2 Corinthians 3:17 in Algonquin

17 Apitc mikomag ooma ka Tibendjigedj, nimikoma Mino Manido. Apitc dac a8iag kigickagodjin Mino Manidon, ka8in kodag kegoni ogagi tibenimigosin.

Other Translations

King James Version (KJV)

Now the Lord is that Spirit: and where the Spirit of the Lord is, there is liberty.

American Standard Version (ASV)

Now the Lord is the Spirit: and where the Spirit of the Lord is, `there' is liberty.

Bible in Basic English (BBE)

Now the Lord is the Spirit: and where the Spirit of the Lord is, there the heart is free.

Darby English Bible (DBY)

Now the Lord is the Spirit, but where the Spirit of [the] Lord [is, there is] liberty.

World English Bible (WEB)

Now the Lord is the Spirit and where the Spirit of the Lord is, there is liberty.

Young's Literal Translation (YLT)

And the Lord is the Spirit; and where the Spirit of the Lord `is', there `is' liberty;

Cross Reference

John 6:63 in Algonquin

63 Mino Manido mi aa ka migi8edj pimadizi8ini, ka8in a8iag 8in tibina8e okackitosin kidji odisigodj. Ini anim8e8inan ka 8idamonagok, Mino Manidokag odjimaganon, 8in ka migi8edj kagige pimadizi8ini.

John 8:32 in Algonquin

32 Kiga nisidotana8a teb8e8in, midac ke odji pagidabaogo8eg.”

Romans 8:2 in Algonquin

2 Mino Manido mega aja nitibenimig, ka minadjin pimadizi8ini ini8e Jesos Christikag ka iji tibendagozindjin. Ka8in dac aja patado8in nitibenimigosin kidji odji nibo8an.

Romans 8:15 in Algonquin

15 Mino Manido mega kagi odisigo8eg ka8in 8in kimadji todagosi8a acitc ka8in kinada8enimigosi8a mina8adj kidji segizieg. Mino Manidon megada ka minigo8eg Kije Manido, odabinodjijiman kidji ijinagozieg, acitc 8in ka pagidinigo8ak kakina pepejig e taciak “Nidadam!” kidji gi ijinikanaiak Kije Manido.

1 Corinthians 15:45 in Algonquin

45 8adan e ikidomaganig Kije Manido Omazinaigan: “Adam, 8in nitam nabe kagi kijenimagani8idj, ki minagani8i pimadizi8ini.” Jesos dac 8in, “ick8eag Adam” ijinikanagani8i, manido8i dac 8in, ka migi8edj pimadizi8ini.

2 Corinthians 3:6 in Algonquin

6 Nigi minigonan kidji kackito8ag kidji anokita8agidj, e paba tibadjimo8ag odocki nakomo8in. Ka8in odji ojibiigadesinon ii ocki nakomo8in, tabickotc 8eckadj Coda8inni Inakonige8inan kagi ojibiigadeno8agobanen. Misa8adj dac a8iag ki kitci nak8idj kidji nosoneagin ini 8eckadj Inakonige8inan, ka8in pimadizi8ini ododji odinasin iima. Anic dac, Mino Manido kikikinoamagonan ii ocki nakomo8ini, ka migi8emaganig pimadizi8ini.

Galatians 4:6 in Algonquin

6 Kidji gi 8abadai8edj teb8e 8in odabinodjijiman e apitendagozieg, Kije Manido ogi pidjinija8an Og8izisan Omino Manidomini kideinakag. Aa dac Mino Manido opibagiman Kije Manidon: “Abba!” Ikidomagan dac ii: “Nidadam!”

Galatians 5:1 in Algonquin

1 Jesos Christ kigi pagidabaogonan, ega mina8adj kegon kidji tibenimigo8ak. Sogigaba8iok dac adi kagi iji pagidabaogo8eg. Nagadjiidizok kabena, ega kidji pagidenimidizo8eg kidji koki tibenimigo8eg.

Galatians 5:13 in Algonquin

13 Nidjiki8eg! Kije Manido kigi nd8e8emigo8a kidji ega tibenimigo8eg. Nogom dac aja ega e tibenimigo8eg, ka8in kida iji pimadizisim adigotc eji madji mosa8endameg, kina8a tibina8e kidji min8endamiidizo8eg. Tiegodj, kida 8idokodadim kakina pepejig e tacieg, mama8 e sagiidieg.

2 Timothy 1:7 in Algonquin

7 Ka8in mega Kije Manido kidodji minigosinan Mino Manidon kidji cag8enimo8ak, tiegodj kidji macka8iziak, acitc kidji sagii8eiak, acitc kidji nagadjiidizo8ak enakamigiziak.