Acts 20:32 in Algonquin 32 “Nipagosenima dac Kije Manido kidji kana8abamigo8eg. Omin8adjimo8in kagi odji kikendameg okije8adizi8in, kiga 8idjiigona8a. Kiga macka8iziigona8a, acitc kiga odji minigo8a Kije Manido ini mino kegonan ka 8i minadjin kakina kagi onabamadjin 8in kidji tibenimadjin.
Other Translations King James Version (KJV) And now, brethren, I commend you to God, and to the word of his grace, which is able to build you up, and to give you an inheritance among all them which are sanctified.
American Standard Version (ASV) And now I commend you to God, and to the word of his grace, which is able to build `you' up, and to give `you' the inheritance among all them that are sanctified.
Bible in Basic English (BBE) And now, I give you into the care of God and the word of his grace, which is able to make you strong and to give you your heritage among all the saints.
Darby English Bible (DBY) And now I commit you to God, and to the word of his grace, which is able to build [you] up and give [to you] an inheritance among all the sanctified.
World English Bible (WEB) Now, brothers,{The word for "brothers" here and where the context allows may also be correctly translated "brothers and sisters" or "siblings."} I entrust you to God, and to the word of his grace, which is able to build up, and to give you the inheritance among all those who are sanctified.
Young's Literal Translation (YLT) and now, I commend you, brethren, to God, and to the word of His grace, that is able to build up, and to give you an inheritance among all those sanctified.
Cross Reference John 15:3 in Algonquin 3 Aja kipaiekizim egi pi kikinoamaonagok.
John 17:17 in Algonquin 17 “Kin eta kidji tibenimad8a iji todan, kiteb8e8in e abadjito8an. Mi sa ii teb8e8in kidikido8in.
Acts 9:31 in Algonquin 31 Midac ii apitc kakina ka teb8etamo8adj 8edi Coda (Judée), Galilee, acitc Samani (Samarie) akijican ki mino pimadizi8ag, ega aja e nanekadjiagani8i8adj. Ki k8aiak8adizi8ag, e kitcit8a8ina8adjin ka Tibendjigendjin. Ki ani macka8izi8ag dac acitc ki ani kitci mane8ag, Mino Manidon mega o8idjiigo8abanin.
Acts 14:3 in Algonquin 3 Pon acitc Banabas kin8ej ki tajike8ag iima Ikoniom odenag. Ka8in odji cag8enimosi8ag kidji mikoma8adjin ka Tibendjigendjin. Ka Tibendjigedj dac ki 8abadai8e e teb8endjin Ponan acitc Banabasan kagi ikidonigobanen e mikodamindjin okije8adizi8in. Ogi minan macka8izi8ini kidji gi mamada8izindjin acitc ka mamakazinag8anigin kegonan kidji gi todamindjin.
Acts 14:23 in Algonquin 23 Kakina pepejig ka iji ma8adjiidindjin ka teb8etamindjin, Pon acitc Banabas ki pagidadjige8ag acitc ki aiamie8ag, midac ka iji onabama8adjin ini8e ke niganizindjin ka iji teb8etamindjin. Ki aiamie8ag 8ina8a odji: “Tebendjigean! Kipagosenimigo kidji kana8enimad8a ogo8e kagi teb8etaok8a.”
Acts 14:26 in Algonquin 26 Mi iima ka odji madjiaci8adj, Antiok odenakag e ija8adj. Mi 8edi ka teb8etamo8adj kagi iji pagosenima8apanin Kije Manidon kidji ca8enimandjin Ponan acitc Banabasan, kidji gi ijitandjin ii mikimo8ini, aja nogom kagi ick8aikamo8apan.
Acts 15:40 in Algonquin 40 Pon dac ogi onabaman Silasan kidji 8idjiogodjin. Ka teb8etamo8adj Antiokikag ogi pagosenima8an ka Tibendjigendjin kidji ca8enimandjin Ponan acitc Silasan.
Acts 20:24 in Algonquin 24 Ka8in nikitci apitendasin nipimadizi8in. Mi eta eji kitci nda8endaman kidji ick8aikam8ag ka Tibendjigedj Jesos kagi inanonijidj, kidji paba tibadjimo8an min8adjimo8in, ka odji kikendjigadenig Kije Manido okije8adizi8in.”
