Cross Reference Matthew 4:16 in Algonquin 16 igi8e a8iagog iima ka tajike8adj ka iji kacki tibikanig, ogi odji 8abadana8a e pi kitci 8aseanig. Igi8e odji ka iji kacki tibikanig akini ka tajike8adj, nibo8ini ka iji tag8anig, ki odji kitci tcakateni.”
Matthew 6:22 in Algonquin 22 “Mi maia 8asakonendjigan epitendag8agin kickijigon kia8ikag. Kicpin min8acigin kickijigon, ka iji 8aseag kada tag8an mizi8e kia8.
Luke 1:77 in Algonquin 77 acitc kidji 8idama8ad8a ka Tibendjigedj odanicinabeman kidji pi ag8acimadjin e kasiama8adjin opatado8ini8an.
Luke 1:79 in Algonquin 79 misa kidji 8aseanig a8iagog ka iji kacki tibikanig ka te8adj, ka kotamo8adj kidji nibo8adj, acitc kidji kikinoamaonak adi ke todamak kidji pimadiziak pekadendamo8inikag.” Mi ka ikidodj Zakani.
Luke 2:32 in Algonquin 32 Mi aa8e 8asea8in mizi8ekamig a8iagog ke odji kikenimik8a. Oga todan kidji kitci inenimagani8indjin kidanicinabeman Israel a8iagon,” ki ikido.
Luke 4:18 in Algonquin 18 “Nigi minig ka Tibendjigedj Omino Manidoman. Nigi onabamig kidji tibadjimota8ag8a ka kidimagizi8adj min8adjimo8ini. Nigi pidjinijaog kidji tibadjimota8ag8a ka takonagani8i8adj aja kidji pagidinagani8i8adj, acitc ega ka 8abi8adj aja kidji koki 8abi8adj. Nigi pidjinijaog kidji 8idjiag8a ka madji toda8agani8i8adj,
Luke 11:21 in Algonquin 21 “Apitc a8iag macka8izidj acitc kitci aidjiodj e kana8endag omigi8am, ka8in 8ikad kada nigodisini8an odaiman.
Luke 24:45 in Algonquin 45 Ogi minan dac kidji nisidotamindjin Kije Manidon Omazinaigani.
Luke 24:47 in Algonquin 47 Panima ki mikomagani8idj e paba kagik8ani8anig taji ka tajike8adj a8iagog kakinagotc ka inakanezi8adj, Jerusalemikag dac kada odji madjitani8an. Panima ki 8idama8agani8i8adj a8iagog kidji an8endizo8adj acitc kidji kasiama8agani8i8adj opatado8ini8an.’ Mi mezinadenig.
John 1:4 in Algonquin 4 8in sa ka migi8edj pimadizi8ini. Ii dac pimadizi8ini mi maia 8asea8ini kagi minadjin a8iagon epitendag8anig.
John 3:19 in Algonquin 19 Mi oo8e Kije Manido ke odji tibakonigedj. Ki pija8an ooma akig Og8izisan, 8in ka iji 8aseanig ka apitendagozindjin. Misa8adj dac a8iagog na8adj omin8endana8a ka iji kacki tibikanig kidji te8adj apitc8in ka iji 8aseanig. Madji inakamigizi8ag mega.
John 4:10 in Algonquin 10 Jesos dac ogi nak8e8ajian: “Kicpin kikendamaban 8egonen Kije Manido e migi8edj, acitc kicpin kikenimijiaban, nin ka k8ag8edjiminan kidji minaijinan nibi, kidagi k8ag8edjimijinan acitc kidagi minin nibi ka migi8emagag pimadizi8in,” ki ikido.
John 4:14 in Algonquin 14 A8enenigotc dac minik8edj nibini ke minag, ka8in 8ikad mina8adj kada 8i minik8esi. Nibini mega ke minag, mi maia mokidji8anobi ke ani ijinag8anig 8inikag, taji ke odjidji8ag kagige pimadizi8in.”
John 7:38 in Algonquin 38 Mi ke ijinagozidj aa ka teb8etaojidj, nibini ka migi8emaganig pimadizi8ini kidji kitci odjidji8anig odeikag, mi iidi ekidomaganig Kije Manido Omazinaigan,” ki ikido.
