1 Corinthians 14:1 in Algonquin

1 Mikidamok kidji sagieg8a kidjipimadizimi8ag, acitc enigokodeeieg mosa8endamok kidji odisigo8eg kekina8a Mino Manido oca8endjige8inan, a8acamej dac mosa8endamok kidji ca8enimigo8eg kidji gi tibadjimo8eg Kije Manido odikido8in.

Other Translations

King James Version (KJV)

Follow after charity, and desire spiritual gifts, but rather that ye may prophesy.

American Standard Version (ASV)

Follow after love; yet desire earnestly spiritual `gifts', but rather that ye may prophesy.

Bible in Basic English (BBE)

Go after love; still desiring to have the things which the Spirit gives, but most of all that you may have the prophet's power.

Darby English Bible (DBY)

Follow after love, and be emulous of spiritual [manifestations], but rather that ye may prophesy.

World English Bible (WEB)

Follow after love, and earnestly desire spiritual gifts, but especially that you may prophesy.

Young's Literal Translation (YLT)

Pursue the love, and seek earnestly the spiritual things, and rather that ye may prophecy,

Cross Reference

Romans 9:30 in Algonquin

30 Mi oo 8a ikido8ag. Ega ka Coda8inni8i8adj ka8in ok8ag8edjitosina8aban kidji k8aiak8abamigo8adjin Kije Manidon. Misa8adj dac ogi k8aiak8abamigo8an, osa mega ogi teb8eta8a8an.

Romans 12:6 in Algonquin

6 Pepejig ka taciak pepakan kidaiananan ca8endjige8inan, Kije Manido kagi ca8enimigo8ak. Kida abadjitonananan dac ini ca8endjige8inan. Kicpin pejig a8iag ki iji ca8endagozidj kidji paba tibadjimodj Kije Manidon odikido8ini, kada paba tatibadjimo adi eji teb8etag.

Romans 14:19 in Algonquin

19 Pijicig dac kida k8ag8e mino 8idji8idimin pekadendamo8inikag, acitc kida k8ag8e 8idokodadimin, kakina pepejig ka taciak kidji gi sogigaba8iak kiteb8etamo8ininakag.

1 Corinthians 12:1 in Algonquin

1 Nidjiki8eg! Kiga mikodamonom ca8endjige8inan Mino Manido ka minadjin a8iagon. Ninada8endan 8e8enda kidji nisidotameg adi ejinag8agin ini ca8endjige8inan.

1 Corinthians 12:31 in Algonquin

31 Mosa8endamok dac enigokodeeieg Kije Manido kidji minigo8eg ma8adji ka kitci apitendag8anigin ca8endjige8inan. Nogom dac kiga 8abadaigom inadizi8in ma8adji ka kitci apitendag8ag.

1 Corinthians 13:13 in Algonquin

13 Midac nisidon kegonan kagige kidji tag8agin: teb8etamo8in, apenimo8in acitc sagii8e8in. Sagii8e8in dac ma8adji kitci apitendag8an.

1 Corinthians 14:3 in Algonquin

3 Aa dac a8iag ka tibadjimodj Kije Manidon odikido8ini, o8idjian o8idjipimadiziman, acitc dac okadjinija8an kidji sogideendjin acitc kidji sogigaba8indjin.

1 Corinthians 14:24 in Algonquin

24 Kicpin dac kakina e tacieg taji tibadjimo8eg Kije Manido odikido8in, apitc pi pidige8adj iima igi8e ega ka teb8etamo8adj acitc igi8e ega ka kikenimigo8eg adi ejitaieg, oga mamidonendana8a kakina ii8eni ka ikido8eg. “Nigi patadimin acitc niga odji tibakonigomin” kada inendamog dac.

1 Corinthians 14:37 in Algonquin

37 Kicpin a8iag inendag egi odisigodj Mino Manidon oca8endjige8ini, kek8an inendag egi ca8enimagani8idj kidji kackitodj kidji tibadjimodj Kije Manidon odikido8ini, inendagozi acitc kidji nisidotag mi ini ka Tibendjigendjin kagi onakonigendjin kidji ojibiam8ag.

