaba8ieg nigan 8inikag e paiekideeieg, e k8aiakozieg, acitc ega odji pejig patado8in e kigickameg.
Colossians 1:28 in Algonquin 28 Jesos Christ sa dac ka paba mikomagidj. E abadjito8ag kakina kagita8endamo8in ka aiamag, ni8idama8ananag kakina a8iagog adi enendagozi8adj kidji inakamigizi8adj acitc nikikinoama8ananag. Ninada8enimanan mega kakina pepejig a8iag kidji madjigidj teb8etamo8inikag, tabickotc kitci anicinabe kidji ijinagozidj, Jesos Christikag e iji mama8isedj.
Colossians 3:4 in Algonquin 4 8in tibina8e Jesos Christ ka minigo8eg 8edjidagotc kidji pimadizieg. Apitc dac pi nagozidj Jesos, kekina8a kiga pi nagozim, acitc kekina8a kiga kitci icpendagozim tabickotc 8in ka iji kitci icpendagozidj.
2 Timothy 4:18 in Algonquin 18 Nikikendan dac Kije Manido kidji nagadjiijidj, tasin 8i madji todago8an. Niga pidigeig Odogima8i8inikag 8edi 8ak8ig, ega kidji nigodi8ag. Kagige kada icpenimagani8i! Amen.
Hebrews 13:20 in Algonquin 20 Kije Manido kiminigonan pekadendamo8ini, 8in kagi abidjibaadjin ka Tibendjigendjin Jesosan nibo8inikag. Jesos dac okitci mino toda8an Kije Manidon odanicinabemini, tabickotc a8iag kitci 8e8enda ka kana8enimadjin mantcenican. Ogi abidjibaigon dac Kije Manidon osa mega ki nibo kina8it odji, egi odjiga8inig omisk8i kidji gi ojitcigadenig Kije Manidon odocki nakomo8ini, apanigotc kagige ke tag8anig.
1 Peter 4:13 in Algonquin 13 Tiegodj, apitc kodagito8eg kagi iji kodagitodj Jesos Christ, odji mina8aziok. Midac apitc pi tag8icig, kiga kitci modjigendana8a, e 8abadjigadenig odicpendagozi8in.
Revelation 14:5 in Algonquin 5 Ka8in 8ikad odji kagina8ickisi8ag, acitc ka8in odji pejig odji panaagesi8ag.