1 Peter 4:18 in Algonquin 18 Mazinadeni mega oo8eni Kije Manido Omazinaiganikag: “8a8adj igi8e ka k8aiak8adizi8adj kitci sanagizi8adj kidji ag8acimagani8i8adj. Adi dac ke ijise8adj igi8e ega ka kikenima8adjin Kije Manidon acitc igi8e ka nta patadi8adj?”
Other Translations King James Version (KJV) And if the righteous scarcely be saved, where shall the ungodly and the sinner appear?
American Standard Version (ASV) And if the righteous is scarcely saved, where shall the ungodly and sinner appear?
Bible in Basic English (BBE) And if it is hard for even the good man to get salvation, what chance has the man without religion or the sinner?
Darby English Bible (DBY) And if the righteous is difficultly saved, where shall the impious and [the] sinner appear?
World English Bible (WEB) "If it is hard for the righteous to be saved, what will happen to the ungodly and the sinner?"
Young's Literal Translation (YLT) And if the righteous man is scarcely saved, the ungodly and sinner -- where shall he appear?
Cross Reference Matthew 24:22 in Algonquin 22 Kicpin Kije Manido ega ki inendagiban kidji adji8inag inigik ke iji kodagitonani8anig, ka8in a8iag kadagi pimadjiosiban. Ini8e dac a8iagon odji kagi onabamadjin 8edji ki adji8inag inigik ke iji kodagitonani8anig.”
Mark 13:20 in Algonquin 20 Kicpin ka Tibendjigedj ega ki inendagiban kidji adji8inag inigik ke iji kodagitonani8anig, ka8in a8iag kadagi pimadjiosiban. Ini8e dac a8iagon odji kagi onabamadjin 8inikag kidji iji tibendagozindjin 8edji ki adji8inag inigik ke iji kodagitonani8anig.”
Luke 15:1 in Algonquin 1 Nandam ka ma8adjia8adjin conian kitci ogiman odji acitc kodagiag madji a8iagog ka inenimagani8i8adj ogi nazika8a8an Jesosan kidji ndota8a8adjin.
Luke 23:31 in Algonquin 31 Teb8e mega, kicpin iidi toda8agani8idj ajickatig, adi dac ke toda8agani8idj patesag?” Mi ka ikidodj Jesos.
Acts 14:22 in Algonquin 22 Ogi 8idjia8an ka teb8etamindjin kidji sogigaba8indjin oteb8etamo8ini8akag. Odina8agoban ega 8ikad kidji odji poni apacenimo8age8adj Jesosan. Ki ikido8ag: “Panima mane kodagito8inan kiga pimosadanananan kidji gi pidigeiak Kije Manido Odogima8i8inikag.”
Acts 27:24 in Algonquin 24 8adan dac oo ka ikidodj aa ajeni: ‘Pon! Ka8in segiziken! Mi panima ma8adji ka kitci ogima8idj Sesar kiga tibakonig. Kije Manido ka kitci minodeedj oga todan ega kidji nibo8adj kakina ka 8idji pimacimad8a,’ nigi inig aa ajeni.
Acts 27:31 in Algonquin 31 Pon dac ogi inan cimaganici ogiman acitc kodagian cimaganican: “Kicpin nagadamo8adj igi nabeg kitci tcimani, ka8in kigagi pimadjiosim.”
Acts 27:42 in Algonquin 42 Cimaganicag o8i nisa8abanin takoniganan ega kidji gi madjiadagendjin.
Romans 1:18 in Algonquin 18 Kije Manido 8abadai8e e nickenimadjin ini8e ka kitci patadindjin acitc ega ka manadjiigodjin. E kitci madji inakamigizi8adj mega onagabina8an a8ian kidji ani kikendamindjin teb8e8ini.
Romans 5:6 in Algonquin 6 Meg8adj kiabadj ega e kackito8akoban kidji 8idjiidizo8ak, Jesos Christ ki pi nda nibo kina8it odji kagi patadiak, maia apitc Kije Manido 8eckadj kagi onendamogobanen kidji iji8ebanig.
Romans 5:8 in Algonquin 8 Jesos Christ dac 8in ki pagidenimidizo kidji nibodj kina8it odji, meg8adj kiabadj e nta patadiakoban. Midac iidi Kije Manido e iji 8abadainak adi epitci sagiinak.
1 Corinthians 10:12 in Algonquin 12 Midac ii odji, aa8e “Nikitci sogigaba8inan” kagi ikidopan, panima ki iag8amidj, ega kidji pagicig.
Hebrews 4:1 in Algonquin 1 Kije Manido ki ikido kidji minigo8ak an8ecimo8ini, acitc kagi ikidodj Kije Manido kiabadj teb8emagani ogajiganig. Iag8amig dac, ega iaga pejig a8iag kina8akag kidji p8ana8itodj kidji odisigodj ii an8ecimo8ini.
Hebrews 10:38 in Algonquin 38 A8iagog dac ka k8aiak8adizi8adj, 8ina8a 8edjidagotc kada pimadizi8ag, egi teb8etamo8adj. Kicpin dac 8ebinamo8adj oteb8etamo8ini8a, ka8in niga min8endamiigosig.”
1 Peter 5:8 in Algonquin 8 Nagadjiidizok enakamigizieg acitc iag8amenimidizok. Apanigotc iag8amig madji manido ka madjenimigo8eg. Mi mega maia tabickotc micibiji ka paba nodagozidj ejinagozidj, pijicig e nanada 8abamadjin a8ian kidji cagodjiadjin.
2 Peter 2:5 in Algonquin 5 Mamidonenimadanig acitc igi8e a8iagog 8eckadj ka patadi8apan. Ka8in Kije Manido ododji kidimagenimasi8an. Panima ogi todan kidji nikibinig akini, kidji gi nisaba8anadjin ini8e a8iagon ega kagi ndotagogobanen. Mi eta nianeni8in a8iagon ogi pimadjian, pejig dac ii e tacindjin No8a (Noé) ijinikazonigoban, kagi 8idama8apanin a8iagon panima kidji k8aiak8adizindjin.
2 Peter 3:7 in Algonquin 7 Kije Manido acitc ki inakonige 8ak8i acitc aki nogom ka tag8agin kidji pimadjiomagagin pinici kidji odjitcisenig apitc ke pi tibakonigedj acitc apitc ke pi nici8anadjiadjin ini8e ega ka ndotagodjin. Ii dac apitc, ickodeni oga abadjiton kidji nici8anadjitodjin.
Jude 1:15 in Algonquin 15 Oga pi nda tibakonan kakina a8iagon ooma akikag. Oga pajacte8an kakina ini8e ega ka ndotagodjin, adi kagi iji nta madji inakamigizindjin meg8adj ka k8ag8e nak8itagodjin, acitc adi kagi iji manazomigodjin ini patado8innin kagi ana8enimigodjin,” ki ikido.