John 17:24 in Algonquin 24 “Nidadam! Igi8e kagi minijian, ninada8endan ka iji teian ke8ina8a kidji te8adj, mi kidji 8abamiji8adj epitci icpendagozi8ag. Kigi minijinan kidji iji icpendagozian, egi sagiijian ab8amaci ojitcigadeg oo aki.
Other Translations King James Version (KJV) Father, I will that they also, whom thou hast given me, be with me where I am; that they may behold my glory, which thou hast given me: for thou lovedst me before the foundation of the world.
American Standard Version (ASV) Father, I desire that they also whom thou hast given me be with me where I am, that they may behold my glory, which thou hast given me: for thou lovedst me before the foundation of the world.
Bible in Basic English (BBE) Father, it is my desire that these whom you have given to me may be by my side where I am, so that they may see my glory which you have given to me, because you had love for me before the world came into being.
Darby English Bible (DBY) Father, [as to] those whom thou hast given me, I desire that where I am they also may be with me, that they may behold my glory which thou hast given me, for thou lovedst me before [the] foundation of [the] world.
World English Bible (WEB) Father, I desire that they also whom you have given me be with me where I am, that they may see my glory, which you have given me, for you loved me before the foundation of the world.
Young's Literal Translation (YLT) `Father, those whom Thou hast given to me, I will that where I am they also may be with me, that they may behold my glory that Thou didst give to me, because Thou didst love me before the foundation of the world.
Cross Reference Matthew 25:21 in Algonquin 21 “Okackaman dac ogi igon: ‘Mi iidi k8aiak! Maiagotc kimino anokitage8inni8inan acitc kikitci teb8eiendagozinan! K8aiak kigi todan, misa8adj pagi eta egi inanoninaban. Kiga anonin dac mane kegonan kidji nagadjito8anin. Pi nda 8idji mina8azimicin.’ ”
Matthew 25:23 in Algonquin 23 “Okackaman dac ogi igon: ‘Mi iidi k8aiak! Maiagotc kimino anokitage8inni8inan acitc kikitci teb8eiendagozinan! K8aiak kigi todan, misa8adj pagi eta egi inanoninaban. Kiga anonin dac mane kegonan kidji nagadjito8anin. Pi nda 8idji mina8azimicin.’ ”
Matthew 25:34 in Algonquin 34 “Aa dac ogima oga inan ini8e okitcinikikag ka tendjin: ‘Pijaok, kina8a Nidadam ka ca8enimigo8eg! Mi iima ke iji tibendagozieg Ogima8i8inikag kagi ojitamago8eg ka ako kijendjigadeg aki.
Matthew 26:29 in Algonquin 29 Ki8idamonom, ka8in 8ikad mina8adj niga minik8esi oo cominabo pinici kidji 8idji minik8eminagok ocki cominabo Nidadam Odogima8i8inikag.”
Luke 12:37 in Algonquin 37 Kada mino iji8ebizi8ag igi8e anokitage8innig e mikago8adjin okackami8an e taji pio8adj, ega e taji niba8adj. Teb8e ki8idamonom, kada meckodjikonae aa kacka, tabickotc anokitage8inni kidji ijiodj, acitc oga nd8e8eman odanokitage8inniman kidji 8isinindjin acitc 8in tibina8e oga acaman.
Luke 22:28 in Algonquin 28 “Apanigotc kigi paba 8idjiojim taji ka iji paba kodagito8an.
Luke 23:43 in Algonquin 43 Jesos ogi inan: “Teb8e ki8idamon, ogajigag kiga 8idjiojinan 8ak8ig, 8edi ka iji8inagani8i8adj ka ca8endagozi8adj.”
John 1:14 in Algonquin 14 Aa Jesos, “Kije Manido Odanim8e8in” ka ijinikanagani8igobanen, ki pi nta8igi ooma akig acitc 8enibik nigi 8idji tajikemigonan. Kabe kitci kije8adizi acitc kabe teb8e. Nigi 8abadananan odicpendagozi8in, Kije Manido kagi minadjin Og8izisan ka motci pejigondjin.
John 12:26 in Algonquin 26 Kicpin a8iag 8i anokitaojidj, panima ki nosoneojidj. Adigotc dac nin ke teian, mi ke8in ke paba tedj aa ka anokitaojidj. Kicpin dac a8iag anokitaojidj, Nidadaman oga kitci apitenimigon.”
John 14:3 in Algonquin 3 Apitc ick8a ojito8an taji ke iji tajikeieg, kiga pi nadji8ininom. Midac taji ke teian, mi acitc kekina8a ke teieg.
