Galatians 1:4 in Algonquin

4 Jesos ki pagidenimidizo kidji nibodj, adi kagi iji nda8endamindjin Kije Manidon Kidadaminan, kidji gi odji kasiamago8ak kipatado8ininanan, ega dac mina8adj madji inadizi8in kidji tibenimigo8ak, tabickotc ka iji8ebizi8adj igi8e ega ka teb8etamo8adj ooma akikag.

Other Translations

King James Version (KJV)

Who gave himself for our sins, that he might deliver us from this present evil world, according to the will of God and our Father:

American Standard Version (ASV)

who gave himself for our sins, that he might deliver us out of this present evil world, according to the will of our God and Father:

Bible in Basic English (BBE)

Who gave himself for our sins, so that he might make us free from this present evil world, after the purpose of our God and Father:

Darby English Bible (DBY)

who gave himself for our sins, so that he should deliver us out of the present evil world, according to the will of our God and Father;

World English Bible (WEB)

who gave himself for our sins, that he might deliver us out of this present evil age, according to the will of our God and Father--

Young's Literal Translation (YLT)

who did give himself for our sins, that he might deliver us out of the present evil age, according to the will of God even our Father,

Cross Reference

Matthew 6:9 in Algonquin

9 Apitc dac aiamieieg, mi oo8e ke ikido8eg: Nidadaminan, 8ak8ig ka tean, 8egona kakina a8iag kitcit8a8endag kidijinikazo8ini.

Matthew 20:28 in Algonquin

28 Midac pejig8an, kenin, Ka pi Anicinabe8iidizodj, ka8in nidodji pijasi kidji anokitago8an. Nigi pija dac kidji anokitageian, acitc kidji migi8eian nipimadizi8in kidji gi odji ag8acimag8a mane a8iagog.”

Matthew 26:28 in Algonquin

28 Mi oo8e nimisk8i, 8edji madjitamaganig Kije Manido onakomo8in kidji mama8ise8adj Kije Manido acitc odanicinabeman. Kitci mane a8iagog odji siginigade, kidji kasiigadegin patado8inan.

Matthew 26:42 in Algonquin

42 Mina8adj Jesos a8acic pagi ki ija taji eji tenipanin okikinoamaganan acitc ki aiamie e ikidodj: “Nidadam! Kicpin ega kackitomagag oo animizi8in kidji 8ack8ekamagag, mi panima kin ka iji nda8endaman kada iji8eban.”

Mark 10:45 in Algonquin

45 8a8adj nin, Ka pi Anicinabe8iidizodj, ka8in nidodji pijasi kidji anokitago8an. Nigi pija dac kidji anokitageian, acitc kidji migi8eian nipimadizi8in kidji gi odji ag8acimag8a mane a8iagog,” ki ikido Jesos.

Luke 22:19 in Algonquin

19 Mina8adj dac Jesos ogi odapinan pak8ejiganan, mig8etc ogi inan Kije Manidon, acitc ogi papak8ebinan. Ogi minan dac okikinoamaganan, e inadjin: “Mi oo8e nia8 ka pagidinamago8eg. Mi oo kabe todamok kidji mik8enimijieg.”

Luke 22:42 in Algonquin

42 e ikidodj: “Nidadam! Kicpin nda8endaman, 8ack8ebidon nidanimizi8in! Pekic dac ka8in nin ka iji nda8endaman todaken, tiegodj kin ka iji nda8endaman todan.”

John 5:30 in Algonquin

30 Jesos kiabadj ki ikido: “Nin dac, ka8in nidodji minigosi kidji todaman nin tibina8e enendaman. E tibakonigeian, Kije Manido ka iji 8idamaojidj, mi e todaman. K8aiakonag8an dac nitibakonige8in. Ka8in mega nin tibina8e eji nda8endaman nitodasin. Mi eta aa ka pidjinijaojidj ka iji nda8endag, mi e todaman.”

