1 Corinthians 4:6 in Algonquin 6 Nidjiki8eg! Nigi mikomidizonan acitc Apollos nigi mikoma, kidji 8idjiigo8eg kidji nisidotameg. Kinada8eniminom kidji inakamigizieg adi kagi iji ojibiigadeg kidji todamak. Ka8in dac kitci inadjimakegonig nandam a8iagog ka niganizi8adj, kodagiag dac igi8e kidji maskenimeg8a.
Other Translations King James Version (KJV) And these things, brethren, I have in a figure transferred to myself and to Apollos for your sakes; that ye might learn in us not to think of men above that which is written, that no one of you be puffed up for one against another.
American Standard Version (ASV) Now these things, brethren, I have in a figure transferred to myself and Apollos for your sakes; that in us ye might learn not `to go' beyond the things which are written; that no one of you be puffed up for the one against the other.
Bible in Basic English (BBE) My brothers, it is because of you that I have taken Apollos and myself as examples of these things, so that in us you might see that it is not wise to go farther than what is in the holy Writings, so that no one of you may be lifted up against his brother.
Darby English Bible (DBY) Now these things, brethren, I have transferred, in their application, to myself and Apollos, for your sakes, that ye may learn in us the [lesson of] not [letting your thoughts go] above what is written, that ye may not be puffed up one for [such a] one against another.
World English Bible (WEB) Now these things, brothers, I have in a figure transferred to myself and Apollos for your sakes, that in us you might learn not to think beyond the things which are written, that none of you be puffed up against one another.
Young's Literal Translation (YLT) And these things, brethren, I did transfer to myself and to Apollos because of you, that in us ye may learn not to think above that which hath been written, that ye may not be puffed up one for one against the other,
Cross Reference Matthew 23:8 in Algonquin 8 “Kina8a dac 8in, ka8in pagidinakegon a8iag ‘Kikinoamage8inni’ kidji ijinikanigo8eg. Motci pejigo mega eta kikikinoamage8innimi8a, acitc kakina tabickotc kidapitendagozim, mi maia pejig8an eji 8idjiki8edieg ejinagozieg.
John 3:26 in Algonquin 26 Ogi nda 8abama8an dac Cabadisan acitc ogi ina8an: “Kikinoamage8inni! Kimika8inan na aa ka paba 8idji8adiban agamig Jourdain sibikag, aa ka mikomadiban? Mi aja sigaadage acitc kakina 8inikag ijani8ani!”
Romans 12:3 in Algonquin 3 Kije Manido nigi ca8enimig kidji anokita8ag. Kakina dac ka tacieg kidininom oo8e. Ka8in a8acamej inenimidizokegon ii ka iji apitendagozieg. Tiegodj 8e8enda inenimidizok. Pepejig e tacieg kada onenimidizo adi maia eji kackitodj, e kikendag adi inigik teb8etamo8ini ka minigodjin Kije Manidon.
1 Corinthians 1:12 in Algonquin 12 Nigi nodage mane8aiag e iji nenicikeseieg. Nandam e tacieg ikido8ag: “Pon ninosone8anan.” Nandam ikido8ag: “Apollos ninosone8anan.” Nandam ikido8ag: “Pien ninosone8anan.” Nandam kiabadj ikido8ag: “Christ ninosone8anan.”
1 Corinthians 1:19 in Algonquin 19 8adan oo8e ka mazinadenig Kije Manido Omazinaiganikag: “Niga 8abadaag ega odji pejig e min8acinig ka kagita8endamo8adj okagita8endamo8ini8a, acitc maia niga 8isk8emag ‘nikitci omidonendjiganimin’ ka inendamo8adj.”
1 Corinthians 1:31 in Algonquin 31 Teb8emagan dac oo8e ka mezinadenig Kije Manido Omazinaiganikag: “A8enenigotc ka 8i min8adjimidizodj, tiegodj oda min8adodan adi ka todamindjin ka Tibendjigendjin.”
1 Corinthians 3:4 in Algonquin 4 Apitc mega pejig a8iag e tacieg ikidodj: “Ninosone8a Pon,” kodag dac ikidodj: “Ninosone8a Apollos,” mi maia a8iagog ega ka teb8etamo8adj enakamigizieg.
