John 21:15 in Algonquin 15 Ka ick8a 8isini8adj, Jesos ogi inan Simo Pienan: “Simo, John og8izisan! Na8adj na kisagiijinan apitc8in ogo8e ka iji sagiiji8adj?” Simo dac ogi nak8e8ajian: “Ee, Tebendjigean! Kikikendan e sagiinan.” Jesos dac ogi inan: “8e8enda kana8enimik dac nimantcenicesimag.”
Other Translations King James Version (KJV) So when they had dined, Jesus saith to Simon Peter, Simon, son of Jonas, lovest thou me more than these? He saith unto him, Yea, Lord; thou knowest that I love thee. He saith unto him, Feed my lambs.
American Standard Version (ASV) So when they had broken their fast, Jesus saith to Simon Peter, Simon, `son' of John, lovest thou me more than these? He saith unto him, Yea, Lord; thou knowest that I love thee. He saith unto him, Feed my lambs.
Bible in Basic English (BBE) Then when they had taken food, Jesus said to Simon Peter, Simon, son of John, is your love for me greater than the love of these others? He said to him, Yes, Lord; you are certain of my love for you. He said to him, Then give my lambs food.
Darby English Bible (DBY) When therefore they had dined, Jesus says to Simon Peter, Simon, [son] of Jonas, lovest thou me more than these? He says to him, Yea, Lord; thou knowest that I am attached to thee. He says to him, Feed my lambs.
World English Bible (WEB) So when they had eaten their breakfast, Jesus said to Simon Peter, "Simon, son of Jonah, do you love me more than these?" He said to him, "Yes, Lord; you know that I have affection for you." He said to him, "Feed my lambs."
Young's Literal Translation (YLT) When, therefore, they dined, Jesus saith to Simon Peter, `Simon, `son' of Jonas, dost thou love me more than these?' he saith to him, `Yes, Lord; thou hast known that I dearly love thee;' he saith to him, `Feed my lambs.'
Cross Reference Matthew 10:37 in Algonquin 37 “Aa8e na8adj a8acamej ka kitci sagiadjin odadaman kek8an odjodjoman apitc8in nin, ka8in inendagozisi ninikag kidji iji tibendagozidj. Acitc aa8e na8adj a8acamej ka kitci sagiadjin og8izisan kek8an odanisan apitc8in nin, ka8in inendagozisi ninikag kidji iji tibendagozidj.
Matthew 16:17 in Algonquin 17 Jesos dac ogi inan: “Kica8endagozinan, Simo, John og8izisan. Ka8in mega a8iagog kidodji kikinoamagosig oo8e teb8e8ini, tiegodj Nidadam 8ak8ig ka tedj kagi minik kidji iji kikendam8adj ii.
Matthew 18:10 in Algonquin 10 “Iag8amig! Ka8in tabasenimakegon pejig ii e taci8adj igi8e ega ka kitci apitendagozi8adj. Teb8e ki8idamonom, odaia8a8an ajenin 8ak8ig ka tendjin e nagadjiigo8adjin, acitc apanigotc Nidadaman 8ak8ig ka tendjin o8idji tajikema8an igi ajenig.
Matthew 25:34 in Algonquin 34 “Aa dac ogima oga inan ini8e okitcinikikag ka tendjin: ‘Pijaok, kina8a Nidadam ka ca8enimigo8eg! Mi iima ke iji tibendagozieg Ogima8i8inikag kagi ojitamago8eg ka ako kijendjigadeg aki.
Matthew 26:33 in Algonquin 33 Pien dac ogi inan: “Misa8adj kakina 8ina8a naganik8a, ka8in 8ikad nin kiga naganisinon.”
Matthew 26:35 in Algonquin 35 Pien dac ogi inan: “Ka8in 8ikad niga ikidosi ega e kikeniminan, misa8adj 8idji nibominaban.” Midac pejig8an kodagian okikinoamaganan ka ikidonigobanen.
Mark 14:29 in Algonquin 29 Pien dac ogi inan: “Misa8adj kakina 8ina8a naganik8a, ka8in 8ikad nin kiga naganisinon.”
Luke 12:32 in Algonquin 32 “Ka8in kotadjikegon, kina8a ninikag ka iji tibendagozieg. Kije Manido mega ki onendam kidji kikendamonigo8eg kidji teieg kekina8a Odogima8i8inikag.
Luke 22:32 in Algonquin 32 Kigi aiamietamaon dac, Simo, ega kidji poni teb8etaman. Apitc dac pi koki 8idjiojian, 8idjiik kidjiki8eg kidji sogidee8adj.”
John 1:42 in Algonquin 42 Andre dac ogi iji8inan Simon Jesosikag. Jesos dac ogi kana8abaman Simon acitc ogi inan: “Simo kidijinikazonan, John og8izisan. Aja Sepas (Céphas) kiga ijinikanigo.” Mi pejig8an ijinikazo8in “Sepas” acitc “Pien,” pakan ijigij8e8inan e abadjitcigadegin. Midjinijin dac ini 8izonan 8idamagemaganon tabickotc asini ejinagozindjin ini a8ian.