John 8:12 in Algonquin 12 Jesos mina8adj ogi aiamian a8iagon kitci aiamiemigi8amikag ka tendjin, e inadjin: “Nin aa ka 8asenama8adjin kakina a8iagon ooma akikag. Aa8e ke nosoneojidj, ka8in 8ikad ka iji kacki tibikanig kada iji pimosesi, tiegodj oga aian 8asea8ini taji ka odjimaganig pimadizi8ini,” ki ikido.
John 9:39 in Algonquin 39 Jesos dac ogi inan: “Kidji kikenimagani8i8adj igi8e ka nosone8a8adjin Kije Manidon kek8an igi8e ega ka nosone8a8adjin, mi 8edji ki pijaian ooma akikag. Nigi pija kidji gi 8abi8adj a8iagog ega ka 8abi8adj, acitc a8iagog ka inendamo8adj ka 8abi8adj kidji kikendamo8adj ega maia e 8abi8adj.”
John 12:35 in Algonquin 35 Jesos dac ogi inan: “Kiabadj 8enibik eta kiga aiana8a 8asea8in ooma akig. Pimoseok dac meg8adj e tag8ag 8asea8in, ega kidji pimoseieg ka iji kacki tibikag. Aa8e mega ka pimosedj ka iji kacki tibikanig, ka8in okikendasin adi ejadj.
John 17:17 in Algonquin 17 “Kin eta kidji tibenimad8a iji todan, kiteb8e8in e abadjito8an. Mi sa ii teb8e8in kidikido8in.
Acts 2:38 in Algonquin 38 Pien dac ogi nak8e8ajian: “An8endizok, acitc panima kakina pepejig e tacieg ki sigaadazo8eg Jesos Christ o8izon kidji abadjito8eg, kipatado8ini8an kidji gi kasiamago8eg. Kiga odisigo8a dac Mino Manido, Kije Manido oca8endjige8in.
Acts 3:19 in Algonquin 19 An8endizok dac, acitc koki nazikaok Kije Manido, kidji gi kasiigadegin kipatado8ini8an.
Acts 5:31 in Algonquin 31 Kije Manido ogi minan kidji kitci icpendagozindjin ini Jesosan, e asadjin kidji abindjin okitcinikikag kidji ogima8indjin acitc kidji ag8acimandjin kakina a8iagon, kidji odji minandjin Israel a8iagon kidji gi an8endizondjin acitc kidji gi kasiama8andjin opatado8ini8an.
Acts 9:17 in Algonquin 17 Midac Ananias ki ija Codasan omigi8aminikag. Ogi saminan Saulan acitc ki ikido: “Nidjiki8e Saul! Ka Tibendjigedj nigi pidjinijaog, mi aa8e Jesos kagi 8abamadj mikanakag apitc ka pijaian ooma. Nigi pidjinijaog mina8adj kidji pi nda koki 8abiinan, acitc kidji pidigeckaok Mino Manido,” ki ikido.
Acts 10:43 in Algonquin 43 Kakina niganadjimo8innin ogi paba mikomigon, e ikidondjin: ‘A8enenigotc ke teb8eta8adjin, kada kasiigadeni8an opatado8ini8an, epitci macka8izimaganig o8izoni.’ ” Mi ka iji tibadjimodj Pien.
Acts 13:38 in Algonquin 38 Nidjiki8eg! K8ag8e nisidotamok ka 8idamonagok. Kicpin teb8eta8eg Jesos, kada kasiigade8an kipatado8ini8an. E nosoneamegoban Mois odinakonige8inan, ka8in 8ikad kikackitosina8aban kidji k8aiak8abamigo8eg Kije Manido.
Acts 13:47 in Algonquin 47 8adan oo8e ka Tibendjigedj kagi iji 8idamago8ag: ‘Kigi onabamin tabickotc 8asea8in kidji ijinagozian, taji ka te8adj ega ka Coda8inni8i8adj, midac kakina a8iagog ooma akig kidji kikendamo8adj adi ka todaman kidji ag8acimag8a,’ nigi igonan.”
Acts 15:9 in Algonquin 9 Ka8in ododji pakanenimasi8an Kije Manido ega ka Coda8inni8indjin tabickotc kina8it. Apitc ka teb8etagodjin, ogi ijian kidji paiekideendjin.
Acts 20:21 in Algonquin 21 Nigi 8idama8ag kakina a8iagog, Coda8innig acitc ega ka Coda8inni8i8adj, kidji an8endizo8adj, kidji koki nazika8a8adjin Kije Manidon, acitc kidji teb8eta8a8adjin Jesosan ka Tibeniminak.
