1 Thessalonians 1:5 in Algonquin

5 Apitc mega ka pi tibadjimo8ag min8adjimo8in kina8akag, ka8in eta nigi motci aianim8esimin. Ke8in Mino Manido ki 8abadai8e omacka8izi8in, acitc nigi 8abadai8emin adi epitci ketcinamendamag e teb8emagag ii min8adjimo8in. Kikikendana8a dac adi ka inadiziag kina8akag kidji gi 8idokago8eg.

Other Translations

King James Version (KJV)

For our gospel came not unto you in word only, but also in power, and in the Holy Ghost, and in much assurance; as ye know what manner of men we were among you for your sake.

American Standard Version (ASV)

how that our gospel came not unto you in word only, but also in power, and in the Holy Spirit, and `in' much assurance; even as ye know what manner of men we showed ourselves toward you for your sake.

Bible in Basic English (BBE)

Because our good news came to you, not in word only, but in power, and in the Holy Spirit, so that you were completely certain of it; even as you saw what our behaviour to you was like from our love to you.

Darby English Bible (DBY)

For our glad tidings were not with you in word only, but also in power, and in [the] Holy Spirit, and in much assurance; even as ye know what we were among you for your sakes:

World English Bible (WEB)

and that our Gospel came to you not in word only, but also in power, and in the Holy Spirit, and with much assurance. You know what kind of men we showed ourselves to be among you for your sake.

Young's Literal Translation (YLT)

because our good news did not come to you in word only, but also in power, and in the Holy Spirit, and in much assurance, even as ye have known of what sort we became among you because of you,

Cross Reference

Mark 16:20 in Algonquin

20 Okikinoamaganan dac ki madja8an kidji paba tibadjimondjin Kije Manidon omin8adjimo8ini mizi8ekamig. Ka Tibendjigedj dac ogi 8idoka8an acitc ki 8abai8e e teb8emaganig okagik8e8ini8a, e minadjin kidji gi mamada8izindjin.

John 16:7 in Algonquin

7 Teb8e ki8idamonom, na8adj kiga mino iji8ebizim kicpin madjaian. Kicpin mega ega madjaian, aa8e ke pi 8idokago8eg ka8in kada pi tag8icisi. Kicpin dac madjaian niga pidjinija8a kina8akag.

Acts 2:33 in Algonquin

33 Kije Manidon okitcinikinikag ki iji asagani8i kidji gi odji icpenimagani8idj, acitc Odadaman ogi minigon Mino Manidon, kagi inapanin kidji minigodjin. Jesos dac kakina nigi minigonan ini Mino Manidon. Midac 8edji oo nogom nodameg acitc 8abadameg.

Acts 10:44 in Algonquin

44 Meg8adj Pien e taji kagik8egobanen, Mino Manidon ogi pidigeckago8an kakina ka taji ndotamo8adj Kije Manidon omin8adjimo8ini.

Acts 11:15 in Algonquin

15 Apitc dac ka madji kagik8eian, Mino Manido ogi pi pidigecka8an, maia pejig8an kina8it nitam kagi ijiseiag.

Acts 11:21 in Algonquin

21 Ka Tibendjigedj dac ogi kitci 8idjian ka teb8etamindjin. Kitci mane dac kiabadj ki ani teb8etamog, midac ka iji nosone8a8adjin ka Tibendjigendjin.

Acts 16:14 in Algonquin

14 Pejig iima ik8e Lidia (Lydie) ijinikazogoban, Taiatina (Thyatire) odenakag odjigoban. Ada8egoban ka kitci sanaganigin pabagi8anijican ka kitci misk8eganigin. Aa8e ik8e ka8in Coda8inni8isiban, misa8adj dac omanadjiagoban Kije Manidon. Midac ogi minigon ka Tibendjigendjin kidji nisidotag adi ka ikidondjin Ponan acitc kidji teb8etag.

Acts 20:18 in Algonquin

18 Apitc ka tag8icinindjin, Pon ogi inan: “Kikikenimijim adi kagi ijitaian, ka ako tag8icinian nitam ooma Eja (Asie) akikag. Kikikenimijim adi ka iji pimadizian apitc ka 8idji tajikeminagok.

Acts 20:33 in Algonquin

33 Meg8adj ka 8idji tajikeminagok, ka8in 8ikad nidodji nda8enimasi kiconiami8a, ka8in kek8an kipitcikonaani8an ka kitci min8acigin.

