Ephesians 4:18 in Algonquin 18 Ka8in onisidotasina8a teb8e8ini. Epitci cibictig8ane8adj, ka8in o8i kikendasina8a Kije Manidon omikanani. Ka8in dac okackitosina8a kidji aiamo8adj ocki pimadizi8ini Kije Manidon ka 8i minigo8adjin.
Other Translations King James Version (KJV) Having the understanding darkened, being alienated from the life of God through the ignorance that is in them, because of the blindness of their heart:
American Standard Version (ASV) being darkened in their understanding, alienated from the life of God, because of the ignorance that is in them, because of the hardening of their heart;
Bible in Basic English (BBE) Whose thoughts are dark, to whom the life of God is strange because they are without knowledge, and their hearts have been made hard;
Darby English Bible (DBY) being darkened in understanding, estranged from the life of God by reason of the ignorance which is in them, by reason of the hardness of their hearts,
World English Bible (WEB) being darkened in their understanding, alienated from the life of God, because of the ignorance that is in them, because of the hardening of their hearts;
Young's Literal Translation (YLT) being darkened in the understanding, being alienated from the life of God, because of the ignorance that is in them, because of the hardness of their heart,
Cross Reference Matthew 13:15 in Algonquin 15 Ani kitci cibictig8ane8ag mega igi a8iagog. Ki kibota8agendizo8ag acitc ki pazag8abi8ag. Ka8in ockijigo8an o8i abadjitosina8an kidji 8abi8adj, acitc ka8in ota8aga8an o8i abadjitosina8an kidji nodamo8adj, acitc ka8in omidonendjigani8a o8i abadjitosina8a kidji nisidotamo8adj. Ka8in ninikag 8i inasamigaba8isi8ag. Ka8in dac nikackiasi8ag kidji kigeag8a.’ ”
Mark 3:5 in Algonquin 5 Jesos dac kakina ini a8iagon ogi kana8abaman e kiji8azidj. Pekic dac kitci kackendamoban, kitci cibictig8anenigoban mega ini a8iagon. Jesos dac ogi inan ini naben: “Pi ijindjitan.” Midac ka todag, acitc teci8ag k8aiak ki koki mikimomagani onidji.
John 12:40 in Algonquin 40 “Kije Manido ega kidji 8abindjin ogi todan, ogi cibictig8anean, ega kidji gi 8abindjin, ega kidji gi nisidotamindjin, acitc ega kidji pi k8ekigaba8indjin ninikag, kidji gi kigeag8aban.”
Acts 17:30 in Algonquin 30 8eckadj ako, ka8in onigodinendasinagoban Kije Manido ega e kitci kikenimagani8igobanen, aja dac nogom onada8eniman kakina a8iagon kidji an8endizondjin.
Acts 26:17 in Algonquin 17 Ka8in niga pagidinasig Coda8innig kek8an ega ka Coda8inni8i8adj kidji madji todaok8a. Mi igi a8iagog ke tatibadjimota8ad8a ini kegonan.
Romans 1:21 in Algonquin 21 Ketcinam a8iagog okikendana8adok e tendjin Kije Manidon. Ka8in dac pekic odicpenimasi8a8an acitc ka8in mig8etc odinasi8a8an, adi eji inendagozi8adj kidji toda8a8adjin Kije Manidon. Tiegodj, ka8in odji pejig abadasini odinendamo8ini8a, acitc dac ka8in kegoni okackitosina8a kidji nisidotamo8adj.
Romans 1:28 in Algonquin 28 Ka8in ogi kitci apitendasina8a kidji kikenima8adjin Kije Manidon. Midac 8edji ki pagidinag Kije Manido kidji aianodj inendamindjin, kidji todamindjin adi eji ega inendagozindjin.
Romans 2:19 in Algonquin 19 E Coda8inni8ian, kidinendan: “Ni8abadaag mikanani a8iagog ega ka 8abi8adj,” acitc: “Ni8asenama8ag a8iagog ka tajike8adj taji ka iji kacki tibikanig.”
Romans 8:7 in Algonquin 7 Igi8e apanigotc ka mamidonendamo8adj adi eji min8endamo8adj, ka8in odji pejig osagiasi8a8an Kije Manidon. Ka8in otodasina8a adi enakonigendjin Kije Manidon, acitc ka8in 8a8adj okackitosina8a kidji ndota8a8adjin.