Acts 20:32 in Algonquin 32 “Nipagosenima dac Kije Manido kidji kana8abamigo8eg. Omin8adjimo8in kagi odji kikendameg okije8adizi8in, kiga 8idjiigona8a. Kiga macka8iziigona8a, acitc kiga odji minigo8a Kije Manido ini mino kegonan ka 8i minadjin kakina kagi onabamadjin 8in kidji tibenimadjin.
Acts 26:23 in Algonquin 23 Mi oo kagi ikido8adj. Aa8e Kije Manidon kagi ikidonipanin kidji pidjinijaogodjin, mi panima ki kodagitodj acitc mi aa nitam ke abidjibadj nibo8inikag, mi kidji gi odji 8asenama8adjin Coda8innin acitc ega ka Coda8inni8indjin kidji gi ag8acimagani8indjin.”
Romans 4:6 in Algonquin 6 Mi iidi ke8in ka ojibiigedj David. Ogi mikoman a8ian kagi k8aiak8abamigondjin Kije Manidon, misa8adj ega kegoni egi todamindjin kidji kackitamadizondjin. “Ca8endagozi aa a8iag” ki ikido. Mi mega oo8e ka ojibiigedj:
Romans 5:1 in Algonquin 1 Kigi odji k8aiak8abamigonan dac Kije Manido osa mega kiteb8eta8anan. Aja dac nogom kimino 8idji8anan, adi Jesos Christan ka Tibeniminak kagi pi ijitcigendjin odji.
Romans 8:17 in Algonquin 17 Odabinodjijiman dac e ijinagoziak, kiga odji minigonan ini mino kegonan ka kana8endagin odabinodjijiman odji. Kina8it acitc Jesos Christ ma8asag kiga odisigonan ini mino kegonan. Kicpin mega kodagito8ak tabickotc ke8in kagi iji kodagitodj, kiga odisigonan icpendagozi8in tabickotc 8in.
1 Corinthians 1:30 in Algonquin 30 8in Kije Manido ka todago8eg kidji mama8iseieg Jesos Christikag. Ogi pidjinija8an Jesosan, kidji gi 8abadaigo8ak adi epitci kagita8endag. Jesos kagi pi todag 8edji ki k8aiak8abaminak Kije Manido, acitc 8inikag 8edji ki iji tibendagoziak, acitc mi 8edji ki ag8acimigo8ak.
1 Corinthians 6:10 in Algonquin 10 acitc igi8e ka kimodi8adj kodag a8ian odaimini, acitc igi8e ka kitci mosa8endamo8adj kodag a8ian odaimini, acitc igi8e ka nta ki8ack8ebi8adj, acitc igi8e ka nta pag8anoma8adjin kodagian a8iagon, acitc igi8e ka makazo8adj kodag a8ian odaimini, ka8in 8ikad kada pidigesi8ag Kije Manidon Odogima8i8inikag.
2 Corinthians 4:4 in Algonquin 4 Ka8in teb8etasi8ag, osa mega madji manido, ka ogima8idj nogom ooma 8akidakamig, ogi nagabidama8an ini8e ega ka teb8etamindjin omidonendjigani, kidji gi ega nisidotamindjin. Onaganama8an kidji 8abadamindjin 8asea8ini, min8adjimo8inikag ka odjimaganig, ka odji kikendamonigo8ak Jesos Christ odicpendagozi8in. Tabickotc pejig8an ka ijinagozidj Kije Manido, mi maia ejinagozidj Jesos Christ.
2 Corinthians 4:6 in Algonquin 6 Kije Manido mega ki ikido 8eckadj: “Taji ka iji kacki tibikag, nidinakonige kidji 8aseag.” Misa dac 8in Kije Manido kagi todag kidji tanasakonenig 8asea8ini nideinakag. E kikendam8aiak dac Kije Manido odicpendagozi8in, mi 8edjimaganig ii 8asea8ini. 8abadjigadeni dac ako Kije Manido odicpendagozi8in apitc 8abamagani8idj Jesos Christ.
