1 Peter 1:17 in Algonquin 17 Apitc ako e pagosenimeg Kije Manido, “Nidadaminan” kidijinikana8a. 8in dac, otibakonan pepejig a8ian adi kagi ijitcigendjin, ega e pepakanenimadjin. Kida kitci manadjia8a dac, inigikigotc ke pimadizieg ooma akig.
Other Translations King James Version (KJV) And if ye call on the Father, who without respect of persons judgeth according to every man's work, pass the time of your sojourning here in fear:
American Standard Version (ASV) And if ye call on him as Father, who without respect of persons judgeth according to each man's work, pass the time of your sojourning in fear:
Bible in Basic English (BBE) And if you give the name of Father to him who, judging every man by his acts, has no respect for a man's position, then go in fear while you are on this earth:
Darby English Bible (DBY) And if ye invoke as Father him who, without regard of persons, judges according to the work of each, pass your time of sojourn in fear,
World English Bible (WEB) If you call on him as Father, who without respect of persons judges according to each man's work, pass the time of your living as strangers here in reverent fear:
Young's Literal Translation (YLT) and if on the Father ye do call, who without acceptance of persons is judging according to the work of each, in fear the time of your sojourn pass ye,
Cross Reference Matthew 6:9 in Algonquin 9 Apitc dac aiamieieg, mi oo8e ke ikido8eg: Nidadaminan, 8ak8ig ka tean, 8egona kakina a8iag kitcit8a8endag kidijinikazo8ini.
Matthew 7:7 in Algonquin 7 “K8ag8ed8eok, kiga minigom dac. Nanada 8abadamok, kiga mikana8a dac. Papa8aamok ick8adem, kiga cenamagom dac.
Matthew 22:16 in Algonquin 16 Ogi ijinija8a8an dac nandam okikinoamagani8an acitc nandam kitci ogima Herod odanodaganan kidji nda 8idama8andjin Jesosan: “Kikinoamage8inni! Nikikendananan kin e teb8ean. K8aiak kikikinoamage adi ke todjigadenig 8e8enda kidji gi nosoneigadenig Kije Manido omikana. Ka8in kikosasi8ag adi enendamo8adj a8iagog, ka8in mega kipabiziskendasin adi eji apitenimagani8idj a8iag.
Acts 10:34 in Algonquin 34 Pien dac ki madjita kidji tibadjimodj: “Aja teb8e ninisidotan ega Kije Manido e pepakanenimadjin a8iagon.
Romans 2:10 in Algonquin 10 Kakina dac ka mino ijitcige8adj, Kije Manidon oga minigo8an icpendagozi8ini, oga min8adjimigo8an, acitc oga minigo8an pekadendamo8ini, Coda8innig acitc dac ega ka Coda8inni8i8adj.
Romans 11:20 in Algonquin 20 Teb8e ii. Anic dac Kije Manido ogi ta8asan Coda8innin, ka8in mega ogi odji teb8etagosin. Kina8a dac kigi min8abamigo8a, kigi teb8eta8a8a mega. Ka8in dac odji kitci inenimidizokegon, tiegodj manadjiik Kije Manido ii odji.
2 Corinthians 1:2 in Algonquin 2 Nipagosenimag Kije Manido Kidadaminan acitc Jesos Christ ka Tibeniminak kidji ca8enimigo8eg acitc kidji minigo8eg pekadendamo8ini.
2 Corinthians 5:6 in Algonquin 6 Apanigotc dac nisogideemin. Meg8adj e tajikadamag oo 8ia8, nikikendananan e na8abamagidj ka Tibendjigedj taji e tajikeiag.
2 Corinthians 7:1 in Algonquin 1 Ni8idji8agananag ka kitci sagiigo8eg! Mi ii Kije Manido kagi ikidodj ketcinadj kidji todaonak. Kitci 8e8enda dac kida nagadjitonanan adi e ani ijisegin kia8inan acitc kidjitcagocinan, acitc kida na8abadananan kegonan ega ka min8endagin Kije Manido, ke 8iniigo8akonin. Manadjiadan dac Kije Manido acitc enigok k8ag8e paiekideedan, adi eji nda8endag.
2 Corinthians 7:11 in Algonquin 11 Kina8a dac, ki8abadana8a aja adi kagi apitci mino todago8eg Kije Manido, egi kackendameg acitc egi odji ijigaba8ita8eg Kije Manido. Aja nogom 8e8enda kinisidotana8a acitc ki8i 8abadai8em 8e8enda e 8i todameg. Kikiji8azim acitc kikotadjim ka inakamigiziegoban odji. Ki8i koki 8abamijim. Kikitci 8i ijitam adi eji nda8endag Kije Manido, acitc kikitci 8i pajacte8a8a aa8e maia kagi panaagedj. Kigi 8abadai8em sa dac 8e8enda egi mikidameg ii.
