1 Thessalonians 5:8 in Algonquin

8 Kina8it dac ka iji 8aseag kitidemin. Nagadjiidizodan sa dac adi enakamigiziak! Misa maia ako tabickotc 8eckadj cimaganic ka pisikagibanin omigazo8inni 8aianan kidji ega nigodidj, mi panima ki ijiidizo8ak kekina8it, ega kidji nigodiak. Odapinadan dac teb8etamo8in acitc sagii8e8in, tabickotc cimaganic opi8abiko papagi8an kidji ijinag8agin kina8itinakag. Acitc odapinadan apenimo8in e ketcinamendamak kidji odjitciseg kidji ag8acimigo8ak, tabickotc cimaganic omigazo8actodin kidji ijinag8ag kina8itinakag.

Other Translations

King James Version (KJV)

But let us, who are of the day, be sober, putting on the breastplate of faith and love; and for an helmet, the hope of salvation.

American Standard Version (ASV)

But let us, since we are of the day, be sober, putting on the breastplate of faith and love; and for a helmet, the hope of salvation.

Bible in Basic English (BBE)

But let us, who are of the day, be serious, putting on the breastplate of faith and love, and on our heads, the hope of salvation.

Darby English Bible (DBY)

but *we* being of [the] day, let us be sober, putting on [the] breastplate of faith and love, and as helmet [the] hope of salvation;

World English Bible (WEB)

But let us, since we belong to the day, be sober, putting on the breastplate of faith and love, and, for a helmet, the hope of salvation.

Young's Literal Translation (YLT)

and we, being of the day -- let us be sober, putting on a breastplate of faith and love, and an helmet -- a hope of salvation,

Cross Reference

Romans 5:2 in Algonquin

2 Osa mega kiteb8etananan, Jesos kigi minigonan kidji ani kikendam8aiak Kije Manido okitci ca8endjige8in, acitc dac mi ii8e ca8endjige8in odji 8edji nogom sogigaba8iak kiteb8etamo8inakag. Kimodjigendananan dac osa mega kiketcinamendananan kekina8it kidji icpendagoziak, tabickotc Kije Manido ka iji icpendagozidj.

Romans 8:24 in Algonquin

24 Kikitci pitonanan dac ii kidji iji8ebiziak, ka ako ag8acimigo8ak Kije Manido. Apitc dac ki iji8ebiziak, ka8in aja kiga pitosinanan. Ka8in mega a8iag opitosin kegoni aja ki iji8ebanig.

Romans 13:12 in Algonquin

12 Aja kegat ick8a tibikan, aja kegat kada pi 8asea. Ka8in dac aja madji ijitcigekedan, 8eckadj ako ka todamakoban meg8a tibik. Odapinadanin kegonan ke nda8endamakonin kidji gi sogigaba8iak apitc pi 8aseag.

1 Corinthians 13:13 in Algonquin

13 Midac nisidon kegonan kagige kidji tag8agin: teb8etamo8in, apenimo8in acitc sagii8e8in. Sagii8e8in dac ma8adji kitci apitendag8an.

2 Corinthians 6:7 in Algonquin

7 Kije Manido niminigonan omacka8izi8in kidji paba tibadjimo8agidj teb8e8ini. Nik8aiak8adizimin, acitc mi iidi eji nak8ita8agid8a igi ka manenimigo8ag.

Galatians 5:5 in Algonquin

5 Nina8it dac, niketcinamendananan kidji odji k8aiak8abamigo8ag Kije Manido egi teb8eta8agidj Jesos. Mino Manido dac ni8idjiigonan e taji kitci pito8ag kidji iji8ebiziag ii.

Ephesians 5:8 in Algonquin

8 8eckadj ako, ka iji kacki tibikag kitidena8aban. Nogom dac aja ka iji 8aseag kitidem, osa megada 8inikag ka Tibendjigedj kidiji mama8isem. Midac 8e8enda inakamigiziok, adi enendagozi8adj kidji inakamigizi8adj kakina igi8e ka manadjia8adjin Kije Manidon, ka iji 8aseanig ka te8adj.

