Ephesians 1:14 in Algonquin

14 Kiminigonan mega Mino Manidon kidji ketcinamendamak kodagian mino kegonan kidji minigo8ak, kagi ikidopan kidji minadjin odanicinabeman. Kakina kiga minigonan ini mino kegonan apitc ke ag8acimagani8indjin kakina ini8e Kije Manido ka onabamadjin 8inikag kidji iji tibendagozindjin. Icpenimadan dac Kije Manido ka kitci icpendagozidj.

Other Translations

King James Version (KJV)

Which is the earnest of our inheritance until the redemption of the purchased possession, unto the praise of his glory.

American Standard Version (ASV)

which is an earnest of our inheritance, unto the redemption of `God's' own possession, unto the praise of his glory.

Bible in Basic English (BBE)

Which is the first-fruit of our heritage, till God gets back that which is his, to the praise of his glory.

Darby English Bible (DBY)

who is [the] earnest of our inheritance to the redemption of the acquired possession to [the] praise of his glory.

World English Bible (WEB)

who is a pledge of our inheritance, to the redemption of God's own possession, to the praise of his glory.

Young's Literal Translation (YLT)

which is an earnest of our inheritance, to the redemption of the acquired possession, to the praise of His glory.

Cross Reference

Luke 21:28 in Algonquin

28 Apitc dac madji iji8ebagin ini kegonan, pazig8iok acitc icpanabiok. Aja mega peconag8an kidji ag8acimigo8eg.”

Acts 20:32 in Algonquin

32 “Nipagosenima dac Kije Manido kidji kana8abamigo8eg. Omin8adjimo8in kagi odji kikendameg okije8adizi8in, kiga 8idjiigona8a. Kiga macka8iziigona8a, acitc kiga odji minigo8a Kije Manido ini mino kegonan ka 8i minadjin kakina kagi onabamadjin 8in kidji tibenimadjin.

Romans 8:15 in Algonquin

15 Mino Manido mega kagi odisigo8eg ka8in 8in kimadji todagosi8a acitc ka8in kinada8enimigosi8a mina8adj kidji segizieg. Mino Manidon megada ka minigo8eg Kije Manido, odabinodjijiman kidji ijinagozieg, acitc 8in ka pagidinigo8ak kakina pepejig e taciak “Nidadam!” kidji gi ijinikanaiak Kije Manido.

Romans 8:23 in Algonquin

23 Ka8in dac eta ini kegonan kodagitomagasino8an. Kigi minigonan Kije Manido Mino Manidon kidji 8abadai8edj teb8e kidji minigo8ag kodagian oca8endjige8inan. Misa8adj dac, kekina8it kideinakag kitaji mokonemin, meg8adj e pito8ak Kije Manido odabinodjijiman kidji ijinikanigo8ak, ega 8ikad mina8adj kia8inakag kidji iji kodagito8ak.

2 Corinthians 1:22 in Algonquin

22 acitc kigi 8abadaigonan 8inikag e iji tibendagoziak. Kigi minigonan Omino Manidoman kidji kigickago8ak, kidji gi iji 8abadainak ketcinam kidji odisigo8ak kakina kegoni ka taji nigani onatodj kina8it odji.

2 Corinthians 5:5 in Algonquin

5 8in tibina8e Kije Manido kigi ijiigonan kidji odisigo8ak ii ocki 8ia8, acitc kigi minigonan Mino Manidon kidji kigickago8ak, kidji gi iji 8abadainak ketcinadj kidji odisigo8ak kakina kegoni ka taji nigani onatodj kina8it odji.

Galatians 4:6 in Algonquin

6 Kidji gi 8abadai8edj teb8e 8in odabinodjijiman e apitendagozieg, Kije Manido ogi pidjinija8an Og8izisan Omino Manidomini kideinakag. Aa dac Mino Manido opibagiman Kije Manidon: “Abba!” Ikidomagan dac ii: “Nidadam!”

Ephesians 1:6 in Algonquin

6 Midac ii ka todag, kidji gi odji icpenimaiak egi kitci mino todago8ak e minigo8ak okitci ca8endjige8in ka kitci icpendag8anig. Kitci mane kigi minigonan ii okitci ca8endjige8in, kagi pi ijitcigendjin Og8izisan odji ka kitci sagiadjin.

Ephesians 1:12 in Algonquin

12 Nina8it Coda8innig nitam kagi madji teb8eta8agidj Jesos Christ. Nigi onabamigonan dac Kije Manido, kidji gi odji icpenimagani8idj, 8in e kitci icpendagozidj.

Ephesians 4:30 in Algonquin

30 Nidjiki8eg! Ka8in kackendamiakegon Kije Manido Omino Manidoman. Kije Manido ogi pidjinija8an Mino Manidon kidji 8abadaigo8eg 8inikag eji tibendagozieg. E kigickago8eg dac Mino Manido, kigagi odji ketcinamendana8a kidji ani odjitcisenig 8edjidagotc kidji ag8acimigo8eg Kije Manido.

1 Peter 2:9 in Algonquin

9 Kina8a dac, Kije Manido kigi onabamigo8a odanicinabeman kidji gi inakanezieg. Ma8asag kidiji anokita8a8a Kije Manido, ka kitci ogima8idj. Kipaiekizim. Kitibenimigo8a Kije Manido. Kigi nd8e8emigo8a mega kidji sagidji8inigo8eg ka iji tibikanig acitc kigi asigo8a ka iji 8aseanig. Kigi onabamigo8a dac kidji gi tibadjimo8eg adi epitci mino ijitcigedj Kije Manido.