James 3:6 in Algonquin 6 Mi maia tabickotc ickode ejinag8ag kidenananan. Kakinagotc madji ijitcigemagan kia8inakag, midac mizi8e kia8inan eji 8anadjitomagag. Kitci ickodekag odjimagan ii ickode kidenananakag ka tag8ag, acitc sakaigemagan kipimadizi8ininakag ka ako nta8igiak pinici kidji nibo8ak.
Other Translations King James Version (KJV) And the tongue is a fire, a world of iniquity: so is the tongue among our members, that it defileth the whole body, and setteth on fire the course of nature; and it is set on fire of hell.
American Standard Version (ASV) And the tongue is a fire: the world of iniquity among our members is the tongue, which defileth the whole body, and setteth on fire the wheel of nature, and is set on fire by hell.
Bible in Basic English (BBE) And the tongue is a fire; it is the power of evil placed in our bodies, making all the body unclean, putting the wheel of life on fire, and getting its fire from hell.
Darby English Bible (DBY) and the tongue [is] fire, the world of unrighteousness; the tongue is set in our members, the defiler of the whole body, and which sets fire to the course of nature, and is set on fire of hell.
World English Bible (WEB) And the tongue is a fire. The world of iniquity among our members is the tongue, which defiles the whole body, and sets on fire the course of nature, and is set on fire by Gehenna.{Gehenna is a name that describes a burning Hell with rotting bodies and unclean things in it}
Young's Literal Translation (YLT) and the tongue `is' a fire, the world of the unrighteousness, so the tongue is set in our members, which is spotting our whole body, and is setting on fire the course of nature, and is set on fire by the gehenna.
Cross Reference Matthew 5:22 in Algonquin 22 Nin dac 8in ki8idamonom oo8e. A8enenigotc ke kiji8azig8en o8idjiki8en odji kada tibakonagani8i. Aa8e ka inadjin o8idjiki8en: ‘Kikikimadizinan!’ kada iji8inagani8i nigan Coda8inni kitci aiamie onakonige8innikag. Aa dac ka inadjin: ‘Ka8in odji pejig kidabadizisi!’ kackitamadizo kitci ickodekag kidji madjocte8ebinagani8idj.
Matthew 12:24 in Algonquin 24 Apitc dac Coda8innig ka nagadjito8agobanen inakonige8inan ka nodage8agobanen ii, ki ikido8ag: “Mi aa madji manido ogima, ‘Beelzebul’ ka ijinikazodj, kagi minadjin Jesosan macka8izi8ini kidji gi sagidjinija8andjin madji manidon a8iagokag!”
Matthew 12:32 in Algonquin 32 A8enenigotc ke madji mikomijig8en nin, Ka pi Anicinabe8iidizodj, kada kasiama8agani8i. Anic dac a8enenigotc ke madji mikomag8enin Mino Manidon, ka8in 8ikad kada kasiama8agani8isi, ka8in nogom acitc ka8in kek8an pidjinag.”
Matthew 15:11 in Algonquin 11 Ka8in 8in ka pidigemaganig a8iag odonikag ka pataigodj, tiegodj ka sagidjisenig.”
Mark 7:15 in Algonquin 15 Ka8in kegoni ka pidigemaganig a8iag o8ia8ikag ogagi pataigosin. Tiegodj, odeikag ka odji sagidjisenig, mi ii8e ka pataigodj.
Mark 7:20 in Algonquin 20 Kiabadj dac ki ikido: “8egonenigotc odeikag ke odji sagidjisenig, mi ke pataigodj.
Mark 14:55 in Algonquin 55 Igi8e Coda8inni kitci aiamie ogimag acitc kakina Coda8inni kitci aiamie onakonige8innig, ogi k8ag8e mikana8a kegoni kegi odji inactaona8apanin Jesosan, kidji gi odji ick8aienima8adjin. Ka8in dac kegoni ododji mikasina8a kegi odji ick8aienima8apanin.
Luke 16:24 in Algonquin 24 Ki pibagi dac: ‘Abanaam nidadam, kidimagenimicin! Lazare pidjinijao kidji pakobindjitadj pagi acitc kidji pi pagigaga8inag nibini nidenanakag. Nikitci kodagito mega ooma ickodekag.’ ”
Acts 5:3 in Algonquin 3 Pien dac ogi inan: “Ananias! Adi 8edji ki pagidinadj madji manido kidji kigickag kideini? Kigi kagina8ickima Mino Manido, e kana8enimadj pagi conia apitc ka ick8a ada8ean kidaki.