John 6:38 in Algonquin

38 8ak8ig mega nigi pi odji, kidji todaman ka iji nda8endag aa8e kagi pidjinijaojidj. Ka8in nidodji pijasi ooma akig kidji todaman nin eji nda8endaman.

John 10:11 in Algonquin

11 “Nin 8aa kitci 8e8enda ka kana8enimadjin odanicinabeman, tabickotc a8iag ka iji nagadjiadjin omantceniciman. A8iag kitci 8e8enda ka kana8enimadjin omantceniciman, ick8ata kidji pagidendag opimadizi8in 8ina8a odji.

John 10:17 in Algonquin

17 “Nikitci sagiig Nidadam. Nimigi8e mega nipimadizi8in, mina8adj kidji gi koki pimadizian ick8a nibo8an.

John 12:31 in Algonquin

31 Aja odjitcise kidji tibakonagani8i8adj a8iagog ooma akig. Nogom kada madjinija8agani8i kitci madji manido, 8in ka kackakanadjin a8iagon ooma akig ega e teb8etaojindjin.

John 14:30 in Algonquin

30 Ka8in aja kin8ej kiga aiamiisinonom. Madji manido mega, 8in ka kackakanadjin a8iagon ooma akig ega ka teb8etaojindjin, aja kada tag8icin. Ka8in 8in okackitosin kidji tibenimijidj,

John 15:18 in Algonquin

18 Jesos kiabadj ki ikido: “Apitc igi8e ka ana8enima8adjin Kije Manidon madjenimigo8eg, kikikendana8a nin nitam kagi madjenimiji8adj.

John 17:14 in Algonquin

14 Nigi 8idama8ag kagi iji inanonijian kidji tibadjimo8an. Ogi odji madjenimigo8an dac ini8e ka ana8enimik8a, ka8in mega iji acidagimagani8isi8ag 8ina8akag, tabickotc nin ega ka iji acidagimigo8an.

Romans 1:7 in Algonquin

7 Kidojibiamonom kina8a Rom ka teieg, kakina kina8a ka sagiigo8eg Kije Manido acitc ka nd8e8emigo8eg odanicinabeman kidji ijinikanigo8eg. Nipagosenimag Kije Manido Kidadaminan acitc ka Tibeniminak Jesos Christ kidji ca8enimigo8eg acitc kidji minigo8eg pekadendamo8ini.

Romans 4:25 in Algonquin

25 Kije Manido ogi pagideniman Jesosan kidji nibondjin kipatado8ininanan odji, acitc ogi abidjibaan kidji gi odji k8aiak8abaminak.

Romans 8:3 in Algonquin

3 Kakina a8iag cagozi, acitc ka8in a8iag okackitosin kidji ndotagin Coda8inni Inakonige8inan, kidji gi odji odisigodj pimadizi8ini. Kije Manido dac ogi pidjinija8an 8in Og8izisan ooma akig, kidji pi anicinabe8iidizondjin, tabickotc kina8it ka patadiak kidji pi ijinagozindjin, kidji pi nda nibondjin kipatado8ininanan odji. Mi iidi kagi iji cagodjitodj patado8ini, ega 8ikad mina8adj patado8in kidji cagodjiigo8ak.

Romans 8:27 in Algonquin

27 Kije Manido mega okikendan adi ejideeiak kakina ka taciak, acitc okikendan adi enendamindjin Mino Manidon. Mino Manido mega odaiamietama8an ini8e Kije Manidokag ka iji tibendagozindjin, eji aiamiedj adi ka iji nda8endamindjin Kije Manidon.

Romans 8:32 in Algonquin

32 Ka8in Kije Manido 8a8adj ki ana8endjigesi kidji migi8edj Og8izisan. Ogi pagidinan kidji pi nibondjin kakina ka taciak odji. Egi minigo8ak dac Og8izisan, aja ketcinamendag8an kakina kegoni kidji ca8enimigo8ak.