Ephesians 6:11 in Algonquin

11 Misa maia ako tabickotc 8eckadj cimaganic ka pisikagibanin omigazo8inni 8aianan kidji ega nigodidj, acitc ega kidji cagodjiagani8idj apitc migadinani8anig, mi panima ki ijiidizo8eg kekina8a, ega kidji nigodieg acitc kidji gi miganeg madji manido. Abadjitaokon dac kakina ini kegonan Kije Manido ka minigo8eg kidji gi odji cagodjieg madji manido apitc k8ag8e 8agackibinigo8eg kidji patadieg.

Ephesians 6:13 in Algonquin

13 Midac abadjitaokon kakina ini kegonan Kije Manido kagi minigo8eg, ega kidji cagodjiigo8eg ka madjenimigo8eg apitc ako pi miganigo8eg. Apitc dac ick8a miganigo8eg, kiabadj kiga taji sogigaba8im.

Ephesians 6:23 in Algonquin

23 8egona Kije Manido Kidadaminan acitc Jesos Christ ka Tibendjigedj minadjin kakina ka teb8etamindjin pekadendamo8ini, sagii8e8ini, acitc teb8etamo8ini.

1 Thessalonians 5:5 in Algonquin

5 Ka iji 8aseag sa kidiji tibendagozim kina8a kakina, acitc kijigokag. Ka8in ka iji tibikag kek8an ka iji kacki tibikag kidodosesimin.

2 Thessalonians 2:16 in Algonquin

16 Kije Manido Kidadaminan kigi kitci sagiigonan. E minigo8ak okitci ca8endjige8in, kigi minigonan kagige kidji sogideeiak, acitc kidji kitci sogi apenimo8ak. 8in nipagosenimanan, acitc dac 8in tibina8e ka Tibeniminak Jesos Christ,

Hebrews 6:19 in Algonquin

19 Mi maia tabickotc kinabadjigan ka kitci sogi kinabadeg kitci tciman ejinag8ag ii apenimo8in kidjitcagocinakag. Kikitci sogi midjiminigonan kidji gi sogigaba8iak, acitc oditamomagan 8edi 8ak8ig taji e tedj Kije Manido, taji ma8adji ka iji kitcit8a8anig.

Hebrews 10:35 in Algonquin

35 Ka8in dac ana8endjigekegon. Kicpin mega ega poni apacenimo8ageieg Kije Manido, kiga kitci ca8enimigo8a.

1 Peter 1:3 in Algonquin

3 Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,

1 Peter 1:13 in Algonquin

13 Midac e kikendameg adi ka todag Kije Manido kina8a odji, eco8iok kidji nosone8eg Kije Manido. 8e8enda nagadjiidizok enakamigizieg. Ka8in kodag kegon iji apacenimokegon, mi eta Kije Manido okitci ca8endjige8in ke minigo8eg apitc Jesos Christ koki tag8icig.

1 Peter 2:9 in Algonquin

9 Kina8a dac, Kije Manido kigi onabamigo8a odanicinabeman kidji gi inakanezieg. Ma8asag kidiji anokita8a8a Kije Manido, ka kitci ogima8idj. Kipaiekizim. Kitibenimigo8a Kije Manido. Kigi nd8e8emigo8a mega kidji sagidji8inigo8eg ka iji tibikanig acitc kigi asigo8a ka iji 8aseanig. Kigi onabamigo8a dac kidji gi tibadjimo8eg adi epitci mino ijitcigedj Kije Manido.

1 John 1:7 in Algonquin

7 Anic dac, kicpin 8asea8inikag iji pimadiziak, tabickotc Kije Manido ka iji 8aseanig ka tedj, kimama8inomin kakina ka taciak, acitc Jesos, Kije Manido Og8izisan, kikasiamagonan kakina ka iji patadiak, egi pagidenimidizodj kidji nibodj tcibaiatigokag kina8it odji.

1 John 3:1 in Algonquin

1 8adan epitci sagiigo8ak Kije Manido Kidadaminan, odabinodjijiman kidijinikanigonan. Teb8e maiagotc Kije Manido odabinodjijiman kidijinagozimin. A8iagog dac ooma akikag ka8in kikikenimigosinanag Kije Manido odabinodjijiman e ijinagoziak, ka8in mega 8ikad ododji kikenimasi8a8an Kije Manidon.