1 Corinthians 10:13 in Algonquin 13 Kakinagotc ka iji 8ik8adjiigo8eg kidji patadieg, mi iidi ako eji 8ik8adjiagani8i8adj kidji patadi8adj kakina a8iagog ooma akikag. Kije Manido dac 8in, kiga 8idjiigo8a kagi ikidopan. Ka8in a8acamej kiga pagidinamagosi8a kidji 8ik8adjiigo8eg kidji patadieg apitc8in inigik ke iji kackito8eg kidji sogigaba8ieg. Apitc dac ako odji 8ik8adjiigo8eg kidji patadieg, omacka8izi8in kiga minigo8a kidji gi sogigaba8ieg, ega dac kidji pagicinieg.
Other Translations King James Version (KJV) There hath no temptation taken you but such as is common to man: but God is faithful, who will not suffer you to be tempted above that ye are able; but will with the temptation also make a way to escape, that ye may be able to bear it.
American Standard Version (ASV) There hath no temptation taken you but such as man can bear: but God is faithful, who will not suffer you to be tempted above that ye are able; but will with the temptation make also the way of escape, that ye may be able to endure it.
Bible in Basic English (BBE) You have been put to no test but such as is common to man: and God is true, who will not let any test come on you which you are not able to undergo; but he will make with the test a way out of it, so that you may be able to go through it.
Darby English Bible (DBY) No temptation has taken you but such as is according to man's nature; and God is faithful, who will not suffer you to be tempted above what ye are able [to bear], but will with the temptation make the issue also, so that [ye] should be able to bear [it].
World English Bible (WEB) No temptation has taken you except what is common to man. God is faithful, who will not allow you to be tempted above what you are able, but will with the temptation also make the way of escape, that you may be able to endure it.
Young's Literal Translation (YLT) No temptation hath taken you -- except human; and God is faithful, who will not suffer you to be tempted above what ye are able, but He will make, with the temptation, also the outlet, for your being able to bear `it'.
Cross Reference Matthew 24:21 in Algonquin 21 Ii mega apitc, na8adj kada kitci sogendag8an kodagito8in apitc8in kakina kodagian ka pi tag8agin, ka ako madji tag8ag aki pinici nogom, acitc ka8in mina8adj 8ikad pejig8an kada iji8ebasinon.
Luke 11:4 in Algonquin 4 Kasiamaocinam ka iji patadiag, tabickotc acitc ka iji ponenimagid8a igi8e kagi madji todago8ag. Ka8in pagidenimi8eken kidji pakebinigo8ag.”
Luke 16:26 in Algonquin 26 Acitc dac kitci kickanabika nina8it ka teiag acitc kina8a ka teieg. Kicpin dac a8iag 8i nda 8abamigo8eg ooma e odosedj, ka8in oga kackitosin, acitc kicpin a8iag 8i pi nazikago8ag, ka8in oga kackitosin.’ ”
Luke 22:31 in Algonquin 31 “Simo, ndotan! Madji manido ki k8ag8ed8e kidji gi kitci mimigobaniigo8eg, tabickotc ako ka kitci mimigobaniagani8i8adj anominag kidji nenicikebaniagani8i8adj anominatigokag.
Luke 22:46 in Algonquin 46 Ogi inan dac: “8egonen 8edji nibaieg? 8anickaok acitc aiamieok kidji macka8izieg, ega kidji gi pakebinigo8eg madji manido.”
John 10:28 in Algonquin 28 Niminag kagige pimadizi8ini. Ka8in dac 8ikad kada 8anicisi8ag acitc ka8in a8iag niga pi nda makamigosi ini8e.
Acts 27:44 in Algonquin 44 Mina8adj dac, kodagiag ke8ina8a ki pakobig8ackoni8ag. Nandam nabagisagon ogi abadjia8an kidji mockidjino8adj, nandam dac ogi abadjitona8an ka odji pi8isenig kitci tcimani. Midac oo kagi odji kackito8ag kakina kidji gi odji nadagameadageiag, ega egi nigodiag.
