1 Corinthians 3:18 in Algonquin 18 Ka8in 8aiejimidizokegon. Ne8ad pejig e tacieg “nikagita8endan” inenimidizodok, e aiag ii kagita8endamo8ini ka aiamindjin nogom a8iagon ooma akikag. Oda iji 8ebinan dac ii kagita8endamo8ini, taji eji ega kikenimagani8indjin Kije Manidon, misa8adj kagibadenimigodjin ini8e ega ka teb8etamindjin. Midac ii apitc maia ke kagita8endag.
Other Translations King James Version (KJV) Let no man deceive himself. If any man among you seemeth to be wise in this world, let him become a fool, that he may be wise.
American Standard Version (ASV) Let no man deceive himself. If any man thinketh that he is wise among you in this world, let him become a fool, that he may become wise.
Bible in Basic English (BBE) Let no man have a false idea. If any man seems to himself to be wise among you, let him become foolish, so that he may be wise.
Darby English Bible (DBY) Let no one deceive himself: if any one thinks himself to be wise among you in this world, let him become foolish, that he may be wise.
World English Bible (WEB) Let no one deceive himself. If anyone thinks that he is wise among you in this world, let him become a fool, that he may become wise.
Young's Literal Translation (YLT) Let no one deceive himself; if any one doth seem to be wise among you in this age -- let him become a fool, that he may become wise,
Cross Reference Matthew 18:4 in Algonquin 4 Aa8e dac ke tabasenimidizog8en, tabickotc 8aa8e abinodjij ka iji tabasenimidizodj, mi aa8e ma8adji ke kitci apitendagozidj Kije Manido Odogima8i8inikag.
Mark 10:15 in Algonquin 15 Teb8e ki8idamonom, a8iag ega nda8endag Kije Manidon Odogima8i8ini, tabickotc abinodjij ke iji nda8endagiban, ka8in 8ikad oga kackitosin kidji pidigedj Kije Manidon Odogima8i8inikag.”
Luke 18:17 in Algonquin 17 Teb8e ki8idamonom, a8iag ega nda8endag Kije Manidon Odogima8i8ini, tabickotc abinodjij ke iji nda8endagiban, ka8in 8ikad oga kackitosin kidji pidigedj Kije Manidon Odogima8i8inikag.”
Luke 21:8 in Algonquin 8 Jesos dac ogi nak8e8ajian: “Iag8amendamok ega kidji 8aiejimigo8eg. Mane mega a8iagog kada pija8ag ni8izoni e abadjito8adj, acitc kada ikido8ag: ‘Nin aa8e Kije Manidon kagi ikidonipanin kidji pidjinijaogodjin,’ kek8an: ‘Aja kegat kada iji8eban.’ Ka8in dac nosone8akegonig.
Romans 11:25 in Algonquin 25 Nidjiki8eg! Ninada8endan kidji nisidotameg oo8e, ega kidji kitci inenimidizo8eg, aja ka iji kikendamoni8edj Kije Manido. Nogom mane Israel a8iagog cibictig8ane8ag, ega e 8i teb8eta8a8adjin Kije Manidon, anic dac kegapitc oga ani teb8eta8a8an. Panima dac pinama kakina ega ka Coda8inni8i8adj kagi onabamagani8i8adj ki pi nazika8a8adjin Kije Manidon.
Romans 12:16 in Algonquin 16 Mama8i mino 8idji8idiok kakina e tacieg. Ka8in kitci inenimidizokegon, tiegodj pagidenimidizok kidji ijitcigeieg ini ka tabasendag8agin mikimo8inan. Ka8in “nikitci kagita8endan” inendakegon.
1 Corinthians 1:18 in Algonquin 18 Apitc ako tibadjimonani8anig Jesos egi nibogobanen tcibaiatigokag, “Ka8in abadasinon” inendamog igi8e ka taji 8anicino8adj. Kina8it dac Kije Manido ka taji ag8aciminak, ki8abadananan iima kikinoamage8inikag Kije Manido omacka8izi8in.
