Ephesians 1:13 in Algonquin 13 Mi pejig8an kekina8a ega ka Coda8inni8ieg, kigi nodana8a Kije Manido omin8adjimo8in ka teb8emaganig, kagi odji ag8acimigo8eg. Apitc dac ka nodameg, kigi teb8eta8a8a Jesos Christ. Jesosikag dac e iji mama8iseieg, Kije Manido kigi minigo8a Mino Manidon, ka ikidopan teb8e kidji migi8epan, kidji odji 8abadai8edj 8inikag e iji tibendagozieg.
Other Translations King James Version (KJV) In whom ye also trusted, after that ye heard the word of truth, the gospel of your salvation: in whom also after that ye believed, ye were sealed with that holy Spirit of promise,
American Standard Version (ASV) in whom ye also, having heard the word of the truth, the gospel of your salvation,-- in whom, having also believed, ye were sealed with the Holy Spirit of promise,
Bible in Basic English (BBE) In whom you, having been given the true word, the good news of your salvation, and through your faith in him, were given the sign of the Holy Spirit of hope,
Darby English Bible (DBY) in whom *ye* also [have trusted], having heard the word of the truth, the glad tidings of your salvation; in whom also, having believed, ye have been sealed with the Holy Spirit of promise,
World English Bible (WEB) in whom you also, having heard the word of the truth, the Gospel of your salvation,--in whom, having also believed, you were sealed with the Holy Spirit of promise,
Young's Literal Translation (YLT) in whom ye also, having heard the word of the truth -- the good news of your salvation -- in whom also having believed, ye were sealed with the Holy Spirit of the promise,
Cross Reference Mark 16:15 in Algonquin 15 Jesos dac ogi inan: “Paba ijaok kakina mizi8ekamig, acitc paba tibadjimotaokog kakina a8iagog Kije Manidon omin8adjimo8ini.
Luke 11:13 in Algonquin 13 Misa8adj madjideeieg, kikikendana8a mino kegonan kidji mineg8a kidabinodjijimi8ag. Midac na8adj a8acamej Kidadaminan 8ak8ig ka tedj ke iji minadjin Mino Manidon ini8e ka k8ag8edjimigodjin.” Mi ka ikidodj Jesos.
Luke 24:49 in Algonquin 49 Nin dac kiga pidjinijaamonom ii8eni Nidadam kagi ikidodj kidji minigo8eg. Panima dac ki tajikeieg ooma odenakag, pinici kidji odisigo8eg macka8izi8in 8ak8ig ka odjimagag.”
John 1:17 in Algonquin 17 Mois kigi minigonan Kije Manidon odinakonige8inan, anic dac Jesos Christ kigi minigonan okitci ca8endjige8in acitc teb8e8ini.
John 6:27 in Algonquin 27 Nanada 8abadamok midjim kabena ke min8acig acitc kagige pimadizi8ini ke migi8emagag. Ka8in dac nanada 8abadakegon midjim ega apanigotc ke tag8ag. Nin, Ka pi Anicinabe8iidizodj, kiga mininom midjim ega 8ikad kidji 8anadag. Kije Manido mega, Nidadam, ki 8abadai8e egi min8abamijidj.”
John 14:16 in Algonquin 16 Niga k8ag8edjima Nidadam kodag a8ian kidji minigo8eg kidji 8idokago8eg, apanigotc dac kiga 8idji tajikemigo8a.
John 14:26 in Algonquin 26 Aa8e dac ke pi 8idokago8eg, Mino Manido aa, ke pidjinija8adjin Nidadam kidji nabickaojidj. Kakina kegoni kiga kikinoamago8a, acitc kiga mika8asomigo8a kakina kagi 8idamonagok.”
John 15:26 in Algonquin 26 “Apitc ijaian Nidadamikag, niga pidjinija8a kina8akag aa8e ke pi 8idokago8eg. Mi aa Mino Manido, Nidadamikag ka odjidj, ka teb8edj e mikomadjin Kije Manidon adi ejinagozindjin. Apitc dac pi tag8icig, niga mikomig.
John 16:7 in Algonquin 7 Teb8e ki8idamonom, na8adj kiga mino iji8ebizim kicpin madjaian. Kicpin mega ega madjaian, aa8e ke pi 8idokago8eg ka8in kada pi tag8icisi. Kicpin dac madjaian niga pidjinija8a kina8akag.
Acts 1:4 in Algonquin 4 Nigodin e 8idji 8isinimagobanen Odanodaganan, ogi inan: “Ka8in nagadakegon oo Jerusalem odenag. Kiga pitona8a ii8e Nidadam kagi ikidodj kidji migi8edj, kagi mikodamonagok.
