Cross Reference Matthew 7:22 in Algonquin 22 Apitc odjitciseg Kije Manido kidji tibakonigedj, mane a8iagog niga igog: ‘Tebendjigean! Tebendjigean! Nigi paba tibadjimomin Kije Manido omin8adjimo8in, ki8izon e abadjito8ag! Nigi abadjitonanan ki8izon kidji sagidjinija8agid8a madji manidog a8iagokag! Kitci mane nigi iji mamada8izimin, ki8izon e abadjito8ag!’
Matthew 12:21 in Algonquin 21 Kakina dac ka inakanezi8adj a8iagog kada iji apacenimo8ag 8inikag.” Mi ii8eni kagi ojibiag niganadjimo8inni Isaia omazinaiganikag, Jesosan e mikomadjin.
Matthew 24:36 in Algonquin 36 “Ka8in dac a8iag okikendasin anapitc maia ke ponaki8anig. Ka8in 8a8adj ajenig 8ak8ig ka te8adj okikendasina8a, ka8in 8a8adj Kije Manido Og8izisan okikendasini. Mi eta Kije Manido Kidadaminan okikendan.
Luke 10:12 in Algonquin 12 Ki8idamonom, apitc odjitcisenig Kije Manido kidji tibakonigedj, na8adj a8acamej oga sogi pajacte8an ini8e a8iagon iima odenag ka tajikendjin, apitc8in ini8e madji a8iagon 8eckadj Sodom odenag ka tajikenipanin.”
Luke 23:46 in Algonquin 46 Jesos dac ki kitci kiji8e: “Nidadam! Kipagidinamon nidjitcagoc.” Ka ick8a ikidodj ii, ki ick8anamo.
John 6:39 in Algonquin 39 8adan dac oo8e eji nda8endag 8in kagi pidjinijaojidj, ega iaga pejig ii e tacindjin a8iagon kagi minijidj kidji gi odji 8aniimagin, tiegodj kidji gi abidjibaimagin kidji gi kagige pimadizindjin apitc ke ponaki8anig.
John 6:44 in Algonquin 44 Ka8in a8iag nigagi pi nazikagosi kicpin ega Nidadaman 8ikobinigodjin, midac niga abidjibaa apitc ke ponaki8anig.
John 10:28 in Algonquin 28 Niminag kagige pimadizi8ini. Ka8in dac 8ikad kada 8anicisi8ag acitc ka8in a8iag niga pi nda makamigosi ini8e.
John 17:11 in Algonquin 11 Nogom niga nagadan aki, kinikag nipija. 8ina8a dac kiabadj akikag kada te8ag. Nidadam! Ma8adji kikitcit8a8izinan! Nagadjiik, ki8izon e abadjito8an, kidji gi pejig8eiendagozi8adj, tabickotc kin acitc nin ka iji pejig8eiendagoziak. Kitci macka8izimagan ki8izon kidji gi nagadjiad8a, mi ii 8izon kagi minijian kidji iji macka8izian.
John 17:15 in Algonquin 15 Ka8in kipagosenimisinon kidji madji8inad8a ega kidji pimadizi8adj ooma akikag. Tiegodj kidiji pagosenimin kidji nagadjiad8a ega kegoni kidji todago8adjin ini madji manidon.
Acts 7:59 in Algonquin 59 Stepan ki aiamie meg8adj e taji pabim8asinaagani8idj: “Jesos ka Tibendjigean! Odapin nidjitcagoc!”
Acts 9:16 in Algonquin 16 Nin dac niga 8abadaa adi inigik panima ke kodagitodj nin odji,” ki ikido.
Acts 13:46 in Algonquin 46 Midac Pon acitc Banabas ogi ina8an ega e kocima8adjin: “Kina8akag ka Coda8inni8ieg ijinag8anoban nitam kidji 8idamago8eg Kije Manido odikido8in. Kigi 8ebinana8a, ka8in dac kidinendagozisim kidji aiameg kagige pimadizi8in. Nda8adj dac, kiga naganinom, ega ka Coda8inni8i8adj niga nda 8abamananag.
