2 Corinthians 3:11 in Algonquin

11 Ka8in apanigotc kada tag8asino8an ini 8eckadj Inakonige8inan. Misa8adj dac, apitc ka migi8ani8ag, kikendjigadeban e kitci apitendag8agibanin, osa mega ki nag8ani Kije Manidon odicpendagozi8ini. Nogom dac aja kidaiananan ocki nakomo8in, apanigotc ke tag8ag. Ii ocki nakomo8in na8adj a8acamej kikitci 8abadaigonan Kije Manido odicpendagozi8in.

Other Translations

King James Version (KJV)

For if that which is done away was glorious, much more that which remaineth is glorious.

American Standard Version (ASV)

For if that which passeth away `was' with glory, much more that which remaineth `is' in glory.

Bible in Basic English (BBE)

For if the order which was for a time had its glory, much more will the eternal order have its glory.

Darby English Bible (DBY)

For if that annulled [was introduced] with glory, much rather that which abides [subsists] in glory.

World English Bible (WEB)

For if that which passes away was with glory, much more that which remains is in glory.

Young's Literal Translation (YLT)

for if that which is being made useless `is' through glory, much more that which is remaining `is' in glory.

Cross Reference

Romans 5:20 in Algonquin

20 Kije Manido ogi minan a8iagon Coda8inni Inakonige8inan, a8acamej kidji gi ani kikendamindjin adi epitci kitci patadindjin. Midac a8acamej egi ani kikendamindjin adi epitci kitci patadindjin, a8acamej acitc ogi ani kikendana8a Kije Manidon okitci ca8endjige8ini.

2 Corinthians 3:6 in Algonquin

6 Nigi minigonan kidji kackito8ag kidji anokita8agidj, e paba tibadjimo8ag odocki nakomo8in. Ka8in odji ojibiigadesinon ii ocki nakomo8in, tabickotc 8eckadj Coda8inni Inakonige8inan kagi ojibiigadeno8agobanen. Misa8adj dac a8iag ki kitci nak8idj kidji nosoneagin ini 8eckadj Inakonige8inan, ka8in pimadizi8ini ododji odinasin iima. Anic dac, Mino Manido kikikinoamagonan ii ocki nakomo8ini, ka migi8emaganig pimadizi8ini.

2 Corinthians 4:1 in Algonquin

1 Kije Manido nikitci kije8anigonaban, e anonigo8ag kidji ijita8agidj oo mikimo8ini. Midac 8edji ega 8ikad ana8endjigeiag.

Hebrews 7:21 in Algonquin

21 Apitc dac Jesos ka ani aiamie ogima8idj, Kije Manido ogi inan: “Nin, ka Tibendjigedj, ketcinam niteb8e, acitc ka8in niga adjitosin adi ka iji onendaman, apanigotc kiga aiamie ogima8inan!”

Hebrews 8:13 in Algonquin

13 E mikodag dac Kije Manido ocki nakomo8ini, ogi ijiton kidji ani keteanig nitam onakomo8in. Kegon dac ka keteag acitc ega kiabadj ka abadag, aja peconag8an kidji poni tag8ag.

Hebrews 12:25 in Algonquin

25 Iag8amig! Ka8in ana8endakegon kidji ndota8eg Kije Manido ka aiamiigo8eg. 8eckadj ako, Israel a8iagog ogi ana8endana8a kidji ndota8a8adjin Kije Manidon apitc ka aiamiigo8adjin ooma 8akidakamig 8edi Sinai pik8adinakag. Ka8in dac odji kackiosi8ag kidji ojimo8adj e 8i pajacte8agani8i8adj. Kina8it dac, 8ak8ig kidodji aiamiigonan Kije Manido. Kicpin dac ega 8i ndota8aiak, kitci ketcinam kiga pajacteogomin.