Acts 2:16 in Algonquin 16 Tiegodj, mi aja ijise nogom adi niganadjimo8inni Joel kagi ojibiigepan:
Acts 2:33 in Algonquin 33 Kije Manidon okitcinikinikag ki iji asagani8i kidji gi odji icpenimagani8idj, acitc Odadaman ogi minigon Mino Manidon, kagi inapanin kidji minigodjin. Jesos dac kakina nigi minigonan ini Mino Manidon. Midac 8edji oo nogom nodameg acitc 8abadameg.
Acts 13:26 in Algonquin 26 “Nidjiki8eg, kina8a Abanaam (Abraham) odanike ojisan acitc kina8a ega ka Coda8inni8ieg ka icpenimeg Kije Manido, ndotaocik! Kina8it sa Kije Manido kagi 8idamago8ak adi ke todag kidji ag8acimigo8ak.
Romans 1:16 in Algonquin 16 Ka8in odji pejig nicag8enimosi kidji tibadjimo8an ii min8adjimo8in, ka kitci macka8izimagag. Kije Manido mega odabadjiton ii min8adjimo8ini kidji ag8acimadjin kakina ka teb8eta8andjin Jesosan. Nitam Coda8innig ogi odisigona8a, mina8adj dac ega ka Coda8inni8i8adj.
Romans 4:11 in Algonquin 11 Nage dac ki pak8ej8agani8i, kidji 8abadai8edj aja egi k8aiak8abamigodjin Kije Manidon oteb8etamo8in odji, ab8amaci pak8ej8agani8igobanen. “Nidadaminan” dac odapitenima8an Abanaaman kakina ka teb8etamo8adj, egi odji k8aiak8abamagani8i8adj oteb8etamo8ini8a odji, misa8adj ega egi pak8ej8agani8i8adj.
Romans 6:17 in Algonquin 17 8eckadj ako kikitci tibenimigona8aban patado8in. Enigokodeeieg dac kigi ndotana8a ii kikinoamage8in kagi odisigo8eg. Aja dac kigi pagidjickagona8a, ega kiabadj patado8in kidji tibenimigo8eg. Kigi pagidenimidizom dac Kije Manido kidji tibenimigo8eg, kidji gi odji k8aiak8adizieg. Mig8etc dac inadan Kije Manido!
Romans 10:14 in Algonquin 14 Kicpin dac a8iagog ega maci teb8eta8a8adjin Kije Manidon, adi dac kegi odji pagosenima8adjin kidji 8idokago8adjin? Kicpin ega ki nodage8adj e mikomagani8indjin, adi dac kegi odji teb8eta8a8adjin? Kicpin ega a8ian ki pi 8idamago8adjin Kije Manidon odikido8ini, adi dac kegi odji nodage8adj?
2 Corinthians 1:22 in Algonquin 22 acitc kigi 8abadaigonan 8inikag e iji tibendagoziak. Kigi minigonan Omino Manidoman kidji kigickago8ak, kidji gi iji 8abadainak ketcinam kidji odisigo8ak kakina kegoni ka taji nigani onatodj kina8it odji.
2 Corinthians 6:7 in Algonquin 7 Kije Manido niminigonan omacka8izi8in kidji paba tibadjimo8agidj teb8e8ini. Nik8aiak8adizimin, acitc mi iidi eji nak8ita8agid8a igi ka manenimigo8ag.
Galatians 3:14 in Algonquin 14 8edji ki todag dac iidi Jesos Christ, kidji gi odji odisigo8adj ega ka Coda8inni8i8adj ii ca8endagozi8ini kagi inapanin Kije Manido Abanaaman kidji migi8edj, acitc dac kina8it ka teb8etamak kidji gi odji odisigo8ak Mino Manido, kagi ikidopan Kije Manido kidji migi8edj.
Ephesians 2:11 in Algonquin 11 Mamidonendadan dac oo. Apitc ka nta8igieg, ka8in Kicoda8inni8isina8aban. Ka Coda8inni8i8adj dac kigi papiigo8ag, e igo8eg: “Nina8it Kije Manidokag nidiji tibendagozimin. Kina8a dac, ka8in pabajine kikikenimasi8a Kije Manido. Ka8in mega 8a8adj kidodji pak8ejogosim.” Mi e ikido8adj ako. Pekic dac, apitc pak8ej8agani8idj a8iag, o8ia8 eta madijigadeni, acitc a8iagon eta ii ka todagodjin.
Ephesians 4:21 in Algonquin 21 Ketcinadj kigi kikinoamagona8adok adi Jesos ka ijitagobanen. Ii dac kagi kikinoamago8eg, maia teb8e8in ii, tabickotc nina8it kagi iji kikinoamago8ag Jesos.
