Cross Reference Matthew 7:11 in Algonquin 11 Misa8adj madjideeieg, kikikendana8a mino kegonan kidji mineg8a kidabinodjijimi8ag. Midac na8adj a8acamej Kidadami8a 8ak8ig ka tedj ke iji minadjin mino kegonan ini8e ka k8ag8edjimigodjin.”
Matthew 12:28 in Algonquin 28 Ka8in kitci madji manido ogima Beelzebul ka minijidj macka8izi8ini kidji sagidjinija8ag8a madji manidog, 8in Kije Manido Omino Manidoman ka minijidj. Ki8abadaigona8a dac Kije Manido Odogima8i8in aja egi pi odisigo8eg.”
Matthew 20:28 in Algonquin 28 Midac pejig8an, kenin, Ka pi Anicinabe8iidizodj, ka8in nidodji pijasi kidji anokitago8an. Nigi pija dac kidji anokitageian, acitc kidji migi8eian nipimadizi8in kidji gi odji ag8acimag8a mane a8iagog.”
Luke 1:74 in Algonquin 74 kidji 8idjiinak, ega kidji madji todago8ak igi8e ka madjenimigo8ak, midac kidji gi anokita8aiak ega kidji tajinijiak,
Luke 4:18 in Algonquin 18 “Nigi minig ka Tibendjigedj Omino Manidoman. Nigi onabamig kidji tibadjimota8ag8a ka kidimagizi8adj min8adjimo8ini. Nigi pidjinijaog kidji tibadjimota8ag8a ka takonagani8i8adj aja kidji pagidinagani8i8adj, acitc ega ka 8abi8adj aja kidji koki 8abi8adj. Nigi pidjinijaog kidji 8idjiag8a ka madji toda8agani8i8adj,
Luke 12:24 in Algonquin 24 Kana8abamikog kakagig. Ka8in kitigesi8ag, acitc ka8in oma8adjitosina8an kitiganan kagi kitige8adj, acitc ka8in tag8asini ke iji asadjigo8adj. Misa8adj dac Kije Manido odacaman. Na8adj kina8a kidapitendagozina8adok apitc8in igi pinecijag!
Luke 12:28 in Algonquin 28 Kije Manido iidi omin8acitonan mijackoni, nogom cibeckodeg ka nta8iginigin, acitc ne8ad 8abanig ke madjocte8ebinigadenigin ickodekag. Kana a8acamej kekina8a kiga odji kana8abamigosi8a Kije Manido kidji 8a8epinigo8eg? Kotadji agacinoja eji teb8etameg!”
John 3:34 in Algonquin 34 Aa8e Kije Manidon ka pidjinijaogodjin 8idamage Kije Manidon ka ikidondjin. Kije Manidon mega omockinetamagon Mino Manidon.
Acts 10:38 in Algonquin 38 Jesos, Nazaret ka odjidj, ogi onabamigon Kije Manidon, midac ka iji minigodjin Mino Manidon acitc macka8izi8ini. Ki kitci paba ija, e paba mino todag, acitc e kigeadjin a8iagon madji manidon ka kigickagondjin. Kije Manido mega ogi 8idji8an.
Acts 14:15 in Algonquin 15 “Adi 8edji todameg ii? Nidanicinabe8imin tabickotc kina8a! Nitibadjimomin Kije Manido omin8adjimo8in. Ki8idamagom kidji 8ebineg8a igi manidokanag ega ka abadizi8adj, kidji gi icpenimeg Kije Manido ka pimadizidj. Mi aa ka kijendagin 8ak8ig, akini, kitcigamini acitc kakina kegoni iima ka tag8anig.
Romans 1:4 in Algonquin 4 Apitc dac Kije Manido ka abidjibaadjin nibo8inikag, Mino Manido ki 8abadai8e mi ini Kije Manidon Og8izisan ka kitci macka8izindjin.
Romans 1:20 in Algonquin 20 Misa8adj ega 8abamagani8idj Kije Manido, ka ako kijendamogobanen akini paietenag8ani adi ejinagozidj apitc a8iagon 8abadamindjin ka pi kijendagin. Paietenag8ani omacka8izi8in ega 8ikad ke ick8asenig, acitc paietenag8ani 8in e Kije Manido8idj. A8iagog dac ka8in kadagi ikidosi8ag ega e kikenima8adjin Kije Manidon adi ejinagozindjin.
