Colossians 1:27 in Algonquin 27 Kije Manido mega ogi nda8endan kidji kikendamonadjin adi epitci apitendag8anig acitc adi epitci icpendag8anig ii kagi iji onendagiban kidji 8idoka8adjin kakina ka inakanezindjin a8iagon. 8adan dac oo8eni ega kagi kikendjigadenigiban. Jesos Christ kikigickago8a, e minigo8eg kidji ketcinamendameg kidji aiameg kekina8a Kije Manido odicpendagozi8in.
Other Translations King James Version (KJV) To whom God would make known what is the riches of the glory of this mystery among the Gentiles; which is Christ in you, the hope of glory:
American Standard Version (ASV) to whom God was pleased to make known what is the riches of the glory of this mystery among the Gentiles, which is Christ in you, the hope of glory:
Bible in Basic English (BBE) To whom God was pleased to give knowledge of the wealth of the glory of this secret among the Gentiles, which is Christ in you, the hope of glory:
Darby English Bible (DBY) to whom God would make known what are the riches of the glory of this mystery among the nations, which is Christ in you the hope of glory:
World English Bible (WEB) to whom God was pleased to make known what are the riches of the glory of this mystery among the Gentiles, which is Christ in you, the hope of glory;
Young's Literal Translation (YLT) to whom God did will to make known what `is' the riches of the glory of this secret among the nations -- which is Christ in you, the hope of the glory,
Cross Reference Matthew 13:11 in Algonquin 11 Ogi nak8e8ajian dac: “Kina8a kigi odisigona8a kidji kikendameg Kije Manido Odogima8i8in, ega 8ikad a8iag kagi kikendag. Igi8e dac 8ina8a, ka8in ododji odisigosina8a.
Luke 17:21 in Algonquin 21 Ka8in kada ikidonani8asinon: ‘Kana8abadamok! Aja tag8icinomagan ooma!’ kek8an: ‘Aja tag8icinomagan 8edi!’ Kije Manido mega aja ogima8i kina8akag.”
John 6:56 in Algonquin 56 Aa8e ke midjig8en nia8ini acitc ke minik8eg8en nimisk8ini, ninikag iji tajike, acitc kabena ni8idji8a.
John 14:17 in Algonquin 17 Mi aa Mino Manido ka teb8edj e mikomadjin Kije Manidon adi ejinagozindjin. Igi8e dac a8iagog ega ke teb8etamo8adj, ka8in okackitosina8a kidji odapina8adjin opimadizi8ini8akag. Ka8in mega okikenimasi8a8an, acitc ka8in onisida8ina8asi8a8an. Kina8a dac, kikikenima8a. Ki8idjiogo8a mega acitc kikigickago8a.”
John 14:20 in Algonquin 20 Apitc ii ijiseg, kiga nisidotana8a e kigickaojidj Nidadam, acitc e kigickaonagok, tabickotc kenin eji kigickaojieg.”
John 14:23 in Algonquin 23 Jesos ogi nak8e8ajian: “Aa8e ka sagiijidj, oga nosonean nikikinoamage8ini. Nidadaman dac oga sagiigon. Midac nin acitc Nidadam niga pi nazika8anan acitc niga 8idji tajikemanan.
John 15:2 in Algonquin 2 Kakina omanibidonan kibisatigon ega ka mini8anigin aa8e ka nta8igitodjin cominici8atigon. Kakina dac ka mini8anigin o8a8ejitonan. Midac kada paiekani8an, a8acamej kidji gi minogindjin cominican. Mi iidi e toda8adjin Nidadam a8iagon ka tibenimimagin.
John 17:22 in Algonquin 22 Kin kigi minijinan kidji icpendagozian. Mi pejig8an nigi minag kidji icpendagozi8adj, mama8i kidji gi pejig8eiendagozi8adj, tabickotc kin acitc nin ka iji pejig8eiendagoziak.
John 17:26 in Algonquin 26 Nigi kikendamonag adi ejinagozian kin, acitc mi kiabadj ke kikendamonag8a. Midac pejig8an kagi iji sagiijian, ke8ina8a kodag a8iagon kidji sagia8adjin. Acitc dac nin niga 8idji8ag.” Mi ka ikidodj Jesos e taji aiamiedj.
Romans 5:2 in Algonquin 2 Osa mega kiteb8etananan, Jesos kigi minigonan kidji ani kikendam8aiak Kije Manido okitci ca8endjige8in, acitc dac mi ii8e ca8endjige8in odji 8edji nogom sogigaba8iak kiteb8etamo8inakag. Kimodjigendananan dac osa mega kiketcinamendananan kekina8it kidji icpendagoziak, tabickotc Kije Manido ka iji icpendagozidj.
