Hebrews 6:1 in Algonquin

1 Kidinendagozimin dac kidji ani madjigiak, acitc kidji ani kikendamakonin kikinoamage8inan na8adj ka kitci sanagagin, ka odji kikenimagani8idj Jesos Christ. Ka8in apanigotc minamina8adj kida koki mikodasinananan nitam kikinoamage8inan aja ka kikendamakonin. Ka8in dac panima apanigotc kiga koki kikinoamagosimin panima kidji an8endizo8ak egi todamakonin kegonan ega ke ag8acimigo8akonin, acitc panima kidji teb8eta8aiak Kije Manido.

Other Translations

King James Version (KJV)

Therefore leaving the principles of the doctrine of Christ, let us go on unto perfection; not laying again the foundation of repentance from dead works, and of faith toward God,

American Standard Version (ASV)

Wherefore leaving the doctrine of the first principles of Christ, let us press on unto perfection; not laying again a foundation of repentance from dead works, and of faith toward God,

Bible in Basic English (BBE)

For this reason let us go on from the first things about Christ to full growth; not building again that on which it is based, that is, the turning of the heart from dead works, and faith in God,

Darby English Bible (DBY)

Wherefore, leaving the word of the beginning of the Christ, let us go on [to what belongs] to full growth, not laying again a foundation of repentance from dead works and faith in God,

World English Bible (WEB)

Therefore leaving the doctrine of the first principles of Christ, let us press on to perfection--not laying again a foundation of repentance from dead works, of faith toward God,

Young's Literal Translation (YLT)

Wherefore, having left the word of the beginning of the Christ, unto the perfection we may advance, not again a foundation laying of reformation from dead works, and of faith on God,

Cross Reference

Matthew 3:2 in Algonquin

2 “An8endizok, aja mega peconag8ani Kije Manido Odogima8i8in.”

Matthew 4:17 in Algonquin

17 Ii apitc Jesos ki madjitagoban kidji kagik8edj oo8eni: “An8endizok! Aja mega peconag8ani Kije Manido Odogima8i8in.”

Matthew 5:48 in Algonquin

48 Kina8a dac, apanigotc k8aiakoziok, tabickotc Kidadami8a 8ak8ig ka tedj 8edjidagotc ka kitci k8aiakozidj.”

Matthew 7:25 in Algonquin

25 Ki kitci kimi8ani, ki kitci pajidjibi8anon sibin, acitc ki kitci nodinicinomagan ii migi8am. Ka8in dac odji ka8i8ebasasinon, asinikag mega ki iji sakakisidjigade.”

Matthew 21:29 in Algonquin

29 Og8izisan dac ogi nak8e8ajiigon: ‘Ka8in ni8i nda mikimosi ogajigag.’ Nage dac ki ani adendamon, midac ka iji nda mikimondjin kitigan akikag.

Matthew 21:32 in Algonquin

32 Cabadis mega ki pija kina8akag, e 8abadaigo8eg adi eji nda8enimigo8eg Kije Manido kidji inadizieg. Ka8in dac kidodji teb8eta8asi8a8a Cabadis. Igi8e dac ka ma8adjia8adjin conian kitci ogiman odji, acitc madji ik8e8ag, ogi teb8eta8a8an Cabadisan. Misa8adj egi 8abadameg ii, ka8in kidodji an8endizosim kidji teb8eta8eg.”

Mark 1:1 in Algonquin

1 Mi oo8e e odji madjitamagag min8adjimo8in, ka iji mikomagani8idj Jesos Christ, Kije Manido Og8izisan.

Mark 6:12 in Algonquin

12 Jesos okikinoamaganan ki madja8an acitc ki kagik8e8an kidji an8endizonani8anig.

Luke 6:48 in Algonquin

48 Aa a8iag mi maia tabickotc nabe 8e8enda kagi migi8amikedj ejinagozidj. 8asag ki monaidjicki8aige acitc asinikag ogi iji sakakisidon omigi8am. Apitc dac ka mockaanig sibini, ka8in odji mazikasini omigi8am osa ki kitci sogakisini.

John 1:1 in Algonquin

1 Kitci 8eckadj, ab8amaci Kije Manido ka kijendag akini, aja tegoban a8iag, “Kije Manido Odanim8e8in” e ijinikanagani8igobanen. O8idji8agoban Kije Manidon acitc Kije Manido8iban.

John 5:24 in Algonquin

24 “Teb8e ki8idamonom, a8enenigotc ndotag ka ikido8an acitc teb8eta8adjin ini8e ka pidjinijaojindjin, kagige pimadizi8ini odaian. Ka8in dac kada tibakonagani8isi, tiegodj aja ki ag8acimagani8i ega kidji nibodj, acitc aja odaian kagige pimadizi8ini.

