Colossians 1:5 in Algonquin 5 Mi iidi eji teb8etameg acitc iidi eji sagii8eieg, osa mega kikitci ketcinamendana8a kidji odisigo8eg nigodin ii mino kegon kagi kana8endamago8eg 8ak8ig. Apitc mega ka odisigo8eg min8adjimo8in, ii 8edjidagotc kikinoamage8in, kigi 8idamagom kidji apenimo8eg ketcinadj kidji odisigo8eg ii mino kegon.
Other Translations King James Version (KJV) For the hope which is laid up for you in heaven, whereof ye heard before in the word of the truth of the gospel;
American Standard Version (ASV) because of the hope which is laid up for you in the heavens, whereof ye heard before in the word of the truth of the gospel,
Bible in Basic English (BBE) Through the hope which is in store for you in heaven; knowledge of which was given to you before in the true word of the good news,
Darby English Bible (DBY) on account of the hope which [is] laid up for you in the heavens; of which ye heard before in the word of the truth of the glad tidings,
World English Bible (WEB) because of the hope which is laid up for you in the heavens, of which you heard before in the word of the truth of the Gospel,
Young's Literal Translation (YLT) because of the hope that is laid up for you in the heavens, which ye heard of before in the word of the truth of the good news,
Cross Reference Matthew 6:19 in Algonquin 19 “Ka8in ma8adjitamadizokegon 8anadizi8inan ooma akikag, ke 8anadjito8adjin mandjocag, acitc ke ani ag8ag8abikagin, acitc kimodi8innig ke odji pig8aamo8adjin kidick8ademabiko8an kidji kimodimigo8eg.
Luke 12:33 in Algonquin 33 Ada8eok kidaimi8an, acitc mijikog ini conian ka kidimagizi8adj. Ojitamadizok dac conia8ajan ega 8ikad ke ick8a abadagin, e ma8adjitamadizo8eg 8anadizi8inan 8ak8ig ka tag8agin. Ini8e dac 8anadizi8inan apanigotc iima kada tag8anon. Iima dac, ka8in kadagi kimodisi8ag kimodi8innig, acitc mandjocag ka8in oga kackitosina8a kidji 8anadjito8adjin.
Acts 10:36 in Algonquin 36 Kikikendana8a Kije Manido egi minadjin odikido8inan Israel a8iagon, ka odji kikendjigadenig omin8adjimo8in, aja e kackitondjin a8iagon kidji mino 8idji8andjin Kije Manidon, kagi pi todag Jesos Christ odji. 8aa teb8e Jesos ka Tibenimadjin kakina a8iagon!
Acts 13:26 in Algonquin 26 “Nidjiki8eg, kina8a Abanaam (Abraham) odanike ojisan acitc kina8a ega ka Coda8inni8ieg ka icpenimeg Kije Manido, ndotaocik! Kina8it sa Kije Manido kagi 8idamago8ak adi ke todag kidji ag8acimigo8ak.
Acts 23:6 in Algonquin 6 Pon okikenimagoban nandam Coda8innin ka nagadjitonigobanen inakonige8inan e tenigobanen iima ka iji ma8adjiidinani8anig, acitc nandam Sadose8innin (Sadducéens), ini Coda8innin ega ka teb8etamindjin abidjiba8ini. Megadacta 8edji ki kitci kiji8edj e anim8edj nigan 8ina8akag: “Nidjiki8eg! Coda8innig ka nagadjito8adj inakonige8inan nidiji acidagimigo kenin. Nidadam acidagimagani8i ke8in. Osa niketcinamendan kakina a8iagog kidji abidjiba8adj, mi 8edji tibakonigo8an.”
Acts 24:15 in Algonquin 15 Kije Manidokag nidiji apacenimonan, tabickotc 8ina8a ka iji apacenimo8adj 8inikag, e ketcinamendaman kakina a8iagog kidji koki pimadizi8adj nibo8inikag, ka mino a8iago8i8adj acitc ka madji a8iago8i8adj.
Acts 26:6 in Algonquin 6 Aja dac nitaji tibakonigo osa mega niteb8etam8an kidji iji8ebanig Kije Manido kagi inagobanen 8eckadj nikitci anicinabeminabanin.