Acts 13:50 in Algonquin 50 Coda8innig dac ogi 8ik8adjia8an ini8e ka niganizindjin iima odenag acitc ka oconiamindjin ik8e8an ka manadjiandjin Kije Manidon, kidji madjenima8adjin Ponan acitc Banabasan. Midac ka iji nanekadjiagani8i8adj Pon acitc Banabas acitc ki madjinija8agani8i8ag odaki8akag.
Acts 14:5 in Algonquin 5 Kegapitc dac nandam ega ka Coda8inni8i8adj, acitc nandam Coda8innig acitc odogimami8an ogi onendana8a kidji manenima8adjin Ponan acitc Banabasan, acitc kidji nisa8adjin e pabim8asinaa8adjin.
Acts 21:13 in Algonquin 13 8in dac ki ikido: “8egonen 8edji ma8imijieg? 8egonen 8edji kackendamiijieg? Manodj nidinendan kicpin ke mag8apinigo8anen 8edi Jerusalemikag, kek8an kicpin odji nibo8ag Jesos ka Tibendjigedj o8izon odji,” ki ikido.
Acts 21:27 in Algonquin 27 Aja dac kegat nij8asokajik odjitciseniban, ii apitc ke ick8asenig ka taji ijitcige8agobanen, midac nandam Coda8innig Eja (Asie) akig ka odji8adj ka odji 8abama8adjin Ponan pidigamig kitci aiamiemigi8amikag. Ogi nanada nickia8an kakina a8iagon, midac ogi na8adina8an Ponan.
Acts 22:21 in Algonquin 21 Midac ka Tibendjigedj nigi inig: ‘Madjan nogom. Kitci 8asag 8edi kiga madjinijaon, kidji nda kagik8ean ega ka Coda8inni8i8adj odji.’ ” Mi ka iji tibadjimodj Pon.
Romans 1:16 in Algonquin 16 Ka8in odji pejig nicag8enimosi kidji tibadjimo8an ii min8adjimo8in, ka kitci macka8izimagag. Kije Manido mega odabadjiton ii min8adjimo8ini kidji ag8acimadjin kakina ka teb8eta8andjin Jesosan. Nitam Coda8innig ogi odisigona8a, mina8adj dac ega ka Coda8inni8i8adj.
Romans 5:4 in Algonquin 4 Apitc dac ani cacibendamak, kiga sogideemin. Apitc dac sogideeiak, Kije Manidokag kiga iji apacenimomin.
Romans 9:33 in Algonquin 33 Mi iidi kagi iji mikomagani8idj aa asini Kije Manidon Omazinaiganikag: “Kijigabadamok! Nidonasa Sion odenag pejig asini kagi onabamag. Mi aa asini ka pizogecimadjin a8iagon, acitc ka toda8adjin kidji pagicinindjin. Pekic dac a8enenigotc ke teb8eta8ag8enin, ka8in 8ikad ‘ceck8at niteb8eta8a’ kada inendasi.”
Romans 15:12 in Algonquin 12 Niganadjimo8inni Isaia acitc ogi ojibian oo8eni: “Aa a8iag Jessekag ka odadabigicig kada pi tag8icin, aa ke minagani8idj kidji kackakanadjin ega ka Coda8inni8indjin. 8inikag dac kada iji apacenimo8an.”
1 Corinthians 3:13 in Algonquin 13 Apitc Jesos ke koki tag8icig kidji tibakonigedj, 8e8enda kiga 8abadananan adi ejinag8anig pepejig a8iag omikimo8in. Ii dac apitc, Kije Manido oga abadjiton ickodeni kidji nda kikendag pepejig a8ian omikimo8ini, acitc kada odji kikendjigadeni epitci min8acinig8en konigotc epitci manadanig8en ii omikimo8ini.
Ephesians 1:12 in Algonquin 12 Nina8it Coda8innig nitam kagi madji teb8eta8agidj Jesos Christ. Nigi onabamigonan dac Kije Manido, kidji gi odji icpenimagani8idj, 8in e kitci icpendagozidj.
Ephesians 3:1 in Algonquin 1 Teb8e nogom Kije Manidokag kidiji tibendagozim kekina8a. Mi ii 8edji apanigotc aiamietamonagok. Nin Pon, kibaodimigi8amikag nitide egi anokita8ag Jesos Christ acitc egi kagik8eian kina8a odji ega ka Coda8inni8ieg.
