John 6:30 in Algonquin

30 Midac ogi ina8an Jesosan: “8egonen mamada8izi8in kegi todamaban kidji gi teb8etago8an? 8eckadj kikitci anicinabeminabanig ogi am8a8abanin ini pak8ejiganan kagi minigo8adjin Kije Manidon pig8adakamigokag. Tabickotc Kije Manido Omazinaigan ekidomaganig: ‘Ki minagani8i8ag pak8ejiganan 8ak8ig e odjisendjin.’ Kin dac, adi ke todaman?” ogi k8ag8edjima8an.

Other Translations

King James Version (KJV)

They said therefore unto him, What sign shewest thou then, that we may see, and believe thee? what dost thou work?

American Standard Version (ASV)

They said therefore unto him, What then doest thou for a sign, that we may see, and believe thee? what workest thou?

Bible in Basic English (BBE)

So they said, What sign do you give us, so that we may see and have faith in you? What do you do?

Darby English Bible (DBY)

They said therefore to him, What sign then doest thou that we may see and believe thee? what dost thou work?

World English Bible (WEB)

They said therefore to him, "What then do you do for a sign, that we may see, and believe you? What work do you do?

Young's Literal Translation (YLT)

They said therefore to him, `What sign, then, dost thou, that we may see and may believe thee? what dost thou work?

Cross Reference

Matthew 12:38 in Algonquin

38 Nandam Coda8innig ka nagadjito8agobanen inakonige8inan acitc nandam Coda8inni kikinoamage8innig ogi ina8an Jesosan: “Kikinoamage8inni! Mamada8izin, kidji 8abadai8ean teb8e kimacka8izi8in Kije Manidokag epitci odjimaganog8en.”

Matthew 16:1 in Algonquin

1 Nandam Coda8innig ka nagadjito8agobanen inakonige8inan acitc nandam Coda8innig ega ka teb8etamo8agobanen abidjiba8ini ogi pi nda 8abama8an Jesosan. O8i k8ag8e katcidina8abanin anodj kidji iji nak8e8ajii8endjin. Ogi k8ag8edjima8an dac kidji mamada8izindjin, kidji gi odji kikendamo8adj kicpin teb8e Kije Manidokag epitci odjimaganig8en omacka8izi8ini.

Mark 8:11 in Algonquin

11 Nandam Coda8innig ka nagadjito8agobanen inakonige8inan ki tag8icino8agoban, acitc ogi aiamia8agoban Jesosan, e k8ag8edjima8adjin kegoni. O8i k8ag8e kadjinija8a8abanin kidji abadjitondjin omacka8izi8ini. Ogi k8ag8edjima8an dac kidji mamada8izindjin, kidji gi odji 8abadai8endjin teb8e Kije Manidokag epitci odjimaganig8en omacka8izi8ini.

Mark 15:32 in Algonquin

32 Aa8e Kije Manidon ka pidjinijaogodjin, aa8edi Israel a8iagog odogimami8an, kada nisada8eban nogom otcibaiatigomikag. Kicpin dac 8abamagidj, nida teb8eta8anan.” Igi8e nenida8ina Jesosikag kagi iji acidak8a8agani8i8apan ke8ina8a okitci mamanazoma8abanin.

Luke 11:29 in Algonquin

29 Eckam ki ani kitci mane8ag a8iagog e ma8adjiidi8adj 8ajagam Jesosikag. Ii dac apitc, ki ikido: “A8iagog nogom ka te8adj kitci madji a8iago8i8ag. Nik8ag8edjimigog kidji mamada8izi8ag kidji nda motci kikendamo8adj epitci teb8emaganig8en ii egi pidjinijaojindjin Kije Manidon. Ka8in sa dac niga mamada8izi8asin. Aja mega okikendana8a 8eckadj adi kagi iji8ebizindjin niganadjimo8innin Jonasan. Midac iima ke iji 8abadamo8adj mamada8izi8ini ka k8ag8ed8e8adj.

John 2:18 in Algonquin

18 Midac nandam Coda8innig ka niganizi8adj ogi k8ag8edjima8an Jesosan: “Kicpin ikido8an Kije Manido kagi pagidinik kidji todaman ii, 8abadai8en e mamada8izian. Midac kidji kikendamag Kije Manido egi inik iidi kidji iji todaman!”

John 6:36 in Algonquin

36 Oo8e dac aja kigi 8idamonom, kigi 8abamijim, misa8adj dac ka8in ki8i teb8etaojisim.

John 10:38 in Algonquin

38 Anic dac kicpin teb8e todaman ka iji nda8endag, kida teb8etana8a Kije Manido omacka8izi8in e abadjita8ag apitc 8abamijieg e mino ijitcigean. Misa8adj ega teb8etaojieg ekido8an, kigagi odji ketcinamendana8a e kigicka8ag Nidadam acitc e kigickaojidj.”

John 12:37 in Algonquin

37 Misa8adj egi 8abamagani8idj kitci mane egi iji mamada8izidj, ka8in teb8eta8agani8isi.

John 20:25 in Algonquin

25 Kodagiag dac kikinoamaganag ogi ina8an Tomasan: “Nigi 8abamanan ka Tibeniminak.” Tomas dac ogi inan: “Kicpin ega 8abadaman Jesos ka iji saga8agani8idj onidjikag, acitc kicpin ega taginam8ag ka iji agokenigibanin sagaiganan, acitc kicpin ega saminam8ag ka iji namezidj, ka8in niga teb8etasin.”

Acts 4:30 in Algonquin

30 8abadaicinam kimacka8izi8in, e kigead8a a8iagog acitc e mamada8izian acitc ka mamakazinag8agin kegonan e todamanin, kidji 8abadjigadeg adi epitci macka8izimaganig Jesos o8izon, 8in Kidanodagan ka kitcit8a8izidj.” Mi ka iji aiamie8adj.

1 Corinthians 1:22 in Algonquin

22 Coda8innig panima onada8endana8an mamada8izi8inan. Igi8e Kanes (Grèce) ka odji8adj o8i abadjitona8a omidonendjigani8a.

Hebrews 2:4 in Algonquin

4 8in tibina8e Kije Manido ke8in kigi 8abadaigonan e teb8emaganig ii ka iji nodageiak, e mamada8izidj acitc e mamada8akamigizidj, acitc e pagidinadjin Omino Manidoman kidji minandjin a8iagon adigotc ejinag8anigin ca8endjige8inan, adi 8in eji nda8endagiban.