2 Corinthians 6:14 in Algonquin 14 Ka8in 8in tabickotc igi8e ega ka teb8eta8a8adjin Jesosan kitidisim. Ka8in dac 8ina8akag iji mama8akonidikegon. A8iag ka k8aiak8adizidj acitc a8iag ka 8agackizidj, kadagi iji mama8ino8ag na? A8iag 8asea8inikag ka iji pimadizidj acitc a8iag ka iji kacki tibikanig ka iji pimadizidj, kadagi mino 8idji8idi8ag na?
Galatians 2:20 in Algonquin 20 Mi maia pejig8an ka 8idji nibomagiban Jesos Christ ejinagozian, apitc ka acidak8a8agani8idj tcibaiatigokag. Nogom dac ka8in nin nitibendasin nipimadizi8in, 8in sa Jesos Christ ka tibendag, egi pidigeckaojidj. Ka iji pimadizian dac nogom, e teb8eta8ag Kije Manido Og8izisan 8edji iji pimadizian, 8in ka sagiijidj acitc kagi pagidenimidizodj kidji nibodj nin odji.
Galatians 3:2 in Algonquin 2 Kipagoseniminom kidji nak8e8ajit8aieg oo8e pejig kegon ke k8ag8edjiminagok. Kigi odisigo8a na Mino Manido egi mino ijitcigeieg e nosoneamegon Coda8inni Inakonige8inan? Ka8in 8in ii 8edji ki odisigo8eg! Oo8e maia kigi odji odisigo8a, egi nodameg Kije Manido omin8adjimo8in acitc egi teb8etameg.
Galatians 3:14 in Algonquin 14 8edji ki todag dac iidi Jesos Christ, kidji gi odji odisigo8adj ega ka Coda8inni8i8adj ii ca8endagozi8ini kagi inapanin Kije Manido Abanaaman kidji migi8edj, acitc dac kina8it ka teb8etamak kidji gi odji odisigo8ak Mino Manido, kagi ikidopan Kije Manido kidji migi8edj.
Ephesians 1:7 in Algonquin 7 Kije Manido kigi ag8acimigonan egi pagidenimidizondjin Og8izisan kidji nibondjin kina8it odji. Kigi kasiamagonan kipatado8ininanan. Midac iidi ka iji 8abadaigo8ak adi epitci kitci kije8adizidj,
Ephesians 1:11 in Algonquin 11 Kije Manido apanigotc kakina kegoni otodan adi eji nda8endag acitc adi kagi iji onendag. Midac kijadj nigi onabamigonan odanicinabeman kidji ijinagoziag, Jesos Christikag kagi iji mama8iseiag. Mi mega ii ka iji onaco8egobanen 8eckadj.
Ephesians 1:14 in Algonquin 14 Kiminigonan mega Mino Manidon kidji ketcinamendamak kodagian mino kegonan kidji minigo8ak, kagi ikidopan kidji minadjin odanicinabeman. Kakina kiga minigonan ini mino kegonan apitc ke ag8acimagani8indjin kakina ini8e Kije Manido ka onabamadjin 8inikag kidji iji tibendagozindjin. Icpenimadan dac Kije Manido ka kitci icpendagozidj.
Ephesians 1:18 in Algonquin 18 Nipagosenima acitc Kije Manido kidji 8asenamago8eg kidei8akag, na8adj kidji gi nisidotameg ii apenimo8ini kagi minigo8eg apitc kagi nd8e8emigo8eg, acitc kidji gi kikendamegon adi epitci kitci apitendag8anigin ini kegonan ka kitci icpendag8anigin kagi ikidopan kidji ca8enimadjin odanicinabeman.
Ephesians 2:8 in Algonquin 8 Epitci kitci kije8adizidj Kije Manido, kigi ca8enimigo8a kidji ag8acimigo8eg, egi teb8eta8eg. Ka8in dac kikackitosina8a kina8a tibina8e kidji ag8acimidizo8eg. Mi sa Kije Manido ka iji ca8enimi8edj.
Ephesians 4:18 in Algonquin 18 Ka8in onisidotasina8a teb8e8ini. Epitci cibictig8ane8adj, ka8in o8i kikendasina8a Kije Manidon omikanani. Ka8in dac okackitosina8a kidji aiamo8adj ocki pimadizi8ini Kije Manidon ka 8i minigo8adjin.
Ephesians 5:8 in Algonquin 8 8eckadj ako, ka iji kacki tibikag kitidena8aban. Nogom dac aja ka iji 8aseag kitidem, osa megada 8inikag ka Tibendjigedj kidiji mama8isem. Midac 8e8enda inakamigiziok, adi enendagozi8adj kidji inakamigizi8adj kakina igi8e ka manadjia8adjin Kije Manidon, ka iji 8aseanig ka te8adj.
