Hebrews 13:1 in Algonquin

1 Ka8in poni sagiidikegon kakina pepejig e tacieg, kidiji 8idjiki8edim mega kiteb8etamo8ini8a odji.

Other Translations

King James Version (KJV)

Let brotherly love continue.

American Standard Version (ASV)

Let love of the brethren continue.

Bible in Basic English (BBE)

Go on loving your brothers in the faith.

Darby English Bible (DBY)

Let brotherly love abide.

World English Bible (WEB)

Let brotherly love continue.

Young's Literal Translation (YLT)

Let brotherly love remain;

Cross Reference

John 13:34 in Algonquin

34 Ocki inakonige8in dac kimininom, kidji sagiidieg pepejig e tacieg. Panima kida sagiidim tabickotc kagi iji sagiinagok.

John 15:17 in Algonquin

17 Sagiidiok dac kakina pepejig e tacieg. Mi ka iji 8idamonagok kidji todameg.”

Acts 2:1 in Algonquin

1 Apitc ka odjitcisenig Pentikost (Pentecôte) Kijigan ka ijinikadenig, kakina ka teb8eta8a8agobanen Jesosan ki ma8adjiidi8ag.

Acts 2:44 in Algonquin

44 Kakina ka teb8etamo8adj ki ma8asag8akonidi8ag acitc ogi ma8asag8abadjitona8an odaimi8an.

Acts 4:32 in Algonquin

32 Ii apitc, kakina ka teb8etamo8adj pejig8an ki inendamog acitc pejig8an ki iji mosa8endamog. Ka8in a8iag “nin ii nidaim” ikidosiban, misagotc mama8 odabadjitona8abanin kakina kegonan.

Romans 12:9 in Algonquin

9 Teb8e 8edjida sagiikog kodagiag, ka8in eta ikidokegon e sagieg8a. Madjendamok madji kegon, kitci 8e8enda kana8endamok ka min8acig.

Galatians 5:6 in Algonquin

6 Kicpin mega iji mama8iseiak Jesos Christikag, kidji pak8ejogo8ak kek8an ka8in, ka8in 8in ii nigod. Mi eta ii ketci apitendag8ag kidji teb8eta8aiak Jesos. Kicpin dac teb8eta8aiak, kiga sagiananag kodagiag a8iagog.

Galatians 5:13 in Algonquin

13 Nidjiki8eg! Kije Manido kigi nd8e8emigo8a kidji ega tibenimigo8eg. Nogom dac aja ega e tibenimigo8eg, ka8in kida iji pimadizisim adigotc eji madji mosa8endameg, kina8a tibina8e kidji min8endamiidizo8eg. Tiegodj, kida 8idokodadim kakina pepejig e tacieg, mama8 e sagiidieg.

Galatians 5:22 in Algonquin

22 Igi8e dac ka pagidina8adjin Mino Manidon kidji 8abadaigo8adjin adi ke iji pimadizi8adj, mi oodi e inakamigizi8adj. Sagii8e8ag, min8endamog, pekadendamog, cacibendamog, kije8adizi8ag, minodee8ag, teb8eiendagozi8ag,

Ephesians 4:3 in Algonquin

3 Mino Manido kiminigo8a kidji pekadendameg, mi ke odji mama8ino8eg kakina ka tacieg. Midac kitci nak8iok adi epitcieg kidji mino 8idji8idieg pekadendamo8inikag.

Ephesians 5:2 in Algonquin

2 Adigotc e ijitaieg, kabe sagiik kidjipimadizimi8a, tabickotc Jesos Christ kagi iji sagiigo8ak acitc egi nibodj kina8it odji. Ki migi8e opimadizi8in, tabickotc 8eckadj ako a8esiz ka pagidinigetama8agani8ipan Kije Manido. Jesos dac ogi kitci min8endamian Kije Manidon.

Philippians 2:1 in Algonquin

1 Jesos Christikag e iji mama8iseieg, teb8e kikitci odji sogigaba8im. E kikendameg e sagiigo8eg, teb8e kidodji sogideem. Teb8e ki8idjiogo8a Mino Manido. Teb8e kisagiidim acitc ki8idokodadim kakina pepejig e tacieg.

1 Thessalonians 4:9 in Algonquin

9 Ka8in mamakadj kiga ojibiamagosim kidji 8idamago8eg adi enendagozieg kidji iji sagieg8a kodagiag ka teb8etamo8adj. Kina8a mega tibina8e kigi kikinoamago8a Kije Manido kidji sagiidieg kakina pepejig e tacieg.