Romans 6:13 in Algonquin 13 Ka8in 8a8adj pejig eji pakezieg pagidinakegon patado8inikag kidji iji tibendag8ag, kidji 8i madjakamigizieg. Tiegodj, pagidinik Kije Manido kidji tibenimigo8eg, aja mega mi maia kagi abidjibaigo8eg nibo8inikag ejinagozieg. Pagidinamaok Kije Manido kidji tibendagin kakina ka iji papakezieg kia8i8akag, kidji gi k8aiak8adizieg.
Romans 6:22 in Algonquin 22 Nogom dac ka8in aja patado8in kitibenimigosina8a, aja Kije Manido kitibenimigo8a kidji anokita8eg. Kidodji 8idjiigo8a dac kidji ani paiekideeieg, aja Kije Manido e tibenimigo8eg kiga odji odisigona8a kagige pimadizi8in.
Romans 11:12 in Algonquin 12 Apitc ii ka patadindjin Coda8innin, Kije Manido ogi kitci mino toda8an kakina pakan a8iagon ooma akig. Apitc ii ka pagicinindjin Coda8innin, Kije Manido ogi mino ca8eniman pakan ka inakanezindjin. Ketcinadj dac apitc maia koki nagicka8a8adjin Coda8innig Kije Manidon, maiagotc a8acamej oga kitci mino ca8enimigo8an.
Romans 11:24 in Algonquin 24 Kina8a dac ega ka Coda8inni8ieg, mi maia tabickotc o8adik8anan pimide mitig nopimig kagi madjigidj ejinagozieg. Ki kickigaigade8an ini 8adik8anan, acitc ki iji aniko ackodagokadjigade8an kidji madjigigin kodag mitigokag, kitigan akikag kagi kitigani8anig, misa8adj ega iima mitigokag egi odji iji madjigigin. Coda8innig dac 8ina8a, tabickotc 8adik8anan kagi odji madjigigin iima pimide mitigokag kitigan akikag ijinagozi8ag. Ketcinadj dac Kije Manido oga kackiton kidji koki madjigiadjin Coda8innin taji aja 8eckadj kagi iji pimiginipanin.
2 Corinthians 5:21 in Algonquin 21 Ka8in 8ikad odji patadisi Jesos Christ, misa8adj dac Kije Manido ogi pagidinan kidji nisagani8indjin tabickotc patado8innin, kidji gi nabickago8ak. Kije Manido dac oo8e ogi todan kidji gi k8aiak8abamigo8ak, egi nibodj Jesos kina8it odji.
2 Corinthians 6:16 in Algonquin 16 Ka8in odji pejig inendag8asinon kidji asagani8i8adj manidokanag Kije Manido okitci aiamiemigi8amikag. Kina8it dac Kije Manido ka pimadizidj okitci aiamiemigi8am kidijinagozimin. 8adan mega oo8eni ka ikidodj Kije Manido: “Niga 8idji tajikemag igi anicinabeg, acitc niga paba 8idji8ag. Ninikag kada iji Okije Manidomi8ag acitc niga odanicinabemi8age.”
Galatians 2:19 in Algonquin 19 Meg8adj e nosoneamabanin Coda8inni Inakonige8inan, nigi odji nisidotan ka8in 8in e nosoneamanin ini Inakonige8inan ke odji k8aiak8abamijidj Kije Manido. Coda8inni Inakonige8inikag dac, mi maia tabickotc ka nibodj a8iag ejinagozian nogom, ega aja kidji gi tibenimigo8anin ini Inakonige8inan kicpin nibo8aban, midac aja kidji gi pimadizian kidji anokita8ag Kije Manido.
Ephesians 2:5 in Algonquin 5 Mi maia pejig8an kagi nibo8akoban ka ijinagoziak, osa mega kinita patadinanaban. Misa8adj dac, Kije Manido kigi koki pimadiziigonan, tabickotc kagi iji koki pimadiziadjin Jesos Christan. Maiagotc kigi 8abadaigo8a adi epitci kije8adizidj, e kitci ca8enimigo8eg kidji ag8acimigo8eg.
Ephesians 5:2 in Algonquin 2 Adigotc e ijitaieg, kabe sagiik kidjipimadizimi8a, tabickotc Jesos Christ kagi iji sagiigo8ak acitc egi nibodj kina8it odji. Ki migi8e opimadizi8in, tabickotc 8eckadj ako a8esiz ka pagidinigetama8agani8ipan Kije Manido. Jesos dac ogi kitci min8endamian Kije Manidon.