1 Corinthians 4:10 in Algonquin 10 Niki8ack8eienimigomin osa mega nikagik8emin Jesos Christ e mikomagidj, kina8a dac 8in “nikagita8endananan” kidinenimidizom, osa Jesos Christikag kidiji tibendagozim. “Cagozi8ag” nidinenimigomin, kina8a dac 8in “nimacka8izimin” kidinenimidizom. Nimaskenimigomin, kina8a dac 8in kikitci manadjiigom.
1 Corinthians 6:9 in Algonquin 9 Kikikendana8adok igi8e ka madji todamo8adj ega 8ikad kidji pidige8adj Kije Manidon Odogima8i8inikag. Ka8in 8aiejimidikegon pakan kidji inendameg! A8iagog madji aido8ini ka pabamendamo8adj, acitc igi8e manidokanan ka icpenima8adjin, acitc igi8e ka 8idji8a8adjin kodag a8ian o8idigemagani, acitc igi8e nabeg ka nodjinabe8e8adj,
1 Corinthians 8:1 in Algonquin 1 Aja dac niga mikodan midjim kagi pagidinigetama8agani8i8agobanen manidokanag. Kidikidom: “Mane kegonan kikikendananan kakina ka taciak.” Teb8e ii. Pekic dac kicpin a8iag mane kegoni kikendag, kadagi odji kitci inadjimidizo. Anic dac kicpin a8iag sagiadjin kodagian ka teb8etamindjin, ogagi odji 8idjian kidji madjigindjin oteb8etamo8ini8akag.
1 Corinthians 15:33 in Algonquin 33 Ka8in iji 8agackisekegon! Teb8emagan mega oo8e ka ikidonani8ag: “Kicpin 8idji8eg8a ka madji inakamigizi8adj, kegapitc kekina8a kiga madji inakamigizim.”
Galatians 6:3 in Algonquin 3 Kicpin a8iag kitci apitenimidizodj, ega dac odji pejig sabendagozidj, kitci anodj inendam.
Galatians 6:7 in Algonquin 7 Ka8in anodj inendakegon. Ka8in 8ikad a8iag ogagi 8aiejimasin Kije Manidon. Kitige8inni mi pejig8an ke ijinag8anig ke ma8adjitodj okitigan kagi ijinag8atopan kagi kitigedj. Mi maia pejig8an, pepejig a8iag oga odisigon kagi iji kackitamadizodj adi ka iji pimadizipan.
Ephesians 5:6 in Algonquin 6 Kije Manido mega oga pajacte8an a8iagon ega ka ndotagodjin, ka inakamigizindjin iidi. Ka8in dac pagidinakegon a8iag kidji 8agackibinigo8eg, e kagina8ickimigo8eg e ikidodj: “Ka8in manadasinon iidi kidji inakamigizinani8ag.”
2 Timothy 3:13 in Algonquin 13 8ina8a dac ka madji inadizi8adj acitc ka 8aiejimi8e8adj, eckam eckam kada madji inadizi8ag, kodagian a8iagon e 8aiejima8adjin acitc 8ina8a tibina8e e 8aiejimagani8i8adj.
Titus 3:3 in Algonquin 3 Kekina8it mega, kikikimadendagozinanaban ako, ka8in ki8i ndota8asi8anaban Kije Manido, acitc ki8agackibinigonanaban. Ki8i motci madjakamigizinanaban adigotc eji mosa8endamakoban acitc adigotc eji min8endamakoban. Kipanaagenanaban acitc kidodendananaban. Kimadjenimananabanig kodagiag, acitc ke8ina8a kikitci madjenimigonanabanig.
James 1:22 in Algonquin 22 Ka8in eta ndotakegon ka ikidodj Kije Manido. Panima acitc ki todameg ka iji nda8endag. Kicpin eta ndotamegon Kije Manido odikido8inan, ega dac todameg adi eji nda8endag, ki8agackibinidizom.
James 1:26 in Algonquin 26 Kicpin dac a8iag “nikitci aiamie” inendag, pekic dac ega nagadjiidizodj adi ekidodj, 8agackibinidizo. Misa dac ka8in odji pejig abadasini adi eji aiamiedj.
1 John 1:8 in Algonquin 8 Apitc a8iag ikidodj: “Ka8in nipatado8inni8isi,” 8aiejimidizo acitc 8abadai8e ega e kikendag Kije Manidon oteb8e8ini.