Acts 26:18 in Algonquin 18 Kidijinijaon kidji 8idjiad8a kidji 8abi8adj, acitc kidji gi nagadamo8adj ka iji tibikanig acitc kidji pimadizi8adj ka iji 8aseanig. Kidijinijaon kidji 8idjiad8a kidji poni tibenimigo8adjin madji manidon, meckodj dac kidji tibenimigo8adjin Kije Manidon. Ki teb8etaoji8adj dac, opatado8ini8an kada kasiigadeni8an, acitc kada iji acidagimagani8i8ag taji ka iji tendjin ini8e kagi onabamigo8adjin Kije Manidon.’ Mi ka ijidj Jesos.”
1 Corinthians 3:9 in Algonquin 9 Nin acitc Apollos, Kije Manidokag nidiji tibendagozimin, acitc eji nijiag nidanokita8anan. Kina8a dac, mi maia kitigan akini Kije Manido ka tibendag ejinagozieg. Mi maia acitc migi8am Kije Manido ka ojitodj ejinagozieg.
1 Corinthians 6:11 in Algonquin 11 8eckadj ako, nandam ii e tacieg mi iidi eji panaageiegoban. Nogom dac aja kigi kasiamagom kipatado8ini8a kidji gi paiekideeieg, kigi minigom Kije Manidokag kidji iji tibendagozieg, acitc kigi ijiigom kidji k8aiak8abamigo8eg Kije Manido. Jesos mega ki nibo kipatado8ini8a odji, acitc Mino Manido kigi minigo8a kidji ani teb8etameg.
Ephesians 1:14 in Algonquin 14 Kiminigonan mega Mino Manidon kidji ketcinamendamak kodagian mino kegonan kidji minigo8ak, kagi ikidopan kidji minadjin odanicinabeman. Kakina kiga minigonan ini mino kegonan apitc ke ag8acimagani8indjin kakina ini8e Kije Manido ka onabamadjin 8inikag kidji iji tibendagozindjin. Icpenimadan dac Kije Manido ka kitci icpendagozidj.
Ephesians 1:18 in Algonquin 18 Nipagosenima acitc Kije Manido kidji 8asenamago8eg kidei8akag, na8adj kidji gi nisidotameg ii apenimo8ini kagi minigo8eg apitc kagi nd8e8emigo8eg, acitc kidji gi kikendamegon adi epitci kitci apitendag8anigin ini kegonan ka kitci icpendag8anigin kagi ikidopan kidji ca8enimadjin odanicinabeman.
Ephesians 2:20 in Algonquin 20 Mi maia tabickotc Kije Manido migi8amini e taji ojitamadizodj ejinag8ag. Jesos dac Odanodaganan acitc Kije Manido oniganadjimo8inniman, mi maia tabickotc kitci asinig ka iji padakisinigobanen ii migi8amini ejinagozi8adj. Jesos Christ dac 8in, mi maia ma8adji ka kitci apitendagozidj asini iima migi8amikag ejinagozidj.
Ephesians 4:12 in Algonquin 12 Jesos ki migi8e ini ca8endjige8inan kidji gi kackitondjin Kije Manidon odanicinabemini kidji anokitagendjin, midac kakina ka teb8etamindjin, mi maia tabickotc Jesos Christ o8ia8 ka ijinagozindjin, kidji gi odji 8idoka8agani8indjin kidji sogigaba8indjin oteb8etamo8inikag.
Ephesians 4:16 in Algonquin 16 8in mega kakina ka ma8adjiadjin odanicinabeman kidji mama8inondjin. Mamidonendamok a8iag o8ia8. Kicpin kakina adi eji papakeanig o8ia8 mino mikimomaganigin acitc mino mama8agokenigin, kakina o8ia8 8e8enda kada minogini. Mi pejig8an ejise8adj a8iagog Jesosan ka teb8eta8a8adjin, o8ia8ini ka ijinagozi8adj. Jesos mega o8idjian ini a8iagon ma8asag kidji mikimondjin, acitc eckam kidji ani sogigaba8indjin oteb8etamo8inikag, e sagiidindjin kakina pepejig e tacindjin.
Ephesians 5:5 in Algonquin 5 Igi8e mega a8iagog madji aido8ini ka pamendamo8adj, kek8an ka madjakamigizi8adj, kek8an ka odenima8adjin a8ian odaimini odji, e 8abadai8e8adj iidi na8adj e sagito8adjin kegonan apitc8in kidji sagia8adjin Kije Manidon, kikikendana8adok ketcinadj ega 8ikad kidji pidige8adj Jesos Christan acitc Kije Manidon Odogima8i8ini8akag.