1 Thessalonians 1:9 in Algonquin 9 Kakina mega a8iagog tatibadjimo8ag adi ka iji mino todaojiag apitc kina8akag ka teiagiban. Tatibadjimo8ag adi kagi iji pakanadizieg kidji gi nosone8eg Kije Manido, ega kiabadj e icpenimeg8a manidokanag. Nogom dac kidanokita8a8a Kije Manido, 8in teb8e ka Kije Manido8idj ka pimadizidj,
1 Timothy 1:17 in Algonquin 17 8egona kagige manadjiagani8idj acitc icpenimagani8idj aa Kitci Ogima, kagige ke ogima8idj, kagige ke pimadizidj, ega ka 8abamagani8idj, mi eta aa8e ka Kije Manido8idj! Amen.
1 Timothy 3:15 in Algonquin 15 kicpin dac 8ikadedian, kiga odji kikendan adi ke todaminipanin Kije Manido odanicinabeman ma8asag kidji mino inadizindjin, ini8e a8iagon ka ma8adjiidindjin kidji aiamiendjin, ka iji tibendagozindjin Kije Manidokag, 8in kagige ka pimadizidj. Igi8e mama8 ka teb8eta8a8adjin Kije Manidon, mi 8edji macka8izimaganig acitc mi 8edji sogi kana8endjigadenig Kije Manido oteb8e8in.
Titus 2:14 in Algonquin 14 Ki pagidenimidizo kina8it odji, ega mina8adj kidji tibenimigo8akonin kipatado8ininanan, acitc kidji gi paiekideeiak, odanicinabeman kidji apitendagoziak, e 8i mino ijitcigeiak.
Hebrews 1:3 in Algonquin 3 Mi maia tabickotc epitci icpendagozindjin Og8izisan tabickotc 8in, acitc mi maia 8in tabickotc ejinagozindjin. Onagadjitoni Og8izisan kakina kegoni, e abadjitondjin ini ka kitci macka8izimaganigin odikido8inan. Ogi todan kidji kasiama8agani8indjin a8iagon opatado8ini, mina8adj dac Kije Manidon ka kitci macka8izindjin okitcinikinikag ki iji abi 8ak8ig.
Hebrews 6:1 in Algonquin 1 Kidinendagozimin dac kidji ani madjigiak, acitc kidji ani kikendamakonin kikinoamage8inan na8adj ka kitci sanagagin, ka odji kikenimagani8idj Jesos Christ. Ka8in apanigotc minamina8adj kida koki mikodasinananan nitam kikinoamage8inan aja ka kikendamakonin. Ka8in dac panima apanigotc kiga koki kikinoamagosimin panima kidji an8endizo8ak egi todamakonin kegonan ega ke ag8acimigo8akonin, acitc panima kidji teb8eta8aiak Kije Manido.
Hebrews 7:27 in Algonquin 27 Ka8in pejig8an ijinagozisi Jesos ka ijinagozi8adj kodagiag aiamie ogimag ka niganizi8adj. Ka8in mega mamakadj taso kajik pagidinigesi kidji gi odji kasiama8agani8idj ka iji patadidj, acitc kidji gi odji kasiama8agani8indjin kodagian a8iagon ka iji patadindjin. 8in dac, abidinaj eta ki odji pagidinige, apitc kagi pagidenimidizodj kidji nibodj, kagige kidji mikimomaganig opagidinige8in.
Hebrews 9:7 in Algonquin 7 Kodag dac ii8e ka iji pakeiganig, mi eta aiamie ogima ma8adji ka niganizidj pidigeban iima, abidinaj dac eta e pejigopibonaganig. Tasin dac e pidigepan, odiji8idonaban ako a8esizi misk8ini, acitc opagidinigetama8abanin ii misk8ini Kije Manidon kitcit8a mitigo8ajikag, kidji gi odji kasiigadenigin 8in opatado8inan, acitc dac kodagian a8iagon opatado8ini8an, kagi iji patadinigobanen ega e kikendamindjin.
Hebrews 9:9 in Algonquin 9 Acitc kidiji kikinoamagomin nogom ogajigag ega 8in ca8endjiganan acitc a8esizag kagi pagidinigetama8agani8idj Kije Manido kegi paiekideea8adjin ini a8ian iidi ka iji aiamiendjin.