1 Corinthians 3:19 in Algonquin 19 Igi8e mega a8iagog ooma akikag “maia ka kagita8endamo8adj” ka inenimagani8i8adj, Kije Manido 8in okagibadeniman. Mazinadeni mega Kije Manido Omazinaiganikag: “Kije Manido mega okatcidinan ka kagita8endamindjin a8iagon 8ina8a tibina8e eji 8aiejimi8endjin.”
1 Corinthians 3:21 in Algonquin 21 Misa dac ka8in a8iag oda kitci min8adjimasin kodagian a8ian, kidji ikidodj ma8adji e kitci apitendagozindjin acitc dac mi ini8e ke nosone8agani8indjin kidji ikidodj. Aja mega kakina kegon kigi minigom.
1 Corinthians 4:18 in Algonquin 18 Nandam dac ka tacieg kitci inadjimidizo8ag, enendamo8adj ega 8ikad kidji koki nda 8abaminagok.
1 Corinthians 5:2 in Algonquin 2 Kida ma8idana8an kipatado8ini8an! Tiegodj dac kikitci inadjimidizom. Aa nabe ka iji madjakamigizidj, 8ack8enijaok ka iji ma8asag8ino8eg!
1 Corinthians 5:6 in Algonquin 6 8egonen 8edji kitci inadjimidizo8eg? Ka8in min8acisinon ii! Kikikendana8adok panima pagi eta obisidjigan atcigade apitc obiziganikani8ag kidji gi obicig mizi8e kidobiziganim. Mi ejiseg patado8in, ani obetamagan pinici kakina ka tacieg kidji nici8anadjiigo8eg.
1 Corinthians 8:1 in Algonquin 1 Aja dac niga mikodan midjim kagi pagidinigetama8agani8i8agobanen manidokanag. Kidikidom: “Mane kegonan kikikendananan kakina ka taciak.” Teb8e ii. Pekic dac kicpin a8iag mane kegoni kikendag, kadagi odji kitci inadjimidizo. Anic dac kicpin a8iag sagiadjin kodagian ka teb8etamindjin, ogagi odji 8idjian kidji madjigindjin oteb8etamo8ini8akag.
1 Corinthians 9:23 in Algonquin 23 Kakinagotc adi ejitaian, min8adjimo8in kidji gi nodagani8ag 8edji ijitaian. Iidi dac eji todaman, mi kenin nica8enimig Kije Manido.
1 Corinthians 13:4 in Algonquin 4 Aa8e ka sagii8edj cacibendam acitc kije8adizi. Ka8in odendasi, ka8in kitci inadjimidizosi, ka8in kitci inendizosi.
2 Corinthians 4:15 in Algonquin 15 Mi kakina 8edji ki iji8ebag ii, kidji gi odji minoseieg. Midac iidi, na8adj mane a8iagog oga odisigona8a Kije Manidon okitci ca8endjige8ini. Na8adj dac a8acamej kiga manem, mig8etc kidji gi ineg Kije Manido acitc kidji icpenimeg kakina mama8 ka tacieg.
2 Corinthians 10:7 in Algonquin 7 Mi maia tabickotc ega ka 8abadamegon kegonan ka kitci paietenag8agin e todameg. Kicpin pejig a8iag ketcinamendag Jesos Christikag eji tibendagozidj, kada mamidonendamoban kenina8it Jesosikag eji tibendagoziag tabickotc 8in.
2 Corinthians 10:12 in Algonquin 12 Nandam a8iagog kitci min8adjimidizo8ag. Ka8in odji pejig ni8i ikidosimin tabickotc 8ina8a e ijinagoziag, acitc ka8in kek8an ni8i kana8abamasinanag igi8e, kidji gi odji kikendamag kicpin epitci mino ijitcige8agid8en. Pijicig 8ina8a tibina8e kana8abamidi8ag kidji tibaage8adj epitci mino todamo8ag8en, acitc epitci k8aiak ijitcige8ag8en. Ki8ack8e8ag!
