1 Corinthians 16:13 in Algonquin

13 Eco8iok! Macka8iziok kiteb8etamo8ini8akag! Ka8in ana8endjigekegon! Sogigaba8iok!

Other Translations

King James Version (KJV)

Watch ye, stand fast in the faith, quit you like men, be strong.

American Standard Version (ASV)

Watch ye, stand fast in the faith, quit you like men, be strong.

Bible in Basic English (BBE)

Be on the watch, unmoved in the faith, and be strong like men.

Darby English Bible (DBY)

Be vigilant; stand fast in the faith; quit yourselves like men; be strong.

World English Bible (WEB)

Watch! Stand firm in the faith! Be courageous! Be strong!

Young's Literal Translation (YLT)

Watch ye, stand in the faith; be men, be strong;

Cross Reference

Matthew 24:42 in Algonquin

42 “Eco8iok dac! Ka8in mega kikikendasina8a apitc ke tag8icig ka Tibenimigo8eg.

Matthew 25:13 in Algonquin

13 Midac Jesos ikidogoban: “Panima dac apanigotc kiga eco8im! Ka8in mega kikikendasina8a apitc maia ke tag8icig Aa8e Ka pi Anicinabe8iidizodj.”

Matthew 26:41 in Algonquin

41 K8ag8e cibig8aciok, acitc aiamieok kidji macka8izieg, ega kidji gi pakebinigo8eg madji manido. Teb8e ki8i k8ag8e k8aiak8adizim, pekic dac kia8i8a kitci cagozimagan.”

Mark 13:33 in Algonquin

33 Iag8amig dac! Eco8iok! Ka8in mega kikikendasina8a anapitc ke ponaki8ag.

Mark 14:37 in Algonquin

37 Ogi koki nda 8abaman dac ini ka nisindjin okikinoamaganan, acitc ogi mika8an e pajigog8acinindjin. Ogi inan dac Pienan: “Simo! Kiniba na? Kana 8a8adj pejigotibaigan kikackitosin kidji cibig8acian?

Luke 12:35 in Algonquin

35 “Mojag eco8iok kidji anokita8eg Kije Manido. 8e8enda dac kitcipizok acitc 8asakonendamadizok.

Luke 21:36 in Algonquin

36 Eco8iok dac. Apanigotc aiamieok, kidji gi aiameg macka8izi8in kidji gi cabockameg ii ke iji8ebizieg e sogigaba8ieg, ega dac kidji segizieg apitc tibakonigo8eg Ka pi Anicinabe8iidizodj.” Mi ka ikidodj Jesos.

1 Corinthians 9:25 in Algonquin

25 Kakina pepejig a8iag ke8in 8i k8ag8edjibatodj, kitci sogi mikimidizo acitc kitci nak8i kidji ick8atadj, kidji k8ag8e pakinagedj. Ka8in kin8ej abadasini ii okackitason. Kina8it dac 8in, kikitci sogi nagadjiidizomin adi eji pimadiziak, Kije Manido kidji gi minigo8ak ka kackitamadizo8ak, kagige ke tag8anig.

1 Corinthians 14:20 in Algonquin

20 Nidjiki8eg! Ka8in tabickotc abinodjijag ega ka nisidotamo8adj apitc a8ian k8ag8e 8idamagodjin kegoni iji mamidonendakegon. Pekic dac abinodjij ka8in nanada8i madji inakamigizisi, acitc dac mi kekina8a ke todamegoban. Ka iji mamidonendameg dac, tabickotc kitci anicinabeg kida inadizim.

1 Corinthians 15:1 in Algonquin

1 Nidjiki8eg! Ki8i koki 8idamonom min8adjimo8in kagi 8idamonagogiban, kagi odapinameg acitc ka sogi teb8etameg.

1 Corinthians 15:58 in Algonquin

58 Nidjiki8eg ka kitci sagiinagok! Sogigaba8iok! Ka8in 8ikad pagidenimidizokegon pakan kidji iji teb8etameg! Kabena anokitaok Jesos ka Tibeniminak enigokodeeieg, kikikendana8a mega ega ceck8at e anokita8eg.

2 Corinthians 1:24 in Algonquin

24 Ka8in nidiji nda8endasinanan kidji 8idamago8eg adi ke iji teb8etameg, aja mega kikitci sogigaba8im kiteb8etamo8ini8akag. Pekic dac, ninada8endananan kidji 8idji mikimomigo8eg, na8adj kidji gi odji mina8azieg.

