Galatians 2:11 in Algonquin 11 Ick8a dac ii, Pien ki odji tag8icin Antiok (Antioche) odenakag. Meg8adj ka tepan iima, nigi kagikima nigan kodagian ka teb8etamindjin, osa mega kitci anodj inakamigiziban.
Other Translations King James Version (KJV) But when Peter was come to Antioch, I withstood him to the face, because he was to be blamed.
American Standard Version (ASV) But when Cephas came to Antioch, I resisted him to the face, because he stood condemned.
Bible in Basic English (BBE) But when Cephas came to Antioch, I made a protest against him to his face, because he was clearly in the wrong.
Darby English Bible (DBY) But when Peter came to Antioch, I withstood him to [the] face, because he was to be condemned:
World English Bible (WEB) But when Peter came to Antioch, I resisted him to the face, because he stood condemned.
Young's Literal Translation (YLT) And when Peter came to Antioch, to the face I stood up against him, because he was blameworthy,
Cross Reference Matthew 16:17 in Algonquin 17 Jesos dac ogi inan: “Kica8endagozinan, Simo, John og8izisan. Ka8in mega a8iagog kidodji kikinoamagosig oo8e teb8e8ini, tiegodj Nidadam 8ak8ig ka tedj kagi minik kidji iji kikendam8adj ii.
Matthew 16:23 in Algonquin 23 Jesos dac ki k8ekigaba8i acitc ogi inan Pienan: “A8as 8edi ijan, kitci madji manido! Ki8i nagabinijinan mega kidji todaman adi enendagozian kidji todaman. Ka8in Kije Manido ka inendag kidinendasin, tiegodj tabickotc a8iagog ka inendamo8adj kidinendan.”
Acts 11:19 in Algonquin 19 Ka ick8a nisagani8igobanen Stepan, ka teb8etamo8adj ki kitci nanekadjiagani8i8ag. Mane dac ki ojimo8ag, nandam 8asag ki ipai8e8ag. Nandam dac ki ija8ag 8edi Pinicia (Phénicie) akikag, Sipinos (Chypre) minitigokag acitc Antiok (Antioche) odenakag. Ogi paba mikoma8an Jesosan Coda8innikag, ka8in dac 8in kodag a8iagokag.
Acts 15:1 in Algonquin 1 Nandam a8iagog ki pija8ag 8edi Antiok (Antioche) odenag, Coda (Judée) akikag e pi odose8adj, e kikinoamage8adj oo: “Ka8in kigagi ag8acimigosim kicpin ega pak8ejogo8eg tabickotc kagi ikidomaganigin Mois odinakonige8inan.”
Acts 15:30 in Algonquin 30 Midac igi8eni8ag ka pimi8ido8adj ki madjinija8agani8i8ag, ki ija8ag dac iima Antiok odenag. Ogi ma8adjia8an iima ka teb8etamindjin acitc ogi mina8an ii ojibiigani.
Acts 15:37 in Algonquin 37 Banabas o8i madji8inabanin John-Makan.
Acts 23:1 in Algonquin 1 Pon ogi kana8abaman Coda8inni kitci aiamie onakonige8innin, acitc ogi inan: “Nidjiki8eg! Nikikendan kabe k8aiak egi pi inadizian adi Kije Manido ka iji nda8enimijidj, pinicigotc ogajigag,” ki ikido.
2 Corinthians 5:16 in Algonquin 16 Midac ii odji, ka8in pejig8an nidinenimasi8anan a8iag tabickotc kakina kodagian a8iagon ooma akikag ka inenimigodjin. Okitci paieteabamigon mega a8iagon adi ejinagozidj, ka8in 8in ejideedj. 8eckadj ako, mi iidi ako enenimaiakoban Jesos Christ, ega e pabiziskenimaiak adi ejideedj, ka8in dac aja nogom nidinenimasi8anan iidi.
2 Corinthians 11:5 in Algonquin 5 “Mi igi Jesos Odanodaganan ma8adji ka kitci apitendagozi8adj” kidinenima8ag igi8e ka paba 8agackibinigo8eg e paba kikinoamage8adj. Ka8in kanabadj 8ina8a a8acamej kitci apitendagozisidog8enag apitc8in nin nidinendan.
