2 Timothy 1:13 in Algonquin

13 Kikinoamagen ii pejig8an tibadjimo8in ka teb8emagag kagi iji kikinoamaonan, acitc teb8etan kiabadj, acitc sagii8en, tabickotc Jesos Christ ka iji minadjin kidji todamindjin ini8e 8inikag ka iji tibendagozindjin.

Other Translations

King James Version (KJV)

Hold fast the form of sound words, which thou hast heard of me, in faith and love which is in Christ Jesus.

American Standard Version (ASV)

Hold the pattern of sound words which thou hast heard from me, in faith and love which is in Christ Jesus.

Bible in Basic English (BBE)

Keep the form of those true words which you had from me, in faith and love which is in Christ Jesus.

Darby English Bible (DBY)

Have an outline of sound words, which [words] thou hast heard of me, in faith and love which [are] in Christ Jesus.

World English Bible (WEB)

Hold the pattern of sound words which you have heard from me, in faith and love which is in Christ Jesus.

Young's Literal Translation (YLT)

The pattern hold thou of sound words, which from me thou didst hear, in faith and love that `is' in Christ Jesus;

Cross Reference

Romans 2:20 in Algonquin

20 Kidinendan: “Nikackiton kidji kikinoama8ag8a a8iagog ega kegoni ka kikendamo8adj, acitc igi8e ega maci ka ick8a madjigi8adj.” E aiamanin mega Coda8inni Inakonige8inan, kidinendan kakina kegon e kikendaman acitc e aiaman teb8e8in.

Romans 6:17 in Algonquin

17 8eckadj ako kikitci tibenimigona8aban patado8in. Enigokodeeieg dac kigi ndotana8a ii kikinoamage8in kagi odisigo8eg. Aja dac kigi pagidjickagona8a, ega kiabadj patado8in kidji tibenimigo8eg. Kigi pagidenimidizom dac Kije Manido kidji tibenimigo8eg, kidji gi odji k8aiak8adizieg. Mig8etc dac inadan Kije Manido!

Philippians 1:27 in Algonquin

27 Mi oo8e ma8adji e kitci apitendag8ag kegon, kidji inadizieg adi ka inendagozi8adj kidji inadizi8adj kakina ka teb8etamo8adj Jesos Christan omin8adjimo8ini. Kicpin dac koki pi nda 8abaminagok kek8an eta nodageian adi e tieg, niga kikendan e sogigaba8ieg kiteb8etamo8ini8akag, e mama8ino8eg kakina ka tacieg, ma8asag e kitci nak8ieg min8adjimo8in kidji teb8etcigadeg.

Philippians 4:9 in Algonquin

9 Ijitaok ini kegonan ka kikinoamaonagok, ninikag ka odinamegon, egi iji nodaojieg e ikido8an kek8an egi iji 8abamijieg e inakamigizian. Misa dac Kije Manido, 8in ka minigo8ak pekadendamo8ini, kiga 8idjiogo8a.

Colossians 1:4 in Algonquin

4 Nigi nodagemin mega adi epitci teb8eta8eg Jesos Christ acitc adi epitci sagieg8a kakina Kije Manido odanicinabeman.

1 Thessalonians 5:21 in Algonquin

21 8e8enda nanada kikendamok Kije Manidokag epitci odjimaganig8en ii ka ikido8adj. Odapinamok dac ii ka min8acig,

1 Timothy 1:10 in Algonquin

10 igi8e madji aido8ini ka pamendamo8adj, igi8e nabeg ka nodjinabe8e8adj, igi8e a8iagog ka takona8adjin a8iagon kidji ada8ecima8adjin, igi8e ka kagina8icki8adj, igi8e ekido8adj “niteb8e” ega dac e teb8e8adj, acitc kakina kodagiag a8iagog ega ka tibaage8adj k8aiak kikinoamage8ini. Mi igi8e kakina ka odji ojitcigadenigin ini inakonige8inan.

1 Timothy 1:14 in Algonquin

14 Kitci ani8ag mane nigi minig ka Tibeniminak okitci ca8endjige8in, acitc nigi odisigonan teb8etamo8in acitc sagii8e8in, Jesos Christ ka minadjin ako ini8e 8inikag ka iji tibendagozindjin.

1 Timothy 6:3 in Algonquin

3 A8iag pakan iji kikinoamagedj, ka8in oteb8eta8asin ka Tibendjigendjin Jesos Christan odikido8ini ka teb8emaganig, acitc ka8in oteb8etasin kikinoamage8ini ka odji kikendamak adi ke inadiziakoban kidji min8enimagani8idj Kije Manido.