Romans 1:16 in Algonquin

16 Ka8in odji pejig nicag8enimosi kidji tibadjimo8an ii min8adjimo8in, ka kitci macka8izimagag. Kije Manido mega odabadjiton ii min8adjimo8ini kidji ag8acimadjin kakina ka teb8eta8andjin Jesosan. Nitam Coda8innig ogi odisigona8a, mina8adj dac ega ka Coda8inni8i8adj.

Romans 2:16 in Algonquin

16 Mi ini kegonan ka mikodamanin ke nag8agin apitc odjitcisenig Kije Manido kidji pidjinija8adjin Jesos Christan kidji pi tibakonandjin a8iagon adi eji kimodji inendamindjin. Mi ekidomagag min8adjimo8in ka paba tibadjimo8an.

Romans 15:18 in Algonquin

18 Nidagadjinan kodag kegon kidji mikodaman, niga motci mikodan dac adi ka todag Jesos Christ egi 8idjiijidj kidji kikinoamaomagin ega ka Coda8inni8indjin kidji ani ndota8andjin Kije Manidon. Niga mikodan adi ka iji 8idjiijidj kidji kagik8e8ag acitc kidji inakamigizi8ag,

1 Corinthians 1:24 in Algonquin

24 Anic dac igi8e Kije Manidon ka onabamigo8adjin, Coda8innig acitc ega ka Coda8inni8i8adj, apitc ako nodamo8adj Jesos Christan egi nibondjin tcibaiatigokag, onisidotana8a adi epitci macka8izindjin Kije Manidon acitc adi epitci kagita8endamindjin.

1 Corinthians 2:2 in Algonquin

2 Nigi onendanaban mega ega kidji mikodaman kodag kegon meg8adj e 8idjionagok, mi eta Jesos Christ kidji mikomag, acitc a8acamej kidji tibadjimo8an egi acidak8a8agani8idj tcibaiatigokag.

1 Corinthians 3:6 in Algonquin

6 Kitige8innig nidijinagozimin. Nin dac, nigi kitige anomin, Apollos dac 8in ogi sigaada8an. Kije Manido dac 8in ogi madjigian ini anominan.

1 Corinthians 3:16 in Algonquin

16 Nidjiki8eg! Kikikendana8adok ma8asag kina8a kakina Kije Manido okitci aiamiemigi8am e ijinagozieg, acitc Mino Manido tajike kina8akag.

1 Corinthians 4:9 in Algonquin

9 Nidinendan dac nina8it Jesos Odanodaganan ka inagimigo8ag, kidji tabasenimigo8ag kakina kodagiag a8iagog, mi ka inasigo8ag Kije Manido. Mi maia tabickotc a8iagog kagi tibakonagani8i8adj kidji nisagani8i8adj meg8adj kakinagotc a8iagon acitc ajenin e taji kijigabamigo8adjin ejinagoziag.

1 Corinthians 4:20 in Algonquin

20 Apitc mega a8iag iji tibendagozidj Kije Manidon Odogima8i8inikag, ka8in anica eta anim8esi aa a8iag, tiegodj nag8ani Kije Manidon omacka8izi8ini opimadizi8inikag.

1 Corinthians 9:19 in Algonquin

19 Nitibenimidizonan, ka8in a8iag nitibenimigosi. Pekic dac nigi onendan kidji tabasenimidizo8an, kakina a8iagog kidji anokita8ag8a, midac kidji gi kackiag8a na8adj mane a8iagog kidji ani teb8etamo8adj.

1 Corinthians 10:33 in Algonquin

33 Kagikina8abamicik nin adi ejitcigeian. Adigotc ejitcigeian, nik8ag8e min8endamiag kakina a8iagog. Ka8in mega nin eta kidji mino iji8ebizian nitodasin. Tiegodj, kakina a8iagog kidji mino iji8ebizi8adj nidinakamigizinan, kakina kidji gi ag8acimagani8i8adj.

1 Corinthians 12:7 in Algonquin

7 Mino Manido 8abadai8e kakina pepejig ka tacieg e kigickago8eg, kidji gi 8idjiidieg kakina pepejig e tacieg.

2 Corinthians 3:6 in Algonquin

6 Nigi minigonan kidji kackito8ag kidji anokita8agidj, e paba tibadjimo8ag odocki nakomo8in. Ka8in odji ojibiigadesinon ii ocki nakomo8in, tabickotc 8eckadj Coda8inni Inakonige8inan kagi ojibiigadeno8agobanen. Misa8adj dac a8iag ki kitci nak8idj kidji nosoneagin ini 8eckadj Inakonige8inan, ka8in pimadizi8ini ododji odinasin iima. Anic dac, Mino Manido kikikinoamagonan ii ocki nakomo8ini, ka migi8emaganig pimadizi8ini.