2 Corinthians 12:9 in Algonquin

9 Tasin dac ka Tibendjigedj nigi nak8e8ajiig: “Nica8endjige8in mininan, mi kidji tibiseaban. Apitc mega ako cagozian kin, mi apitc ketci paietenag8ag nimacka8izi8in,” mi ka ijidj. Aja dac nogom nikitci min8endan e mikodaman adi epitci cagozian, mi mega iima 8edinaman kidji aiam8ag Jesos Christ omacka8izi8in.

Galatians 5:1 in Algonquin

1 Jesos Christ kigi pagidabaogonan, ega mina8adj kegon kidji tibenimigo8ak. Sogigaba8iok dac adi kagi iji pagidabaogo8eg. Nagadjiidizok kabena, ega kidji pagidenimidizo8eg kidji koki tibenimigo8eg.

Ephesians 3:16 in Algonquin

16 Nidiji pagosenima dac Kije Manido ka kitci icpendagozidj, kidji minigo8eg macka8izi8ini kidjitcagoci8akag, e pidjinijaamago8eg Mino Manidon.

Ephesians 6:10 in Algonquin

10 Mi oo8e ick8eag ke ikido8an. Sogigaba8iok kiteb8etamo8ini8akag, e iji mama8iseieg 8inikag ka Tibendjigedj, acitc egi minigo8eg okitci macka8izi8in.

Ephesians 6:13 in Algonquin

13 Midac abadjitaokon kakina ini kegonan Kije Manido kagi minigo8eg, ega kidji cagodjiigo8eg ka madjenimigo8eg apitc ako pi miganigo8eg. Apitc dac ick8a miganigo8eg, kiabadj kiga taji sogigaba8im.

Philippians 1:27 in Algonquin

27 Mi oo8e ma8adji e kitci apitendag8ag kegon, kidji inadizieg adi ka inendagozi8adj kidji inadizi8adj kakina ka teb8etamo8adj Jesos Christan omin8adjimo8ini. Kicpin dac koki pi nda 8abaminagok kek8an eta nodageian adi e tieg, niga kikendan e sogigaba8ieg kiteb8etamo8ini8akag, e mama8ino8eg kakina ka tacieg, ma8asag e kitci nak8ieg min8adjimo8in kidji teb8etcigadeg.

Philippians 4:1 in Algonquin

1 Nidjiki8eg ka kitci sagiinagok acitc ka kitci nda8endaman kidji koki 8abaminagok! Kikitci min8endamiijim acitc kikitci ineniminom. Ka8in dac poni sogi teb8eta8akegon ka Tibendjigedj, kina8a ni8idji8aganag ka kitci ineniminagok.

Philippians 4:13 in Algonquin

13 Egi minijidj Jesos Christ macka8izi8ini, kakina kegon nikackiton.

Colossians 1:11 in Algonquin

11 Kije Manido mizi8e kiga macka8izickago8a, e minigo8eg omacka8izi8in ka kitci icpendag8anig, kidji gi kitci sogigaba8ieg apitc sanagendjigeieg, acitc kidji gi cacibendameg, e kitci modjigendameg.

Colossians 1:23 in Algonquin

23 Panima dac ega 8ikad ki ponito8eg kidji teb8etameg min8adjimo8in, tiegodj panima ki sogigaba8ieg, e ketcinamendameg e teb8emagag, ega 8ikad kidji 8ebinameg ii apenimo8in kagi odisigo8eg apitc ka nodameg min8adjimo8in. Mizi8ekamig ki 8idamagani8an ii min8adjimo8in, kakina a8iagog odji. Nin dac, Pon, nidanokita8a Kije Manido e paba tibadjimo8an ii min8adjimo8in.

Colossians 4:2 in Algonquin

2 Apanigotc aiamieok, kabe e pagaki mika8ieg, acitc mig8etc e inenimeg Kije Manido.

Colossians 4:12 in Algonquin

12 Epapanas (Épaphras) ke8in kidanamikago8a, 8in ka anokita8adjin Jesos Christan acitc kina8akag ka odjidj. Apanigotc kitci nak8i e aiamietamago8eg, e pagosenimadjin Kije Manidon kidji sogigaba8ieg, ega kegon kidji nodeseieg kiteb8etamo8ini8akag, acitc enigokodeeieg kidji teb8eta8eg Jesos, pijicig kidji todameg adi eji min8endag Kije Manido.