Hebrews 9:12 in Algonquin 12 Jesos Christ ki pidige maia taji eji tendjin Kije Manidon, mi maia tabickotc aiamie ogima ma8adji ka niganizidj ka pidigedj ma8adji ka iji kitcit8a8anig kitcit8a nibaganikag. Jesos dac 8in tibina8e omisk8i ogi pagidinan, ka8in minago mantcenican omisk8ini kek8an nabe mictozocan omisk8ini ododji abadjitosin kidji pagidinigedj. Abidinaj eta iidi ogi todan, acitc kagige kigi odji ag8acimigonan.
Hebrews 10:2 in Algonquin 2 Kicpin ki paiekideeigo8apanin a8iagog ini Inakonige8inan, kadagi poni pagidinigebanig. Aja mega kadagi kasiama8agani8ibanig opatado8ini8an igi8e ka icpenima8adjin Kije Manidon iidi, acitc ka8in kiabadj kadagi agadjisibanig egi patadi8adj.
Hebrews 10:22 in Algonquin 22 Ii dac odji, nazika8adan enigokodeeiak Kije Manido, e kitci sogi teb8eta8aiak. Ogi paiekiton mega kideinani kakina adi eji manadanig, acitc ogi kizisibadon kia8inani e kitci paiekagaminig nibini e abadjitodj.
Hebrews 11:21 in Algonquin 21 Tcekap ogi teb8eta8an Kije Manidon, acitc dac ii odji, apitc ka ani pec8abadag kidji nibodj, ogi aiamit8anan nijin ojisan, mi ini midjinijin Josepan (Joseph) og8izisini. Ogi icpeniman dac Kije Manidon, meg8adj e taji apadjidj osakaonikag.
1 Peter 1:19 in Algonquin 19 Tiegodj Jesos Christ omisk8i ka kitci apitendag8anig 8edji ki ag8acimigo8eg. 8eckadj ako, apitc e pagidinigetama8agani8ipan Kije Manido mantcenicesan, panima maia kidji kitci minozindjin, ega odji pejig kidji iji manadizindjin o8ia8inikag. Mi tabickotc ini mantcenicesan ejinagozipan Jesos, kagi pagidenimagani8igobanen kidji gi ag8acimigo8eg.
1 Peter 2:22 in Algonquin 22 Ka8in 8ikad odji patadisi acitc ka8in 8ikad odji kagina8ickisi.
1 Peter 2:24 in Algonquin 24 Jesos 8in tibina8e ogi pimi8idonan kipatado8ininanan o8ia8ikag apitc ka nibodj tcibaiatigokag, ega 8ikad mina8adj patado8inikag kidji iji tibendagoziak, tiegodj k8aiak kidji pimadiziak. Jesos egi mij8aganiagani8idj, nogom aja kigi odji kigeigom.
1 Peter 3:18 in Algonquin 18 Mi mega Jesos ke8in ka iji8ebizidj. Jesos Christ ki nibo abidinaj eta, a8iagog opatado8ini8an kidji gi kasiigadenigin. 8in ega 8ikad ka patadidj, ki nibo kina8it odji ka patadiak, Kije Manido kidji gi mino 8idji8aiak. Teb8e ki nisagani8iban, Mino Manidon dac ogi koki pimadiziigon.
1 Peter 4:2 in Algonquin 2 Midac nogom meg8adj e pimadizieg ooma akig, mi panima eji min8endag Kije Manido kiga todana8a. Ka8in dac kiabadj ii todakegon ka iji mosa8endamo8adj igi8e ega ka teb8etamo8adj.
1 John 1:7 in Algonquin 7 Anic dac, kicpin 8asea8inikag iji pimadiziak, tabickotc Kije Manido ka iji 8aseanig ka tedj, kimama8inomin kakina ka taciak, acitc Jesos, Kije Manido Og8izisan, kikasiamagonan kakina ka iji patadiak, egi pagidenimidizodj kidji nibodj tcibaiatigokag kina8it odji.
1 John 3:5 in Algonquin 5 Kikikendana8a Jesos egi pi tag8icig kidji kasiama8adjin a8iagon opatado8ini. 8in dac ka8in 8ikad ki patadisi.
Revelation 1:5 in Algonquin 5 Nipagosenima acitc Jesos Christ kidji ca8enimigo8eg acitc kidji minigo8eg pekadendamo8ini, 8in kabe ka teb8edj e mikomadjin Kije Manidon. 8intam kagi abidjibadj. 8in okackakanan kakina ogiman ka tacindjin 8akidakamig. Kisagiigonan sa, acitc ki pagidenimidizo kidji nibodj kina8it odji, ega 8ikad mina8adj kidji tibenimigo8akonin kipatado8ininanan.