Romans 8:28 in Algonquin 28 Adigotc eji8ebizi8adj, kikikendananan Kije Manido kidji mino toda8adjin ini8e ka sagiigodjin, kagi onenimadjin kidji nd8e8emadjin.
1 Corinthians 1:9 in Algonquin 9 8in tibina8e Kije Manido kigi nd8e8emigo8a kidji mama8iseieg Jesos Christikag Og8izisan ka Tibeniminak. Apanigotc dac ijitcige ka ikidodj kidji todag.
2 Corinthians 1:10 in Algonquin 10 Nigi nagadjiigonan dac Kije Manido, misa8adj e inendamagiban aja pecodj kidji nibo8ag. Acitc kiabadj nogom ninagadjiigonan. Acitc niketcinamendananan apanigotc kidji nagadjiigo8ag, adigotc iji8ebiziag.
2 Corinthians 11:23 in Algonquin 23 Odanokita8a8an na Jesos Christan? Na8adj nin nidanokita8adok apitc8in 8ina8a. Teb8e niki8ack8e e inadjimidizo8an iidi! Na8adj nin nigi macka8i mikimonadok apitc8in 8ina8a. Na8adj mane8inaj nin nigi takonigonadok apitc8in 8ina8a. Na8adj nin nigi papajacteogonadok apitc8in 8ina8a. Na8adj mane8inaj nin nigi nanizanizinadok kidji nibo8an apitc8in 8ina8a.
2 Corinthians 12:8 in Algonquin 8 Nisinanaj dac nigi aiamita8a ka Tibendjigedj e pagosenimag kidji manibidodj ii kodagito8ini.
Ephesians 6:12 in Algonquin 12 Ka8in mega a8iagog ka taji miganaiakonig. Tiegodj, kimigananag kakina madji manidog, e madji ogima8i8adj acitc e kacka8i8adj acitc e macka8izi8adj ooma akig ka iji kacki tibikanig.
1 Thessalonians 5:24 in Algonquin 24 Kakina ii oga todan Kije Manido, 8in ka nd8e8emigo8eg. Teb8eiendagozi mega.
2 Thessalonians 3:3 in Algonquin 3 Ka Tibendjigedj dac 8in teb8eiendagozi. Kiga sogideeckago8a dac acitc kiga nagadjiigo8a ega kegoni kidji gi todago8eg madji manido.
2 Timothy 2:11 in Algonquin 11 Teb8emaganon ono8e ikido8inan: Kicpin Jesos 8idji nibomaiak, kiga 8idji pimadizimanan.
2 Timothy 4:18 in Algonquin 18 Nikikendan dac Kije Manido kidji nagadjiijidj, tasin 8i madji todago8an. Niga pidigeig Odogima8i8inikag 8edi 8ak8ig, ega kidji nigodi8ag. Kagige kada icpenimagani8i! Amen.
Hebrews 6:18 in Algonquin 18 Apitc ako Kije Manido ikidodj kidji todag kegoni acitc 8in tibina8e mikomidizodj kidji kikendamoni8edj adi epitci teb8edj, ka8in 8ikad kadagi kagina8ickisi, acitc ka8in 8ikad kadagi adjisesini adi kagi ikidodj. Iidi dac odji, kina8it kagi a8i nazika8aiak kidji gi nagadjiigo8ak, kikitci sogideeckagonan ega kidji pagidji8ebinamak ii apenimo8ini ka 8i minigo8ak Kije Manido.
Hebrews 10:23 in Algonquin 23 Ka8in dac ana8endjigekedan kidji apanigotc sogi apacenimo8ageiak Kije Manido, tabickotc ako ka iji tibadjimo8ak. Kije Manido mega kigi igonan kidji ca8enimigo8ak, acitc apanigotc oga todan adi ekidodj.
Hebrews 11:11 in Algonquin 11 Sara, Abanaam okokomiman, ke8in oteb8eta8abanin Kije Manidon. Kitci ozami keteadizibanig 8in acitc ocomisiman kidji gi odabinodjijimi8apan. Misa8adj dac kitci ketcinamendamoban kidji todamindjin Kije Manidon adi ka ikidondjin kidji todamindjin, acitc dac oteb8etamo8in odji, ki ani kigicka8aso.