2 Corinthians 4:1 in Algonquin

1 Kije Manido nikitci kije8anigonaban, e anonigo8ag kidji ijita8agidj oo mikimo8ini. Midac 8edji ega 8ikad ana8endjigeiag.

2 Corinthians 6:3 in Algonquin

3 Ka8in ninada8enimasi8ananag a8iagog kidji odji anodj inenimigo8ag adi e todamag e mikimo8ag. Midac 8edji kitci k8ag8edjito8ag ega kidji kibitinagidj a8iag kidji teb8etag.

2 Corinthians 10:4 in Algonquin

4 Ka8in migazo8i abadjita8inan nidabadjitosinananan tabickotc ka abadjito8adjin igi8e ooma 8akidakamig ka iji tibendagozi8adj. Tiegodj, ka macka8izimagagin kegonan Kije Manidokag ka odjimagagin nidabadjitonananan kidji cagodjito8ag madji manido okitci macka8izi8in. Iidi dac, nidiji cagodjitonanan adi eji mamidonendamo8adj igi8e ka 8agackibina8adjin kodagian a8iagon,

Galatians 1:8 in Algonquin

8 Kitci 8e8enda nigi paba kagik8emin min8adjimo8in kina8akag. Kicpin dac a8enenigotc pakan iji kagik8edj, oga kitci sogi pajacteogon Kije Manidon. Misa8adj nina8it kek8an ajeni 8ak8ig ka pi odosedj ii todag, oga kitci sogi pajacteogon.

Galatians 2:2 in Algonquin

2 Kije Manido mega nigi 8abadaigoban e nda8enimijipan kidji ijaian 8edi. Apitc dac ka tag8icinian, nigi ma8adjiidimin nina8it eta, nin acitc igi8e ka teb8etamo8adj ka niganizi8adj. Nigi 8a8idama8ag dac adi ako maia ekido8an apitc paba kagik8eian min8adjimo8in 8ina8akag ega ka Coda8inni8i8adj. Ka8in mega ninada8enimasi8abanig kidji inenimiji8adj: “Anodjigotc iji kagik8e,” acitc kidji odji nagabiniji8adj ii odji. Kicpin mega iidi ki iji8ebanogobanen, kitci anica nigi mikimonadok acitc kiabadj anica nitaji ijitanadok.

Galatians 3:2 in Algonquin

2 Kipagoseniminom kidji nak8e8ajit8aieg oo8e pejig kegon ke k8ag8edjiminagok. Kigi odisigo8a na Mino Manido egi mino ijitcigeieg e nosoneamegon Coda8inni Inakonige8inan? Ka8in 8in ii 8edji ki odisigo8eg! Oo8e maia kigi odji odisigo8a, egi nodameg Kije Manido omin8adjimo8in acitc egi teb8etameg.

Galatians 5:5 in Algonquin

5 Nina8it dac, niketcinamendananan kidji odji k8aiak8abamigo8ag Kije Manido egi teb8eta8agidj Jesos. Mino Manido dac ni8idjiigonan e taji kitci pito8ag kidji iji8ebiziag ii.

Galatians 5:22 in Algonquin

22 Igi8e dac ka pagidina8adjin Mino Manidon kidji 8abadaigo8adjin adi ke iji pimadizi8adj, mi oodi e inakamigizi8adj. Sagii8e8ag, min8endamog, pekadendamog, cacibendamog, kije8adizi8ag, minodee8ag, teb8eiendagozi8ag,

Ephesians 1:17 in Algonquin

17 Nipagosenima Kije Manido Kidadaminan ka kitci icpendagozidj, 8in ka Tibeniminak Jesos Christan ka anokitagogobanen, kidji minigo8eg Mino Manidon, ke 8idjiigo8eg kidji kagita8endameg acitc ke 8abadaigo8eg adi maia ejinagozidj Kije Manido, na8adj eckam kidji gi ani kikenimeg.