2 Corinthians 10:15 in Algonquin 15 Ka8in dac niga odji inadjimidizosimin e mikodamag mikimo8ini kodag a8iagog kagi ijita8adj, tabickotc nina8it maia kagi ijitaiagiban ii. Omikimo8ini8a mega ii. Eji kitci nda8endamag dac, eckam eckam kidji ani sogi teb8etameg, acitc kidji kackito8ag na8adj mane a8iagog kina8akag kidji ani kikendamo8adj min8adjimo8ini, inigikigotc ka Tibendjigedj ke minigo8ag kidji ijitaiag.
2 Corinthians 11:4 in Algonquin 4 Ozam kitci 8ezinag8an kidji teb8eta8eg a8enenigotc pi nda kikinoamago8eg. 8a8adj kiteb8eta8a8a a8iag ka kagik8edj pakan e inadjimadjin Jesosan apitc8in nina8it kagi inadjimagidj. Kidick8atam kidji odisigo8eg kodag manido apitc8in Mino Manido aja kagi odisigo8egoban. Kikitci ndotana8a kodag tibadjimo8in apitc8in min8adjimo8in kagi 8idamago8eg.
2 Corinthians 11:12 in Algonquin 12 Kiabadj niga odapina kodagiag a8iagog oconiami8an tabickotc nogom ka todaman, ega kidji sanagiinagok. Midac ne8ad iidi ke iji kackiag8a ega kidji kido8adj igi8e kikinoamage8innig ka 8agackibinigo8eg, ka kitci inadjimidizo8adj e ijita8adj tabickotc nina8it.
2 Corinthians 12:6 in Algonquin 6 Kicpin 8i mikomidizo8aban, ka8in ka ki8ack8edj a8iag nida initagozisi, mizi8e mega nida teb8e. Nogom dac, ka8in niga mikomidizosi, ega na8adj kidji odji kitci apitenimijidj a8iag apitc8in teb8e eji kackito8anen. Tiegodj, a8iagog oda onendana8a adi enadizian e 8abadamo8adj adi ejita8ag kek8an e nodamo8adj adi ekido8ag.
2 Corinthians 12:19 in Algonquin 19 Ne8ad ako kidinendana8adok pijicig e kitci k8ag8edjito8ag kidji 8abadaigo8eg k8aiak e inakamigiziag. Nidikidomin adi eji nda8enimigo8ag Jesos Christ kidji ikido8ag, e kikendamag Kije Manido e kijigabamigo8ag. Ni8idji8agananag ka kitci sagiigo8eg! Adigotc inakamigiziag, nitodananan kidji odji 8idokago8eg kidji sogigaba8ieg kiteb8etamo8ini8akag.
Colossians 2:18 in Algonquin 18 Nandam a8iagog okitci min8endana8a kidji 8abadaa8adjin kakina a8iagon adi epitci tabasendizo8adj, acitc okitci min8endana8a kidji kitci manadjia8adjin ajenin. Mojag opaba mikodana8a adi kagi inabadamo8adj. Ka8in dac pagidinakegonig kidji 8agackibinigo8eg igi, kidji gi odji ega odisigo8eg adi kagi iji kackitamadizo8eg. Kitci inendizo8ag, anica dac igotc ii, osa mega ooma eta akikag ododji midonendana8a.
1 Thessalonians 1:5 in Algonquin 5 Apitc mega ka pi tibadjimo8ag min8adjimo8in kina8akag, ka8in eta nigi motci aianim8esimin. Ke8in Mino Manido ki 8abadai8e omacka8izi8in, acitc nigi 8abadai8emin adi epitci ketcinamendamag e teb8emagag ii min8adjimo8in. Kikikendana8a dac adi ka inadiziag kina8akag kidji gi 8idokago8eg.
2 Timothy 2:10 in Algonquin 10 mi 8edji mizi8e cacibendaman meg8adj e kodagito8an. Nidick8ata kidji kodagito8an, kidji gi 8idjiagani8i8adj igi8e Kije Manidon kagi onabamigo8adjin, ke8ina8a kidji gi ag8acimigo8adjin Jesos Christan, kagige dac kidji 8idji tajikema8adjin Kije Manidon odicpendagozi8inikag.