Philippians 1:20 in Algonquin 20 Misa oo e kitci nda8endaman acitc eji kitci pagosendaman, ega 8ikad kegon kidji inakamigizian kidji odji agadjiaban. Tiegodj ninada8endan kidji sogideeian nogom, tabickotc apanigotc ka iji sogideeiaban odakanag, ninikag kidji gi odji nag8ag adi epitci icpendagozidj Jesos Christ, kicpin pimadizian kek8an ki nibo8an.
Philippians 3:8 in Algonquin 8 Ka8in eta ini kegonan ka pi mikodamanin ega pabajine ka apitendamanin nogom, acitc kakinagotc ini kegonan ke kacki todamanin, ega pabajine ka abadagin nidapitendanan. Nogom mega ninisidotan na8adj e kitci apitendag8ag kidji kikenimag Jesos Christ, 8in ka Tibenimijidj. Aja e kikenimag, ceck8at nidinendan ka todamaban kidji k8ag8e k8aiak8abamijidj Kije Manido. Kakina nigi 8ebinanan ini8e kegonan ijinag8an, eckam kidji gi ani kikenimag Jesos Christ,
Philippians 3:10 in Algonquin 10 Oo8e eta ninada8endan, eckam eckam kidji ani kikenimag Jesos Christ, acitc kidji aiaman nipimadizi8inikag ii macka8izi8ini kagi odji abidjibadj. Ninada8endan acitc kidji kodagito8an tabickotc 8in kagi iji kodagitogobanen, acitc kidji tabasendizo8an tabickotc 8in kagi iji tabasendizogobanen apitc ka nibodj.
Philippians 3:21 in Algonquin 21 Apitc dac tag8icig, kia8inanan ka cagozimagagin oga adjitonan, ka kitci icpendag8anigin 8ia8an kidji minigo8ak, tabickotc 8in o8ia8 ka ijinag8anig ka ick8a abidjibadj kidji ijinag8anigin. Mi ke todag, omacka8izi8in e abadjitodj, ka odji kackitodj kakina kegoni kidji tibendag.
1 Thessalonians 2:16 in Algonquin 16 Nik8ag8e nagabinigonanag kidji tibadjimota8agid8a ega ka Coda8inni8indjin ii min8adjimo8ini kegi odji ag8acimagani8indjin. Kabegotc eckam ki kitci nta patadi8ag igi8e Coda8innig, acitc aja ki odjitciseni inigik ka pagidinigo8adjin Kije Manidon kidji patadi8adj. Aja dac ogi kitci nickia8an Kije Manidon acitc ogi tibakonigo8an.
1 Thessalonians 5:4 in Algonquin 4 Kina8a dac 8in, nidjiki8enanag, ka8in ka iji kacki tibikag kitidesim. Apitc dac odjitciseg ii e kijigag, ka8in kiga kock8endamiigosim, tabickotc ka kocko8inagani8idj a8iag apitc pi nda kimodimigodjin kimodi8innin.
1 Timothy 6:20 in Algonquin 20 Timote! 8e8enda kana8endan ii ca8endjige8ini Kije Manido kagi minik. Ojimik igi8e anodj kegonan ka aikido8adj, ega Kije Manidokag ka odjimaganigin. Ojimik igi8e ka k8ag8e cagozomidi8adj teb8e8ini odji, “Nikikendananan teb8e8in” ka inendamo8adj, acitc ka 8agackimidizo8adj.
2 Timothy 1:8 in Algonquin 8 Ka8in dac agadjiken kidji mikomadj ka Tibeniminak kek8an nin kidji mikomijian, misa8adj kibaodimigi8amikag e teian nin egi anokita8ag. Tiegodj, eco8in kidji kodagito8an kekin min8adjimo8in odji, e apacenimo8agean Kije Manido omacka8izi8in kagi minigo8an.
2 Timothy 1:18 in Algonquin 18 Aja kekin kikikendanadok egi kitci 8idokaojidj meg8adj ka teiaban Epes (Ephèse) odenag. Nipagosenima dac ka Tibendjigedj kidji kidimagenimadjin apitc odjitcisenig kidji koki tag8icig.
