2 Peter 3:17 in Algonquin 17 Ni8idji8aganag ka kitci sagiinagok! Kina8a, aja kikikendana8a adi ke iji8ebag. Iag8amendamok dac, ega kidji pakebinigo8eg igi a8iagog ega ka ndota8a8adjin Kije Manidon, ka 8i kackiigo8eg kekina8a kidji patadieg tabickotc 8ina8a. Iag8amendamok ega kidji poni sogigaba8ieg.
Other Translations King James Version (KJV) Ye therefore, beloved, seeing ye know these things before, beware lest ye also, being led away with the error of the wicked, fall from your own stedfastness.
American Standard Version (ASV) Ye therefore, beloved, knowing `these things' beforehand, beware lest, being carried away with the error of the wicked, ye fall from your own stedfastness.
Bible in Basic English (BBE) For this reason, my loved ones, having knowledge of these things before they take place, take care that you are not turned away by the error of the uncontrolled, so falling from your true faith.
Darby English Bible (DBY) *Ye* therefore, beloved, knowing [these] things before, take care lest, being led away along with the error of the wicked, ye should fall from your own stedfastness:
World English Bible (WEB) You therefore, beloved, knowing these things beforehand, beware lest, being carried away with the error of the wicked, you fall from your own steadfastness.
Young's Literal Translation (YLT) Ye, then, beloved, knowing before, take heed, lest, together with the error of the impious being led away, ye may fall from your own stedfastness,
Cross Reference Matthew 7:15 in Algonquin 15 “Iag8amenimikog niganadjimo8innig ka kagina8icki8adj. Mi tabickotc mantcenicag ejinagozi8adj, pekic mi maia tabickotc maiganag ka kitci kotanigozi8adj ejidee8adj.
Matthew 16:6 in Algonquin 6 Jesos dac ogi inan: “Iag8amig Coda8innig ka nagadjito8adjin inakonige8inan acitc Coda8innig ega ka teb8etamo8adj abidjiba8ini odobisidjigani8a.”
Matthew 16:11 in Algonquin 11 Adi dac 8edji ega nisidotameg ega pak8ejigan aa ka mikodamonagok? Mina8adj dac kidininom, iag8amig Coda8innig ka nagadjito8adjin inakonige8inan acitc Coda8innig ega ka teb8etamo8adj abidjiba8ini odobisidjigani8a.”
Matthew 24:24 in Algonquin 24 Nandam mega a8iagog kada pija8ag e kagina8icki8adj e ikido8adj: ‘Nin aa8e Kije Manidon kagi ikidonipanin kidji pidjinijaogodjin’ kek8an: ‘Nin niniganadjimo8inni8inan.’ Kada kitci mamada8izi8ag acitc kada mamada8akamigizi8ag, kidji k8ag8e 8agackibina8adjin 8a8adj ini8e a8iagon Kije Manidon kagi onabamigondjin.
Mark 13:22 in Algonquin 22 Nandam mega a8iagog kada pija8ag e kagina8icki8adj e ikido8adj: ‘Nin aa8e Kije Manidon kagi ikidonipanin kidji pidjinijaogodjin’ kek8an: ‘Nin niniganadjimo8inni8inan.’ Kada mamada8izi8ag acitc kada mamada8akamigizi8ag, kidji k8ag8e 8agackibina8adjin 8a8adj ini8e a8iagon Kije Manidon kagi onabamigondjin.
John 16:4 in Algonquin 4 Nogom dac ki8idamonom ii. Midac apitc odjitcisenig ii kidji todamo8adj, kiga mika8im egi 8idamonagok ii.” “Ka8in oo kidodji 8idamaosinonom apitc nitam ka madjitaieg kidji nosoneojieg, kipaba 8idjiona8aban mega.
Acts 2:42 in Algonquin 42 Midac pijicig ki ma8adjiidi8agoban, kidji ndota8a8adjin Anodaganan e kikinoamago8adjin, kidji 8idjiidi8adj, ma8asag kidji 8isini8adj, acitc ma8asag kidji aiamie8adj.
Romans 16:18 in Algonquin 18 Ka8in odanokita8asi8a8an ka Tibendjigendjin Jesos Christan igi a8iagog. Tiegodj 8ina8a tibina8e adi eji mosa8endamo8adj otodana8a. Kitci minotagozi8ag, acitc omin8adjima8an a8iagon. Midac iidi eji 8agackibina8adjin ini8e ega ka nisida8inago8adjin ega k8aiak e kikinoamage8adj.
1 Corinthians 10:12 in Algonquin 12 Midac ii odji, aa8e “Nikitci sogigaba8inan” kagi ikidopan, panima ki iag8amidj, ega kidji pagicig.
