2 Corinthians 5:7 in Algonquin

7 Meg8adj dac e pimadiziag ooma, nidapacenimo8agemin adi eji teb8etamag, ka8in 8in kegonan ka kackito8akonin kidji 8abadamakonin nogom ooma nidapacenimo8agesimin.

Other Translations

King James Version (KJV)

(For we walk by faith, not by sight:)

American Standard Version (ASV)

(for we walk by faith, not by sight);

Bible in Basic English (BBE)

(For we are walking by faith, not by seeing,)

Darby English Bible (DBY)

(for we walk by faith, not by sight;)

World English Bible (WEB)

for we walk by faith, not by sight.

Young's Literal Translation (YLT)

for through faith we walk, not through sight --

Cross Reference

Romans 8:24 in Algonquin

24 Kikitci pitonanan dac ii kidji iji8ebiziak, ka ako ag8acimigo8ak Kije Manido. Apitc dac ki iji8ebiziak, ka8in aja kiga pitosinanan. Ka8in mega a8iag opitosin kegoni aja ki iji8ebanig.

1 Corinthians 13:12 in Algonquin

12 Nogom ka8in kipaiete8abadasinananan kegonan, mi maia tabickotc 8abamonikag ka kitci packineabikizidj iji inabiakoban. Nigodin dac kiga pagakabimin. Nogom kiabadj ka8in kakina kegon nikikendasin. Ii dac apitc, mizi8e kegon niga nisidotan, tabickotc Kije Manido maia eji cabo kikenimijidj.

2 Corinthians 1:24 in Algonquin

24 Ka8in nidiji nda8endasinanan kidji 8idamago8eg adi ke iji teb8etameg, aja mega kikitci sogigaba8im kiteb8etamo8ini8akag. Pekic dac, ninada8endananan kidji 8idji mikimomigo8eg, na8adj kidji gi odji mina8azieg.

2 Corinthians 4:18 in Algonquin

18 Ka8in dac nikitci pabiziskendasinananan kegonan ka kackito8akonin kidji 8abadamakonin. Tiegodj, nikitci pabiziskendanananan kegonan ega ka 8abadamakonin. Ka8in mega kin8ej pimadjiomagasino8an ini kegonan ka kackito8akonin kidji 8abadamakonin. Apanigotc dac mojag kada pimadjiomaganon ini kegonan ega ka kackito8akonin kidji 8abadamakonin.

Galatians 2:20 in Algonquin

20 Mi maia pejig8an ka 8idji nibomagiban Jesos Christ ejinagozian, apitc ka acidak8a8agani8idj tcibaiatigokag. Nogom dac ka8in nin nitibendasin nipimadizi8in, 8in sa Jesos Christ ka tibendag, egi pidigeckaojidj. Ka iji pimadizian dac nogom, e teb8eta8ag Kije Manido Og8izisan 8edji iji pimadizian, 8in ka sagiijidj acitc kagi pagidenimidizodj kidji nibodj nin odji.

Hebrews 10:38 in Algonquin

38 A8iagog dac ka k8aiak8adizi8adj, 8ina8a 8edjidagotc kada pimadizi8ag, egi teb8etamo8adj. Kicpin dac 8ebinamo8adj oteb8etamo8ini8a, ka8in niga min8endamiigosig.”

Hebrews 11:1 in Algonquin

1 Apitc a8iag teb8eta8adjin Kije Manidon, ketcinamendam kidji odisigodjin ini kegonan ka pitodjin, acitc ketcinamendam e tag8anigin ini kegonan ega ka 8abadagin.

1 Peter 1:8 in Algonquin

8 Ka8in 8ikad kidodji 8abamasi8a8a Jesos, misa8adj dac kisagia8a. Ka8in nogom kikackitosina8a kidji 8abameg, misa8adj dac kiteb8eta8a8a. Midac 8edji kitci modjigendameg. Ka8in tag8asino8an anim8e8inan kidji ikidonani8ag adi epitci icpendag8ag kimodjigendamo8ini8a.

1 Peter 5:9 in Algonquin

9 Ka8in pabajine ndota8akegon madji manido, acitc sogigaba8iok kiteb8etamo8ini8akag. Kikikenima8adog8enag ka 8idji teb8etamomigo8eg, mizi8ekamig ka paba te8adj, e taji kodagito8adj tabickotc kina8a ka iji kodagito8eg.