Romans 10:8 in Algonquin 8 Misa dac oo8eni ka ojibiigadenig 8ina8a odji: “Kitci peconag8ani kina8akag Kije Manido odikido8in, kidoni8akag acitc kidei8akag iji tag8ani.” Kije Manido dac odikido8in, mi oo ka paba tibadjimo8ag, e ikido8ag panima a8iagog ki teb8eta8a8adjin Kije Manidon.
1 Corinthians 13:13 in Algonquin 13 Midac nisidon kegonan kagige kidji tag8agin: teb8etamo8in, apenimo8in acitc sagii8e8in. Sagii8e8in dac ma8adji kitci apitendag8an.
1 Corinthians 15:19 in Algonquin 19 Kicpin dac Jesos Christikag ki iji apacenimo8ak kidji 8idokago8ak, acitc dac eta ooma meg8adj akikag eji pimadiziak iji 8idokago8akoban, na8adj sa kina8it kikitci kidimagizimin apitc8in kakina kodagiag a8iagog.
2 Corinthians 5:19 in Algonquin 19 8adan oo8e 8a ikido8an. Kije Manido ogi pidjinija8an Jesos Christan, kidji koki mino 8idjiogodjin a8iagon. Ka8in dac aja ani agidjigadesini a8iagog inigik ka pi patadi8adj. Kije Manido dac nigi anonigonan kidji a8i paba mikodamag ii.
2 Corinthians 6:7 in Algonquin 7 Kije Manido niminigonan omacka8izi8in kidji paba tibadjimo8agidj teb8e8ini. Nik8aiak8adizimin, acitc mi iidi eji nak8ita8agid8a igi ka manenimigo8ag.
Galatians 5:5 in Algonquin 5 Nina8it dac, niketcinamendananan kidji odji k8aiak8abamigo8ag Kije Manido egi teb8eta8agidj Jesos. Mino Manido dac ni8idjiigonan e taji kitci pito8ag kidji iji8ebiziag ii.
Ephesians 1:13 in Algonquin 13 Mi pejig8an kekina8a ega ka Coda8inni8ieg, kigi nodana8a Kije Manido omin8adjimo8in ka teb8emaganig, kagi odji ag8acimigo8eg. Apitc dac ka nodameg, kigi teb8eta8a8a Jesos Christ. Jesosikag dac e iji mama8iseieg, Kije Manido kigi minigo8a Mino Manidon, ka ikidopan teb8e kidji migi8epan, kidji odji 8abadai8edj 8inikag e iji tibendagozieg.
Ephesians 1:18 in Algonquin 18 Nipagosenima acitc Kije Manido kidji 8asenamago8eg kidei8akag, na8adj kidji gi nisidotameg ii apenimo8ini kagi minigo8eg apitc kagi nd8e8emigo8eg, acitc kidji gi kikendamegon adi epitci kitci apitendag8anigin ini kegonan ka kitci icpendag8anigin kagi ikidopan kidji ca8enimadjin odanicinabeman.
Colossians 1:23 in Algonquin 23 Panima dac ega 8ikad ki ponito8eg kidji teb8etameg min8adjimo8in, tiegodj panima ki sogigaba8ieg, e ketcinamendameg e teb8emagag, ega 8ikad kidji 8ebinameg ii apenimo8in kagi odisigo8eg apitc ka nodameg min8adjimo8in. Mizi8ekamig ki 8idamagani8an ii min8adjimo8in, kakina a8iagog odji. Nin dac, Pon, nidanokita8a Kije Manido e paba tibadjimo8an ii min8adjimo8in.
Colossians 1:27 in Algonquin 27 Kije Manido mega ogi nda8endan kidji kikendamonadjin adi epitci apitendag8anig acitc adi epitci icpendag8anig ii kagi iji onendagiban kidji 8idoka8adjin kakina ka inakanezindjin a8iagon. 8adan dac oo8eni ega kagi kikendjigadenigiban. Jesos Christ kikigickago8a, e minigo8eg kidji ketcinamendameg kidji aiameg kekina8a Kije Manido odicpendagozi8in.