John 12:44 in Algonquin

44 Jesos ki kiji8e e ikidodj: “Aa8e ka teb8etaojidj, ka8in nin eta niteb8etagosi. Ini8e acitc ka pidjinijaojindjin oteb8eta8an.

John 14:1 in Algonquin

1 Jesos ogi inan okikinoamaganan: “Ka8in animendakegon. Teb8etaok Kije Manido acitc kenin teb8etaocik.

Acts 2:38 in Algonquin

38 Pien dac ogi nak8e8ajian: “An8endizok, acitc panima kakina pepejig e tacieg ki sigaadazo8eg Jesos Christ o8izon kidji abadjito8eg, kipatado8ini8an kidji gi kasiamago8eg. Kiga odisigo8a dac Mino Manido, Kije Manido oca8endjige8in.

Acts 3:19 in Algonquin

19 An8endizok dac, acitc koki nazikaok Kije Manido, kidji gi kasiigadegin kipatado8ini8an.

Acts 11:18 in Algonquin

18 Apitc Coda8innig ka teb8etamo8adj ii kagi nodamo8adj, ogi poni kaganona8an Pienan. Ogi icpenima8an dac Kije Manidon e ikido8adj: “Mi sa teb8e Kije Manido ododapinan ega ka Coda8inni8indjin ke8ina8a kidji gi an8endizondjin acitc kidji gi odji pimadizindjin.”

Acts 17:30 in Algonquin

30 8eckadj ako, ka8in onigodinendasinagoban Kije Manido ega e kitci kikenimagani8igobanen, aja dac nogom onada8eniman kakina a8iagon kidji an8endizondjin.

Acts 20:21 in Algonquin

21 Nigi 8idama8ag kakina a8iagog, Coda8innig acitc ega ka Coda8inni8i8adj, kidji an8endizo8adj, kidji koki nazika8a8adjin Kije Manidon, acitc kidji teb8eta8a8adjin Jesosan ka Tibeniminak.

Acts 26:20 in Algonquin

20 Midac ka iji madji inag8a a8iagog kidji an8endizo8adj acitc kidji teb8eta8a8adjin Kije Manidon. Nigi inag kidji mino inakamigizi8adj kidji gi nag8anig egi an8endizo8adj. Nitam nigi 8idama8ag igi8e Damas odena ka tajike8adj, mina8adj dac igi8e Jerusalem ka tajike8adj. Mina8adj dac nigi paba 8idama8ag igi8e mizi8e Coda (Judée) aki ka tajike8adj, ick8eag dac igi8e ega ka Coda8inni8i8adj.

1 Corinthians 3:10 in Algonquin

10 Kije Manido nigi ca8enimig kina8akag kidji gi odji madjitaian. Mi maia a8iag ka ojitodj migi8amini ejinagoziaban, ka cabo kikendag omikimo8in. Nigi ojitonaban ke iji padakisidjigadeg ka madji kagik8eian, aja dac nogom kodagiag otaji ojitona8a ii migi8amini. Kakina dac pepejig a8iag oda nagadjiton 8e8enda kidji ojitodj ii migi8amini.

1 Corinthians 13:10 in Algonquin

10 Nigodin dac Kije Manido kiga kikendamonigonan adi maia ejinagozidj. Ii dac apitc, kada ponise ka p8ana8ito8ak ako kidji nisidotamak.

2 Corinthians 7:1 in Algonquin

1 Ni8idji8agananag ka kitci sagiigo8eg! Mi ii Kije Manido kagi ikidodj ketcinadj kidji todaonak. Kitci 8e8enda dac kida nagadjitonanan adi e ani ijisegin kia8inan acitc kidjitcagocinan, acitc kida na8abadananan kegonan ega ka min8endagin Kije Manido, ke 8iniigo8akonin. Manadjiadan dac Kije Manido acitc enigok k8ag8e paiekideedan, adi eji nda8endag.

2 Corinthians 7:10 in Algonquin

10 A8iag mega Kije Manidokag ijigaba8idj e kackendag egi panaagedj, kada odji an8endizo aa a8iag, midac iidi ke odji ag8acimagani8idj. Ka8in dac a8iag ogagi odji madjendasin ii kackendamo8ini. A8iag dac e kackendag ega 8i pabiziskenimadjin Kije Manidon, kada nibo ega kidji gi ag8acimagani8idj.

