Hebrews 7:16 in Achi

16 Ma ri Jesús na xuꞌan ta aj chacunel pa Rocho Dios jelaꞌ pachaꞌ ri cubiꞌij ri takanic re ri Tzij Pixab; ma chupa waꞌ cakꞌalajin wi xew ri e ralcꞌoꞌal can ri Leví quecojic e aj chacunel pa Rocho Dios, noꞌj Rire xcojic ruma ruchukꞌab rucꞌaslemal na jinta casachaw uwach.

Other Translations

King James Version (KJV)

Who is made, not after the law of a carnal commandment, but after the power of an endless life.

American Standard Version (ASV)

who hath been made, not after the law of a carnal commandment, but after the power of an endless life:

Bible in Basic English (BBE)

That is to say, not made by a law based on the flesh, but by the power of a life without end:

Darby English Bible (DBY)

who has been constituted not according to law of fleshly commandment, but according to power of indissoluble life.

World English Bible (WEB)

who has been made, not after the law of a fleshly commandment, but after the power of an endless life:

Young's Literal Translation (YLT)

who came not according to the law of a fleshly command, but according to the power of an endless life,

Cross Reference

Galatians 4:3 in Achi

3 Jecꞌulaꞌ kacꞌulumam riꞌoj ojertan, e pachaꞌ oj acꞌalab cꞌa oj cꞌo pukꞌab ri takanic cojotal che ruwachulew.

Galatians 4:9 in Achi

9 Ecꞌu woꞌora etaꞌam chi alak uwach ri Dios, o ri más jusucꞌ ubiꞌxiquil e “ralak etaꞌmatal chi wach alak ruma ri Dios”. ¿Saꞌ cꞌu ube riꞌ caya tanchi ib alak chuxeꞌ tak ri takanic na il ta uwach y na jinta uchac?

Colossians 2:14 in Achi

14 xresaj cꞌu ri kꞌatbal tzij ukꞌatom chi pakawiꞌ ruma ri kamac y xusach uwach waꞌ ruma rucamic ri Cristo chwa ri cruz.

Colossians 2:20 in Achi

20 Ma we ralak xcam alak rucꞌ ri Cristo, waꞌ queꞌelawi na jinta chi alak chuxeꞌ ri takanic xa noꞌjital che ruwachulew. Cantzꞌonoj cꞌu che alak: ¿Chaꞌtaj cꞌa cabin alak pachaꞌ quebin ri e re ruwachulew y caya cꞌu ib alak pukꞌab ri takanic jewaꞌ cubiꞌij:

Hebrews 7:3 in Achi

3 Na jinta xetaꞌmax paquiwi ruchu-ukaw o paquiwi ri ratz-uchakꞌ ri Melquisedec; y na jinta ne xetaꞌmax puwi ri jekebal re o ri qꞌuisbal re rucꞌaslem. Na jinta cꞌu utakexic rire e aj chacunel chwach ri Dios jelaꞌ pachaꞌ Rucꞌajol ri Dios.

Hebrews 7:17 in Achi

17 Ma jewaꞌ cubiꞌij ri Dios chwi Rire: Riꞌat na jinta utakexic catcꞌojiꞌic at waj chac, ri catchꞌaw paquiwi ri ticawex chinuwach Riꞌin jelaꞌ pachaꞌ ri Melquisedec cachaꞌ.

Hebrews 7:21 in Achi

21 Ma ri jujun chic aj chacunel pa Rocho Dios xa e cojotalic y na jinta cꞌo xjiquibax uwach chique. Noꞌj chwi ri Jesús lic cꞌo jiquibam uwach, ma chupa Ruchꞌaꞌtem ri Dios, jewaꞌ cubiꞌij: Ri Dios lic xujiquibaꞌ uwach ri xubiꞌij, y na cujecꞌ ta cꞌana rib che waꞌ wa xubiꞌij: “Riꞌat na jinta utakexic catcꞌojiꞌic at waj chac, ri catchꞌaw paquiwi ri ticawex chinuwach Riꞌin jelaꞌ pachaꞌ ri Melquisedec.”

Hebrews 7:24 in Achi

24 Noꞌj ri Jesús ruma na jinta utakexic rucꞌaslemal, na jinta cꞌu utakexic ri chac cuꞌano re cachꞌaw pakawiꞌ chwach ri Dios.

Hebrews 7:28 in Achi

28 Ecꞌu ri takanic re ojertan catakan che cacoj cajawal raj chacunel pa Rocho Dios. Yey tak wa cajawal xa e achijab y ruma riꞌ na caquichꞌij ta uꞌanic ronoje Rutzij Upixab ri Dios. Noꞌj woꞌora ri Dios xujiquibaꞌ uwach, Rucꞌajol e Kajawal cachꞌaw lo pakawiꞌ yey na jinta cꞌu utakexic xew Rire cuꞌan chi jusucꞌ y tzꞌakat janipa ri uyaꞌom ri Dios pukꞌab.

Hebrews 9:9 in Achi

9 Ronoje waꞌ e jun cꞌutubal chike riꞌoj wakꞌij ora, ri kasaꞌn y rawaj ecamisam chwa raltar na cuꞌan ta jusucꞌ che ri quibinic quisilabic ri quelokꞌniman ri Dios rucꞌ waꞌ; ma tob caquiꞌan riꞌ, cꞌa caquinaꞌ chiquicꞌuꞌx cꞌo quimac.

Hebrews 10:1 in Achi

1 Ri takanic xuya ri Dios che ri Moisés na e ta ri sakil beyomalil cayaꞌiꞌ chikawach apanok, ma xa e ucꞌaxwach. Yey wa takanic na jinta uchukꞌab re cuꞌan chom che ri canimaꞌ ri ticawex, ri caquicoj quib chwach ri Dios cuma rawaj ecamisam chwa raltar chujujunal junab.

Revelation 1:18 in Achi

18 In ri xex in cꞌo wi, In ri xincamic, pero woꞌora na jinta chi utakexic ri nucꞌaslemal. Panukꞌab Riꞌin cꞌo wi ri camic y panukꞌab cꞌo wi quebenucꞌastajisaj lo ri ecaminak.