Ephesians 3:6 in Algonquin

6 Misa oo min8adjimo8in kagi kadjigadegiban. Igi8e ega ka Coda8inni8i8adj mi ke8ina8a okackitona8a Kije Manidon oca8endjige8ini kidji odisigo8adj, ka8in 8in eta Coda8innig kidji odisigo8adj ii. Aja mega e mama8ino8adj Coda8innig acitc ega ka Coda8inni8i8adj, mi pejig8an epitendagozi8adj kakina ka taci8adj, ma8asag Kije Manido odanicinabeman e ijinagozi8adj. Kakina oga odisigona8an ini mino kegonan kagi ikidodj Kije Manido kidji minadjin ini8e ka teb8eta8andjin Jesos Christan.

Other Translations

King James Version (KJV)

That the Gentiles should be fellowheirs, and of the same body, and partakers of his promise in Christ by the gospel:

American Standard Version (ASV)

`to wit', that the Gentiles are fellow-heirs, and fellow-members of the body, and fellow-partakers of the promise in Christ Jesus through the gospel,

Bible in Basic English (BBE)

Which is that the Gentiles have a part in the heritage, and in the same body, and in the same hope in Christ through the good news,

Darby English Bible (DBY)

that [they who are of] the nations should be joint heirs, and a joint body, and joint partakers of [his] promise in Christ Jesus by the glad tidings;

World English Bible (WEB)

that the Gentiles are fellow heirs, and fellow members of the body, and fellow partakers of his promise in Christ Jesus through the Gospel,

Young's Literal Translation (YLT)

that the nations be fellow-heirs, and of the same body, and partakers of His promise in the Christ, through the good news,

Cross Reference

Romans 8:15 in Algonquin

15 Mino Manido mega kagi odisigo8eg ka8in 8in kimadji todagosi8a acitc ka8in kinada8enimigosi8a mina8adj kidji segizieg. Mino Manidon megada ka minigo8eg Kije Manido, odabinodjijiman kidji ijinagozieg, acitc 8in ka pagidinigo8ak kakina pepejig e taciak “Nidadam!” kidji gi ijinikanaiak Kije Manido.

Romans 12:4 in Algonquin

4 Motci pejig8ani eta a8iag o8ia8, pekic dac mane8aiag iji papakeani. Kakina dac ini pepejig ka iji papakezidj a8iag o8ia8ikag pepakan inabadani.

1 Corinthians 12:12 in Algonquin

12 Pepakan iji papakeani pejig a8iag o8ia8, anic dac pejig eta odaian a8iag 8ia8ini. Ii dac pejig 8ia8, mane8aiag iji papakea. Mi tabickotc ejinagoziak kina8it Jesos Christikag ka iji mama8iseiak.

1 Corinthians 12:27 in Algonquin

27 Mi oo8e 8a 8abadainagok. Jesos Christ o8ia8 kidijinagozim, acitc kakina pepejig ka tacieg o8ia8ikag kidiji tibendagozim.

Galatians 3:14 in Algonquin

14 8edji ki todag dac iidi Jesos Christ, kidji gi odji odisigo8adj ega ka Coda8inni8i8adj ii ca8endagozi8ini kagi inapanin Kije Manido Abanaaman kidji migi8edj, acitc dac kina8it ka teb8etamak kidji gi odji odisigo8ak Mino Manido, kagi ikidopan Kije Manido kidji migi8edj.

Galatians 3:26 in Algonquin

26 Kakina ka tacieg, Kije Manido odabinodjijiman kidijinagozim, adi eji teb8eta8eg Jesos Christ.

Galatians 4:5 in Algonquin

5 Ki pidjinija8agani8i kidji pi nda ag8acimadjin ini8e a8iagon Inakonige8inan ka taji tibenimigonipanin, Kije Manido dac odabinodjijiman kidji gi ani ijinagoziak kina8it kakina.

Ephesians 2:13 in Algonquin

13 8eckadj ako kina8abama8agoban Kije Manido. Nogom dac Jesos Christikag e iji mama8iseieg, kipec8abama8a Kije Manido, egi pagidenimidizodj Jesos Christ kidji nibodj kina8a odji.

Ephesians 4:15 in Algonquin

15 Tiegodj, kiga tibadjimomin teb8e8ini Kije Manido kagi iji kikendamonigo8ak, apanigotc e 8abadaidiak e sagiidiak. Midac kidji madjigiak kiteb8etamo8ininakag, tabickotc Jesos Christ kidji ani ijinagoziak, 8in ka niganizidj kakina a8iagon ka teb8etagodjin.

Ephesians 5:7 in Algonquin

7 Midac ka8in 8idji8akegonig igi8e iidi ka iji ki8ack8eadizi8adj.

Ephesians 5:30 in Algonquin

30 Kakina dac kina8it, tabickotc Jesos o8ia8 kidijinagozimin.

Colossians 2:19 in Algonquin

19 Ka8in aja Jesos Christikag iji tibendagozisi8ag, 8in ka niganizidj kakina Kije Manidon odanicinabeminikag. Mi maia pejig8an Jesos iji octig8anidj, iji o8ia8i8agedj dac ini ka teb8etamindjin. Octig8anikag dac odjimagan kakina kegoni ka iji nda8endamomagag 8ia8, kidji mino pimadizimagagin kakina adi eji papakeag 8ia8 acitc 8e8enda kidji mino mama8igokegin, acitc kidji ani minogig 8ia8, adi eji nda8endag Kije Manido.

1 John 1:3 in Algonquin

3 Ki8idamagom dac kagi 8abadamag acitc kagi nodamag, kekina8a acitc nina8it kidji mama8ino8ak teb8etamo8inikag, e mino mama8iseiak Kije Manidokag Kidadaminan acitc Og8izisikag Jesos Christan.

1 John 2:25 in Algonquin

25 Jesos dac kigi 8idamagonan kidji minigo8ak kagige pimadizi8ini.