John 8:42 in Algonquin 42 Jesos dac ogi inan: “Kicpin ii maia teb8e Odadamiegoban Kije Manido, kida sagiijim. Kije Manidokag mega nigi pi odji, acitc 8in odji 8edji teian ooma. Ka8in ninigotc ka pidjinijaodizo8an, 8in sa ka pidjinijaojidj.
John 13:37 in Algonquin 37 Pien dac ogi inan: “Tebendjigean! Adi dac 8in ii ke odji ega ki nosoneonan nogom? Nidick8ata kidji pagidendaman nipimadizi8in kin odji.”
John 14:15 in Algonquin 15 “Kicpin sagiijieg, kiga nosoneana8a nikikinoamage8in.
John 16:27 in Algonquin 27 8in mega Nidadam kisagiigo8a. Kikikenimigo8a e sagiijieg acitc e teb8etameg Kije Manidokag e odjian.
John 21:7 in Algonquin 7 Aa dac kikinoamagan Jesosan ka kitci sagiigopanin ogi inan Pienan: “Ka Tibendjigedj aa!” Apitc Simo Pien ka nodag ii, ki pitcikonae egi kitcikonaepan kidji mikimodj, acitc ki pakobig8ackoni.
John 21:12 in Algonquin 12 Jesos dac ogi inan: “Pi nda 8isiniok.” Kakina pepejig ka taci8adj cag8enimobanig kidji k8ag8edjima8adjin “A8enen kin?” e kikenima8adjin ka Tibendjigendjin ini.
John 21:16 in Algonquin 16 Mina8adj dac ogi inan: “Simo, John og8izisan! Kisagiijinan na?” Simo ogi nak8e8ajian: “Ee, Tebendjigean! Kikikendan e sagiinan.” Jesos dac ogi inan: “8e8enda kana8enimik dac nimantcenicimag.”
Acts 20:28 in Algonquin 28 Iag8amenimidizok dac, acitc nagadjiikog kakina igi8e ka teb8etamo8adj, Mino Manido kagi anonigo8eg kidji nagadjieg8a. 8e8enda kana8enimikog igi8e ka teb8eta8a8adjin Kije Manidon, tabickotc a8iag ka kana8enimadjin omantceniciman. 8in mega Kije Manido otibeniman, Og8izisan egi odji pagidenimidizondjin kidji nibondjin.
Romans 14:1 in Algonquin 1 Odapinik aa8e ega maci ka macka8izidj oteb8etamo8inikag, acitc ka8in k8ag8e cagozomakegon kicpin pakan inendag 8in.
Romans 15:1 in Algonquin 1 Kina8it ka macka8iziak kiteb8etamo8ininakag, panima ki 8idjiaiakonig ka cagozi8adj ka iji madjise8adj. Ka8in dac eta kina8it eji min8endamak kiga todasinanan.
1 Corinthians 3:1 in Algonquin 1 Nidjiki8eg! Meg8adj ka teiaban kina8akag, ka8in nidodji kackitosinaban kidji iji aiamiinagok tabickotc ka iji aiamiag8aban ako a8iagog ka kigicka8adjin Mino Manidon. Misa8adj egi ani teb8etameg, kiabadj kigi nosoneana8a kina8a tibina8e ka iji mosa8endameg acitc kikagita8endamo8ini8a kigi abadjitona8a. Mi maia tabickotc tcidjicag ejinagoziegoban kiteb8etamo8ini8akag, ka motci madji nosone8eg Jesos Christ.
1 Corinthians 8:11 in Algonquin 11 Kikikendan teb8e8in kin, mi 8edji ki todaman. 8in dac aa ega ka macka8izidj oteb8etamo8inikag, ka8in maci okikendasin. Kicpin dac ii todaman, kiga 8anadjita8an oteb8etamo8in aa a8iag. “Nipanaage” kada inendam mega, midac ne8ad ke odji ega teb8etag. Ka8in min8acisinon! Kidjiki8e 8esa aa, Jesos Christ kagi odji nibodj.
1 Corinthians 16:21 in Algonquin 21 Oo8e dac nin tibina8e nidojibiodizonan: nin Pon, kenin kidanamikonom.
2 Corinthians 5:14 in Algonquin 14 8edji todamag dac ii, nikikendananan mega adi epitci sagiigo8ak Jesos Christ. Nikikendananan mega aa pejig eta a8iag egi nibodj kakina a8ian odji, midac maia tabickotc kakina a8iagog kagi nibo8adj ii apitc ke8ina8a epitendagozi8adj.
Galatians 5:6 in Algonquin 6 Kicpin mega iji mama8iseiak Jesos Christikag, kidji pak8ejogo8ak kek8an ka8in, ka8in 8in ii nigod. Mi eta ii ketci apitendag8ag kidji teb8eta8aiak Jesos. Kicpin dac teb8eta8aiak, kiga sagiananag kodagiag a8iagog.
