Ephesians 6:17 in Algonquin

17 Odapinamok Kije Manido odag8acige8in, tabickotc cimaganic omigazo8actodin kidji ijinag8ag kina8akag. Odapinamok acitc Kije Manido odikido8in, tabickotc kitci mokomani Mino Manido kagi minigo8eg kidji ijinag8ag.

Other Translations

King James Version (KJV)

And take the helmet of salvation, and the sword of the Spirit, which is the word of God:

American Standard Version (ASV)

And take the helmet of salvation, and the sword of the Spirit, which is the word of God:

Bible in Basic English (BBE)

And take salvation for your head-dress and the sword of the Spirit, which is the word of God:

Darby English Bible (DBY)

Have also the helmet of salvation, and the sword of the Spirit, which is God's word;

World English Bible (WEB)

And take the helmet of salvation, and the sword of the Spirit, which is the word of God;

Young's Literal Translation (YLT)

and the helmet of the salvation receive, and the sword of the Spirit, which is the saying of God,

Cross Reference

Matthew 4:4 in Algonquin

4 Jesos dac ogi nak8e8ajian: “Mazinadeni oo8e Kije Manido Omazinaiganikag: ‘Ka8in pak8ejiganan eta kadagi odji pimadjiosi a8iag. Panima onada8endanan kakina Kije Manido odanim8e8inan kidji odji pimadjiodj,’ ” ogi inan.

Matthew 4:7 in Algonquin

7 Jesos dac ogi nak8e8ajian: “Mazinadeni acitc Kije Manido Omazinaiganikag: ‘Ka8in k8ag8e kadjinija8akegon ka Tibendjigedj Kikije Manidomi8a kidji abadjitodj omacka8izi8in.’ ”

Matthew 4:10 in Algonquin

10 Jesos dac ogi inan: “A8as 8edi ijan madji manido! Mazinadeni mega oo8e Kije Manido Omazinaiganikag: ‘Kiga icpenima8a ka Tibendjigedj Kikije Manidomi8a, acitc 8in eta kiga anokita8a8a.’ ”

1 Thessalonians 5:8 in Algonquin

8 Kina8it dac ka iji 8aseag kitidemin. Nagadjiidizodan sa dac adi enakamigiziak! Misa maia ako tabickotc 8eckadj cimaganic ka pisikagibanin omigazo8inni 8aianan kidji ega nigodidj, mi panima ki ijiidizo8ak kekina8it, ega kidji nigodiak. Odapinadan dac teb8etamo8in acitc sagii8e8in, tabickotc cimaganic opi8abiko papagi8an kidji ijinag8agin kina8itinakag. Acitc odapinadan apenimo8in e ketcinamendamak kidji odjitciseg kidji ag8acimigo8ak, tabickotc cimaganic omigazo8actodin kidji ijinag8ag kina8itinakag.

Hebrews 4:12 in Algonquin

12 Pimadizimagani mega Kije Manido Odikido8in, acitc kitci macka8izimagani. Na8adj kitci kaca apitc8in kitci mokoman ka kitci kacag nida8ina. Midac maia pejig8an kitci mokoman eji mikimomaganig ii Kije Manido Odikido8in. Kitci aidadj pidigamig kina8itinakag pidigemagan, pinici kideinakag acitc nena8idj kidjitcagocinakag. 8abadai8emagan adi eji mosa8endamak acitc adi enendamak kideinakag.

Hebrews 12:5 in Algonquin

5 Kigi 8anikem na adi kagi igo8eg Kije Manido e 8i sogideeckago8eg, kina8a odabinodjijiman ka apitenimigo8eg? Kigi igo8a dac: “Nidabinodjijim! Apitc ako 8i maminobinik ka Tibendjigedj, pabiziskendan! Ka8in ana8endjigeken apitc kanonik!

Hebrews 13:5 in Algonquin

5 Ka8in kitci 8igiconia8ekegon, acitc mi iji min8endamok e tibendameg ka aiameg. Kigi igonan mega Kije Manido: “Ka8in 8ikad kiga 8ebinisinon, ka8in 8ikad kiga naganisinon,” ki ikido.

Revelation 1:16 in Algonquin

16 Nij8atcin 8anagocan otakonabanin okitcinikikag. Kitci mokomani nida8ina e kacanig sagackineniban odonikag. Mi maia kizis ka kitci tcakasigedj e abitakijiganig epitci 8aseig8epan.

Revelation 2:16 in Algonquin

16 Midac an8endizok! Kicpin ega iidi todameg, aja pecodj kiga pi nda 8abaminom. Nimokoman ka sagisig nidonikag niga abadjiton kidji nak8ita8ag8a igi a8iagog.

Revelation 12:11 in Algonquin

11 Kije Manido dac odanicinabeman ogi cagodjia8an ini8e. Mantcenicesan egi pagidenimidizondjin kidji nibondjin, acitc 8ina8a egi tibadjimo8adj Kije Manidon omin8adjimo8ini, mi 8edji ki kackito8adj kidji cagodjia8adjin. 8a8adj ki eco8ibanig kidji pagidenimidizo8adj kidji nibo8adj.

Revelation 19:15 in Algonquin

15 Kitci mokomani e kacanig sagackineni odonikag. Oga abadjiton dac, kakina ka inakanezindjin a8iagon kidji cagodjiadjin. Kada kitci sogakonige e ogima8idj. Kada 8abadai8e adi Kije Manidon ma8adji ka kitci macka8izindjin epitci kitci kiji8azindjin. Tabickotc ako 8eckadj ka cacagockigadegibanin minan kidji cominabokani8ag, mi ke ijinag8ag apitc kitci sogi pajacte8adjin a8iagon.