Romans 8:10 in Algonquin 10 Kicpin dac kigickago8eg Jesos Christ, Mino Manido kiminigo8a pimadizi8ini, misa8adj e inendag8agin kia8i8an kidji nibomagagin egi patadieg. Kik8aiak8abamigo8a mega Kije Manido.
Romans 8:18 in Algonquin 18 Teb8e kikitci kodagitomin nogom. Anic dac nikikendan inigik eji kodagito8ak nogom, ka8in inigik ijinag8asinon ke ijinag8ag icpendagozi8ini ke minigo8ak Kije Manido.
Romans 9:23 in Algonquin 23 Kije Manido acitc ogi iji nda8endanagoban kidji 8abadai8edj okitci icpendagozi8in, kagi minigo8ak kina8it e kidimagenimigo8ak, kagi nigani onabamigo8ak kidji odisigo8ak odicpendagozi8in.
Romans 11:33 in Algonquin 33 Maiagotc kitci kije8adizi Kije Manido! Maiagotc kitci kagita8endam acitc kakina kegoni okikendan! Adi eji onendag, ka8in pabajine a8ian okackitosini kidji 8idamagendjin adi 8edji ki onendag ii. Adi ejitcigedj, ka8in pabajine a8ian onisidotasini!
1 Corinthians 2:12 in Algonquin 12 Kina8it dac, aa Mino Manido kagi odisigo8ak, ka8in ooma akikag odjisi, mi ini Kije Manido tibina8e Omino Manidoman. Kije Manido mega kigi pidjinijaamagonan kidji gi nisidotamak adi kagi iji ca8enimigo8ak.
1 Corinthians 3:16 in Algonquin 16 Nidjiki8eg! Kikikendana8adok ma8asag kina8a kakina Kije Manido okitci aiamiemigi8am e ijinagozieg, acitc Mino Manido tajike kina8akag.
2 Corinthians 2:14 in Algonquin 14 Mig8etc dac nidina Kije Manido. 8in mega kabegotc nigani e pimose8agidj, kidji gi odji 8abadaadjin kakina a8iagon egi cagodjii8endjin Jesos Christan. Nidabadjiigonan mizi8ekamig kidji odji kikenimagani8indjin ka Tibendjigendjin Jesosan. Apitc dac ako e paba mikomagidj, mi maia ka minomag8ag ka pabamabatesig ejinag8ag.
2 Corinthians 4:6 in Algonquin 6 Kije Manido mega ki ikido 8eckadj: “Taji ka iji kacki tibikag, nidinakonige kidji 8aseag.” Misa dac 8in Kije Manido kagi todag kidji tanasakonenig 8asea8ini nideinakag. E kikendam8aiak dac Kije Manido odicpendagozi8in, mi 8edjimaganig ii 8asea8ini. 8abadjigadeni dac ako Kije Manido odicpendagozi8in apitc 8abamagani8idj Jesos Christ.
2 Corinthians 4:17 in Algonquin 17 Nikodagitomin nogom pagi, 8enibik dac eta ii kada ijise. Ii dac kodagito8in odji, niga odisigonan kitci icpendagozi8in apanigotc ke tag8ag. Apitc ako e mamidonendamag ii icpendagozi8in, ka8in nikitci apitendasinananan nikodagito8ininanan.
2 Corinthians 6:16 in Algonquin 16 Ka8in odji pejig inendag8asinon kidji asagani8i8adj manidokanag Kije Manido okitci aiamiemigi8amikag. Kina8it dac Kije Manido ka pimadizidj okitci aiamiemigi8am kidijinagozimin. 8adan mega oo8eni ka ikidodj Kije Manido: “Niga 8idji tajikemag igi anicinabeg, acitc niga paba 8idji8ag. Ninikag kada iji Okije Manidomi8ag acitc niga odanicinabemi8age.”
Galatians 1:15 in Algonquin 15 Misa8adj dac, nigi onabamig Kije Manido ab8amaci nta8igian, acitc nigi kitci ca8enimig e nd8e8emijidj kidji anokita8ag. Apitc dac ka onendamogobanen,
Galatians 2:20 in Algonquin 20 Mi maia pejig8an ka 8idji nibomagiban Jesos Christ ejinagozian, apitc ka acidak8a8agani8idj tcibaiatigokag. Nogom dac ka8in nin nitibendasin nipimadizi8in, 8in sa Jesos Christ ka tibendag, egi pidigeckaojidj. Ka iji pimadizian dac nogom, e teb8eta8ag Kije Manido Og8izisan 8edji iji pimadizian, 8in ka sagiijidj acitc kagi pagidenimidizodj kidji nibodj nin odji.
Galatians 4:19 in Algonquin 19 Kina8a nidabinodjijimag ka apiteniminagok! Aja mina8adj nikitci kodagito e mamidoneniminagok, tabickotc ka kodagitodj ik8e e nta8igindjin otcidjiciman. Mi ke iji 8isagendaman, pinici kidji ketcinamendaman Jesos Christikag eta e iji apacenimo8eg.