Romans 12:2 in Algonquin

2 Ka8in kagikina8abamakegonig igi8e ega ka teb8eta8a8adjin. Tiegodj, pagidinik Kije Manido kidji adjitodj adi enendameg, kidji adjitodj dac adi enadizieg. Midac kiga kikendana8a adi eji nda8endag acitc mi iidi ke todameg. Min8acini dac adi eji nda8endag, acitc mizi8e k8aiak8endag8ani, acitc dac okitci min8endan apitc a8ian iidi e todamindjin.

2 Corinthians 4:4 in Algonquin

4 Ka8in teb8etasi8ag, osa mega madji manido, ka ogima8idj nogom ooma 8akidakamig, ogi nagabidama8an ini8e ega ka teb8etamindjin omidonendjigani, kidji gi ega nisidotamindjin. Onaganama8an kidji 8abadamindjin 8asea8ini, min8adjimo8inikag ka odjimaganig, ka odji kikendamonigo8ak Jesos Christ odicpendagozi8in. Tabickotc pejig8an ka ijinagozidj Kije Manido, mi maia ejinagozidj Jesos Christ.

Galatians 2:20 in Algonquin

20 Mi maia pejig8an ka 8idji nibomagiban Jesos Christ ejinagozian, apitc ka acidak8a8agani8idj tcibaiatigokag. Nogom dac ka8in nin nitibendasin nipimadizi8in, 8in sa Jesos Christ ka tibendag, egi pidigeckaojidj. Ka iji pimadizian dac nogom, e teb8eta8ag Kije Manido Og8izisan 8edji iji pimadizian, 8in ka sagiijidj acitc kagi pagidenimidizodj kidji nibodj nin odji.

Galatians 6:14 in Algonquin

14 Nin dac 8in, nikitci inadodan egi nibodj ka Tibeniminak Jesos Christ tcibaiatigokag. Ka8in dac odji pejig kodag kegon ni8i min8adodasin. Jesos mega egi nibodj tcibaiatigokag, ka8in odji pejig nidapitendasinan ini kegonan ka kitci apitendamo8adjin igi8e a8iagog ooma akikag ega ka teb8eta8a8adjin Jesosan. 8ina8a dac, ka8in odji pejig odapitendasina8an ini kegonan ka kitci apitendamanin.

Ephesians 1:2 in Algonquin

2 Nipagosenimag Kije Manido Kidadaminan acitc Jesos Christ ka Tibendjigedj kidji ca8enimigo8eg acitc kidji minigo8eg pekadendamo8ini.

Ephesians 1:11 in Algonquin

11 Kije Manido apanigotc kakina kegoni otodan adi eji nda8endag acitc adi kagi iji onendag. Midac kijadj nigi onabamigonan odanicinabeman kidji ijinagoziag, Jesos Christikag kagi iji mama8iseiag. Mi mega ii ka iji onaco8egobanen 8eckadj.

Ephesians 2:2 in Algonquin

2 Ii dac apitc kimadji inadizina8agoban ako, apitc kagi nosone8eg8a a8iagog ega ka teb8eta8a8adjin Kije Manidon, acitc kagi nosone8eg kitci madji manido, 8in eji kackitogobanen kidji ogima8idj kakina madji manidokag. 8in mega madji manido ka mikimadjin a8iagon kidji ana8eta8agani8indjin Kije Manidon.

Ephesians 5:2 in Algonquin

2 Adigotc e ijitaieg, kabe sagiik kidjipimadizimi8a, tabickotc Jesos Christ kagi iji sagiigo8ak acitc egi nibodj kina8it odji. Ki migi8e opimadizi8in, tabickotc 8eckadj ako a8esiz ka pagidinigetama8agani8ipan Kije Manido. Jesos dac ogi kitci min8endamian Kije Manidon.

Ephesians 6:12 in Algonquin

12 Ka8in mega a8iagog ka taji miganaiakonig. Tiegodj, kimigananag kakina madji manidog, e madji ogima8i8adj acitc e kacka8i8adj acitc e macka8izi8adj ooma akig ka iji kacki tibikanig.