2 Thessalonians 1:3 in Algonquin

3 Nidjiki8enanag! Apanigotc nidinendagozimin mig8etc kidji inagidj Kije Manido kina8a odji. Kitci k8aiak ii, osa mega kiteb8etamo8ini8a eckam ani mica, acitc eckam kidani kitci sagiidim pepejig e tacieg.

Hebrews 6:10 in Algonquin

10 K8aiakozi Kije Manido. Ka8in dac kada 8anikesi adi kagi iji mino ijitcigeieg acitc adi ka apitci sagieg. Kigi 8abadai8em dac adi epitci sagieg apitc ka 8idoka8eg8a odanicinabeman acitc kiabadj nogom ka 8idoka8eg8a.

Hebrews 10:24 in Algonquin

24 Nagadjiididan kakina pepejig e taciak, e 8idjiidiak eckam kidji ani sagiidiak kakina pepejig e taciak acitc eckam kidji mino ijitcigeiak.

1 Peter 1:22 in Algonquin

22 E ndotameg Kije Manido oteb8e8in, kigi odji paiekideem. 8e8enda dac kigi ani sagia8ag Kije Manido odanicinabeman. Apanigotc dac sagiidiok pepejig e tacieg enigokodeeieg.

1 Peter 2:17 in Algonquin

17 8e8enda manadjiikog kakina a8iagog. Sagiikog ka 8idji teb8etamomigo8eg. Kitcit8a8enimik Kije Manido. Manadjiik kitci ogima.

1 Peter 3:8 in Algonquin

8 Nogom dac niga kijiton oo8e 8a ikido8an. Kina8a kakina, k8ag8e tabickotc pejig8an inendamok kakina pepejig e tacieg, acitc k8ag8e nisidotadiok. Sagiidiok kakina, e kikendameg e 8idjiki8emidieg ka iji teb8etameg. Kidimagenimidiok acitc ka8in kitci inendizokegon.

1 Peter 4:8 in Algonquin

8 Mi oo kegon ma8adji e kitci apitendag8ag. Kabe sagiidiok kakina pepejig e tacieg enigokodeeieg. Kicpin mega sagieg8a kodagiag a8iagog, kigagi 8anikem adi ka iji patadi8adj.

2 Peter 1:7 in Algonquin

7 Kitci nak8iok kina8a ka teb8etameg kidji ani mino 8idji8idieg kakina pepejig e tacieg, tabickotc maia 8idjiki8emidiegoban, acitc kitci nak8iok kakina a8iagog kidji ani sagieg8a.

1 John 2:9 in Algonquin

9 A8iag dac ekidodj: “Jesos o8asea8inikag nidiji pimadizinan,” pekic dac madjenimadjin o8idjiki8en, aja kitci anodj inendam. Ka8in ka iji 8aseanig iji pimadizisi. Ka iji kacki tibikanig kiabadj iji pimadizi.

1 John 3:10 in Algonquin

10 Mi oo8e e odji kikendamak a8enen Kije Manidon ka tibenimigodjin acitc a8enen madji manidon ka tibenimigodjin. Aa a8iag ega k8aiak8adizidj kek8an ega sagiadjin o8idjiki8en, ka8in 8in ini Kije Manido odabinodjijiman.

1 John 3:23 in Algonquin

23 Mi oo8e ka kikinoamago8ak. Panima kida teb8eta8anan Jesos Christ 8in Kije Manido Og8izisan e aiaa8idj, acitc kida sagiidimin kakina pepejig e taciak, adi ka iji kikinoamago8ak.

1 John 4:7 in Algonquin

7 Ni8idji8aganag ka kitci sagiinagok! Sagiididan kakina pepejig e taciak. Kije Manidokag mega odjimagan sagii8e8in. A8iag e sagii8edj, mi aa teb8e Kije Manido odabinodjijiman apitendagozi, acitc teb8e okikeniman Kije Manidon.

1 John 4:20 in Algonquin

20 Kicpin a8iag ikidodj: “Nisagia Kije Manido,” pekic e madjenimadjin o8idjiki8en, kagina8icki aa. Kicpin mega a8iag ega sagiadjin o8idjiki8en ka 8abamadjin, adi kegi odji sagiadjin Kije Manidon ega 8ikad egi 8abamadjin?

2 John 1:5 in Algonquin

5 Ik8e ka manadjiagani8idj! Mi oo8e eji pagoseniminan. Sagiididan kakina pepejig e taciak. Ka8in ii ocki kikinoamage8in. Mi ii pejig8an kikinoamage8in ka nodamak ockadok apitc ka madji teb8eta8aiak Jesos.

Revelation 2:4 in Algonquin

4 Pejig dac kegon ki8i mikodamonom adi eji ega min8endaman. Ka8in aja kidapitci sagiijisim, ka8in tabickotc apitc ka madji teb8etaojiegoban.