2 Peter 3:7 in Algonquin 7 Kije Manido acitc ki inakonige 8ak8i acitc aki nogom ka tag8agin kidji pimadjiomagagin pinici kidji odjitcisenig apitc ke pi tibakonigedj acitc apitc ke pi nici8anadjiadjin ini8e ega ka ndotagodjin. Ii dac apitc, ickodeni oga abadjiton kidji nici8anadjitodjin.
Other Translations King James Version (KJV) But the heavens and the earth, which are now, by the same word are kept in store, reserved unto fire against the day of judgment and perdition of ungodly men.
American Standard Version (ASV) but the heavens that now are, and the earth, by the same word have been stored up for fire, being reserved against the day of judgment and destruction of ungodly men.
Bible in Basic English (BBE) But the present heaven and the present earth have been kept for destruction by fire, which is waiting for them on the day of the judging and destruction of evil men.
Darby English Bible (DBY) But the present heavens and the earth by his word are laid up in store, kept for fire unto a day of judgment and destruction of ungodly men.
World English Bible (WEB) But the heavens that now are, and the earth, by the same word have been stored up for fire, being reserved against the day of judgment and destruction of ungodly men.
Young's Literal Translation (YLT) and the present heavens and the earth, by the same word are treasured, for fire being kept to a day of judgment and destruction of the impious men.
Cross Reference Matthew 10:15 in Algonquin 15 Teb8e ki8idamonom, apitc odjitcisenig Kije Manido kidji tibakonigedj, na8adj a8acamej oga sogi pajacte8an ini8e a8iagon iima odenag ka tajikendjin, apitc8in ini8e madji a8iagon 8eckadj ka tajikenipanin Sodom odenag acitc Gomora (Gomorrhe) odenag.”
Matthew 11:22 in Algonquin 22 Teb8e dac ki8idamonom, apitc odjitcisenig Kije Manido kidji tibakonigedj, na8adj a8acamej kiga sogi pajacteogom apitc8in igi8e a8iagog 8eckadj Tir acitc Sidon ka tajike8apan.
Matthew 11:24 in Algonquin 24 Teb8e dac ki8idamonom, apitc odjitcisenig Kije Manido kidji tibakonigedj, na8adj a8acamej kiga sogi pajacteogom apitc8in igi8e a8iagog 8eckadj Sodom odenag ka tajike8apan.”
Matthew 12:36 in Algonquin 36 “Teb8e ki8idamonom, apitc tibakonige8igijigag, kakina pepejig a8iag panima kada tibadjimo kakina ka pi anica aikidodj.
Matthew 24:35 in Algonquin 35 8ak8i acitc aki kada ponise8an, nidikido8inan dac 8in ka8in 8ikad kada ponisesino8an.”
Matthew 25:41 in Algonquin 41 “Mina8adj dac aa ogima oga inan ini8e onamadinikikag ke tendjin: ‘A8as 8edi ijaok, kina8a ka ick8aienimigo8eg Kije Manido! 8edi ijaok kagige ickodekag, kagi ojitama8agani8idj madji manido acitc odajeniman!
Mark 6:11 in Algonquin 11 Kicpin dac a8iagog pejig odenakag ka te8adj ega iji nda8enimigo8eg kek8an ega 8i ndotago8eg, mi iji madjaok acitc papa8izidecimonok e minigonaci8akizineieg. Midac kidji kikendamo8adj ega e min8endamia8adjin Kije Manidon,” ki ikido.
Romans 2:5 in Algonquin 5 Anic dac kicibictig8ane acitc ka8in ki8i an8endizosi. Midac 8edji nda kackitamadizo8an kidji kitci sogacteok Kije Manido apitc odjitcisenig kidji 8abadai8edj e nickiigodjin a8iagon ka panaagendjin acitc odjitcisenig kidji k8aiak8akonadjin.
Philippians 1:28 in Algonquin 28 Ka8in pabajine kosakegonig a8iagog ka 8i madji todago8eg. Kicpin ega kocimo8eg, oga odji kikendana8a 8ina8a kidji 8anicino8adj, kina8a dac kidji ag8acimigo8eg. Kije Manido mega oga 8abadaan.
2 Thessalonians 1:7 in Algonquin 7 Kina8a dac nogom ka kodagito8eg, kiga minigom an8ecimo8in, acitc kenina8it niga minigomin. Mi ke ijiseg apitc ka Tibendjigedj Jesos pi nagozidj, 8ak8ig e pi odji najisedj, kigi ka macka8izindjin odajeniman.
2 Thessalonians 2:3 in Algonquin 3 Ka8in pagidinakegon a8iag kidji iji 8agackibinigo8eg, anodjigotc e iji kagina8ickimigo8eg. Ka8in mega kada koki tag8icisi Jesos ab8amaci kidji ana8eta8a8adjin a8iagog Kije Manidon. Panima acitc aa kitci madji a8iag kada moki, 8in ke ick8aienimagani8idj kidji nici8anadjiagani8idj.