Acts 6:13 in Algonquin 13 Ogi pidji8ina8an acitc nandam naben kidji kagina8ickindjin, e ikidondjin: “8aa nabe kabe omamanazodan kitci aiamiemigi8amini Kije Manidon ka tibendamindjin acitc dac Mois odinakonige8ini.
Acts 20:30 in Algonquin 30 8a8adj acitc nandam e tacieg kada kagina8icki8ag, kidji k8ag8e 8aiejima8adjin ka teb8etamindjin. Oga madjina8an dac nandam ka teb8etamindjin.
Romans 3:13 in Algonquin 13 Odanim8e8ini8an ka odji sagidjisenigin odoni8akag, mi maia pejig8an tcibai mitigo8aj kiabadj ka ceab8esig ejinag8anigin. Kidji 8agackibina8adjin a8iagon odinabadjitona8an odenana8an. Mi maia kinebig opitcibo8in ejinag8anigin odikido8ini8an.
Romans 16:17 in Algonquin 17 Nidjiki8eg! Ki8idamonom dac kidji iag8amieg igi a8iagog ka iji kikinoamage8adj pakan kina8a kagi pi iji kikendameg. O8i nenicikebina8an ka teb8etamindjin, acitc o8i pakebina8an. 8imackaokog igi!
2 Corinthians 11:13 in Algonquin 13 Ka8in igi teb8e Jesos Odanodaganan. Kagina8icki8ag e mikodamo8adj omikimo8ini8a. Jesos Christ Odanodaganan in8ekazo8ag.
Ephesians 5:3 in Algonquin 3 Kije Manido odanicinabeman ka paiekideendjin kidijinagozim. Ka8in dac odji pejig madji aido8in kida pamendasina8a, ka8in kida madjakamigizisim, acitc ka8in kida odenimasi8a8a a8iag odaiman odji. Ka8in inakamigizikegon a8iag kidji odji inendag e inadizieg iidi.
Colossians 3:8 in Algonquin 8 Nogom dac 8ebinamokon ini madji ijitcige8inan. Ka8in kiji8azikegon, ka8in kitci sogina8ezikegon, ka8in 8i madji toda8akegonig a8iagog, ka8in manazomakegonig kodagiag, acitc ka8in manad8ekegon.
2 Thessalonians 2:9 in Algonquin 9 Ab8amaci dac nisagani8idj aa kitci madji a8iag, kada tag8icin ooma akikag, acitc kitci madji manidon omacka8izi8ini oga abadjiton, kitci aianodj ka mamakazinag8anigin kegonan kidji 8abadai8edj acitc kitci aianodj kidji mamada ijitcigedj, kidji gi odji 8aiejimadjin a8iagon.
Titus 1:11 in Algonquin 11 Panima ki odjiagani8i8adj kidji iji kikinoamage8adj. O8aiejima8an mega kitci mane a8iagon oteb8etamo8inikag, nanigodin kakina a8ian pejig migi8amini ka tajikendjin. Anodjigotc kegoni ega ka inendagozi8adj kidji iji kikinoamage8adj, mi eji kikinoamage8adj, conian dac eta 8edji ijitcige8adj.
James 2:7 in Algonquin 7 Acitc dac, mi kabe igi8e ka 8anadizi8adj ka manazodamo8adj Jesosan o8izoni, 8inikag ka iji tibendagozieg.
2 Peter 2:1 in Algonquin 1 8eckadj ako tebanig niganadjimo8innig ka paba kikinoama8a8apanin Kije Manidon odanicinabemini, ega Kije Manidokag e odji8agobanen, kagina8ickibanig mega. Mi pejig8an, a8iagog ka kagina8icki8adj kiga pi nda kikinoamago8ag. Kiga pi k8ag8e kikinoamago8ag kagina8icki8inan ke kitci madji todagemaganigin. 8a8adj oga ana8enima8an ka Tibendjigendjin kagi ag8acimigo8agobanen. Ii dac ke todamo8adj, kada nda kackitamadizo8ag kitci kaiezigotc kidji nici8anadjiagani8i8adj.