Ephesians 5:14 in Algonquin 14 Mi 8edji mazinadegiban oo8e: “Kockozin kin ka nibaian, 8anickan kin ka iji nibonani8ag ka tean, midac Jesos Christ kiga 8asenamag.” Mi mezinadegiban.
Colossians 1:12 in Algonquin 12 Mig8etc ijik Kije Manido Kidadaminan, egi minigo8eg kidji kackito8eg nigodin kidji odisigo8egon ini kegonan kagi ikidopan kidji minadjin odanicinabeman, Ogima8i8inikag ka kitci 8aseanig ka tag8anigin.
1 Thessalonians 5:4 in Algonquin 4 Kina8a dac 8in, nidjiki8enanag, ka8in ka iji kacki tibikag kitidesim. Apitc dac odjitciseg ii e kijigag, ka8in kiga kock8endamiigosim, tabickotc ka kocko8inagani8idj a8iag apitc pi nda kimodimigodjin kimodi8innin.
2 Timothy 2:26 in Algonquin 26 Kicpin dac iidi todamo8adj igi a8iagog, oga kikendana8a e 8anicino8adj. Oga kackitona8a dac kidji ojidamo8adjin kitci madji manidon o8aiejimi8e8inan, 8in aja ka midjiminapanin ini8e a8ian kidji todamindjin adi eji nda8endag.
Titus 3:5 in Algonquin 5 kigi ag8acimigonan, osa mega kigi kidimagenimigonan, ka8in 8in egi mino ijitcigeiak odji. Kigi manibidamagonan kipatado8ininanan, e paiekaba8anigo8ak, Mino Manidon omacka8izi8ini e abadjitodj kidji koki nta8igiigo8ak acitc kidji minigo8ak ocki pimadizi8ini.
Hebrews 2:14 in Algonquin 14 Ini dac abinodjijan ka mikomadjin, mi igi a8iagog ka pimadizi8adj ooma akikag, ka o8ia8i8adj. Ki ani a8iago8i dac aa Jesos tabickotc 8ina8a, e ani o8ia8idj ke8in, kidji gi nibodj, ii dac kidji gi odji nici8anadjiadjin madji manidon, ini8e ka kackitondjin kidji nisandjin a8iagon.
Hebrews 9:15 in Algonquin 15 Midac iidi egi todag Jesos Christ, mi acitc egi iji8idama8adjin Kije Manidon odocki nakomo8ini odanicinabemini. Nogom dac kakina igi8e Kije Manidon kagi nd8e8emigo8adjin, ogagi odisigona8an ini kakina mino kegonan kagi ikidondjin Kije Manidon kidji minigo8adjin, kabegotc ke tibendamo8adjin. Ogagi aiana8an ini mino kegonan osa mega Jesos ki nibo kidji kasiama8adjin a8iagon adi ka pi iji patadindjin, meg8adj kiabadj e abadjito8apan nitam nakomo8ini.
Hebrews 10:10 in Algonquin 10 Jesos Christ ogi todan adi kagi iji nda8endamindjin Kije Manidon. Abidinaj dac 8in o8ia8 ogi pagidendan, kagige kidji mikimomaganig opagidinige8in, acitc dac ii odji, kipaiekideeigonan Kije Manido.
Hebrews 10:14 in Algonquin 14 Jesos dac abidinaj eta egi pagidenimidizodj, apanigotc 8edjidagotc ogi paiekideean ini8e a8iagon kagi kasiamagondjin Kije Manidon opatado8ini.
Hebrews 11:6 in Algonquin 6 Ka8in dac a8iag ogagi min8endamiasin Kije Manidon kicpin ega teb8eta8adjin. Kicpin mega a8iag 8i nazika8adjin Kije Manidon, panima ki teb8etag e tendjin acitc e ca8enimandjin ini8e ka nanada 8abamigodjin.
James 2:5 in Algonquin 5 Nidjiki8eg ka kitci sagiinagok! Ndotamok oo8e. Kije Manido ogi onabaman ka kidimagizindjin ooma akikag kidji iji 8anadizindjin teb8etamo8inikag, acitc kidji pidigendjin Odogima8i8inikag ka ikidopan kidji minadjin a8iagon ka sagiigodjin.