Romans 11:25 in Algonquin 25 Nidjiki8eg! Ninada8endan kidji nisidotameg oo8e, ega kidji kitci inenimidizo8eg, aja ka iji kikendamoni8edj Kije Manido. Nogom mane Israel a8iagog cibictig8ane8ag, ega e 8i teb8eta8a8adjin Kije Manidon, anic dac kegapitc oga ani teb8eta8a8an. Panima dac pinama kakina ega ka Coda8inni8i8adj kagi onabamagani8i8adj ki pi nazika8a8adjin Kije Manidon.
1 Corinthians 1:21 in Algonquin 21 Kije Manido ka kitci kagita8endag, ogi kikeniman a8iagon ooma akikag ega kidji gi kikenimigodjin e abadjitondjin 8ina8a tibina8e okagita8endamo8ini. Mi 8edji ki inendag kidji ag8acimadjin ini a8iagon ka teb8etagodjin, e abadjitodj tibadjimo8ini ka paba tibadjimo8ag, a8iagog ooma akikag ka idamo8adj: “Ki8ack8etag8an ii!”
2 Corinthians 3:14 in Algonquin 14 Ka8in okackitosina8aban Israel a8iagog kidji nisidotamo8adj ii apitc. 8a8adj kiabadj nogom, mi maia tabickotc kegoni ka nigeig8eabinigo8adj ejise8adj, onagabinigona8a dac kidji gi nisidotamo8apan, midac ii 8edji ega nisidotamo8adjin apitc a8ian nabo8adamindjin 8eckadj Inakonige8inan. Ka8in odji manibidjigadesini ii kegoni ka nagabinigo8adj kidji nisidotamo8adj, Jesos Christ mega eta ogagi manibidamago8an.
2 Corinthians 4:4 in Algonquin 4 Ka8in teb8etasi8ag, osa mega madji manido, ka ogima8idj nogom ooma 8akidakamig, ogi nagabidama8an ini8e ega ka teb8etamindjin omidonendjigani, kidji gi ega nisidotamindjin. Onaganama8an kidji 8abadamindjin 8asea8ini, min8adjimo8inikag ka odjimaganig, ka odji kikendamonigo8ak Jesos Christ odicpendagozi8in. Tabickotc pejig8an ka ijinagozidj Kije Manido, mi maia ejinagozidj Jesos Christ.
Galatians 4:8 in Algonquin 8 8eckadj ako, ab8amaci kikenimegoban Kije Manido, kitibenimigona8abanin anodjigotc kegonan ega ka inendag8agin kidji icpendjigadegin.
Ephesians 2:12 in Algonquin 12 Ii dac apitc, ka8in kikikenimasi8a8aban Jesos Christ. Pi8ide kidinagimigona8aban Kije Manido odanicinabemikag. Kije Manido aja ogi ojitama8abanin odanicinabeman nakomo8ini kidji 8idama8adjin adi ke todag kidji 8idoka8adjin. Kina8a dac ka8in kidacidagimigosina8aban Kije Manido odanicinabemikag. Ka8in mega kikikenimasi8a8aban Kije Manido ii apitc. Ka8in dac pabajine kidaiasina8aban apenimo8in ooma akikag.
Colossians 1:21 in Algonquin 21 8eckadj ako kina8abama8aban Kije Manido. Kimadjenima8aban, osa mega kikitci mamidonendana8aban adi ke iji madji inakamigiziegoban, acitc kigi kitci madji ijitcigena8aban.
1 Thessalonians 4:5 in Algonquin 5 Ka8in pagidinakegon madji mosa8endamo8in kidji tibenimigo8eg, madji aido8in kidji pamendameg, tabickotc ka iji8ebizi8adj a8iagog ega ka kikenima8adjin Kije Manidon acitc ega ka teb8eta8a8adjin.
James 4:4 in Algonquin 4 Ka8in maia kiteb8eta8asi8a8a Kije Manido! Anapitc ke nisidotameg? Kicpin a8iag sagitodjin kegonan ooma 8akidakamig, omadjeniman Kije Manidon. A8iag dac ka onendag kidji mino 8idji8adjin ini8e ega ka sagiandjin Kije Manidon, mi aja ke8in omadjeniman Kije Manidon.
1 John 2:11 in Algonquin 11 Aa dac ka madjenimadjin o8idjiki8en, ka8in okikenimasi8an Kije Manidon. Ka iji kacki tibikanig iji pimadizi acitc ka8in okikendasin adi ejadj. Mi maia a8iag ega ka 8abidj ejinagozidj.