Colossians 1:12 in Algonquin 12 Mig8etc ijik Kije Manido Kidadaminan, egi minigo8eg kidji kackito8eg nigodin kidji odisigo8egon ini kegonan kagi ikidopan kidji minadjin odanicinabeman, Ogima8i8inikag ka kitci 8aseanig ka tag8anigin.
Colossians 2:7 in Algonquin 7 Tabickotc mitig akikag ka odadabigicig, mi enendagozieg kidji ijinagozieg, e sogi teb8eta8eg Jesos. Tabickotc kagi kitci sogakisidjigadeg migi8am e ojitcigadeg, mi iidi enendagozieg kidji ijinagozieg, e kitci sogigaba8ieg 8inikag. Apanigotc sogi teb8etamok, adi kagi iji kikinoamago8eg. Acitc apanigotc kitci mig8etc ijik Kije Manido.
Colossians 3:24 in Algonquin 24 Kikikendana8a mega kidji ca8enimigo8eg ka Tibendjigedj. Kiga minigo8a dac adi kagi ikidodj kidji minadjin odanicinabeman. Ka Tibendjigedj Jesos Christ sa 8edjida ka anokita8eg.
Hebrews 2:11 in Algonquin 11 Jesos, 8in ka kasiama8adjin a8iagon adi ka iji patadindjin kidji gi paiekideeadjin, acitc dac ini8e ka paiekideeagani8indjin, mi pejig8an kakina eji odadamindjin. Midac Jesos 8edji ega agadjidj “nidjiki8eg” kidji ijinikanadjin ini8e kagi paiekideeadjin.
Hebrews 9:15 in Algonquin 15 Midac iidi egi todag Jesos Christ, mi acitc egi iji8idama8adjin Kije Manidon odocki nakomo8ini odanicinabemini. Nogom dac kakina igi8e Kije Manidon kagi nd8e8emigo8adjin, ogagi odisigona8an ini kakina mino kegonan kagi ikidondjin Kije Manidon kidji minigo8adjin, kabegotc ke tibendamo8adjin. Ogagi aiana8an ini mino kegonan osa mega Jesos ki nibo kidji kasiama8adjin a8iagon adi ka pi iji patadindjin, meg8adj kiabadj e abadjito8apan nitam nakomo8ini.
Hebrews 10:14 in Algonquin 14 Jesos dac abidinaj eta egi pagidenimidizodj, apanigotc 8edjidagotc ogi paiekideean ini8e a8iagon kagi kasiamagondjin Kije Manidon opatado8ini.
Hebrews 13:9 in Algonquin 9 Iag8amig ega kidji 8agackibinigo8eg igi8e anodjigotc kegoni ka kikinoamage8adj. Kije Manido kiminigonan okitci ca8endjige8in, kidji sogideeiak. Ka8in 8in e nosoneamakonin aiamie Inakonige8inan ka ikidomagagin 8egonen ke midjigadenig ke odji sogideeiak. Ka8in 8ikad ododji 8idjiigosina8a igi8e ka nosoneamo8adj iidi e inakonigani8anig.
1 Peter 1:4 in Algonquin 4 acitc kidji aiamakonin ini8e ca8endagozi8inan Kije Manido ke minadjin odanicinabeman, kina8a odji ka kana8endjigadenigin 8ak8ig, kagige kidji min8acinigin acitc ega 8ikad kidji 8anadjitcigadenigin kek8an kidji ponisenigin.
Jude 1:1 in Algonquin 1 Nin Jod (Jude) ka ojibiamonagok. Jesos Christ nidanokita8a acitc mi aa nidjiki8e Jak (Jacques). Kidojibiamonom, kina8a kagi nd8e8emigo8eg Kije Manido, 8inikag kidji iji tibendagozieg. Kipimadizim e ketcinamendameg e kitci sagiigo8eg Kije Manido Kidadaminan, acitc Jesos Christ e kana8enimigo8eg.
Jude 1:20 in Algonquin 20 Kina8a dac, ni8idji8aganag ka kitci sagiinagok, kitci nak8iok kidji 8idjiidieg kakina pepejig e tacieg, eckam eckam kidji ani sogigaba8ieg kiteb8etamo8ini8akag, 8edjidagotc ka kitcit8a8endag8ag. Iji aiamieok ka iji kikinoamago8eg Mino Manido.
Jude 1:24 in Algonquin 24 Icpenimadan Kije Manido, ka kackitodj kidji kana8enimigo8eg ega kidji pagicinieg, acitc ka kackitodj kidji iji8inigo8eg iima ka iji tedj okitci icpendagozi8inikag, e kitci paiekideeieg acitc e kitci modjigendameg.