1 Corinthians 14:39 in Algonquin

39 Nidjiki8eg! Enigokodeeieg dac mosa8endamok kidji ca8enimigo8eg kidji gi tibadjimo8eg Kije Manido odikido8in, acitc ka8in naganija8akegonig a8iagog ka pakanigij8e8adj.

1 Corinthians 16:14 in Algonquin

14 Adigotc ejitaieg, sagiidiok kakina pepejig e tacieg.

Ephesians 1:3 in Algonquin

3 Icpenimadan Kije Manido, 8in Jesos Christ ka Tibeniminak Odadaman. Kigi ca8enimigonan mega, e minigo8ak kakinagotc kegoni 8ak8ig ka odjimaganigin ka iji nda8endamakonin kidji gi anokita8aiak, egi iji mama8iseiak Jesos Christikag.

1 Thessalonians 5:20 in Algonquin

20 Ka8in manendakegon adi ka ikido8adj igi8e ka paba tibadjimo8adj Kije Manidon odikido8ini.

1 Timothy 4:14 in Algonquin

14 Kitci 8e8enda kida kana8endan oca8endjige8in Kije Manido ka minik. Igi8e ka niganizi8adj ka iji teb8etamindjin kigi saminigog, e pagosenima8adjin Kije Manidon kidji ca8enimik kidji gi odji mino anokita8adj. Ii apitc, ki tibadjimonani8an Kije Manido egi minikiban ii ca8endjige8ini.

1 Timothy 5:10 in Algonquin

10 Panima acitc kidji kikenimagani8idj 8e8enda egi mino ijitcigedj, 8e8enda egi obigiadjin odabinodjijiman, 8e8enda egi toda8adjin pi8iden, egi anokita8adjin Kije Manidon odanicinabemini e kizisibadjizidenadjin, egi 8idoka8adjin a8iagon ka sanagendjigendjin, acitc apanigotc egi ick8atadj kidji mino todag.

1 Timothy 6:11 in Algonquin

11 Kin dac Timote, kidanokita8a Kije Manido. 8imackan dac kakina ini8e madji kegonan. K8ag8edjiton kidji k8aiak8adizian, 8e8enda kidji anokita8adj Kije Manido, kidji sogi teb8etaman, kidji sagii8ean, kidji cacibendaman, acitc kidji nokideean.

2 Timothy 2:22 in Algonquin

22 Ka8in todakenin madji kegonan ka ocki pimadizi8adj ka mosa8endamo8adj kidji todamo8adjin. Tiegodj, kida kitci k8ag8edjiton kidji k8aiak8adizian, kidji sogi teb8eta8adj Jesos, kidji sagiad8a kodagiag a8iagog, acitc pekadendamo8inikag kidji iji mino 8idji8ad8a igi8e a8iagog ka minodee8adj acitc ka aiamita8a8adjin ka Tibendjigendjin.

Hebrews 12:14 in Algonquin

14 Kitci nak8iok 8e8enda kidji mino 8idji pimadizimeg8a kakina a8iagog, acitc kidji ani paiekideeieg. Kicpin mega ega paiekideedj a8iag, ka8in oga 8abamasin ka Tibendjigendjin.

1 Peter 3:11 in Algonquin

11 Panima ki ponitodj kidji madjakamigizidj, tiegodj kidji mino ijitcigedj. Pijicig oga nanada8i todan kidji mino 8idji8adjin kodagian a8iagon pekadendamo8inikag.

2 Peter 1:7 in Algonquin

7 Kitci nak8iok kina8a ka teb8etameg kidji ani mino 8idji8idieg kakina pepejig e tacieg, tabickotc maia 8idjiki8emidiegoban, acitc kitci nak8iok kakina a8iagog kidji ani sagieg8a.

3 John 1:11 in Algonquin

11 Ni8idji8agan ka kitci sagiinan! Ka8in kagikina8abamakenig igi8e ka madji inadizi8adj, tiegodj kagikina8abamik igi8e ka mino inadizi8adj. Aa8e k8aiak ka nta inakamigizidj, Kije Manido ini odabinodjijiman. Aa8e dac ega k8aiak ka inakamigizidj, ka8in okikenimasi8an Kije Manidon.