Ephesians 2:20 in Algonquin

20 Mi maia tabickotc Kije Manido migi8amini e taji ojitamadizodj ejinag8ag. Jesos dac Odanodaganan acitc Kije Manido oniganadjimo8inniman, mi maia tabickotc kitci asinig ka iji padakisinigobanen ii migi8amini ejinagozi8adj. Jesos Christ dac 8in, mi maia ma8adji ka kitci apitendagozidj asini iima migi8amikag ejinagozidj.

Other Translations

King James Version (KJV)

And are built upon the foundation of the apostles and prophets, Jesus Christ himself being the chief corner stone;

American Standard Version (ASV)

being built upon the foundation of the apostles and prophets, Christ Jesus himself being the chief corner stone;

Bible in Basic English (BBE)

Resting on the base of the Apostles and prophets, Christ Jesus himself being the chief keystone,

Darby English Bible (DBY)

being built upon the foundation of the apostles and prophets, Jesus Christ himself being the corner-stone,

World English Bible (WEB)

being built on the foundation of the apostles and prophets, Christ Jesus himself being the chief cornerstone;

Young's Literal Translation (YLT)

being built upon the foundation of the apostles and prophets, Jesus Christ himself being chief corner-`stone',

Cross Reference

Matthew 16:18 in Algonquin

18 Nin dac ki8idamon oo8e. Pien kidijinikazonan, ‘asini’ ka ikidomagag. Misa dac iima asinikag ke iji ma8adjiag8a kakina ka tibenimag8a. Ka8in dac 8a8adj kakina nibo8in omacka8izi8inan ogagi cagodjiigosina8a.

Matthew 21:42 in Algonquin

42 Jesos dac ogi inan: “Mazinadeni Kije Manido Omazinaiganikag: ‘Migi8amike8innig ogi ana8enima8an ini asinin. Anic dac mi aa asini ma8adji ka ani kitci apitendagozidj. Ka Tibendjigedj dac ii ka todag, kikitci mamakadendananan dac e 8abadamak.’ Kana dac 8ikad kidodji nabo8adasina8a ii?

Mark 12:10 in Algonquin

10 Kigi nabo8adana8adok oo8eni ka mazinadenig Kije Manido Omazinaiganikag: ‘Migi8amike8innig ogi ana8enima8an ini asinin. Anic dac mi aa asini ma8adji ka ani kitci apitendagozidj.

Luke 20:17 in Algonquin

17 Jesos dac ogi kana8abaman a8iagon acitc ki ikido: “Adi dac 8a ikidomagag oo8e ka mazinadenig Kije Manido Omazinaiganikag: ‘Migi8amike8innig ogi ana8enima8an ini asinin. Anic dac mi aa asini ma8adji ka ani kitci apitendagozidj.’

Acts 4:11 in Algonquin

11 Jesos mi 8aa ka mikomagani8idj Kije Manido Omazinaiganikag: ‘Asini kagi ana8enimeg kidji abadjiagani8idj kidji migi8amikani8ag, mi aa asini ma8adji ka ani kitci apitendagozidj,’ mi mezinadeg.

1 Corinthians 3:9 in Algonquin

9 Nin acitc Apollos, Kije Manidokag nidiji tibendagozimin, acitc eji nijiag nidanokita8anan. Kina8a dac, mi maia kitigan akini Kije Manido ka tibendag ejinagozieg. Mi maia acitc migi8am Kije Manido ka ojitodj ejinagozieg.

1 Corinthians 12:28 in Algonquin

28 Kije Manido dac pepejig a8ian ka teb8etamindjin ogi onabaman, pepakan mikimo8ini kidji gi todamindjin, kidji iji 8idoka8andjin kakina ka ma8adjiidindjin kidji aiamiendjin. Ogi inasan dac Jesosan Odanodaganan ma8adji kidji kitci apitendagozindjin, mina8adj dac ini8e ka tibadjimondjin Kije Manidon odikido8ini, mina8adj dac ini8e ka kikinoamagendjin odikido8inan. Nandam kodagiag ki ca8enimagani8i8ag kidji gi mamada8izi8adj, nandam kidji kigea8adjin ka akozindjin, nandam kidji 8idoka8a8adjin a8iagon, nandam kidji niganizi8adj, nandam dac kidji pakanigij8e8adj.

Galatians 2:9 in Algonquin

9 Jak, Pien acitc John, ma8adji ka kitci niganendagozi8apan, ogi nisidotana8a Kije Manidon egi ca8enimijindjin iidi kidji anokitaomagin. Igi dac midjinisin nigi pojokagonanag nin acitc Banabas, midac iidi ka iji 8abadai8e8adj e nakomo8apan. Midac oo8e ka iji nakomo8ag kakina ka taciag, nin acitc Banabas kidji nda tibadjimo8ag min8adjimo8in taji ka iji te8adj ega ka Coda8inni8i8adj, ke8ina8a dac kidji nda tibadjimo8adj min8adjimo8ini taji eji tendjin Coda8innin.

Ephesians 4:11 in Algonquin

11 8in megada kagi madina8edj ca8endjige8inan a8iagokag. Nandam dac ki ca8enimagani8i8ag Odanodaganan kidji inagimagani8i8adj, nandam kidji tibadjimo8adj Kije Manidon odikido8ini, nandam kidji kagik8e8adj, nandam kidji niganizi8adj ka iji teb8etamindjin konigotc kidji kikinoamage8adj Kije Manidon odikido8inan.

1 Peter 2:4 in Algonquin

4 Nazikaok ka Tibendjigedj, 8in ka migi8edj pimadizi8ini. Mi maia asini ka abadizidj e migi8amikani8anig ejinagozidj. A8iagog ogi ana8enima8an ini asinin, anic dac Kije Manido ogi onabaman acitc okitci apiteniman.

1 Peter 2:7 in Algonquin

7 Jesos mi aa asini ejinagozidj. Kina8a odji ka teb8etameg, kitci apitendagozi. Pekic dac igi8e ega ka teb8etamo8adj, mi oo8e mazinadenig Kije Manido Omazinaiganikag 8ina8a odji: “Migi8amike8innig ogi ana8enima8an ini asinin. Anic dac mi aa asini ma8adji ka ani kitci apitendagozidj.”

Revelation 21:14 in Algonquin

14 Midatcin acitc niji8agoban asinig eji sakakisigiban ii 8akaak8aigan. Kakina pepejig e midatcin acitc niji8adj igi asinig iji mazinadeniban pejig o8izoni ka midatcin acitc nijindjin Mantcenices Odanodaganan.