1 Thessalonians 4:4 in Algonquin

4 Kinada8enimigom kakina pepejig e tacieg 8e8enda kidji nagadjito8eg kia8i8a, kidji gi min8endamieg Kije Manido acitc kidji gi odji manadjiigo8eg kodagiag a8iagog adi enadizieg.

Other Translations

King James Version (KJV)

That every one of you should know how to possess his vessel in sanctification and honour;

American Standard Version (ASV)

that each one of you know how to possess himself of his own vessel in sanctification and honor,

Bible in Basic English (BBE)

So that every one of you may keep his body holy and in honour;

Darby English Bible (DBY)

that each of you know how to possess his own vessel in sanctification and honour,

World English Bible (WEB)

that each one of you know how to possess himself of his own vessel in sanctification and honor,

Young's Literal Translation (YLT)

that each of you know his own vessel to possess in sanctification and honour,

Cross Reference

Acts 9:15 in Algonquin

15 Midac ka Tibendjigedj ogi inan Ananiasan: “A8i ijan! Nigi onabama Saul kidji ijitadj mikimo8ini e kitci apitendag8anig. Niga paba mikomig, kidji odji kikenimijindjin ega ka Coda8inni8indjin acitc kitci ogiman acitc Israel a8iagon.

Romans 1:24 in Algonquin

24 Ogi ana8enima8an Kije Manidon. Midac 8edji ki pagidinamindjin madji aido8ini kidji pamendamo8adj ka iji nda8endamo8adj. Agazinagozi8ag dac adi e todadi8adj.

Romans 6:19 in Algonquin

19 Sanagan 8e8enda kidji nisidotameg adi 8a iji kikinoamaonagok. Nimikomag dac a8iagog ka tibenimagani8i8adj kidji anokitage8adj, kidji gi odji 8idjiinagok kidji ani nisidotameg. 8eckadj ako kidiji pagidenimidizona8aban patado8inikag kidji iji tibendagozieg. Ka iji papakezieg dac kia8i8akag kigi inabadjitona8an madji aido8in kidji pabamendameg acitc anodjigotc kidji iji madjakamigizieg. Nogom dac pagidenimidizok Kije Manidokag kidji iji tibendagozieg, 8e8enda kidji gi inabadjito8eg adi eji papakezieg kia8i8akag, kidji gi odji k8aiak8adizieg acitc kidji gi odji paiekideeieg.

Romans 9:21 in Algonquin

21 Ojidjicki8aginige8inni ogagi ojiton 8egonenigotc 8a ojitodj. Pejig eta 8abijicki mizita8inigani e abadjitodj, ogagi ojidjicki8aginan e kitci apitendag8anig onagani acitc dac kodag 8egonenaganigotc.

Romans 12:1 in Algonquin

1 Nidjiki8eg! Teb8e Kije Manido kigi kitci mino todagonan. Midac 8edji pagoseniminagok mizi8e kidji iji pagidenimidizo8eg Kije Manidokag, ca8endjige8ini ka pimadizimaganig ka pagidinigetama8agani8idj Kije Manido kidji ijinagozieg, 8in ke tibendag, acitc ke min8endamiigodj. Mi oo8e enendagozieg kidji todameg, 8e8enda kidji iji aiamita8eg Kije Manido.

1 Corinthians 6:15 in Algonquin

15 Kikikendana8adok Jesos Christ e tibendagin pepejig e tacieg kia8i8an. Min8acin na dac a8i minadj madji ik8e kia8ini, Jesos Christ e tibendag? Ka8in ii min8acisinon!

1 Corinthians 6:18 in Algonquin

18 Ka8in dac pabajine madji aido8in pamendakegon. Kakina kodagian patado8inan ka todamo8adj a8iagog, ka8in o8ia8i8akag odiji nici8anadjiigosina8an. A8iag dac madji aido8ini ka pamendag, 8in tibina8e o8ia8 omadji todan.

1 Corinthians 7:2 in Algonquin

2 Pekic dac kicpin ega niba8idj, ne8ad kada 8ik8adjiagani8i madji aido8ini kidji pabamendag. Megadacta acitc ke odji min8acinig misa8adj pepejig nabe kidji o8idigemaganidj, acitc pepejig ik8e kidji o8idigemaganidj.

1 Corinthians 7:9 in Algonquin

9 Kicpin dac ega kackito8eg 8e8enda kidji nagadjiidizo8eg enakamigizieg, na8adj kada minose kidji niba8ieg apitc8in kidji nici8anadjiigo8eg kimosa8endamo8ini8a ka kitci macka8izimagag.

2 Corinthians 4:7 in Algonquin

7 Kitci apitendag8an ii tibadjimo8in ka paba kikinoamageiag. Nina8it dac, mi maia tabickotc ojidjicki8inaganan ejinagoziag, ega odji pejig ka apitendag8agin acitc ega odji pejig ka sogagin. Paietenag8an dac Kije Manidokag e odjimagag ii ka kitci mamakadendag8ag macka8izi8in, ka8in 8in nina8itinakag.

Philippians 4:8 in Algonquin

8 Nidjiki8eg! Ab8amaci ick8a ojibiamonagok, kiabadj kodag kegon ki8i 8idamonom. Mamidonendamokon ako kegonan ka min8acigin acitc ka icpendjigadegin, mi ini kegonan ka teb8emagagin, ka manadjitcigadegin, ka k8aiak8agin, ka paiekendag8agin, ka min8endjigadegin, acitc ka min8adodjigadegin.

2 Timothy 2:20 in Algonquin

20 Mamidonendan oo8e. Kitci migi8amikag, mane onaganan kada tag8anon, pepakan e ijinag8agin. Nandam oza8iconia8adon acitc conia8abikanon, acitc nandam mitigo8anon acitc ojidjicki8agani8anon nandam. Apitc magocani8ag, abadjitcigade8an e min8acigin onaganan. Kodagian dac onaganan taso kajik abadjitcigade8an.

Hebrews 13:4 in Algonquin

4 Kakina a8iag inendagozi kidji manadjitodj niba8i8ini. Ka8in 8ikad nabe kek8an ik8e oga 8izig8amasi8an kodagian a8ian apitc ki niba8idj. Kije Manido mega oga tibakonan ini8e ka pamendamindjin madji aido8ini, ki niba8indjin kek8an ka8in.

1 Peter 3:7 in Algonquin

7 Kina8a dac nabeg ka niba8ieg! Panima k8aiak kiga toda8a8ag kikokomimi8ag, e kikenimeg8a na8adj e ce8ine8adj apitc8in kina8a. 8abadaikog adi eji manadjieg8a. Kije Manido mega ogi ca8eniman, e minadjin pimadizi8ini, mi maia ka iji minigo8eg. Kicpin dac mino toda8eg8a kikokomimi8ag, kiga ndotago8a Kije Manido apitc aiamieieg.