Matthew 20:34 in Akateko

34 Catu' jix ok' can sc'ul Jesús yin eb. Jix yaon oc sk'ab naj yiban sbak' sat eb. Jix jajcha can sat eb yet jun txolan tu' yu naj. Jix lawi tu' xin, jix tzajlo eb yintaj Jesús.

Other Translations

King James Version (KJV)

So Jesus had compassion on them, and touched their eyes: and immediately their eyes received sight, and they followed him.

American Standard Version (ASV)

And Jesus, being moved with compassion, touched their eyes; and straightway they received their sight, and followed him.

Bible in Basic English (BBE)

And Jesus, being moved with pity, put his fingers on their eyes: and straight away they were able to see, and went after him.

Darby English Bible (DBY)

And Jesus, moved with compassion, touched their eyes; and immediately their eyes had sight restored to them, and they followed him.

World English Bible (WEB)

Jesus, being moved with compassion, touched their eyes; and immediately their eyes received their sight, and they followed him.

Young's Literal Translation (YLT)

and having been moved with compassion, Jesus touched their eyes, and immediately their eyes received sight, and they followed him.

Cross Reference

Matthew 8:15 in Akateko

15 Catu' jix oc mitx'an Jesús tu' yin sk'ab ix, ja' yet tu', catu' jix el jun k'ak'al ya'bil tu' yin ix, catu' jix a waan ix, catu' jix c'oli yak'le servil eb yu ix.

Matthew 9:29 in Akateko

29 Catu' jix sbatxban oc sk'ab naj yin sbak' sat eb tu', catu' jix yalon tet eb jaxca ti': —Yutol jix je yaoc yin je c'ul, yuxan, yun ojab tzet jix je yaoc yin je c'ul tu', ẍi Jesús tet eb.

Matthew 9:36 in Akateko

36 Ja' yet jix yilon eb ánima naj Jesús, jix cus a sc'ul naj yin eb. Yutol laan yili eb jaxca junoj bulan no' me' c'am yilomal. Ey oc eb yin som c'ulal c'al yin sya'tajilal jix yil naj.

Matthew 14:14 in Akateko

14 Ja' yet jix eltej Jesús yul barco tu' xin, jix yilon jun miman bulan ánima ey xa ec' titu'. Jix ok' sc'ul naj yin eb, catu' jix yak'on can wa'xoj sc'ul eb ya' ey eb i'bil oc oj.

Matthew 15:32 in Akateko

32 Jix yawtetej eb scuywom Jesús, catu' jix yalon tet eb jaxca ti': —Caw chi ok' jin c'ul yin wan ánima ti' an, yutol oxeb xa c'ual ey c'al ec' eb ketoj titi'. Ja' tinani', c'am xa tzet chi slo' eb. C'am chi woche chin chej pax eb bey sna ta c'am chi low eb chi to eb. Ey smey chi pax yip eb yul-laj be, ẍi Jesús tet eb.

Mark 7:33 in Akateko

33 Catu' jix yi'on el naj txojli xol ánima tu'. Jix yaon octoj jun yiximal sk'ab naj yul jun jun xiquin naj. Jix lawi jun tu' xin, catu' jix tz'uben Jesús yin sk'ab, catu' jix yaon oc yin yak' naj.

Luke 7:13 in Akateko

13 Ja' yet jix yilon oc naj Kaawil yin ix txutxe tu', jix ok' sc'ul naj yin ix. —Manchej jaach ok'i, ẍi Jesús tet ix.

Luke 18:43 in Akateko

43 Ja' yet jun txolan tu', jix jajcha sat naj, jix yilon naj. Yuxan jix oc tzajan naj yintaj Jesús. Jix yalon watx' k'ane naj tet Dios. Yetoj pax masanil eb jix ilon jun tu', jix yal watx' k'ane eb tet Dios.

Luke 22:51 in Akateko

51 Jix yalon Jesús tet eb scuywom tu' jaxca ti': —Bej wej, manchej je yute jaxca tu', ẍi tet eb. Catu' jix to mitx'an yin xiquin naj tu'. Jix oc can yu junel xa.

John 9:6 in Akateko

6 Jix lawi yalon wan ti', catu' jix tz'ubli ey sat tx'otx' tu'. Catu' jix swa'nen nian sok'om yetoj s'ub tu'. Catu' jix yaon oc yin sbak'sat naj c'am chi ske' yilwi tu'.

John 11:33 in Akateko

33 Ja' yet jix yilon Jesús tol chi ok' ix, catu' chi ok' pax eb a Judea jix tzajlo yintaj ix tu', catu' jix cus pax a naj yetoj eb sic'lebil.

Acts 26:18 in Akateko

18 Chach jin chejtoj bey eb, yu to ja wak'on can sna'bal eb, yet watx' chi sbej can sbeybalnen k'ej k'inal eb, catu' chi oc eb yin saj k'inalil yet Dios. C'al yu yel can eb yul sk'ab diablo, catu' chi oc can eb yul sk'ab Dios. Yu pax jin yaon oc eb yin sc'ul, yet watx' chi ak'le can lawoj spenail eb yiban. Catu' oj oc can eb s'ajil oj eb ocnaj xa yetoj Dios tu',” ẍi Jesús e in an.

Hebrews 2:17 in Akateko

17 Yu ton jun ti' xin, yuxan sowalil jix yi' smimanil naj jaxca eb yuẍtaj naj. Yu yoc naj Yaawil oj yak'omal xaambal tet Dios yu eb ánima. Jun chi ok' sc'ul yin eb, catu' jichan chi yute sbeybal yin smulnail. Ja' naj jix yak' cam sba yin xaambalil yu yel can spenail eb ánima.

Hebrews 4:15 in Akateko

15 Kotaj, tol chi ok' sc'ul naj yaawil yak'omal cu xaambal kin yutol c'am kip, yutol jix ak'le porobal naj yin masanil jaxca jaonti', pero c'am junel oj jix oc spenail naj.

1 Peter 3:8 in Akateko

8 Yetoj pax oj, chi waltoj jun xa ti' e ex an, jun laan ojab che yute je na'bal je masanil. Ta tol ey eb chi cusi, colwan nej yin eb. Che cam c'ulnele wej je ba, yutol je yuẍtaj je ba, je yanab je ba. Ok' ojab je c'ul je yin jun jun jex. Yeynajil ánima c'al che yute je ba jun jun jex.