Hebrews 11:35 in Algonquin 35 Ik8e8ag acitc ogi teb8eta8a8an Kije Manidon. Ii dac odji, ogi koki 8idji8a8an otcina8emagani8an kagi abidjibandjin nibo8inikag. Tebanig nandam a8iagog kagi kitci nanekadjiagani8i8apan pinici kidji nibo8adj. Ka8in ododji nda8endasina8a kidji pagidinagani8i8adj, opitona8aban mega na8adj e min8acinig pimadizi8ini ick8a abidjibaigo8adjin Kije Manidon.
Hebrews 12:4 in Algonquin 4 Kitaji nanak8itana8a patado8in, ka8in dac maci kidodji nisigosim ii odji.
James 5:10 in Algonquin 10 Nidjiki8eg! Mamik8enimikog niganadjimo8innig kagi minigo8apanin ka Tibendjigendjin kidji mikoma8adjin. Mi kekina8a k8ag8e kagikina8abamikog adi egi iji cibendamo8adj meg8adj e kodagito8agobanen.
1 Peter 1:5 in Algonquin 5 E teb8eta8eg Kije Manido, omacka8izi8in kidodji kana8enimigo8a pinici kidji odjitcisenig kidji ag8acimigo8eg. Apitc dac ani peconag8ag kidji ponaki8ag, kada nag8ani adi ke iji ag8acimi8edj.
1 Peter 4:19 in Algonquin 19 Midac igi8e ka kodagito8adj e todamo8adj Kije Manidon eji nda8endamindjin, inendagozi8ag apanigotc kidji mino todamo8adj acitc kidji apacenimo8adj 8inikag kagi kijenimigo8adjin, apanigotc ka todamindjin kagi ikidondjin.
1 Peter 5:8 in Algonquin 8 Nagadjiidizok enakamigizieg acitc iag8amenimidizok. Apanigotc iag8amig madji manido ka madjenimigo8eg. Mi mega maia tabickotc micibiji ka paba nodagozidj ejinagozidj, pijicig e nanada 8abamadjin a8ian kidji cagodjiadjin.
2 Peter 2:9 in Algonquin 9 Kidodji kikendananan dac ketcinadj ka Tibendjigedj kidji 8idjiadjin apitc kodagitondjin ini8e ka ndotagodjin, acitc ketcinadj kidji pajacte8adjin madji a8iagon apitc odjitcisenig kidji tibakonigedj.
1 John 1:9 in Algonquin 9 Anic dac kicpin 8idama8aiak Kije Manido egi patadiak, kiga kasiamagonan ka iji patadiak acitc kiga paiekideeigonan. 8in mega teb8eiendagozi acitc kabe k8aiak inakamigizi.
Revelation 2:10 in Algonquin 10 Aja pecodj kiga kodagitom, anic dac ka8in segizikegon. Madji manido oga kiba8an kibaodimigi8amikag nandam ka tacieg, kidji nda kikenimigo8eg epitci teb8eta8eg8en kek8an ka8in. Midasogon inigik kiga nanekadjiigom. Misa8adj odji nisigo8eg, ka8in poni teb8etaojikegon. Mi panima iidi ke odji ca8eniminagok kagige pimadizi8in. Mi tabickotc sizok8epizon kagi kackitamadizo8eg ke ijinagozieg.
Revelation 3:10 in Algonquin 10 Kina8a dac, kigi ndotaojim. Kigi cacibendana8a apitc e kodagito8eg. Kakina pepejig a8iag ooma akikag kada kodagito, kidji nag8anig kicpin maiagotc epitci teb8etaojidj kek8an ka8in. Ii dac apitc, kiga nagadjiinom.
Revelation 19:11 in Algonquin 11 Kegapitc nigi 8abadan 8ak8ig e ceteg, acitc pebejigogack8e ki odji nagozi. Aa8e dac ka 8agidabidj “Ka teb8eiendagozidj” ijinikazo acitc “Ka teb8edj.” K8aiak otibakonan a8iagon, acitc ka iji migadinani8anig ija, teb8e8ini kidji gi kikendjigadenig.