Colossians 3:16 in Algonquin 16 Pagidinamok ii min8adjimo8in ka odji kikenimagani8idj Jesos Christ mizi8e kidji kigickago8eg. Abadjitaok kakina kagita8endamo8in ka aiameg kidji kikinoamadieg kakina pepejig e tacieg acitc kidji 8idama8idieg adi enendagozieg kidji inakamigizieg. Nigamok 8eckadj kitci nigamo8inan Kije Manido Omazinaiganikag ka odjimagagin, acitc ocki aiamie nigamo8inan, acitc nigamo8inan ka minigo8eg Mino Manido, mig8etc e ineg Kije Manido enigokodeeieg.
1 Thessalonians 2:13 in Algonquin 13 Apitc ka pi 8idamago8eg Kije Manido odikido8in, kigi odapinana8a. Ii dac acitc odji, apanigotc mig8etc nidinanan Kije Manido. Kikikendana8aban mi ii 8edjida teb8e Kije Manido odikido8in, ka8in 8in a8iag. Teb8e sa Kije Manidokag odjimagan oo min8adjimo8in, acitc kitci macka8izimagan kipimadizi8ini8akag, kina8a ka teb8etameg.
2 Thessalonians 2:16 in Algonquin 16 Kije Manido Kidadaminan kigi kitci sagiigonan. E minigo8ak okitci ca8endjige8in, kigi minigonan kagige kidji sogideeiak, acitc kidji kitci sogi apenimo8ak. 8in nipagosenimanan, acitc dac 8in tibina8e ka Tibeniminak Jesos Christ,
1 Timothy 1:15 in Algonquin 15 Teb8emagan oo8e ke ikido8an acitc min8acin kakina a8iagog enigokodee8adj kidji odapinamo8adj. Jesos Christ ki pija ooma akig kidji ag8acimadjin a8iagon ka patadindjin. Nin sa ma8adji nigi patadinan apitc8in kakina kodagiag a8iagog.
2 Timothy 4:8 in Algonquin 8 Nogom dac aja nipiigon kagi kackitamadizo8an egi k8aiak8adizian, mi ii8e sizok8epizon ke minijidj ka Tibendjigedj apitc odjitcisenig kidji tibakonigedj, 8in k8aiak ka tibakonigedj. Ka8in dac nin eta niga minigosi ii, mi acitc kakina ini8e ka taji kitci piondjin kidji koki 8abamigodjin.
Titus 1:2 in Algonquin 2 Midac ke iji ketcinamendamindjin kidji gi aiamindjin kagige pimadizi8ini. Ab8amaci kijendag akini, Kije Manido ki ikido kidji migi8edj kagige pimadizi8ini. Ka8in dac 8ikad kagina8ickisi Kije Manido.
Hebrews 7:19 in Algonquin 19 Ka8in mega a8iagog okackiigosina8abanin ini Inakonige8inan mizi8e kidji paiekideeigo8adjin. Nogom dac, kigi minigomin kegon na8adj e min8acig apitc8in ini Inakonige8inan, kegi iji apacenimo8ageiak, kidji ani nazika8aiak Kije Manido.
1 Peter 1:3 in Algonquin 3 Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,
1 Peter 2:2 in Algonquin 2 Mi maia tabickotc ocki tcidjicag ejinagozieg kiteb8etamo8ini8akag, ega abidji kin8ej ka ako minigo8eg ocki pimadizi8in. Tcidjic mi eta eji mika8idj tcodjocinaboni kidji minik8edj, kidji gi madjigidj. Midac pejig8an kekina8a, kida kitci nda8endana8a Kije Manido odikido8in 8edjidagotc ka teb8emaganig, kidji gi ani madjigieg kiteb8etamo8ini8akag acitc kidji gi ag8acimigo8eg.
1 Peter 3:15 in Algonquin 15 Tiegodj, icpenimik Jesos Christ kidei8akag, ka Tibenimigo8eg e inenimeg. Kabe eco8iok kidji gi nak8e8ajieg igi8e ka k8ag8edjimigo8eg adi Jesosikag 8edji iji apacenimo8eg. Enigokodeeieg 8e8enda 8idamaokog ka iji teb8etameg.
1 John 3:3 in Algonquin 3 Aa dac a8iag ka iji apacenimodj tabickotc Jesos kidji ijinagozidj, mi aa kabe e nagadjiidizodj adi enakamigizidj kidji gi paiekideedj, tabickotc Jesos eji paiekideedj.