Hebrews 6:19 in Algonquin

19 Mi maia tabickotc kinabadjigan ka kitci sogi kinabadeg kitci tciman ejinag8ag ii apenimo8in kidjitcagocinakag. Kikitci sogi midjiminigonan kidji gi sogigaba8iak, acitc oditamomagan 8edi 8ak8ig taji e tedj Kije Manido, taji ma8adji ka iji kitcit8a8anig.

Other Translations

King James Version (KJV)

Which hope we have as an anchor of the soul, both sure and stedfast, and which entereth into that within the veil;

American Standard Version (ASV)

which we have as an anchor of the soul, `a hope' both sure and stedfast and entering into that which is within the veil;

Bible in Basic English (BBE)

And this hope is like a strong band for our souls, fixed and certain, and going in to that which is inside the veil;

Darby English Bible (DBY)

which we have as anchor of the soul, both secure and firm, and entering into that within the veil,

World English Bible (WEB)

This hope we have as an anchor of the soul, a hope both sure and steadfast and entering into that which is within the veil;

Young's Literal Translation (YLT)

which we have, as an anchor of the soul, both sure and stedfast, and entering into that within the vail,

Cross Reference

Matthew 27:51 in Algonquin

51 Ii maia apitc, Coda8inni kitci aiamiemigi8amikag kitci kibigaigan abita ki tadose, icpimig pinici tcabacic. Ki kitci k8ig8an, acitc asinig ki kitci kibickise8ag.

Acts 27:29 in Algonquin

29 Ka pimaci8adj ki kotadji8ag kidji sakabikee8adj. Ogi pagidabiginana8an dac ni8in kinabadjiganan. Ki aiamie8ag dac 8ibadj kidji 8aseanig.

Acts 27:40 in Algonquin

40 Ogi papakijana8an kinabadjiganan, midac kitcigamikag ka iji pakobisenigin. Meg8adj dac ii, ogi aba8a8an ab8in ka min8aigendjin. Midac nigan kitci tcimani ka iji ato8adj abak8ani kidji kadji8ebaci8adj, midac ka iji inaci8adj tcigagam ka iji negao8anig.

Romans 4:16 in Algonquin

16 A8iagog dac e teb8etamo8adj, mi ke odji odisigo8adj ii8eni kagi ikidondjin Kije Manidon kidji migi8endjin. Ka8in kegoni ogagi todasina8a kidji kackitamadizo8adj, oca8enimigo8an Kije Manidon. Kakinagotc Abanaamikag ka odaiagizi8adj, okikendana8a kidji minagani8i8adj. Ka8in 8in eta kagi odisigo8adjin Coda8inni Inakonige8inan ominigosi8an Kije Manidon, ominigo8an acitc igi8e kagi teb8eta8a8adjin tabickotc Abanaam kagi iji teb8etamogobanen. Kidadaminan mega aa Abanaam kakina ka taciak.

Romans 5:5 in Algonquin

5 Ka8in dac ceck8at kiga iji apacenimosimin. Kije Manido mega kigi kitci ca8enimigonan kidji kikendamak kideinakag adi epitci sagiinak, Mino Manidon dac kagi minigo8ak kigi kikendamonigonan ii.

Romans 8:28 in Algonquin

28 Adigotc eji8ebizi8adj, kikikendananan Kije Manido kidji mino toda8adjin ini8e ka sagiigodjin, kagi onenimadjin kidji nd8e8emadjin.

1 Corinthians 15:58 in Algonquin

58 Nidjiki8eg ka kitci sagiinagok! Sogigaba8iok! Ka8in 8ikad pagidenimidizokegon pakan kidji iji teb8etameg! Kabena anokitaok Jesos ka Tibeniminak enigokodeeieg, kikikendana8a mega ega ceck8at e anokita8eg.

Ephesians 2:6 in Algonquin

6 Kigi koki pimadiziigonan Kije Manido tabickotc kagi iji koki pimadiziadjin Jesosan, osa mega Jesos Christikag kidiji mama8isemin. Midac kekina8it kigi asigonan kidji 8idji ogima8imaiak Jesos 8ak8ig.

Colossians 3:1 in Algonquin

1 Apitc Jesos Christ kagi abidjibadj, mi maia tabickotc kekina8a ki abidjibaiegoban. Nanada 8abadamokon dac kegonan 8ak8ig ka tag8agin, taji e tedj Jesos Christ, ka abidj Kije Manidon okitcinikinikag.

2 Timothy 2:19 in Algonquin

19 Anic Kije Manido oteb8e8in ka8in 8ikad pakan ijisesini. Tabickotc ka kitci sogizindjin kitci asinin ke iji sogakisig migi8am ijinag8ani oteb8e8in. Mazinadeni dac iima asinikag oo8e: “Ka Tibendjigedj okikeniman ini8e 8inikag ka iji tibendagozindjin.” Mazinadeni acitc iima: “Kakina igi8e ka ikido8adj: Ka Tibendjigedj nidiji tibendagozimin, panima kada poni madjakamigizi8ag.”

Hebrews 4:16 in Algonquin

16 Ka8in dac cag8enimokedan, acitc nazika8adan Kije Manido ka 8i ca8enimigo8ak, e kitci apacenimo8ageiak. Kiga kidimagenimigonan dac acitc kiga ca8enimigonan kidji gi 8idokago8ak apitc maia nda8enimaiak.

Hebrews 9:3 in Algonquin

3 Agodeban kibigaigan iima pidigamig nibaganikag, acitc k8ekinekena kibigaiganikag tag8anoban kodag e iji pakeigag. “Ma8adji ka iji kitcit8a8endag8ag” dac ijinikadjigadeban ii8e kodag ka iji pakeigag.

Hebrews 9:7 in Algonquin

7 Kodag dac ii8e ka iji pakeiganig, mi eta aiamie ogima ma8adji ka niganizidj pidigeban iima, abidinaj dac eta e pejigopibonaganig. Tasin dac e pidigepan, odiji8idonaban ako a8esizi misk8ini, acitc opagidinigetama8abanin ii misk8ini Kije Manidon kitcit8a mitigo8ajikag, kidji gi odji kasiigadenigin 8in opatado8inan, acitc dac kodagian a8iagon opatado8ini8an, kagi iji patadinigobanen ega e kikendamindjin.

Hebrews 10:20 in Algonquin

20 Mi mega maia tabickotc kibickibidopan 8eckadj kibigaigani ka kibigagodenigiban ka iji pakeigag ma8adji ka iji kitcit8a8endag8ag pidigamig kitcit8a nibaganikag, apitc ka pagidendag Jesos o8ia8 kina8it odji. Kigi ojitamagonan dac ocki mikanani adi kegi iji nazika8aiak Kije Manido, ke odji odisigo8ak pimadizi8in.