Acts 26:22 in Algonquin 22 Kije Manido dac nigi 8idjiig, acitc kiabadj nogom ni8idjiig ogajiganig kidji tatibadjimota8ag8a kakina a8iagog, ega ka apitendagozi8adj acitc dac ka kitci inenimagani8i8adj. Ka8in dac kegon kodag nidikidosi, mi eta Mois acitc niganadjimo8innig kagi ikido8adj kidji iji8ebanig.
Other Translations King James Version (KJV) Having therefore obtained help of God, I continue unto this day, witnessing both to small and great, saying none other things than those which the prophets and Moses did say should come:
American Standard Version (ASV) Having therefore obtained the help that is from God, I stand unto this day testifying both to small and great, saying nothing but what the prophets and Moses did say should come;
Bible in Basic English (BBE) And so, by God's help, I am here today, witnessing to small and great, saying nothing but what the prophets and Moses said would come about;
Darby English Bible (DBY) Having therefore met with [the] help which is from God, I have stood firm unto this day, witnessing both to small and great, saying nothing else than those things which both the prophets and Moses have said should happen,
World English Bible (WEB) Having therefore obtained the help that is from God, I stand to this day testifying both to small and great, saying nothing but what the prophets and Moses said would happen,
Young's Literal Translation (YLT) `Having obtained, therefore, help from God, till this day, I have stood witnessing both to small and to great, saying nothing besides the things that both the prophets and Moses spake of as about to come,
Cross Reference Matthew 17:4 in Algonquin 4 Pien dac ogi inan Jesosan: “Ka Tibendjigean! Kitci min8acin egi pijaiak ooma. Kicpin dac nda8endaman, niga padakisidonan nisin nibaganan, pejig kin odji, pejig Mois odji, acitc pejig Eli odji.”
Luke 16:29 in Algonquin 29 “Abanaam dac ogi nak8e8ajian: ‘Kidjiki8eg ogagi nabo8adana8a 8egonen Mois acitc niganadjimo8innig kagi ojibiamo8adj Kije Manidon Omazinaiganikag. Midac panima ki iag8aminamo8adj ii.’ ”
Luke 24:27 in Algonquin 27 Jesos dac ogi 8a8idama8an adi ekidomaganig Kije Manidon Omazinaigani 8in e mikomagani8idj. Moisan omazinaiganikag ki odji madjita. Mina8adj dac niganadjimo8innin kakina omazinaigani ogi mikodanan.
Luke 24:44 in Algonquin 44 Jesos dac ogi inan: “Meg8adj ka 8idji tajikeminagogiban, kigi 8idamonom: ‘Nimikomigo Mois omazinaiganikag, niganadjimo8innig omazinaigani8akag acitc 8eckadj Kitci Aiamie Nigamo8inikag. Panima dac kada iji8eban kakina ka mazinadeg.’ ”
Luke 24:46 in Algonquin 46 Ogi inan: “Mi oo mezinadenig: ‘Aa8e Kije Manidon kagi ikidonipanin kidji pidjinijaogodjin kada kodagito, midac kada abidjiba ki nisogonaganig.
John 1:17 in Algonquin 17 Mois kigi minigonan Kije Manidon odinakonige8inan, anic dac Jesos Christ kigi minigonan okitci ca8endjige8in acitc teb8e8ini.
John 1:45 in Algonquin 45 Pilip dac ogi nda 8abaman Natanienan acitc ogi inan: “Nigi mika8anan aa a8iag Kije Manidon kagi ikidonipanin kidji pidjinijaogodjin, Mois kagi mikomagobanen odinakonige mazinaiganikag, acitc ke8ina8a Kije Manido oniganadjimo8inniman kagi mikomandjin. Jesos ijinikazo aa, Josep og8izisan, Nazaret ka odjidj.”
John 3:14 in Algonquin 14 “8eckadj pig8adakamigokag Mois ogi ojiagoban pi8abiko kinebigon, acitc ogi acidak8a8an mitigokag. Midac ogi icpak8aan, ini8e a8iagon kagi mag8amigondjin kinebigon kidji gi 8abamandjin kidji gi kigendjin. Mi maia pejig8an ke todago8an, nin, Ka pi Anicinabe8iidizodj, panima niga acidak8aogo acitc niga icpak8aogo.