1 Peter 1:4 in Algonquin 4 acitc kidji aiamakonin ini8e ca8endagozi8inan Kije Manido ke minadjin odanicinabeman, kina8a odji ka kana8endjigadenigin 8ak8ig, kagige kidji min8acinigin acitc ega 8ikad kidji 8anadjitcigadenigin kek8an kidji ponisenigin.
1 Peter 2:9 in Algonquin 9 Kina8a dac, Kije Manido kigi onabamigo8a odanicinabeman kidji gi inakanezieg. Ma8asag kidiji anokita8a8a Kije Manido, ka kitci ogima8idj. Kipaiekizim. Kitibenimigo8a Kije Manido. Kigi nd8e8emigo8a mega kidji sagidji8inigo8eg ka iji tibikanig acitc kigi asigo8a ka iji 8aseanig. Kigi onabamigo8a dac kidji gi tibadjimo8eg adi epitci mino ijitcigedj Kije Manido.
1 Peter 2:25 in Algonquin 25 Mi maia tabickotc mantcenicag ka obecka8adj ejinagoziegoban ako, aja dac nogom kigi ki8e8inigom kidji nosone8eg Jesos, 8in ka nagadjiigo8eg ega kidji nigodieg, acitc ka mino kana8enimigo8eg, tabickotc a8iag ka mino kana8enimadjin omantceniciman.
1 John 1:9 in Algonquin 9 Anic dac kicpin 8idama8aiak Kije Manido egi patadiak, kiga kasiamagonan ka iji patadiak acitc kiga paiekideeigonan. 8in mega teb8eiendagozi acitc kabe k8aiak inakamigizi.
1 John 2:8 in Algonquin 8 Pekic dac maiagotc ocki kikinoamage8in ijinag8an. E mamidonendamak Jesos epitci sagiigo8ak, ki8abadananan teb8e e minoseg oo kikinoamage8in. Mi pejig8an kekina8a, nag8an e minoseg kipimadizi8ini8akag kidji gi sagiidieg. E sagiidieg, mi maia ka madjamagag ka kacki tibikag kipimadizi8ini8akag, acitc pi 8asea.
1 John 2:12 in Algonquin 12 Nidabinodjijimag ka kitci ineniminagok! Kidojibiamonom kidji mik8endamiinagok Kije Manido aja egi kasiamago8eg kipatado8ini8a, egi nibodj Jesos kina8a odji.
1 John 3:8 in Algonquin 8 Aa dac a8iag ka nta patadidj, madji manidon otibenimigon. Madji manido mega teci8ag ki patadi apitc ka kijendjigadenig akini. Jesos dac, Kije Manido Og8izisan, mi 8edji ki pi tag8icig ooma akikag, kidji pigobidodjin kakina madji manidon omikimo8ini.
1 John 5:19 in Algonquin 19 Kikikendananan Kije Manidokag e iji tibendagoziak. 8ina8a dac ega ka teb8eta8a8adjin Kije Manidon, madji manidon otibenimigo8an.
Jude 1:1 in Algonquin 1 Nin Jod (Jude) ka ojibiamonagok. Jesos Christ nidanokita8a acitc mi aa nidjiki8e Jak (Jacques). Kidojibiamonom, kina8a kagi nd8e8emigo8eg Kije Manido, 8inikag kidji iji tibendagozieg. Kipimadizim e ketcinamendameg e kitci sagiigo8eg Kije Manido Kidadaminan, acitc Jesos Christ e kana8enimigo8eg.
Revelation 20:2 in Algonquin 2 Ogi a8i na8adjibinan ini kitci kikadanak8an. Mi aa 8eckadj kinebig, “kitci madji manido” kek8an “Satan” ka ijinikanagani8ipan. Ajeni dac aa ogi na8adjibinan acitc ogi kinapinan. Pejig kitci midasomidana8e (1000) pibon kada inapizo.
Revelation 21:27 in Algonquin 27 Madji kegonan dac 8in, ka8in kada pidigemagasino8an. A8iagog ka madjakamigizi8adj acitc ka kagina8icki8adj, ka8in kada pidigesi8ag. Mi eta igi kegi pidige8adj kagi mazinadenigin o8izoni8an Mantcenices omazinaiganikag, ka iji mazinazo8adj igi8e a8iagog ke aiamo8adj kagige pimadizi8ini.