1 Thessalonians 3:8 in Algonquin

8 Mi mega maia tabickotc kagi minigo8ag ocki pimadizi8in ejinag8ag nogom, aja e kikendamag kiabadj e sogigaba8ieg e teb8eta8eg ka Tibendjigedj.

1 Thessalonians 5:6 in Algonquin

6 Ka8in sa dac taji nibakedan tabickotc kodagiag a8iagog, tiegodj eco8idan acitc nagadjiidizodan adi enakamigiziak.

2 Thessalonians 2:15 in Algonquin

15 Ii dac odji, nidjiki8enanag, sogigaba8iok kiteb8etamo8ini8akag acitc nosoneamok kakina nina8it kagi iji kikinoamago8eg, apitc ka aiamiigo8eg kek8an apitc ka ojibiamago8eg.

1 Timothy 6:12 in Algonquin

12 Kana8endan kiteb8etamo8in, e kitci k8ag8edjito8an adi epitcian kidji nosone8adj Jesos, tabickotc pimibato8aban ka iji k8ag8edjikandinani8ag. Midac kiga aian kagige pimadizi8in. Kigi inig mega Kije Manido kidji minikiban ii pimadizi8ini apitc kagi nd8e8emikiban. Kigi 8idamage dac e teb8eta8adiban Jesos ka iji kitci manenani8ag.

2 Timothy 2:1 in Algonquin

1 Nidabinodjijim ka ineniminan! Pagidin Jesos Christ kidji minik oca8endjige8in kidji gi macka8izian.

2 Timothy 2:3 in Algonquin

3 Tabickotc cimaganic ka iji migadinani8anig, eco8in kidji kodagito8an e nosone8adj Jesos Christ.

2 Timothy 4:5 in Algonquin

5 Kin dac, Timote, kabe nagadjiidizon. Cacibendan e kodagito8an. Kagik8en Kije Manido omin8adjimo8in. Kakina kijiton kimikimo8in Kije Manido kagi inanonik.

2 Timothy 4:7 in Algonquin

7 Adigotc epitcian nigi kitci k8ag8edjiton kidji anokita8ag Jesos, tabickotc iji pimibato8aban ka iji k8ag8edjikandinani8ag. Aja dac nogom nigi odjitcibato 8ek8aiak. Nigi kijiton Kije Manido omikimo8in kagi inanonijidj. 8e8enda nigi kana8endan ii ka iji teb8etamak.

Hebrews 11:32 in Algonquin

32 Adi dac kiabadj ke ikido8aban? Ka8in nigadapitcisi kidji mikomag8a Jedion (Gédéon), Barak, Samson, Jepita (Jefté), David, Samian (Samuel), acitc niganadjimo8innig.

1 Peter 4:7 in Algonquin

7 Aja peconag8an kakina kegon kidji ick8aseg. Nagadjiidizok dac enakamigizieg acitc iag8amendamok, kabe kidji ick8ataieg kidji aiamieieg.

1 Peter 5:8 in Algonquin

8 Nagadjiidizok enakamigizieg acitc iag8amenimidizok. Apanigotc iag8amig madji manido ka madjenimigo8eg. Mi mega maia tabickotc micibiji ka paba nodagozidj ejinagozidj, pijicig e nanada 8abamadjin a8ian kidji cagodjiadjin.

Revelation 3:2 in Algonquin

2 Kockoziok dac! Kitci cagozimagan mega kiteb8etamo8ini8a, k8ag8edjitaok dac kidji macka8izito8eg ab8amaci maiagotc nibomagag. Nigi 8abadan mega ega e ijitcigeieg kakina kagi inanonigo8eg Kije Manido.

Revelation 16:15 in Algonquin

15 Ka Tibendjigedj ikido: “Ndotamok, niga pija apitc ega piijieg, tabickotc kimodi8inni ka kimodji pijadj. Ca8endagozi aa8e ega ka nibadj e piijidj, acitc kijadj ka ijiodj, ega kidji paba moceckadedj kidji agazinagozidj apitc 8abamagani8idj.”