2 Timothy 1:14 in Algonquin

14 Kana8endan ii min8adjimo8in Kije Manido kagi anonik kidji paba tibadjimo8adj, e 8idjiik Mino Manido ka kigicka8aiak.

2 Timothy 2:2 in Algonquin

2 8eckadj kigi kikinoamaon Kije Manido odikido8in, mane kodagiag a8iagog ke8ina8a e nodaoji8adj. Kekin dac, kikinoamaok kodagiag ka teb8etamo8adj ka teb8eiendagozi8adj, midac ke8ina8a oga kackitona8a kidji kikinoama8a8adjin kiabadj kodagian a8iagon.

2 Timothy 3:14 in Algonquin

14 Anic dac kin, 8e8enda nosonean kagi iji kikinoamago8an, enigokodeean kagi pi iji teb8etaman. Kikikenimag adi enadizi8adj igi8e kagi kikinoamaok8a.

Titus 1:9 in Algonquin

9 Oga sogi teb8etan Kije Manidon odikido8ini ka teb8emaganig, kagi iji kikinoama8agani8idj. Midac iidi ogagi 8idjian kodagian, k8aiak eji kikinoama8adjin, acitc oga 8abadaan adi eji panaagendjin ini8e ka kikinoamagendjin kidji ana8etcigadenig Kije Manidon odikido8ini.

Titus 2:1 in Algonquin

1 Kin dac Tite, kikinoamagen e k8aiak8ag kikinoamage8in.

Titus 2:8 in Algonquin

8 8idamagen kegonan ka teb8emagagin, ega anodj kidji gi igo8an. Midac kada agadji8ag igi8e ka 8i madji mikomigo8ak, ega kidji mikamo8adj 8egonen ke madji mikodamo8apan.

Hebrews 3:6 in Algonquin

6 Anic dac na8adj Jesos Christ apitendagozi apitc8in Mois. Kije Manido mega ini Og8izisan Jesosan, acitc teb8eiendagozi8an e kana8enimandjin odanicinabeman. Kina8it dac odanicinabeman kidinagimigomin, kicpin ega ana8endjigeiak, acitc kicpin apanigotc kitci inendamak kidji sogi apacenimo8ak Jesosikag.

Hebrews 4:14 in Algonquin

14 Aiamie ogima ma8adji ka niganizidj kidaia8anan kidji 8idokago8ak, e kitci macka8izidj, kagi icpikadj 8ak8ig kidji 8idji8adjin Kije Manidon. Mi aa Jesos, Kije Manido Og8izisan. Kitci enigok dac kana8endadan kiteb8etamo8inan ka paba tibadjimo8ak.

Hebrews 10:23 in Algonquin

23 Ka8in dac ana8endjigekedan kidji apanigotc sogi apacenimo8ageiak Kije Manido, tabickotc ako ka iji tibadjimo8ak. Kije Manido mega kigi igonan kidji ca8enimigo8ak, acitc apanigotc oga todan adi ekidodj.

Jude 1:3 in Algonquin

3 Ni8idji8aganag ka kitci sagiinagok! Kikitci 8i ojibiamona8aban kidji mikodamonagok adi kagi iji ag8aciminak Kije Manido kina8it kakina. Nogom dac, nigi onendan panima kodag kegon kidji mikodamonagok. Kikitci 8i pagoseniminom kidji kitci nak8ieg 8e8enda kidji kana8endamegon ini kikinoamage8inan Kije Manido kagi minadjin odanicinabeman, ega kidji adjibidjigadenigin. Abidinaj ki migi8e Kije Manido ini kikinoamage8inan, kagige kidji tag8anigin.

Revelation 2:25 in Algonquin

25 Kitci 8e8enda kana8endamok kakina kegon kagi kikinoamago8eg pinici kidji koki tag8icinian.

Revelation 3:3 in Algonquin

3 Mik8endamok adi ka iji nodameg 8eckadj acitc adi kagi iji kikinoamago8eg. Ndotamok ii 8e8enda, acitc an8endizok. Kicpin ega kockozieg, niga pija kina8akag kidji tibakoninagok. Ka8in dac kiga kikendasina8a anapitc maia ke tag8icinian, tabickotc ega ka kikendameg anapitc ke kimodji pijadj kimodi8inni.

Revelation 3:11 in Algonquin

11 Aja kegat niga koki tag8icin. Sogi kana8endamok dac kagi iji kikinoamago8eg, ega a8iag kidji koki odapinag kisizok8epizoni8a kagi kackitamadizo8eg.