Galatians 2:6 in Algonquin 6 Nandam ka niganizi8adj iima ka te8apan ka iji ma8adjiidinani8anig kitci apitendagozibanig. Nin dac pekic ka8in teb8e nikitci apitendasin adi enendagozi8adj, Kije Manido mega ka8in opepakanenimasi8an a8iagon. Igi8e dac ka kitci apitendagozi8adj, ka8in kodag kegoni nidodji k8ag8edjimigosig kidji iji kikinoamageian apitc ka paba kagik8eian min8adjimo8in 8ina8akag ega ka Coda8inni8i8adj.
Ephesians 1:17 in Algonquin 17 Nipagosenima Kije Manido Kidadaminan ka kitci icpendagozidj, 8in ka Tibeniminak Jesos Christan ka anokitagogobanen, kidji minigo8eg Mino Manidon, ke 8idjiigo8eg kidji kagita8endameg acitc ke 8abadaigo8eg adi maia ejinagozidj Kije Manido, na8adj eckam kidji gi ani kikenimeg.
Ephesians 3:14 in Algonquin 14 Midac 8edji nibak8ita8ag Kije Manido Kidadaminan e aiamieian.
Ephesians 6:9 in Algonquin 9 Kina8a dac ka kacka8ieg! Kekina8a 8e8enda mino todaokog kidanokitage8innimi8ag ka tibenimeg8a. Ka8in k8ag8e segiakegonig. Ka8in 8anikekegon kina8a acitc kidanokitage8innimi8ag Kije Manidokag kidiji tibendagozim, 8in ka kitci kacka8idj 8ak8ig ka tedj. 8in dac Kije Manido ka8in a8iagon opepakanenimasi8an.
Philippians 2:12 in Algonquin 12 Ni8idji8aganag ka kitci sagiinagok! E kikendameg adi Jesos ka iji ndota8adjin Kije Manidon, kekina8a panima kida ndota8a8a Kije Manido. Apitc meg8adj kina8akag eji paba tajikeiaban, kinadota8a8aban. Na8adj dac kiabadj nogom kida ndota8a8a, misa8adj nin e na8inagozian. Kigi ag8acimigo8a Kije Manido, midac panima nogom kida kitci nak8im 8e8enda kidji inadizieg adi ka iji nda8endag, e kitci kitcit8a8enimeg.
Colossians 3:25 in Algonquin 25 Aa8e dac ka madjakamigizidj kada pajacte8agani8i adi kagi iji panaagedj. Ka8in dac Kije Manido opepakanenimasin a8iagon apitc tibakonadjin.
Hebrews 4:1 in Algonquin 1 Kije Manido ki ikido kidji minigo8ak an8ecimo8ini, acitc kagi ikidodj Kije Manido kiabadj teb8emagani ogajiganig. Iag8amig dac, ega iaga pejig a8iag kina8akag kidji p8ana8itodj kidji odisigodj ii an8ecimo8ini.
Hebrews 11:13 in Algonquin 13 Kakina igi a8iagog ka mikomagid8a ogi teb8eta8a8an Kije Manidon meg8adj ka pimadizi8adj, pinici kidji nibo8adj. Ka8in dac ododji odisigosina8an ini kegonan kagi ikidonigobanen Kije Manidon kidji migi8endjin. 8asag eta ododji 8abadana8agobanin ini kegonan, acitc kitci min8endamobanig ii odji. Meg8adj dac e pimadizi8apan, ki ikido8ag: “Mi maia tabickotc ka pi8ide8iak ooma 8akidakamig ejinagoziak, kitci 8enibik eta e tajikeiak ooma,” ki ikido8ag.
Hebrews 12:28 in Algonquin 28 Mig8etc dac inadan Kije Manido, kiminigonan mega kidji 8idji tajikemaiak Odogima8i8inikag, ega 8ikad kegi mamadjibidjigadenig. Icpenimadan dac Kije Manido ii odji, adi ka iji min8endag, e manadjiaiak acitc e kitcit8a8enimaiak.
1 Peter 2:11 in Algonquin 11 Ni8idji8aganag ka kitci sagiinagok! Pi8ideg kidijinagozim, 8enibik eta e tajikeieg ooma akig. Kikitci pagoseniminom dac kidji 8ebinamegon ini madji mosa8endamo8inan ka 8i cagodjiigo8egon, ka nagabinigo8egon kidji min8endamieg Kije Manido.
1 Peter 3:15 in Algonquin 15 Tiegodj, icpenimik Jesos Christ kidei8akag, ka Tibenimigo8eg e inenimeg. Kabe eco8iok kidji gi nak8e8ajieg igi8e ka k8ag8edjimigo8eg adi Jesosikag 8edji iji apacenimo8eg. Enigokodeeieg 8e8enda 8idamaokog ka iji teb8etameg.