John 5:39 in Algonquin 39 Kitci 8e8enda kinanada kikendana8a Kije Manido Omazinaigan, e inendameg kidji odji kikendameg adi ke iji kagige pimadizieg. Iima dac Omazinaiganikag nimikomigo.
John 5:46 in Algonquin 46 Kicpin maia ki teb8eta8egoban Mois, kidagi teb8etaojim kenin. Nimikomigoban mega ka ojibiigedj.
Acts 3:21 in Algonquin 21 Nogom sa 8in, inendagozi Jesos 8ak8ig kidji tedj, pinici kakina kegoni kidji ocki madjitamaganig. Mi ii Kije Manido kagi iji tibadjimodj, kidji todag kakina kegoni kidji ocki madjitamaganig, okitcit8a niganadjimo8inniman e anonadjin kidji tibadjimondjin aja 8eckadj.
Acts 10:43 in Algonquin 43 Kakina niganadjimo8innin ogi paba mikomigon, e ikidondjin: ‘A8enenigotc ke teb8eta8adjin, kada kasiigadeni8an opatado8ini8an, epitci macka8izimaganig o8izoni.’ ” Mi ka iji tibadjimodj Pien.
Acts 14:19 in Algonquin 19 Nandam Coda8innig ki pi odose8ag Antiok (Antioche) acitc Ikoniom (Iconium) odenan. Ogi cagozoma8an dac a8iagon kidji nisimagani8indjin Ponan. Ogi pabim8asinaa8an dac, acitc ogi sagidjidabana8an ag8adjik odenag. “Ki nibo” ogi inenima8agoban mega.
Acts 16:25 in Algonquin 25 8aiej e abitatibikanig, Pon acitc Silas taji aiamie8agoban acitc otaji aiamie nigamota8a8agoban Kije Manidon. Kodagiag dac takoniganag ki ndotamo8agoban.
Acts 18:9 in Algonquin 9 Abidin meg8a tibik, Pon ki ijinam e 8abamadjin ka Tibendjigendjin. Ogi igon dac: “Ka8in kotadjiken! Kagik8en min8adjimo8in acitc ka8in ponimoken.
Acts 20:20 in Algonquin 20 Kikikenimijim ega egi cag8enimo8an kakina kegon kidji 8idamonagok adi kegi iji 8idjiinagogiban, apitc ka kagik8eian acitc ka kikinoamaonagok kimigi8ami8akag acitc aiamiemigi8amikag.
Acts 21:31 in Algonquin 31 Meg8adj e nanada nisa8apanin Ponan, a8iag ogi pi tibadjimota8an ka niganizindjin cimaganican Rom ka odjindjin, e kitci nickadizinani8anig Jerusalemikag.
Acts 23:10 in Algonquin 10 Kegapitc igi8e ka kaganondi8adj ki ani k8ag8e migadi8ag. Ka niganizidj cimaganic ogi kosabanin Ponan kidji nisimagani8indjin. Midac ogi inan ocimaganiciman kidji sagiziimagani8indjin Ponan ka iji ma8adjiidinani8anig, acitc kidji pidigeagani8indjin ka iji 8akaak8aigadenig.
Acts 23:16 in Algonquin 16 Pejig dac Pon odojiman ki nodage8an adi 8a toda8agani8ipan. Teci8ag ki ija ka iji 8akaak8aigadenig kidji nda 8idama8adjin Ponan.
Acts 24:14 in Algonquin 14 Oo8e sa ki8idamon. Nidicpenima Kije Manido, 8eckadj nikitci anicinabeminabanig kagi manadjia8adjin, e nosoneamanin ocki kikinoamage8inan, ini8e Coda8innig ka ikido8adj ega e teb8emaganigin. Niteb8etan pekic kakina kagi iji ojibiigadegin Coda8inni Inakonige8inan acitc niteb8etan kagi ojibiigadeg niganadjimo8innig omazinaigani8akag.
Acts 26:6 in Algonquin 6 Aja dac nitaji tibakonigo osa mega niteb8etam8an kidji iji8ebanig Kije Manido kagi inagobanen 8eckadj nikitci anicinabeminabanin.
Acts 26:17 in Algonquin 17 Ka8in niga pagidinasig Coda8innig kek8an ega ka Coda8inni8i8adj kidji madji todaok8a. Mi igi a8iagog ke tatibadjimota8ad8a ini kegonan.