Galatians 5:19 in Algonquin

19 Aja kikikendananan adi ako eji madji mosa8endamo8adj a8iagog kidji todamo8adj. Onada8endana8a madji aido8ini kidji pamendamo8adj, kidji madjakamigizi8adj, kidji agazinagozi8adj,

Ephesians 2:1 in Algonquin

1 8eckadj ako, mi maia pejig8an kagi nibo8egoban ka ijinagozieg, osa mega kinita patadina8aban acitc kipanaagena8aban ako.

Ephesians 2:5 in Algonquin

5 Mi maia pejig8an kagi nibo8akoban ka ijinagoziak, osa mega kinita patadinanaban. Misa8adj dac, Kije Manido kigi koki pimadiziigonan, tabickotc kagi iji koki pimadiziadjin Jesos Christan. Maiagotc kigi 8abadaigo8a adi epitci kije8adizidj, e kitci ca8enimigo8eg kidji ag8acimigo8eg.

Ephesians 4:12 in Algonquin

12 Jesos ki migi8e ini ca8endjige8inan kidji gi kackitondjin Kije Manidon odanicinabemini kidji anokitagendjin, midac kakina ka teb8etamindjin, mi maia tabickotc Jesos Christ o8ia8 ka ijinagozindjin, kidji gi odji 8idoka8agani8indjin kidji sogigaba8indjin oteb8etamo8inikag.

Philippians 3:12 in Algonquin

12 Ka8in nidikidosi aja kakina kegon e kackito8an kek8an aja maia k8aiak e inadizian. Tiegodj, mi maia tabickotc pimibato8aban ka iji k8ag8edjikandinani8ag ejinagozian, e kitci k8ag8edjito8an adi epitcian kidji odjitcibato8an 8ek8aiak, kidji gi odisigo8an nikackitamadizo8in. Mi mega ii 8edji Jesos Christ minijidj 8inikag kidji tibendagozian.

Colossians 1:28 in Algonquin

28 Jesos Christ sa dac ka paba mikomagidj. E abadjito8ag kakina kagita8endamo8in ka aiamag, ni8idama8ananag kakina a8iagog adi enendagozi8adj kidji inakamigizi8adj acitc nikikinoama8ananag. Ninada8enimanan mega kakina pepejig a8iag kidji madjigidj teb8etamo8inikag, tabickotc kitci anicinabe kidji ijinagozidj, Jesos Christikag e iji mama8isedj.

Colossians 4:12 in Algonquin

12 Epapanas (Épaphras) ke8in kidanamikago8a, 8in ka anokita8adjin Jesos Christan acitc kina8akag ka odjidj. Apanigotc kitci nak8i e aiamietamago8eg, e pagosenimadjin Kije Manidon kidji sogigaba8ieg, ega kegon kidji nodeseieg kiteb8etamo8ini8akag, acitc enigokodeeieg kidji teb8eta8eg Jesos, pijicig kidji todameg adi eji min8endag Kije Manido.

1 Timothy 3:16 in Algonquin

16 Ka8in a8iag ogagi ana8endasin ii ka kitci apitendag8anig teb8e8ini ka iji teb8etamak, ega kagi kikendjigadenigiban pinici Kije Manido kidji gi ani kikendamonigo8ak! Ki pi anicinabe8iidizo. Mino Manidon ki 8abadai8e8an e k8aiakozidj. Ajenin ogi 8abamigon. Ki mikomagani8i a8iagokag taji ega ka iji kikenimandjin Kije Manidon. Mizi8ekamig mane a8iagon ogi teb8etagon. 8ak8ig ki icpika.

1 Timothy 6:19 in Algonquin

19 Kicpin ii todamo8adj, kada ma8adjitamadizo8ag 8anadizi8inan apanigotc ke kitci min8acinigin acitc apanigotc ke tag8anigin. Mi kidji gi aiamo8adj 8edjida pimadizi8ini.

2 Timothy 2:19 in Algonquin

19 Anic Kije Manido oteb8e8in ka8in 8ikad pakan ijisesini. Tabickotc ka kitci sogizindjin kitci asinin ke iji sogakisig migi8am ijinag8ani oteb8e8in. Mazinadeni dac iima asinikag oo8e: “Ka Tibendjigedj okikeniman ini8e 8inikag ka iji tibendagozindjin.” Mazinadeni acitc iima: “Kakina igi8e ka ikido8adj: Ka Tibendjigedj nidiji tibendagozimin, panima kada poni madjakamigizi8ag.”

2 Timothy 2:25 in Algonquin

25 Panima pekadj oga kikinoama8an ini8e ka ana8etagodjin. Midac ne8ad Kije Manido oga minan ini8e a8iagon kidji an8endizondjin acitc kidji kikendamindjin teb8e8ini.

