1 Thessalonians 4:9 in Algonquin 9 Ka8in mamakadj kiga ojibiamagosim kidji 8idamago8eg adi enendagozieg kidji iji sagieg8a kodagiag ka teb8etamo8adj. Kina8a mega tibina8e kigi kikinoamago8a Kije Manido kidji sagiidieg kakina pepejig e tacieg.
Other Translations King James Version (KJV) But as touching brotherly love ye need not that I write unto you: for ye yourselves are taught of God to love one another.
American Standard Version (ASV) But concerning love of the brethren ye have no need that one write unto you: for ye yourselves are taught of God to love one another;
Bible in Basic English (BBE) But about loving the brothers, there is no need for me to say anything to you in this letter: for you have the teaching of God that love for one another is right and necessary;
Darby English Bible (DBY) Now concerning brotherly love ye have no need that we should write to you, for ye yourselves are taught of God to love one another.
World English Bible (WEB) But concerning brotherly love, you have no need that one write to you. For you yourselves are taught by God to love one another,
Young's Literal Translation (YLT) And concerning the brotherly love, ye have no need of `my' writing to you, for ye yourselves are God-taught to love one another,
Cross Reference Matthew 22:39 in Algonquin 39 8adan dac oo8e kodag inakonige8in, pejig8an ketci apitendag8ag apitc8in kodag: ‘Kiga sagia8a kidjipimadizimi8a tabickotc kina8a ka iji sagiidizo8eg.’
John 6:44 in Algonquin 44 Ka8in a8iag nigagi pi nazikagosi kicpin ega Nidadaman 8ikobinigodjin, midac niga abidjibaa apitc ke ponaki8anig.
John 13:34 in Algonquin 34 Ocki inakonige8in dac kimininom, kidji sagiidieg pepejig e tacieg. Panima kida sagiidim tabickotc kagi iji sagiinagok.
John 14:26 in Algonquin 26 Aa8e dac ke pi 8idokago8eg, Mino Manido aa, ke pidjinija8adjin Nidadam kidji nabickaojidj. Kakina kegoni kiga kikinoamago8a, acitc kiga mika8asomigo8a kakina kagi 8idamonagok.”
John 15:12 in Algonquin 12 Mi oo e 8idamonagok panima kidji todamegoban. Sagiidiok kakina pepejig e tacieg, tabickotc eji sagiinagok.
Acts 4:32 in Algonquin 32 Ii apitc, kakina ka teb8etamo8adj pejig8an ki inendamog acitc pejig8an ki iji mosa8endamog. Ka8in a8iag “nin ii nidaim” ikidosiban, misagotc mama8 odabadjitona8abanin kakina kegonan.
Romans 12:10 in Algonquin 10 Sagiidiok kakina pepejig ka tacieg, kakina mega kidiji 8idjiki8edim. Enigokodeeieg manadjiidik kakina pepejig e tacieg.
Ephesians 5:1 in Algonquin 1 Aja nogom kina8a Kije Manido odabinodjijiman kidijinagozim, acitc Kije Manido kikitci sagiigo8a. Midac kida k8ag8e kagikina8abama8a.
1 Thessalonians 5:1 in Algonquin 1 Nidjiki8enanag! Ka8in mamakadj kiga ojibiamagosim kidji 8idamago8eg anapitc maia ke ijisegin kakina ini kegonan.
Hebrews 8:10 in Algonquin 10 8adan oo ke ijinag8anig ocki nakomo8ini ke ojitama8ag8a kakina Israel a8iagog. Omidonendjigani8akag niga iji ata8anan nidinakonige8inan, acitc odei8akag niga iji ojibiam8anan. Ninikag kada iji Okije Manidomi8ag acitc nin niga odanicinabemi8age.
Hebrews 10:16 in Algonquin 16 “8adan oo ke ijinag8ag nakomo8in ke ojitama8ag8a nidanicinabemag. Omidonendjigani8akag niga iji ata8anan nidinakonige8inan, acitc odei8akag niga iji ojibiam8anan.”
Hebrews 13:1 in Algonquin 1 Ka8in poni sagiidikegon kakina pepejig e tacieg, kidiji 8idjiki8edim mega kiteb8etamo8ini8a odji.
1 Peter 3:8 in Algonquin 8 Nogom dac niga kijiton oo8e 8a ikido8an. Kina8a kakina, k8ag8e tabickotc pejig8an inendamok kakina pepejig e tacieg, acitc k8ag8e nisidotadiok. Sagiidiok kakina, e kikendameg e 8idjiki8emidieg ka iji teb8etameg. Kidimagenimidiok acitc ka8in kitci inendizokegon.
1 Peter 4:8 in Algonquin 8 Mi oo kegon ma8adji e kitci apitendag8ag. Kabe sagiidiok kakina pepejig e tacieg enigokodeeieg. Kicpin mega sagieg8a kodagiag a8iagog, kigagi 8anikem adi ka iji patadi8adj.
2 Peter 1:7 in Algonquin 7 Kitci nak8iok kina8a ka teb8etameg kidji ani mino 8idji8idieg kakina pepejig e tacieg, tabickotc maia 8idjiki8emidiegoban, acitc kitci nak8iok kakina a8iagog kidji ani sagieg8a.
1 John 2:10 in Algonquin 10 Aa dac ka sagiadjin o8idjiki8en, ka iji 8aseanig iji pimadizi, midac ka8in kegoni tag8asini 8inikag kidji odji patadidj.
1 John 2:20 in Algonquin 20 Kina8a dac, Mino Manido kigi odisigo8a, Jesos kagi minigo8eg. Mi 8edji nisida8inameg teb8e8in.
1 John 3:11 in Algonquin 11 Mi oo8e tibadjimo8in ka nodameg apitc ka madji teb8etameg. Panima kiga sagiidimin kakina pepejig e taciak.
1 John 3:14 in Algonquin 14 Kina8it dac, kikikendananan nogom egi nagadamak nibo8in acitc egi odisigo8ak kagige pimadizi8in. Kisagiananag mega kidjiki8enanag, mi 8edji kikendamak. Aa a8iag ega sagii8edj, mi maia kiabadj a8iag ka nibodj ejinagozidj.
1 John 3:23 in Algonquin 23 Mi oo8e ka kikinoamago8ak. Panima kida teb8eta8anan Jesos Christ 8in Kije Manido Og8izisan e aiaa8idj, acitc kida sagiidimin kakina pepejig e taciak, adi ka iji kikinoamago8ak.
1 John 4:7 in Algonquin 7 Ni8idji8aganag ka kitci sagiinagok! Sagiididan kakina pepejig e taciak. Kije Manidokag mega odjimagan sagii8e8in. A8iag e sagii8edj, mi aa teb8e Kije Manido odabinodjijiman apitendagozi, acitc teb8e okikeniman Kije Manidon.
1 John 4:21 in Algonquin 21 Mi oo8e Kije Manido ka iji kikinoamago8ak. Aa a8iag sagiadjin Kije Manidon, panima acitc oga sagian o8idjiki8en.