Philippians 4:20 in Algonquin

20 8egona kagige icpenimagani8idj Kije Manido Kidadaminan. Amen.

1 Thessalonians 3:11 in Algonquin

11 Nipagosenimananag Jesos Christ ka Tibeniminak acitc 8in tibina8e Kije Manido Kidadaminan kidji minigo8ag kidji gi minoseg kidji a8i ndaodeomigo8eg!

1 Thessalonians 3:13 in Algonquin

13 Midac iidi ke iji minigo8eg kidji sogideeieg. Apitc dac koki tag8icig Jesos ka Tibeniminak kigi kakina odanicinabeman, kiga k8aiakozim acitc kiga paiekideem nigan Kije Manidokag Kidadaminan.

2 Thessalonians 2:16 in Algonquin

16 Kije Manido Kidadaminan kigi kitci sagiigonan. E minigo8ak okitci ca8endjige8in, kigi minigonan kagige kidji sogideeiak, acitc kidji kitci sogi apenimo8ak. 8in nipagosenimanan, acitc dac 8in tibina8e ka Tibeniminak Jesos Christ,

1 Timothy 2:6 in Algonquin

6 Ki pagidenimidizo kakina a8ian kidji gi ag8acimadjin. Mi oo 8edji kikendjigadeg Kije Manido e nda8enimadjin kakina a8ian kidji ag8acimagani8indjin. Ki ani kikendjigade dac maia apitc Kije Manido ka iji nda8endagiban.

Titus 2:14 in Algonquin

14 Ki pagidenimidizo kina8it odji, ega mina8adj kidji tibenimigo8akonin kipatado8ininanan, acitc kidji gi paiekideeiak, odanicinabeman kidji apitendagoziak, e 8i mino ijitcigeiak.

Hebrews 2:5 in Algonquin

5 Niga mikodananan nogom adi ke ijinag8ag nage aki. Ka8in 8in ajenin ododji minasi8an Kije Manido macka8izi8ini kidji ogima8indjin ooma akikag.

Hebrews 6:5 in Algonquin

5 Ogi nisidotana8a adi epitci min8acinig Kije Manidon odikido8ini, acitc ogi 8abadana8a adi epitci macka8izimaganig Kije Manidon Odogima8i8ini ka pijamaganig.

Hebrews 9:14 in Algonquin

14 Kicpin dac iidi iji macka8izimaganig a8esizag omisk8i8a, na8adj kiabadj a8acamej Jesos Christ omisk8i kitci macka8izimaganidok! Ka8in 8ikad odji patadisi Jesos, acitc 8in tibina8e ki pagidenimidizo Kije Manidokag, e kigickag Mino Manidon omacka8izi8ini kagige ka tendjin. Omisk8i kipaiekideeigonanan, ega kiabadj kidji inendamak panima kidji todamakonin kegonan ega ke ag8acimigo8akonin, tiegodj ki8i anokita8anan ka pimadizidj Kije Manido!

Hebrews 10:4 in Algonquin

4 Ka8in mega 8ikad kadagi kasiigadesini8an patado8inan, nabe mictozocan kek8an minago mantcenican omisk8ini kidji abadanig.

James 4:4 in Algonquin

4 Ka8in maia kiteb8eta8asi8a8a Kije Manido! Anapitc ke nisidotameg? Kicpin a8iag sagitodjin kegonan ooma 8akidakamig, omadjeniman Kije Manidon. A8iag dac ka onendag kidji mino 8idji8adjin ini8e ega ka sagiandjin Kije Manidon, mi aja ke8in omadjeniman Kije Manidon.

1 Peter 2:24 in Algonquin

24 Jesos 8in tibina8e ogi pimi8idonan kipatado8ininanan o8ia8ikag apitc ka nibodj tcibaiatigokag, ega 8ikad mina8adj patado8inikag kidji iji tibendagoziak, tiegodj k8aiak kidji pimadiziak. Jesos egi mij8aganiagani8idj, nogom aja kigi odji kigeigom.