John 17:5 in Algonquin 5 Nidadam! Ab8amaci tag8agiban aki, nigi kitci icpendagozinan e 8idjiojian. Minicin dac nogom mina8adj kidji iji kitci icpendagozian e 8idjiojian.”
1 Corinthians 13:12 in Algonquin 12 Nogom ka8in kipaiete8abadasinananan kegonan, mi maia tabickotc 8abamonikag ka kitci packineabikizidj iji inabiakoban. Nigodin dac kiga pagakabimin. Nogom kiabadj ka8in kakina kegon nikikendasin. Ii dac apitc, mizi8e kegon niga nisidotan, tabickotc Kije Manido maia eji cabo kikenimijidj.
2 Corinthians 3:18 in Algonquin 18 Kina8it dac ka teb8etamak, ka8in kegon kigagi nigeig8eogosinan kidji iji nagabinigo8ak kidji nisidotamak. Aja tebinag8ani ka Tibendjigedj odicpendagozi8in kina8itinakag, tabickotc 8abamon ka tcakabikizodj e ijinagoziak. Aja nogom kitaji adjisemin, tabickotc ka Tibendjigedj kidji ijinagoziak, eckam kidji ani kitci paietenag8anig odicpendagozi8in kina8itinakag. Mino Manido ka todaonak, 8in ka Tibeniminak.
2 Corinthians 4:6 in Algonquin 6 Kije Manido mega ki ikido 8eckadj: “Taji ka iji kacki tibikag, nidinakonige kidji 8aseag.” Misa dac 8in Kije Manido kagi todag kidji tanasakonenig 8asea8ini nideinakag. E kikendam8aiak dac Kije Manido odicpendagozi8in, mi 8edjimaganig ii 8asea8ini. 8abadjigadeni dac ako Kije Manido odicpendagozi8in apitc 8abamagani8idj Jesos Christ.
2 Corinthians 5:8 in Algonquin 8 Teb8e nikitci sogideemin, acitc na8adj nida min8endananan kidji nagadamag oo 8ia8, kidji a8i 8idji tajikemagidj ka Tibeniminak.
Philippians 1:23 in Algonquin 23 Midjinijin ini8e kegonan ni8a8ikobinigonan. Nida kitci min8endan kidji nibo8an kidji a8i nda 8abamag Jesos Christ. Na8adj kada minoseban apitc8in kiabadj pimadiziaban.
1 Thessalonians 4:17 in Algonquin 17 Mina8adj dac, kina8it kiabadj e pimadiziak, nena8idj 8ak8ikag kiga icpikamin, kigi 8ina8a kagi nibo8adj, kidji nda nagicka8aiak ka Tibendjigedj 8edi icpimig. Apanigotc dac mojag kiga 8idji tajikemanan ka Tibendjigedj.
1 John 3:2 in Algonquin 2 Ni8idji8aganag ka kitci sagiinagok! Aja Kije Manido odabinodjijiman kidijinagozimin. Anic dac ka8in maci kigagi kikendasinanan 8egonen ke iji8ebag nigan, adi maia ke ijinagoziak. Misa8adj dac kikikendananan apitc Jesos ke koki tag8icig ooma akikag, tabickotc 8in kiga ijinagozimin. Teb8e mega maia ejinagozidj kiga 8abamanan.
Revelation 3:21 in Algonquin 21 Igi8e ke sogigaba8i8adj, niga minag kidji 8idji ogimamiji8adj. Mama8 niga abimin nikitci ogima8i tesabi8aganikag. Mi pejig8an kenin, nigi sogigaba8inan, midac nin acitc Nidadam mama8 nidabimin okitci ogima8i tesabi8aganikag.
Revelation 7:14 in Algonquin 14 Nigi ina: “Ka8in nin nikikenimasig. Kin kikikenimag.” Nigi 8idamag dac: “Mi ogo8e kagi kitci nanekadjiagani8i8adj, ogi cabockana8a dac. Ogi 8abigizana8an okonasi8an, Mantcenicesan omisk8ini e abadjito8adj.
Revelation 21:22 in Algonquin 22 Ka8in nidodji 8abadasin aiamiemigi8am iima odenag. Kije Manido mega ka Tibendjigedj ma8adji ka kitci macka8izidj apanigotc te iima, acitc Mantcenices ke8in iima kabe te. Ka8in dac mamakadj aiamiemigi8amikag taji icpenimagani8isi8ag.