1 Timothy 6:9 in Algonquin 9 A8iagog ka nda8endamo8adj kidji 8anadizi8adj, mi igi8e madji manidon ka k8ag8e 8ik8adjiigo8adjin kidji patadi8adj. Midac maia ka tasozo8adj ejinagozi8adj. Okitci nda8endana8an mane anodj kegonan ke pakebinigo8adjin. Oga nici8anadjiigona8an mizi8ena ini omadji mosa8endamo8ini8an.
2 Peter 2:9 in Algonquin 9 Kidodji kikendananan dac ketcinadj ka Tibendjigedj kidji 8idjiadjin apitc kodagitondjin ini8e ka ndotagodjin, acitc ketcinadj kidji pajacte8adjin madji a8iagon apitc odjitcisenig kidji tibakonigedj.
2 Peter 3:10 in Algonquin 10 Teb8e sa dac kada odjitciseni ka Tibendjigedj kidji koki tag8icig. Kada tag8icin apitc ega piagani8idj, tabickotc ako ka kimodji tag8icig kimodi8inni. Ii dac ke kijiganig, 8ak8i kada pajigonag8an acitc kada kitci kotazitag8an. Kakina kegonan 8ak8ig ka iji tibendag8agin kada ick8ade8an. Aki dac acitc kakina kegonan ooma ka tag8agin kada onakonigade8an.
2 Peter 3:12 in Algonquin 12 meg8adj e pito8eg ii kijigoni apitc ke pi tibakonigedj Kije Manido, acitc meg8adj e kitci nak8itameg 8ibadj kidji odjitciseg. Ii apitc kijigag, 8ak8i kada nici8anadjiomagan ickodekag, acitc kakina kegonan 8ak8ig ka iji tibendag8agin kada nigide8an ke apitci kitci kijakoneg.
1 John 4:17 in Algonquin 17 Midac eckam e ani kikendamak epitci sagiigo8ak Kije Manido, mi teb8e ke iji8ebag. Apitc dac odjitciseg Kije Manido kidji tibakonadjin a8iagon, 8inikag kiga iji apacenimomin, egi inadiziak ooma akikag tabickotc Jesos ka iji inadizigobanen.
Jude 1:7 in Algonquin 7 Mamidonenimikog ke8ina8a igi a8iagog 8eckadj ka tajike8agobanen iima odenan Sodom acitc Gomora (Gomorrhe) ka ijinikadegibanin, acitc kodagian odenan pecodj iima ka tag8anigibanin. Ki kitci madjakamigizibanig, tabickotc kagi todamo8agobanen igi madji ajenig, kakinagotc madji aido8ini e pabamendamo8agobanen, acitc e kitci mosa8enima8agobanen ini8e ega ka inendagozi8apan kidji 8idji8a8adjin. Ki pajacte8agani8i8ag dac, e iji8ebinagani8i8adj kitci ickodekag kagige ka piskanenig. Kitci paietenag8ani dac adi ke ijise8adj a8iagog iidi ka inakamigizi8adj.
Revelation 17:8 in Algonquin 8 Pimadiziban aa madji a8esiz, midac nogom ka8in aja pimadizisi. Aja pecodj kada koki pimadizi, acitc ka iji kitci 8ani pagonekamiganig kada pi odji sagidada8e. Apitc sagidada8edj, kada nici8anadjiagani8i. Igi8e dac a8iagog akikag ka pimadizi8adj, kada kitci mamakadendamog apitc 8abama8adjin ini madji a8esizan. Pimadizibanin mega, nogom dac ka8in aja pimadizisi8an, misa8adj dac aja pecodj kada odji koki nagozi8an. Mi igi8e a8iagog ega ka tag8anigin o8izoni8an iima mazinaiganikag, taji ka iji mazinazo8adj igi8eni8ag ke aiamo8adj kagige pimadizi8ini, ab8amaci kijendjigadenigoban akini apitc kagi ojibiigadegobanen ii mazinaigan.
Revelation 17:11 in Algonquin 11 Aa dac madji a8esiz 8eckadj ako ka pimadizipan, ogima8iban 8eckadj ke8in, mi aa pejig ka nij8atci8adj ogimag. Apitc dac koki tag8icig, mina8adj kada ogima8i, midac kadagi nianenio8ag kegi ogima8i8apan. Kije Manido dac oga nici8anadjian ini madji a8esizan.
Revelation 20:11 in Algonquin 11 Mina8adj dac nigi 8abadan kitci 8abi ogima8i tesabi8agan. Nigi 8abama acitc a8iag iima e taji abidj. Ogi ojimigon akini acitc 8ak8ini, acitc ka8in 8ikad mina8adj kada nag8asino8an.
Revelation 21:1 in Algonquin 1 Kegapitc nigi odji 8abadanan ocki 8ak8i acitc ocki aki. 8eckadj 8ak8i acitc 8eckadj aki ka8in aja nag8asinobanin, acitc ka8in aja kitcigami tag8asinoban.