1 Corinthians 12:12 in Algonquin

12 Pepakan iji papakeani pejig a8iag o8ia8, anic dac pejig eta odaian a8iag 8ia8ini. Ii dac pejig 8ia8, mane8aiag iji papakea. Mi tabickotc ejinagoziak kina8it Jesos Christikag ka iji mama8iseiak.

Other Translations

King James Version (KJV)

For as the body is one, and hath many members, and all the members of that one body, being many, are one body: so also is Christ.

American Standard Version (ASV)

For as the body is one, and hath many members, and all the members of the body, being many, are one body; so also is Christ.

Bible in Basic English (BBE)

For as the body is one, and has a number of parts, and all the parts make one body, so is Christ.

Darby English Bible (DBY)

For even as the body is one and has many members, but all the members of the body, being many, are one body, so also [is] the Christ.

World English Bible (WEB)

For as the body is one, and has many members, and all the members of the body, being many, are one body; so also is Christ.

Young's Literal Translation (YLT)

For, even as the body is one, and hath many members, and all the members of the one body, being many, are one body, so also `is' the Christ,

Cross Reference

Romans 12:4 in Algonquin

4 Motci pejig8ani eta a8iag o8ia8, pekic dac mane8aiag iji papakeani. Kakina dac ini pepejig ka iji papakezidj a8iag o8ia8ikag pepakan inabadani.

1 Corinthians 10:17 in Algonquin

17 Motci pejigo eta aa pak8ejigan. Misa8adj dac e maneiak, kimama8inomin apitc am8aiak aa ka pejigodj pak8ejigan.

1 Corinthians 12:27 in Algonquin

27 Mi oo8e 8a 8abadainagok. Jesos Christ o8ia8 kidijinagozim, acitc kakina pepejig ka tacieg o8ia8ikag kidiji tibendagozim.

Galatians 3:16 in Algonquin

16 Mi pejig8an, ka8in adjisesini8an Kije Manido onakomo8inan. Kije Manido ogi inan Abanaaman kidji ca8enimadjin, 8in acitc pejig ini8e 8inikag ke pi odaiagizindjin. Ka8in dac mazinadesinon Kije Manido Omazinaiganikag: “Kiga ca8eniminom kin acitc igi a8iagog kinikag ke pi odaiagizi8adj.” Ka8in mane a8iagon 8inikag ke pi odaiagizindjin mikomagani8isi8an. Tiegodj mazinadeni oo8e: “Kiga ca8eniminom kin acitc aa a8iag kinikag ke pi odaiagizidj.” Pejig eta 8inikag ke pi odaiagizindjin mikomagani8i8an. Jesos Christ dac aa ka mikomagani8idj.

Ephesians 1:23 in Algonquin

23 Igi8e ka teb8etamo8adj ka ma8adjiidi8adj kidji aiamie8adj tabickotc Jesos o8ia8 ijinagozi8ag. Apanigotc Jesos opidigecka8an ka teb8etamindjin, tabickotc 8in kabe ka kigickagodjin Kije Manidon.

Ephesians 4:4 in Algonquin

4 Kakina a8iagog ka teb8eta8a8adjin Jesosan, mi maia tabickotc Jesosan o8ia8ini e ijinagozi8adj ma8asag. Motci pejig8ani dac o8ia8, pejigo eta Mino Manido, acitc pejig8an eta apenimo8in, Kije Manido kagi odji nd8e8emigo8eg.

Ephesians 4:12 in Algonquin

12 Jesos ki migi8e ini ca8endjige8inan kidji gi kackitondjin Kije Manidon odanicinabemini kidji anokitagendjin, midac kakina ka teb8etamindjin, mi maia tabickotc Jesos Christ o8ia8 ka ijinagozindjin, kidji gi odji 8idoka8agani8indjin kidji sogigaba8indjin oteb8etamo8inikag.

Ephesians 4:15 in Algonquin

15 Tiegodj, kiga tibadjimomin teb8e8ini Kije Manido kagi iji kikendamonigo8ak, apanigotc e 8abadaidiak e sagiidiak. Midac kidji madjigiak kiteb8etamo8ininakag, tabickotc Jesos Christ kidji ani ijinagoziak, 8in ka niganizidj kakina a8iagon ka teb8etagodjin.

Ephesians 5:23 in Algonquin

23 Ka o8idigemaganidj mega nigani acitc okana8eniman okokomiman, mi pejig8an 8in Jesos e niganidj acitc e kana8enimadjin kakina a8iagon ka teb8etagodjin. Kakina ka teb8etagodjin tabickotc o8ia8 ijinagozi8an, 8in dac ogi ag8aciman.

Ephesians 5:30 in Algonquin

30 Kakina dac kina8it, tabickotc Jesos o8ia8 kidijinagozimin.

Colossians 1:18 in Algonquin

18 8in nigani kakina Kije Manidon odanicinabeminikag, ka ma8adjiidindjin kidji aiamiendjin, tabickotc Jesos o8ia8 ka ijinagozindjin. 8inikag odjimagani pimadizi8ini, acitc 8in nitam ki abidjiba nibo8inikag, apanigotc 8in ma8adji kidji apitendagozidj.

Colossians 1:24 in Algonquin

24 Nogom dac nimin8endan e kodagito8an kina8a odji. Tabickotc pejig8an Jesos Christ kagi iji kodagitopan, mi eji kodagito8an nogom nia8ikag, kidji gi kijito8an ii mikimo8in kagi majikagiban Jesos Christ apitc ka kodagitodj, kidji gi 8idoka8ag8a igi a8iagog ka teb8etamo8adj ka ma8adjiidi8adj kidji aiamie8adj, tabickotc Jesos o8ia8 ka ijinagozi8adj.

Colossians 2:19 in Algonquin

19 Ka8in aja Jesos Christikag iji tibendagozisi8ag, 8in ka niganizidj kakina Kije Manidon odanicinabeminikag. Mi maia pejig8an Jesos iji octig8anidj, iji o8ia8i8agedj dac ini ka teb8etamindjin. Octig8anikag dac odjimagan kakina kegoni ka iji nda8endamomagag 8ia8, kidji mino pimadizimagagin kakina adi eji papakeag 8ia8 acitc 8e8enda kidji mino mama8igokegin, acitc kidji ani minogig 8ia8, adi eji nda8endag Kije Manido.

Colossians 3:15 in Algonquin

15 Pagidinamok Jesos Christ opekadendamo8in kidji tibendagin kimamidonendamo8ini8an. Kije Manido mega kigi nd8e8emigo8a kidji mama8ino8eg kakina ka tacieg, tabickotc pejig a8iag o8ia8 kidji apitendagozieg, kidji gi aiameg pekadendamo8in. Apanigotc dac mig8etc inendamok Kije Manido kagi mino todago8eg odji.