Ephesians 1:7 in Algonquin 7 Kije Manido kigi ag8acimigonan egi pagidenimidizondjin Og8izisan kidji nibondjin kina8it odji. Kigi kasiamagonan kipatado8ininanan. Midac iidi ka iji 8abadaigo8ak adi epitci kitci kije8adizidj,
Ephesians 1:17 in Algonquin 17 Nipagosenima Kije Manido Kidadaminan ka kitci icpendagozidj, 8in ka Tibeniminak Jesos Christan ka anokitagogobanen, kidji minigo8eg Mino Manidon, ke 8idjiigo8eg kidji kagita8endameg acitc ke 8abadaigo8eg adi maia ejinagozidj Kije Manido, na8adj eckam kidji gi ani kikenimeg.
Ephesians 2:22 in Algonquin 22 Midac kekina8a kidasigo8a iima migi8amikag ka taji ojitcigadeg, osa Jesosikag kidiji mama8isem. Kigi kakina Kije Manido odanicinabeman, mi maia tabickotc migi8am e ani ijinagozieg, taji Kije Manido Omino Manidoman kidji gi iji tajikendjin.
Ephesians 3:8 in Algonquin 8 Kakina kodagian Kije Manido odanicinabeman na8adj 8ina8a apitendagozi8an apitc8in nin. Anic dac Kije Manido ka kitci kije8adizidj nigi kitci ca8enimig egi onabamijidj kidji paba tibadjimotaomagin ega ka Coda8inni8indjin omin8adjimo8in. Jesos Christ kagi pi ijitcigedj kina8it odji, epitci kitci apitendag8anig dac ii, ka8in 8ikad kakina kiga kackitosinanan kidji cabo nisidotamak okije8adizi8in.
Ephesians 3:16 in Algonquin 16 Nidiji pagosenima dac Kije Manido ka kitci icpendagozidj, kidji minigo8eg macka8izi8ini kidjitcagoci8akag, e pidjinijaamago8eg Mino Manidon.
Philippians 4:19 in Algonquin 19 Kije Manido, 8in ka anokita8ag, kiga minigo8a kakina kegoni ka nodeseieg. Kitci manedini8an mega o8anadizi8inan ka kitci min8acinigin, ka minigo8ak egi iji mama8iseiak Jesos Christikag.
Colossians 1:5 in Algonquin 5 Mi iidi eji teb8etameg acitc iidi eji sagii8eieg, osa mega kikitci ketcinamendana8a kidji odisigo8eg nigodin ii mino kegon kagi kana8endamago8eg 8ak8ig. Apitc mega ka odisigo8eg min8adjimo8in, ii 8edjidagotc kikinoamage8in, kigi 8idamagom kidji apenimo8eg ketcinadj kidji odisigo8eg ii mino kegon.
Colossians 2:3 in Algonquin 3 8in Jesos ka kikendamoni8edj ii kagita8endamo8ini acitc nisidotamo8ini Kije Manidokag ka odjimaganigin, tabickotc kegonan ka kitci apitendag8agin kagi kadjigadegin ka ijinag8anigin.
Colossians 3:11 in Algonquin 11 Ka8in dac pepakan apitendagozisi8ag a8iagog. Kicpin Coda8inni8i8adj kek8an ega ka Coda8inni8i8adj, kicpin pak8ej8agani8i8adj kek8an ka8in, kicpin pi8ide8i8adj konigotc kicpin pakan inakanezi8adj ega dac sabenimagani8i8adj, kicpin tibenimagani8i8adj kidji anokitage8adj kek8an tibenimidizo8adj, kakina tabickotc pejig8eiendagozi8ag. 8in dac eta Jesos Christ apitendagozi, acitc kakina okigicka8an ini8e 8inikag ka iji tibendagozindjin.
1 Timothy 1:1 in Algonquin 1 Nin Pon ka ojibiaman. Kije Manido ka Ag8aciminak acitc Jesos Christ ka iji apacenimo8ak nigi inanonigog Jesos Christ Odanodaganan kidji inagimigo8an.
1 Peter 1:3 in Algonquin 3 Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,
1 John 4:4 in Algonquin 4 Nidabinodjijimag ka kitci ineniminagok! Kije Manidokag kidiji tibendagozim. Ka8in dac kidodji teb8eta8asi8a8ag igi8e ka kagina8icki8adj a8iagog. Kije Manido mega ka kigickago8eg na8adj macka8izi apitc8in madji manido ka kigickago8adjin igi8e ega e teb8eta8a8adjin Kije Manidon.
Revelation 3:20 in Algonquin 20 Ndotamok! Ick8ademikag nitajigaba8inan acitc nipapa8aan. A8iag ka nodaojidj acitc ka cenamaojidj, niga pidige8an omigi8amikag. Mama8 dac niga 8isinimin.