Acts 28:23 in Algonquin 23 Pon acitc Coda8innig ki onendamog mina8adj kidji ma8adjiidi8adj. Ii dac apitc e kijiganig, na8adj mane Coda8innig ogi nda 8abama8an Ponan ka iji tajikendjin. Kabe kijik Pon ogi aiamian ini Coda8innin. Ogi mikodan Kije Manidon Odogima8i8ini. Ogi k8ag8e cagozoman kidji teb8eta8andjin Jesosan, e abadjitodjin Moisan odinakonige8inan acitc niganadjimo8innin omazinaigani8an kidji 8abadai8emaganig adi eji teb8edj.
Romans 3:21 in Algonquin 21 Aja dac nogom kigi kikendamonigomin adi eji k8aiak8abamadjin a8ian Kije Manido, ega e abadagin inakonige8inan. Mi ii ka mikodamo8adj niganadjimo8innig, acitc Mois ke8in, apitc ka ojibiagin Coda8inni Inakonige8inan.
2 Corinthians 1:8 in Algonquin 8 Nidjiki8enanag! Ninada8endananan kidji kikendameg adi ka ijiseiag ka a8i pabamadiziag 8edi Eja (Asie) akikag. Apanigotc nigi kitci sanagendjigemin, mi maia tabickotc kagi cacagockago8agiban ka inendjigeiag. Nigi inendananan dac ega aja kidji kackito8ag kidji pimadjio8ag. Nigi ketcinamendananan kidji nibo8ag.
2 Timothy 3:11 in Algonquin 11 Kikikenimijinan adi ka iji nanekadjiiji8adj a8iagog acitc adi inigik ka kodagito8an 8edi Antiok (Antioche), Ikoniom (Iconium), acitc Listra (Lystre) odenan. Teb8e nigi kitci kodagito! Ka Tibendjigedj dac nigi 8idjiig kakina kidji cabockam8agin ini8e kegonan.
2 Timothy 4:17 in Algonquin 17 Anic ka Tibendjigedj nigi 8idjiig, acitc nigi minig macka8izi8ini, kitci ag8aiadj kidji gi tibadjimo8ag odikido8in. Misa dac ka iji nodamo8adj kakina igi8e ega ka Coda8inni8i8adj. Nigi kana8enimig ega maci kidji nisigo8aban.
Revelation 11:18 in Algonquin 18 Kakinagotc adi ka inakanezi8adj a8iagog ega ka kikenimik8a, ki kitci nickadizi8ag. Anic dac aja odjitcise kin kidji kitci nickadizian, acitc kidji tibakonad8a ka nibo8adj. Aja odjitcise kidji ca8enimad8a igi8e ka anokitaok8a kagi tibadjimo8adj kidikido8ini. Kiga ca8enimag kakina kidanicinabemag, ka tabasendagozi8adj acitc ka apitendagozi8adj, kakina igi8e ka ndotaok8a. Mi aja odjitcise kidji nici8anadjiagani8i8adj igi8e ka nici8anadjia8adjin a8iagon akikag.”
Revelation 15:3 in Algonquin 3 Mi maia pejig8an enaamazo8apan Mois, 8in kagi anokita8adjin Kije Manidon, kagi nigamogobanen, e manadjia8adjin Mantcenicesan. Oo8eni dac nigamobanig: “Kije Manido ka Tibendjigean, ma8adji ka kitci macka8izian! Kitci apitendag8an kimikimo8in, acitc kitci min8acin! Kin ka ogima8ian kakina akin, kabe k8aiak kitodan acitc kabe kiteb8e.
Revelation 20:12 in Algonquin 12 Nigi 8abamag kakina kagi nibo8apan, igi8e ka apitendagozi8apan acitc igi8e ega ka apitci apitendagozi8apan. Nigan kitci ogima8i tesabi8aganikag tajigaba8ibanig. Ki pakanenigade8an dac mazinaiganan. Acitc kodag mazinaigan ki pakanenigade, ka iji mazinazo8adj igi8e a8iagog ke aiamo8adj kagige pimadizi8ini. Apitc kagi pakanenigadenigin ini mazinaiganan, Kije Manido ogi tibakonan a8iagon kagi nibonipanin. Ogi tibakonan adi kagi pi inakamigizindjin, kagi ojibiigadenigiban iima mazinaiganikag.