Ephesians 2:4 in Algonquin

4 Anic dac kikitci kidimagenimigonan Kije Manido acitc kikitci sagiigonan.

Ephesians 2:10 in Algonquin

10 Kije Manido mega kigi minigonan odabinodjijiman kidji ijinagozi8aiak. Midac Jesos Christikag eji mama8iseiak, Kije Manido ocki pimadizi8ini kigi minigonan, kidji gi paba mino ijitcigeiak. Kijadj dac ogi onendan adi enendagoziak kidji iji mino ijitcigeiak, e nda8enimigo8ak iidi kidji inadiziak.

Ephesians 3:20 in Algonquin

20 Kije Manido kitci a8acamej okackiton kidji inakamigizidj apitc8in ka iji k8ag8ed8eiak, kek8an adi eji kacki midonendamak, e abadjitodj okitci macka8izi8in ka mikimomaganig kina8itinakag.

Philippians 2:13 in Algonquin

13 Kije Manido mega taji mikimo kipimadizi8ini8akag, kidji 8i todameg ka iji nda8endag acitc kidji kackito8eg ii kidji todameg.

Philippians 4:9 in Algonquin

9 Ijitaok ini kegonan ka kikinoamaonagok, ninikag ka odinamegon, egi iji nodaojieg e ikido8an kek8an egi iji 8abamijieg e inakamigizian. Misa dac Kije Manido, 8in ka minigo8ak pekadendamo8ini, kiga 8idjiogo8a.

Colossians 2:2 in Algonquin

2 Ninada8enimag ega kidji ana8endjige8adj odei8akag, acitc kidji mama8ino8adj kakina ka taci8adj, e sagiidi8adj kakina pepejig e taci8adj. Ninada8enimag kidji cabo nisidotamo8adj teb8e8ini, kidji gi odji ca8endagozi8adj e ketcinamendamo8adj e teb8emaganig. Midac iidi kegi odji kikenima8adjin Jesos Christan, ega 8ikad odakanag kagi kikenimagani8indjin, nogom dac ka kikendamonigo8ak Kije Manido.

1 Thessalonians 2:1 in Algonquin

1 Nidjiki8enanag! Kikikendana8adok kina8a tibina8e ega ceck8at egi pi ndaodeomigo8eg.

1 Thessalonians 2:13 in Algonquin

13 Apitc ka pi 8idamago8eg Kije Manido odikido8in, kigi odapinana8a. Ii dac acitc odji, apanigotc mig8etc nidinanan Kije Manido. Kikikendana8aban mi ii 8edjida teb8e Kije Manido odikido8in, ka8in 8in a8iag. Teb8e sa Kije Manidokag odjimagan oo min8adjimo8in, acitc kitci macka8izimagan kipimadizi8ini8akag, kina8a ka teb8etameg.

2 Thessalonians 2:14 in Algonquin

14 Ogi abadjiton Kije Manido ii min8adjimo8ini nina8it kagi pi tibadjimotago8eg, kidji nd8e8emigo8eg kidji ag8acimigo8eg. Kigi nd8e8emigo8a kidji gi odisigo8eg kekina8a ka Tibendjigedj Jesos Christ odicpendagozi8in.

2 Thessalonians 3:7 in Algonquin

7 Kina8a dac, 8e8enda kikikendana8adok ke todameg kidji kagikina8abamijiag. Ka8in mega nidodji kitimisimin meg8adj kina8akag ka teiagiban.

1 Timothy 4:12 in Algonquin

12 Ka8in a8iag kida pagidinasi kidji manenimik, misa8adj e ocki pimadizian. Tiegodj, kida 8abadaag ka teb8etamo8adj adi maia ke inadizi8apan, tabickotc kin tibina8e ka inadizian. Kagita8en, mino inadizin, sagiik a8iagog, Kije Manidokag iji apacenimon acitc k8aiak pimadizin.

2 Timothy 2:8 in Algonquin

8 Mik8enim Jesos Christ, kagi abidjibadj, Davidikag kagi pi odji odaiagizidj. Mi ii min8adjimo8in ka paba tibadjimo8an.

2 Timothy 2:10 in Algonquin

10 mi 8edji mizi8e cacibendaman meg8adj e kodagito8an. Nidick8ata kidji kodagito8an, kidji gi 8idjiagani8i8adj igi8e Kije Manidon kagi onabamigo8adjin, ke8ina8a kidji gi ag8acimigo8adjin Jesos Christan, kagige dac kidji 8idji tajikema8adjin Kije Manidon odicpendagozi8inikag.