2 Timothy 2:9 in Algonquin 9 E tibadjimo8an dac ii min8adjimo8in, nikodagito acitc nikibaogo tabickotc a8iag ka kitci panaagedj. Ka8in dac 8in Kije Manido omin8adjimo8in kibaigadesini,
2 Timothy 3:10 in Algonquin 10 Kin dac, Timote, kikikenimijinan adi ka iji kikinoamageian. Kigi 8abamijinan adi enadizian. Kikikenimijinan adi ka iji mikimo8an, acitc adi eji apacenimo8an Kije Manidokag. Kikikenimijinan acitc adi eji nokideeian, acitc adi eji sagiag8a a8iagog, acitc adi eji cacibendaman meg8adj e kodagito8an.
2 Timothy 4:8 in Algonquin 8 Nogom dac aja nipiigon kagi kackitamadizo8an egi k8aiak8adizian, mi ii8e sizok8epizon ke minijidj ka Tibendjigedj apitc odjitcisenig kidji tibakonigedj, 8in k8aiak ka tibakonigedj. Ka8in dac nin eta niga minigosi ii, mi acitc kakina ini8e ka taji kitci piondjin kidji koki 8abamigodjin.
2 Timothy 4:16 in Algonquin 16 Ka8in odji pejig a8iag nidodji 8idjiigosi nitam ka k8ag8e nak8itamadizo8an nigan tibakonige8innikag. Kakina nigi naganigog. Ka8in dac ninada8enimasi Kije Manido kidji kegon inenimadjin ii odji.
Hebrews 2:18 in Algonquin 18 Nogom dac, Jesos ogagi 8idjian ini8e ka taji 8ik8adjiagani8indjin kidji patadindjin, osa mega 8in tibina8e ki kodagito acitc ki 8ik8adjiagani8i kidji patadidj.
Hebrews 7:25 in Algonquin 25 Ii dac odji, okackiton 8edjidagotc kidji ag8acimadjin ini a8iagon ka 8idjiadjin kidji nazika8andjin Kije Manidon. Apanigotc mega pimadizi Jesos, e taji pagosenimadjin Kije Manidon kidji kidimagenimandjin ini a8iagon.
Hebrews 12:2 in Algonquin 2 Mamidonenimadan Jesos. 8in mega kigi minigonan teb8etamo8ini ockadok, acitc 8in ki8idjiigonan kidji teb8etamak pinici 8ak8ig kidji oditamak. Ki pagidenimidizo kidji nisagani8idj tcibaiatigokag, misa8adj e agazinagozidj ako a8iag iidi iji nibodj. Okikenimabanin mega Kije Manidon kidji minigodjin kidji kitci mina8azidj. Nogom dac taji abi Kije Manidon okitcinikinikag.
1 Peter 1:5 in Algonquin 5 E teb8eta8eg Kije Manido, omacka8izi8in kidodji kana8enimigo8a pinici kidji odjitcisenig kidji ag8acimigo8eg. Apitc dac ani peconag8ag kidji ponaki8ag, kada nag8ani adi ke iji ag8acimi8edj.
1 Peter 1:20 in Algonquin 20 Ab8amaci Kije Manido ka kijendag akini, aja ogi onabamabanin Jesosan kidji pi ag8acimigo8eg. Nogom dac Jesos kigi pi ag8acimigo8a, aja e peconag8anig kidji ponaki8anig.
1 Peter 4:16 in Algonquin 16 Kicpin dac a8iag kina8akag e nosone8adjin Jesos Christan odji kodagitodj, ka8in kada agadenimidizosiban. Tiegodj, mig8etc oda inan Kije Manidon, e kikenimagani8idj Jesosikag e iji tibendagozidj.
1 Peter 4:19 in Algonquin 19 Midac igi8e ka kodagito8adj e todamo8adj Kije Manidon eji nda8endamindjin, inendagozi8ag apanigotc kidji mino todamo8adj acitc kidji apacenimo8adj 8inikag kagi kijenimigo8adjin, apanigotc ka todamindjin kagi ikidondjin.
Jude 1:24 in Algonquin 24 Icpenimadan Kije Manido, ka kackitodj kidji kana8enimigo8eg ega kidji pagicinieg, acitc ka kackitodj kidji iji8inigo8eg iima ka iji tedj okitci icpendagozi8inikag, e kitci paiekideeieg acitc e kitci modjigendameg.