2 Corinthians 11:21 in Algonquin 21 Nogom dac aja nikikendan ozam egi kitci cagoziag apitc ka pijaiag kina8akag, ega egi kitci sogi kaganonigo8eg. Pekic dac, kicpin a8iag ega cag8enimodj kidji kitci inadjimidizodj, mi pejig8an kenin ke apitci inadjimidizo8an. Misa kiabadj ka ki8ack8edj a8iag nidinitagozinan e anim8eian.
2 Corinthians 12:11 in Algonquin 11 Mi maia ka ki8ack8eiaban enitagozian, kigi kadjinijaojim dac ii kidji todaman. Kina8a megada kidagi min8adjimijim, ka8in nin tibina8e. Nikikendan ega e kitci apitendagozian, ka8in sa dac 8in na8adj kitci apitendagozisidog8enag apitc8in nin igi8e nabeg “Mi igi Jesos Odanodaganan ma8adji ka kitci apitendagozi8adj” ka inenimeg8a.
Galatians 2:5 in Algonquin 5 Ka8in dac odji pejig nidodji nakomosimin kidji todamag adi ka iji nda8endamo8adj. Ninada8endananaban mega kidji odisigo8eg eta ii8eni Kije Manido omin8adjimo8in ka teb8emaganig.
Galatians 2:7 in Algonquin 7 Tiegodj, ogi nisidotana8a adi kagi inanonijigobanen Kije Manido kidji paba tibadjimotaomagin ega ka Coda8inni8indjin min8adjimo8ini, tabickotc kagi inanonapanin Pienan kidji paba tibadjimota8andjin ka Coda8inni8indjin.
Galatians 2:9 in Algonquin 9 Jak, Pien acitc John, ma8adji ka kitci niganendagozi8apan, ogi nisidotana8a Kije Manidon egi ca8enimijindjin iidi kidji anokitaomagin. Igi dac midjinisin nigi pojokagonanag nin acitc Banabas, midac iidi ka iji 8abadai8e8adj e nakomo8apan. Midac oo8e ka iji nakomo8ag kakina ka taciag, nin acitc Banabas kidji nda tibadjimo8ag min8adjimo8in taji ka iji te8adj ega ka Coda8inni8i8adj, ke8ina8a dac kidji nda tibadjimo8adj min8adjimo8ini taji eji tendjin Coda8innin.
Galatians 2:14 in Algonquin 14 Apitc dac ka 8abamag8a ega 8e8enda e nosoneamo8adj Kije Manidon omin8adjimo8ini ka teb8emaganig, nigi kagikima Pien meg8adj kakina ka teb8etamindjin e nodamindjin, e inag: “Kicoda8inni8inan, midac misa8adj maia tabickotc ega ka Coda8inni8i8adj ejitcigean, ega kakina e nosoneamanin Coda8inni Inakonige8inan. Adi dac 8edji nda8enimad8a ega ka Coda8inni8i8adj kidji nosoneamo8adjin Coda8inni Inakonige8inan?” nigi ina.
1 Timothy 5:20 in Algonquin 20 Meg8adj dac e ma8adjiidinani8ag kidji aiamiani8ag, kiga kagikimag kakina igi8e kagi nta patadi8adj. Midac kodagiag a8iagog oga kotana8a kidji nta patadi8adj.
James 3:2 in Algonquin 2 Mane8inaj kipanaagemin kina8it kakina. Kicpin a8iag ega 8ikad patadidj e anim8edj, maia kitci paiekidee aa, acitc okackitonadok kakina o8ia8 kidji tibendag.
1 John 1:8 in Algonquin 8 Apitc a8iag ikidodj: “Ka8in nipatado8inni8isi,” 8aiejimidizo acitc 8abadai8e ega e kikendag Kije Manidon oteb8e8ini.
Jude 1:3 in Algonquin 3 Ni8idji8aganag ka kitci sagiinagok! Kikitci 8i ojibiamona8aban kidji mikodamonagok adi kagi iji ag8aciminak Kije Manido kina8it kakina. Nogom dac, nigi onendan panima kodag kegon kidji mikodamonagok. Kikitci 8i pagoseniminom kidji kitci nak8ieg 8e8enda kidji kana8endamegon ini kikinoamage8inan Kije Manido kagi minadjin odanicinabeman, ega kidji adjibidjigadenigin. Abidinaj ki migi8e Kije Manido ini kikinoamage8inan, kagige kidji tag8anigin.