Ephesians 4:30 in Algonquin 30 Nidjiki8eg! Ka8in kackendamiakegon Kije Manido Omino Manidoman. Kije Manido ogi pidjinija8an Mino Manidon kidji 8abadaigo8eg 8inikag eji tibendagozieg. E kigickago8eg dac Mino Manido, kigagi odji ketcinamendana8a kidji ani odjitcisenig 8edjidagotc kidji ag8acimigo8eg Kije Manido.
Colossians 1:4 in Algonquin 4 Nigi nodagemin mega adi epitci teb8eta8eg Jesos Christ acitc adi epitci sagieg8a kakina Kije Manido odanicinabeman.
Colossians 1:21 in Algonquin 21 8eckadj ako kina8abama8aban Kije Manido. Kimadjenima8aban, osa mega kikitci mamidonendana8aban adi ke iji madji inakamigiziegoban, acitc kigi kitci madji ijitcigena8aban.
1 Thessalonians 2:13 in Algonquin 13 Apitc ka pi 8idamago8eg Kije Manido odikido8in, kigi odapinana8a. Ii dac acitc odji, apanigotc mig8etc nidinanan Kije Manido. Kikikendana8aban mi ii 8edjida teb8e Kije Manido odikido8in, ka8in 8in a8iag. Teb8e sa Kije Manidokag odjimagan oo min8adjimo8in, acitc kitci macka8izimagan kipimadizi8ini8akag, kina8a ka teb8etameg.
2 Timothy 2:15 in Algonquin 15 Kin dac, kitci nak8in kidji min8abimik Kije Manido. 8e8enda mikimon, ega kidji odji agadjian adi kagi iji mikimo8an, 8e8enda e tibadjimo8an Kije Manido odikido8in ka teb8emaganig.
2 Timothy 2:19 in Algonquin 19 Anic Kije Manido oteb8e8in ka8in 8ikad pakan ijisesini. Tabickotc ka kitci sogizindjin kitci asinin ke iji sogakisig migi8am ijinag8ani oteb8e8in. Mazinadeni dac iima asinikag oo8e: “Ka Tibendjigedj okikeniman ini8e 8inikag ka iji tibendagozindjin.” Mazinadeni acitc iima: “Kakina igi8e ka ikido8adj: Ka Tibendjigedj nidiji tibendagozimin, panima kada poni madjakamigizi8ag.”
2 Timothy 3:15 in Algonquin 15 Ka ako abinodjiji8ian, kigi pi odji kikendan Kije Manido Omazinaigan. Ii8e Kije Manido Omazinaigan kigagi odji odinan kagita8endamo8in, kidji odji ag8acimigo8an e teb8eta8adj Jesos Christ.
Titus 2:11 in Algonquin 11 Kije Manido mega ki 8abadai8e okitci ca8endjige8in, kakina a8iag kegi odji ag8acimagani8idj.
Hebrews 2:3 in Algonquin 3 Na8adj dac kiabadj kina8it nogom, ka8in kigagi ojidasinanan kidji pajacteogo8ak kicpin ana8endamak ii ka kitci apitendag8anig ag8acige8ini Kije Manido ka 8i minigo8ak. 8in ka Tibendjigedj Jesos nitam kagi tibadjimotaonak ii ag8acige8ini. Mina8adj dac, igi8e kagi noda8a8adjin Jesosan kigi kikendamonigonanag ke8ina8a adi epitci apitendag8anig ii ag8acige8ini.
James 1:18 in Algonquin 18 Kije Manido ogi onendan kagige pimadizi8ini kidji minigo8ak, egi teb8etam8aiak omin8adjimo8in ka teb8emaganig, kina8it na8adj kidji apitendagoziak apitc8in kakina kodag kegoni kagi kijendag.
1 Peter 2:10 in Algonquin 10 8eckadj ako ka8in kitibenimigosina8aban Kije Manido, nogom dac 8inikag kidiji tibendagozim. 8eckadj ako ka8in kikikendasina8aban Kije Manido okije8adizi8in, nogom dac aja kigi odisigona8a.
Revelation 7:2 in Algonquin 2 Acitc dac kodag ajeni nigi odji 8abama, 8abanog e odjisedj. Otakonanaban ii kegoni ke odji kikina8adjibi8agani8indjin a8iagon Kije Manidokag ka pimadizidj ka iji tibendagozindjin. Ogi kitci kiji8ekada8an ini ni8in kodagian ajenin kagi minagani8indjin kidji madji todamindjin akini acitc kitcigamini.