Ephesians 4:14 in Algonquin 14 Ii dac apitc, ka8in aja tabickotc abinodjijag kiga ijinagozisimin, ka k8ina8endamo8adj adi ke iji teb8etamo8adj. A8iagog dac ka kagina8icki8adj e kikinoamage8adj, ka 8agackibina8adjin a8iagon oteb8etamo8inikag, ka8in aja oga kackitosina8a kidji pakebinigo8ak. Midac aja ka8in kiga k8ina8i odinasinanan adi ke iji teb8etamak, tabickotc ako tciman anodj ka iji8ebasag e kitci mamagaag e ijinagoziak.
Ephesians 6:24 in Algonquin 24 8egona Kije Manido minadjin okitci ca8endjige8in kakina a8iagon apanigotc ka sagiandjin Jesos Christan ka Tibeniminak. Nin Pon
1 Timothy 4:15 in Algonquin 15 Midac panima ki todamanin ini kegonan. Enigokodeean kiga mikimonan, kidji 8abadamo8adj kakina a8iagog eckam e ani nos8aado8an Kije Manido omikana.
Hebrews 4:13 in Algonquin 13 Ka8in odji pejig kegoni ki kadama8agani8idj Kije Manido. Okitci paieteabaman kakina a8ian kagi kijenimadjin, acitc kakina kegoni o8abadan. 8in sa dac panima kiga 8idama8anan adi 8edji inadiziak iidi.
Hebrews 12:12 in Algonquin 12 Kigi ani cagozim, koki macka8iziidizok dac.
Hebrews 13:20 in Algonquin 20 Kije Manido kiminigonan pekadendamo8ini, 8in kagi abidjibaadjin ka Tibendjigendjin Jesosan nibo8inikag. Jesos dac okitci mino toda8an Kije Manidon odanicinabemini, tabickotc a8iag kitci 8e8enda ka kana8enimadjin mantcenican. Ogi abidjibaigon dac Kije Manidon osa mega ki nibo kina8it odji, egi odjiga8inig omisk8i kidji gi ojitcigadenig Kije Manidon odocki nakomo8ini, apanigotc kagige ke tag8anig.
1 Peter 1:8 in Algonquin 8 Ka8in 8ikad kidodji 8abamasi8a8a Jesos, misa8adj dac kisagia8a. Ka8in nogom kikackitosina8a kidji 8abameg, misa8adj dac kiteb8eta8a8a. Midac 8edji kitci modjigendameg. Ka8in tag8asino8an anim8e8inan kidji ikidonani8ag adi epitci icpendag8ag kimodjigendamo8ini8a.
1 Peter 2:2 in Algonquin 2 Mi maia tabickotc ocki tcidjicag ejinagozieg kiteb8etamo8ini8akag, ega abidji kin8ej ka ako minigo8eg ocki pimadizi8in. Tcidjic mi eta eji mika8idj tcodjocinaboni kidji minik8edj, kidji gi madjigidj. Midac pejig8an kekina8a, kida kitci nda8endana8a Kije Manido odikido8in 8edjidagotc ka teb8emaganig, kidji gi ani madjigieg kiteb8etamo8ini8akag acitc kidji gi ag8acimigo8eg.
1 Peter 2:25 in Algonquin 25 Mi maia tabickotc mantcenicag ka obecka8adj ejinagoziegoban ako, aja dac nogom kigi ki8e8inigom kidji nosone8eg Jesos, 8in ka nagadjiigo8eg ega kidji nigodieg, acitc ka mino kana8enimigo8eg, tabickotc a8iag ka mino kana8enimadjin omantceniciman.
1 Peter 5:1 in Algonquin 1 Nidaiamiag nogom ka niganizi8adj ka iji teb8etamindjin. Kenin niniganizinan. Maiagotc nigi 8abama Jesos Christ apitc ka kodagitopan. Midac kenin niga acidagimigo 8ina8akag ke aiamo8adj Jesosan odicpendagozi8ini apitc nag8anig. Midac oo eninagok.
1 John 4:19 in Algonquin 19 8intam Kije Manido kigi sagiigonan, mi 8edji sagii8eiak kekina8it.
1 John 5:1 in Algonquin 1 Aa a8iag ka teb8etag mi aa Jesos Kije Manidon kagi ikidonipanin kidji pidjinijaogodjin kidji ag8acimigo8ak, Kije Manido odabinodjijiman ijinagozi. A8iag ka sagiadjin Kije Manidon Kidadaminani, osagian acitc Kije Manidon odabinodjijimini.
Revelation 2:23 in Algonquin 23 Niga nisiman acitc odabinodjijiman. Kakina dac ka teb8etamo8adj kada odji kikendamog nin kakina e kikendaman adi enendamo8adj a8iagog acitc adi ejidee8adj. Adi kagi iji pimadizieg, kiga iji tibakoninom.