1 Corinthians 15:58 in Algonquin 58 Nidjiki8eg ka kitci sagiinagok! Sogigaba8iok! Ka8in 8ikad pagidenimidizokegon pakan kidji iji teb8etameg! Kabena anokitaok Jesos ka Tibeniminak enigokodeeieg, kikikendana8a mega ega ceck8at e anokita8eg.
2 Corinthians 11:3 in Algonquin 3 Kimika8ina8adok aja kitci 8eckadj nitam ik8e ka kijenimagani8idj, Eba (ève) ka ijinikazogobanen, adi kagi iji 8agackibinigopanin kinebigon apitc kagi kagina8ickimigopanin e kitci minotagozinipanin. Nikotan dac pejig8an kidji ijiseieg kidji 8agackibinigo8eg, kidji ani k8ina8i inendameg adi ke iji teb8eta8eg Jesos Christ, acitc ega kiabadj kidji kitci sagieg ka apitci sagiegoban ockadok.
2 Corinthians 11:13 in Algonquin 13 Ka8in igi teb8e Jesos Odanodaganan. Kagina8icki8ag e mikodamo8adj omikimo8ini8a. Jesos Christ Odanodaganan in8ekazo8ag.
Ephesians 4:14 in Algonquin 14 Ii dac apitc, ka8in aja tabickotc abinodjijag kiga ijinagozisimin, ka k8ina8endamo8adj adi ke iji teb8etamo8adj. A8iagog dac ka kagina8icki8adj e kikinoamage8adj, ka 8agackibina8adjin a8iagon oteb8etamo8inikag, ka8in aja oga kackitosina8a kidji pakebinigo8ak. Midac aja ka8in kiga k8ina8i odinasinanan adi ke iji teb8etamak, tabickotc ako tciman anodj ka iji8ebasag e kitci mamagaag e ijinagoziak.
Philippians 3:2 in Algonquin 2 Iag8amenimikog igi madji kikinoamage8innig ka 8i 8agackibinigo8eg. Ikido8ag panima kidji pak8ejogo8eg kidji 8abadai8eieg e tibenimigo8eg Kije Manido.
Colossians 2:5 in Algonquin 5 Misa8adj e na8abaminagok, apanigotc kikitci mik8eniminom, acitc nikitci min8endan e kikeniminagok e sogi ma8asag8ino8eg, acitc e sogi teb8eta8eg Jesos Christ.
Colossians 2:8 in Algonquin 8 Iag8amig ega kidji 8aiejimigo8eg a8iag, e abadjitodjin anodj inendamo8inan ega ka teb8emaganigin acitc ega odji pejig ka abadanigin. A8iagokag eta odjise8an ini inendamo8inan, inakonige8inikag acitc ijita8inikag ooma akikag ka kitci apitendag8agin, ka8in 8in Jesos Christikag odjimagasino8an.
2 Timothy 4:15 in Algonquin 15 Iag8amin dac kekin 8aa, ka8in mega odji pejig ominotasin ka iji kikinoamageiak.
Hebrews 3:14 in Algonquin 14 Ki8idji mikimomanan nogom Jesos Christ, kicpin sogi teb8eta8aiak pinici kidji ick8a pimadiziak, tabickotc kagi iji sogi teb8eta8aiak ockadok.
1 Peter 5:9 in Algonquin 9 Ka8in pabajine ndota8akegon madji manido, acitc sogigaba8iok kiteb8etamo8ini8akag. Kikikenima8adog8enag ka 8idji teb8etamomigo8eg, mizi8ekamig ka paba te8adj, e taji kodagito8adj tabickotc kina8a ka iji kodagito8eg.
2 Peter 1:10 in Algonquin 10 Nidjiki8eg! Kije Manido kigi nd8e8emigo8a acitc kigi onabamigo8a. Enigok dac nak8iok kidji paietenagozieg maiagotc teb8e Kije Manidokag e iji tibendagozieg. Kicpin mega iidi todameg, ka8in 8ikad kiga poni teb8etasina8a.
2 Peter 2:18 in Algonquin 18 Kitci kiji8e8ag anodj e aikido8adj acitc e kitci min8adjimidizo8adj. Ok8ag8e 8agackibina8an ini8e ega 8eckadj ka madji teb8etamindjin, ega 8eckadj ka naganandjin ini8e ega ka k8aiak8adizindjin. Odabadjitona8an madji mosa8endamo8inan madji aido8ini kidji nodjitondjin, e k8ag8e patadia8adjin.
Revelation 2:5 in Algonquin 5 Mamik8endamok adi ako epitci sagiijiegoban 8eckadj. Kigi kitci pagicinom! An8endizok dac acitc kiabadj todamok 8eckadj ako ka todamegoban. Kicpin ega an8endizo8eg, niga pija kina8akag kidji koki odapinaman ki8asakonendjiganatigo8a.