Titus 3:5 in Algonquin

5 kigi ag8acimigonan, osa mega kigi kidimagenimigonan, ka8in 8in egi mino ijitcigeiak odji. Kigi manibidamagonan kipatado8ininanan, e paiekaba8anigo8ak, Mino Manidon omacka8izi8ini e abadjitodj kidji koki nta8igiigo8ak acitc kidji minigo8ak ocki pimadizi8ini.

Hebrews 2:3 in Algonquin

3 Na8adj dac kiabadj kina8it nogom, ka8in kigagi ojidasinanan kidji pajacteogo8ak kicpin ana8endamak ii ka kitci apitendag8anig ag8acige8ini Kije Manido ka 8i minigo8ak. 8in ka Tibendjigedj Jesos nitam kagi tibadjimotaonak ii ag8acige8ini. Mina8adj dac, igi8e kagi noda8a8adjin Jesosan kigi kikendamonigonanag ke8ina8a adi epitci apitendag8anig ii ag8acige8ini.

Hebrews 6:11 in Algonquin

11 Kikitci nda8enimigom dac kakina pepejig e tacieg kidji ega ana8endjigeieg, tiegodj inigikigotc ke pimadizieg kiabadj kidji todameg ka taji ijitcigeieg nogom, ketcinadj kidji gi odisigo8eg kakina kegon ka kitci cacibendameg e pito8eg kidji aiameg.

Hebrews 6:18 in Algonquin

18 Apitc ako Kije Manido ikidodj kidji todag kegoni acitc 8in tibina8e mikomidizodj kidji kikendamoni8edj adi epitci teb8edj, ka8in 8ikad kadagi kagina8ickisi, acitc ka8in 8ikad kadagi adjisesini adi kagi ikidodj. Iidi dac odji, kina8it kagi a8i nazika8aiak kidji gi nagadjiigo8ak, kikitci sogideeckagonan ega kidji pagidji8ebinamak ii apenimo8ini ka 8i minigo8ak Kije Manido.

Hebrews 10:22 in Algonquin

22 Ii dac odji, nazika8adan enigokodeeiak Kije Manido, e kitci sogi teb8eta8aiak. Ogi paiekiton mega kideinani kakina adi eji manadanig, acitc ogi kizisibadon kia8inani e kitci paiekagaminig nibini e abadjitodj.

James 1:16 in Algonquin

16 Nidjiki8eg ka kitci sagiinagok! Iag8amig ega kidji 8aiejimigo8eg.

1 Peter 1:3 in Algonquin

3 Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,

1 Peter 1:12 in Algonquin

12 Kije Manido dac ogi 8abadaan ini niganadjimo8innin ega 8ina8a odji 8edji ki anonadjin kidji tibadjimondjin adi ke todag kidji ag8acimadjin a8iagon, tiegodj kina8a odji nogom ka teb8etameg 8edji ki anonadjin kidji tibadjimondjin. Igi8e dac nogom ka paba tibadjimo8adj min8adjimo8ini kigi 8idamago8ag ii8eni. Ki odji anim8e8ag, e 8idjiigo8adjin Mino Manidon, 8ak8ig kagi odji pidjinija8agani8indjin. Ke8ina8a dac ajenig okitci nda8endana8a kidji gi nisidotamo8adj ii8eni.

1 Peter 5:3 in Algonquin

3 Ka8in k8ag8e kitci kackakanakegonig igi8e a8iagog Kije Manido kagi anonigo8eg kidji nagadjieg8a, tiegodj k8aiak8adiziok, kidji 8abadaieg8a ka teb8etamo8adj adi ke inakamigizi8apan.

2 Peter 1:10 in Algonquin

10 Nidjiki8eg! Kije Manido kigi nd8e8emigo8a acitc kigi onabamigo8a. Enigok dac nak8iok kidji paietenagozieg maiagotc teb8e Kije Manidokag e iji tibendagozieg. Kicpin mega iidi todameg, ka8in 8ikad kiga poni teb8etasina8a.

2 Peter 1:19 in Algonquin

19 Midac 8edji maia sogi teb8etam8agidj niganadjimo8innig odikido8ini8an. 8e8enda kekina8a kida ndotana8an odikido8ini8an, mi mega maia 8asakonendjiganan ejinag8anigin ka iji kacki tibikanig. Kiabadj dac ndotamokon pinici kidji mokaag kizis. Ii dac apitc, Jesos kada koki tag8icin, 8in tabickotc kijeba 8anagoc ka ijinagozidj. Kiga minigo8a dac kidji kitci paieteabadamegon kakina kegonan.