Hebrews 3:12 in Algonquin

12 Nidjiki8eg! Nagadjiidiok, ega iaga pejig a8iag kina8akag kidji odji apitci madjideedj acitc kidji apitci ega 8i teb8etag, pinici kidji k8ekigaba8ita8adjin Kije Manidon ka pimadizindjin.

Other Translations

King James Version (KJV)

Take heed, brethren, lest there be in any of you an evil heart of unbelief, in departing from the living God.

American Standard Version (ASV)

Take heed, brethren, lest haply there shall be in any one of you an evil heart of unbelief, in falling away from the living God:

Bible in Basic English (BBE)

My brothers, take care that there is not by chance in any one of you an evil heart without belief, turning away from the living God:

Darby English Bible (DBY)

See, brethren, lest there be in any one of you a wicked heart of unbelief, in turning away from [the] living God.

World English Bible (WEB)

Beware, brothers, lest perhaps there be in any one of you an evil heart of unbelief, in falling away from the living God;

Young's Literal Translation (YLT)

See, brethren, lest there shall be in any of you an evil heart of unbelief in the falling away from the living God,

Cross Reference

Matthew 16:16 in Algonquin

16 Simo Pien dac ogi nak8e8ajian: “Kin aa8e Kije Manidon kagi ikidonipanin kidji pidjinijaogodjin, 8in aa8e ‘Christ’ ka ijinikanagani8idj, Kije Manido ka pimadizidj Og8izisan.”

Matthew 24:4 in Algonquin

4 Jesos ogi nak8e8ajian: “Iag8amendamok ega kidji 8aiejimigo8eg.

Mark 7:21 in Algonquin

21 Pidigamig mega a8iagokag, odeikag odjimagani8an omadji midonendamo8inan, kidji madjakamigizidj, kidji kimodidj, kidji nici8edj,

Mark 13:9 in Algonquin

9 “Kina8a dac, iag8amendamok. A8iagog mega kiga takonigo8ag acitc nigan tibakonige8innikag kiga iji8inigo8ag. Kiga papajacteogo8ag Coda8inni aiamiemigi8amikag. E nosoneojieg mega ke odji takonigo8eg acitc ke odji iji8inigo8eg nigan ka niganizi8adj acitc ogimakag kidji tibakonigo8eg. Ii dac apitc, kiga 8idama8a8ag min8adjimo8ini.

Mark 13:23 in Algonquin

23 Kina8a dac, iag8amig! Kigi 8idamonom nigan kakina ke iji8ebag.”

Mark 13:33 in Algonquin

33 Iag8amig dac! Eco8iok! Ka8in mega kikikendasina8a anapitc ke ponaki8ag.

Luke 21:8 in Algonquin

8 Jesos dac ogi nak8e8ajian: “Iag8amendamok ega kidji 8aiejimigo8eg. Mane mega a8iagog kada pija8ag ni8izoni e abadjito8adj, acitc kada ikido8ag: ‘Nin aa8e Kije Manidon kagi ikidonipanin kidji pidjinijaogodjin,’ kek8an: ‘Aja kegat kada iji8eban.’ Ka8in dac nosone8akegonig.

Romans 11:21 in Algonquin

21 Kije Manido mega ogi manibinan Coda8innin, tabickotc 8adik8anan kagi madjiginigin iima mitigokag ka ijinagozindjin. Ketcinadj dac kiga manibinigo8a kekina8a, kicpin ega teb8eta8eg.

1 Corinthians 10:12 in Algonquin

12 Midac ii odji, aa8e “Nikitci sogigaba8inan” kagi ikidopan, panima ki iag8amidj, ega kidji pagicig.

1 Thessalonians 1:9 in Algonquin

9 Kakina mega a8iagog tatibadjimo8ag adi ka iji mino todaojiag apitc kina8akag ka teiagiban. Tatibadjimo8ag adi kagi iji pakanadizieg kidji gi nosone8eg Kije Manido, ega kiabadj e icpenimeg8a manidokanag. Nogom dac kidanokita8a8a Kije Manido, 8in teb8e ka Kije Manido8idj ka pimadizidj,

Hebrews 2:1 in Algonquin

1 Midac 8edji panima a8acamej manadjito8akonin teb8e8inan kagi nodageiak, ega kegon kidji pakebinigo8ak.

Hebrews 3:10 in Algonquin

10 Midac 8edji ki kitci kiji8aiji8adj igi a8iagog acitc 8edji ki ikido8an: Apanigotc nidana8enimigog. Ka8in o8i nisidotasina8a adi enag8a.

Hebrews 10:38 in Algonquin

38 A8iagog dac ka k8aiak8adizi8adj, 8ina8a 8edjidagotc kada pimadizi8ag, egi teb8etamo8adj. Kicpin dac 8ebinamo8adj oteb8etamo8ini8a, ka8in niga min8endamiigosig.”

Hebrews 12:15 in Algonquin

15 Nagadjiidizok ega odji pejig a8iag kina8akag kidji ana8endag Kije Manidon okitci ca8endjige8ini. Iag8amig acitc, ega odji pejig a8iag kidji ani ijinagozidj tabickotc kitigan ka kitci 8isagizidj kidji madjigidj kina8akag. Kiga kitci madji todago8a mega kakina kekina8a.

Hebrews 12:25 in Algonquin

25 Iag8amig! Ka8in ana8endakegon kidji ndota8eg Kije Manido ka aiamiigo8eg. 8eckadj ako, Israel a8iagog ogi ana8endana8a kidji ndota8a8adjin Kije Manidon apitc ka aiamiigo8adjin ooma 8akidakamig 8edi Sinai pik8adinakag. Ka8in dac odji kackiosi8ag kidji ojimo8adj e 8i pajacte8agani8i8adj. Kina8it dac, 8ak8ig kidodji aiamiigonan Kije Manido. Kicpin dac ega 8i ndota8aiak, kitci ketcinam kiga pajacteogomin.