1 Peter 3:18 in Algonquin

18 Mi mega Jesos ke8in ka iji8ebizidj. Jesos Christ ki nibo abidinaj eta, a8iagog opatado8ini8an kidji gi kasiigadenigin. 8in ega 8ikad ka patadidj, ki nibo kina8it odji ka patadiak, Kije Manido kidji gi mino 8idji8aiak. Teb8e ki nisagani8iban, Mino Manidon dac ogi koki pimadiziigon.

1 John 2:2 in Algonquin

2 Jesos mega kagi pagidenimidizodj kidji nibodj tcibaiatigokag, kidji odji kasiigadenigin kipatado8ininanan. Ka8in dac kina8it eta ka odji kasiamago8ak Kije Manido adi ka iji patadiak, kakina sa a8iagon ooma akig odji kasiama8agani8i8an adi ka iji patadindjin.

1 John 2:15 in Algonquin

15 Ka8in ndota8akegonig igi8e ka madjenima8adjin Kije Manidon ooma akikag. Ka8in 8i inakamigizikegon tabickotc igi8e a8iagog acitc ka8in mosa8endakegonin kegonan ke pataigo8egon. Kicpin a8iag 8i iji inakamigizidj, misa 8abadai8e ega e sagiadjin Kije Manidon Kidadaminani.

1 John 3:16 in Algonquin

16 Jesos kigi 8abadaigonan adi ke todamak kidji sagiaiak kidjiki8enanag. Ki pi migi8e opimadizi8in kina8it odji. Panima dac kekina8it kida migi8emin kipimadizi8ininan kidjiki8enanag odji.

1 John 5:4 in Algonquin

4 Kakina mega Kije Manido odabinodjijiman okackitona8a kidji cagodjito8adjin patado8inan ooma akikag. E teb8eta8aiak Jesos, mi 8edji kacki cagodjito8akonin patado8inan.

1 John 5:19 in Algonquin

19 Kikikendananan Kije Manidokag e iji tibendagoziak. 8ina8a dac ega ka teb8eta8a8adjin Kije Manidon, madji manidon otibenimigo8an.

Revelation 1:5 in Algonquin

5 Nipagosenima acitc Jesos Christ kidji ca8enimigo8eg acitc kidji minigo8eg pekadendamo8ini, 8in kabe ka teb8edj e mikomadjin Kije Manidon. 8intam kagi abidjibadj. 8in okackakanan kakina ogiman ka tacindjin 8akidakamig. Kisagiigonan sa, acitc ki pagidenimidizo kidji nibodj kina8it odji, ega 8ikad mina8adj kidji tibenimigo8akonin kipatado8ininanan.

Revelation 5:9 in Algonquin

9 Nigamobanig ocki nigamo8ini: “Kidapitendagozinan kidji odapinaman oo ka tidibanakosig mazinaigan acitc kidji manibido8anin ini pazag8aiganan. Kigi nisigonaban mega, acitc kimisk8i kigi abadjiton e kijikadamoto8an, Kije Manido kidji gi koki tibenimadjin a8iagon, kakinagotc adi enakanezindjin, adi ejigij8endjin, acitc adi 8edjindjin.

Revelation 7:9 in Algonquin

9 Ick8a dac ii, nigi 8abamag kitci mane a8iagog, ozam ki mane8ag kidji gi agimagani8i8adj. Kakina pepakan ooma akig 8aodjibanig. Kakinagotc ka inakanezi8adj, 8edji8adj, acitc ejigij8e8adj, kakina iima tebanig nigan Kije Manidon okitci ogima8i tesabi8aganikag acitc nigan Mantcenicesikag. Kakina 8abiginokonaebanig, acitc kakina pepejig cigobi8adagon otakonana8abanin kidji 8abadai8e8adj epitci modjigendamo8adj.