2 Peter 3:3 in Algonquin 3 Mi oo8e ma8adji ketci apitendag8ag kegon kidji nisidotameg. Apitc ani ponaki8ag, nandam a8iagog kada panaage8ag adi eji madji mosa8endamo8adj. Kiga papiigo8ag,
3 John 1:10 in Algonquin 10 Apitc pijaian, niga mikodan adi e madji inakamigizidj. Nipag8anomig, e paba kagina8ickidj. Ka8in ii eta inakamigizisi. Ka8in o8i 8idoka8asin a8iagon ka paba kagik8endjin. Kicpin dac a8iagon 8i 8idoka8andjin ini8e ka paba kagik8endjin, ka8in opagidinasi8an, acitc mi eji sagidakonadjin ka iji ma8adjiidindjin ka teb8etamindjin.
Jude 1:8 in Algonquin 8 Midac pejig8an ejitcige8adj igi a8iagog kagi pija8adj kina8akag. Mi gotc ka inabadamo8adj, mi enakamigizi8adj. O8initona8a o8ia8i8a, e todamo8adj adi eji madji mosa8endamo8adj, acitc ka8in opagidinasi8a8an Kije Manidon kidji tibenimigo8adjin, acitc omanazoma8an ajenin ka kitci icpendagozindjin.
Jude 1:15 in Algonquin 15 Oga pi nda tibakonan kakina a8iagon ooma akikag. Oga pajacte8an kakina ini8e ega ka ndotagodjin, adi kagi iji nta madji inakamigizindjin meg8adj ka k8ag8e nak8itagodjin, acitc adi kagi iji manazomigodjin ini patado8innin kagi ana8enimigodjin,” ki ikido.
Revelation 2:14 in Algonquin 14 Anic dac nandam kegon ki8i mikodamonom adi eji ega min8endaman. Nandam e tacieg onadota8a8an adi eji kikinoamagendjin Balaaman. 8in ogi kikinoama8abanin Balakan 8eckadj adi ke todamindjin kidji 8ik8adjiandjin Israel a8iagon kidji patadindjin. Ogi kackiman kidji midjindjin 8iasini kagi pagidinigetama8agani8inigobanen manidokanan acitc madji aido8ini kidji pamendamindjin.
Revelation 12:9 in Algonquin 9 Ki sagidji8ebinagani8i dac aa kitci kikadanak. Mi aa 8eckadj kinebig, kitci madji manido kek8an Satan ka ijinikanagani8idj. Apanigotc o8agackibinan kakina a8iagon akikag ka tendjin. Akikag ki iji8ebinagani8i kigi odajeniman.
Revelation 13:1 in Algonquin 1 Kegapitc nigi 8abama pejig madji a8esiz, e odji ag8azidj kitcigamikag. Nij8atcinibanin octig8anan, acitc midatcibanin odeckanan. Pejig oza8iconia sizok8epizoni agodeniban pepejig odeckanakag. 8izoni ki ojibiigadeniban pepejig octig8anikag, e manazomagani8idj Kije Manido.
Revelation 13:14 in Algonquin 14 Ogi 8agackibinan dac a8iagon akikag ka tajikendjin, egi minagani8idj kidji gi mamada8izidj meg8adj e taji kana8abamigodjin nitam madji a8esizan. Ogi inan a8iagon: “Ojiik manidokan kidji gi manadjieg aa a8esiz kagi mij8aganiagani8idj kitci mokomani e abadanig acitc misa8adj kagi pimadizidj. Ojiik manidokan 8in ka ijinagozidj kidji ijinagozindjin.”
Revelation 18:23 in Algonquin 23 Ka8in 8ikad mina8adj kada 8asakonesinon 8edi. Ka8in kada teb8e8idasi nabe kagi niba8idj acitc okokomiman iima odenag. Misa dac kada nici8anadjiomagan ii odena. Osa mega ada8e8innig iima ka te8apan, 8ina8a ma8adji kitci apitendagozibanig mizi8ekamig, acitc a8iagog iima ka tajike8apan, e mandoke8adj, ogi 8agackibina8an a8iagon mizi8ekamig.
Revelation 19:20 in Algonquin 20 Midac ki na8adjibinagani8i aa madji a8esiz. Ki na8adjibinagani8i acitc aa8e “niniganadjimo8inni8inan” ka in8ekazopanin. Mi aa8e kagi mamada8izidj nigan madji a8esizikag. Ogi 8agackibinan dac iidi a8iagon kidji odisigondjin madji a8esizan okikina8adjibiigani acitc kidji icpenimandjin madji a8esizan omanidokanimini. Apitc dac ka na8adjibinagani8i8adj midjinijin, ki madjocte8ebinagani8i8ag kiabadj e pimadizi8adj. Mi maia sagaigan ejinag8ag ii ickode, ka kitci oza8abateg ka kitci kotazomateg.