Hebrews 5:12 in Algonquin

12 Aja kanabadj tibise kin8ej ka madji teb8etameg kidji gi kikinoama8eg8a nogom kodagiag. Anic dac, panima kiabadj kikoki kikinoamagom nitam teb8e8inan Kije Manido odikido8inikag ka odjisegin, tabickotc kagi iji kikinoamago8egoban ockadok. Mi maia tabickotc tcidjic ejinagozieg, ega maci ka kackitodj kidji cacag8adag midjimini, mi eta kidji minik8edj tcodjocinaboni.

Hebrews 7:11 in Algonquin

11 Inakonige8inikag kagi minagani8i8adj Israel a8iagog, mazinadeban panima Lepikag kidji odaiagizi8adj aiamie ogimag. Kicpin dac tibise ki min8acinigiban omikimo8ini8a igi aiamie ogimag kidji gi paiekideea8adjin a8iagon, ka8in mamakadj kadagi tag8icisiban kodag e pakanizidj aiamie ogima, ega Lepikag kidji gi odaiagizipan. Ka8in dac tabickotc Eran (Aaron), Lepikag ka odaiagizipan acitc nitam kagi aiamie ogima8ipan, ijinagozisi 8aa ka pakanizidj aiamie ogima. Tiegodj, Kije Manidon kagi onabamigodjin, tabickotc kagi onabamapanin Mekisedekan.

Hebrews 9:14 in Algonquin

14 Kicpin dac iidi iji macka8izimaganig a8esizag omisk8i8a, na8adj kiabadj a8acamej Jesos Christ omisk8i kitci macka8izimaganidok! Ka8in 8ikad odji patadisi Jesos, acitc 8in tibina8e ki pagidenimidizo Kije Manidokag, e kigickag Mino Manidon omacka8izi8ini kagige ka tendjin. Omisk8i kipaiekideeigonanan, ega kiabadj kidji inendamak panima kidji todamakonin kegonan ega ke ag8acimigo8akonin, tiegodj ki8i anokita8anan ka pimadizidj Kije Manido!

Hebrews 11:6 in Algonquin

6 Ka8in dac a8iag ogagi min8endamiasin Kije Manidon kicpin ega teb8eta8adjin. Kicpin mega a8iag 8i nazika8adjin Kije Manidon, panima ki teb8etag e tendjin acitc e ca8enimandjin ini8e ka nanada 8abamigodjin.

Hebrews 12:13 in Algonquin

13 Ka8in ponitokegon kidji nosoneameg k8aiak mikana. Igi8e dac ka cagozi8adj oteb8etamo8ini8akag, ka8in kada ana8endjigesi8ag, tiegodj kada ani macka8izi8ag.

James 1:4 in Algonquin

4 Panima eckam ki ani sogigaba8ieg, ega 8ikad e ana8endjigeieg, kidji gi odji ani paiekideeieg acitc maia kidji madjigieg kiteb8etamo8ini8akag, ega kegon kidji nodeseieg.

1 Peter 1:21 in Algonquin

21 Jesos odji 8edji teb8eta8eg Kije Manido. Kije Manido ogi abidjibaan Jesosan nibo8inikag acitc ogi minan kidji kitci icpendagozindjin. Midac 8edji teb8eta8eg Kije Manido acitc 8inikag 8edji iji apacenimo8eg.

1 Peter 5:10 in Algonquin

10 Teb8e 8enibik kikodagitom nogom. Midac Kije Manido, 8in apanigotc ka kije8adizidj, ka8in aja kin8ej kidji todag kakina kegoni kidji minosenig kina8a odji. Kiga minigo8a omacka8izi8in. Kiga sogigaba8iigo8a. E teb8eta8eg mega Jesos Christ, kigi nd8e8emigo8a kagige kidji 8idji tajikemeg, 8in ka apitci icpendagozidj.

1 John 4:12 in Algonquin

12 Ka8in 8ikad a8iag ododji 8abamasi8an Kije Manidon. Kicpin dac sagiidiak pepejig e taciak, Kije Manido kiga 8idjiogonan, acitc kada 8abadjigadeni dac epitci kitci sagii8edj, 8abamigo8ak adi enadiziak.

1 John 5:10 in Algonquin

10 A8iag ka teb8eta8adjin Kije Manidon Og8izisini, oteb8etan adi ekidondjin Kije Manidon. A8iag ega teb8etag Kije Manidon adi ekidondjin, mi maia “Kije Manido kagina8icki” inendagiban. Odana8etan mega Kije Manidon e mikomandjin Og8izisini.